عنوان الموضوع : مللي من زوجي وبيتي؟
مقدم من طرف منتديات نساء الجزائر

مللي من زوجي وبيتي؟



السلام عليكم ورحمة الله وبركاته
كيفكم ياصبايااااااااا الصراحة وحشتوني مرررررررة
انا في الشهرين اللي راحت انقطعت عنكم والمشكلة هي انو:

بدات اني صرت اكره وامل واقرف من زوجي مع انو لي سنتين ونص متزوجة وعندي ولد عمرو سنة
بس بدات احس اني مافي اي جديد في حياتنا كلها رووووتين وكل مااجي اغير واكسر الروتين مع زوجي الاقي منو كل الصدود
يعني مثلا اطلب منو نروح نبات ليلة في فندق ويكون اليوم كلو لي ولو بس يقلي بيتنا اولى بالفلوس اللي بنصرفها في الفندق او اطلب منو نرح مكة او المدينة نقعد كم يوم جنب الحرم ونخلي ولدي عند اهلو يقلي انا مااستغنى عن ولدي ولا ليلة اقلو نغير مكان غرفتنا ونام في غرفة تاني يقلي انا مااحب اغير مكان نومي يعني صادد كل محاولات التجديد وكسر الروتين ولو رحت عند اهلي لااااازم ينكد عليا الييين قبل كم يوم في رمضان كنت بتكلم معاه وسمعني غلط وماركز في كلامي قام عصب وسبني وبعديييين لما فهمتو ايش قلت قام كدبني ويقلي انتي كدابة ماقلتي كدا
المهم لما رحنا الطايف عند اهلي جلسن الخميس والجمعة على اساس في الليل نرجع جدة فهو بعد ماصلى الجمعة قفل جوالو ولا رد علي الين بعد ساعتين من الصلاة فتح الجوال وقالي انا راجع البيت بعد العصر وانا افكاري تودي وتجيب كنت خايفة عليييية موت وهو ولا على بالو المهم لمارجع ورقد وقام فطرنا عند بيت جدتو ورجعنا عند اهلي وقالي الساعة 2في الليل نمشي وانا في قمة الغضب قلتلو انا مالي رجعة معاك المهم جلس يهدد ويتوعد ادا مارجعت معاه راح يسحبني من شعري ومن دا الكلام الفاضي اللي يقولو الرجال المهم انا رضيت ارجع لانو ماما جلست تقنع فيا وهو الصراحة حاول يتوددلي ويبغى يصالحني .....
بس انا صرت مااحبو واتحسر مليون مرة في اليوم لاني اتزوجت واتزوجتو هو بالدات لانو بليد المشااااعر مايحس بيا ابدا
حتى في المعاشرة صارت كانها واجب بيسوي ويقوم مافي اي مداعبة بعدها
صرت افرح لما يطلع من البيت ويروح عند اهلو ويطول بالساعات ولا يجلس على الجهاز والاب توب ابدا ماازعل على عكس لما يجلس معايه استثقل جلستو معايه واشيل همو عيني تجي في عينو من كتر ماانا صرت اتمنى العمى ولا شوفتو ....كل مااقلو انت ليش تصرخ وترفع صوتك يقلي انا رجال وعلى كيفي ...حتى لو ضربتك مااحد يقدر يتكلم
حتى حقوقي الشرعية صارت باتثاقل مع اني حتى لو كنت تعبانة احاول ماابين اني تعبانة واتفاعل معاه لكن هو لو كنت انا ابغى ومتحمسة للموضوع يكسر مجاديفي ويقلي ابغى انام او عندي شغل بطلع من البيت
مع اني والله مافي عيب في الا اعيبين :انا الصراحة دبدوبة شوية وبطني بعد الحمل مررررررة معدومة بس انا سالت ادا في كريمات بس كلهم يقولو هدي تشققات الحمل ماتروح ابدا الا بعمليات ليزر لكن من ناحية نضافتي فانا بهتم فيها بس مااعرف ايش اللي صاير بيننا وايش سبب البرود والمشاكل الكتير وانا اخاف اني في يوم ماااقادر اتحملو واتحمل الغلاظة في الكلام والتصرفات واطلب الانفصال منوواصر على الموضوع وولدي يضيع بيننا ...........
ارجووكم ساعدوني

صحيح مع العلم انا في العيدين اللي فاتو اهديتو هدايا وانا مني عارفة اهديه هدي السنة ولا اطنشو وقولولي ايش اهدي انا اهديتو عطر والسنة اللي بعدها محفظة وكبك وساعة فلو ابغى اهديه ايش تنصحوني امكن لما اهديه يتحسن و يرجع زي زمان طيب ومو ثقيل على قلبي .
ارجوووكم اتفاعلو وردوووووولي بسرعة

>>>>> ردود الأعضـــــــــــــــــــاء على الموضوع <<<<<
==================================


هههههههههه
ياااااااا غاليه الله يجعلها أكبر المصائب طولي بالك حبة عزيزتي عادي
هو شعور يقهر بس الك كم حل تخليه يتغير معك ويبادلك بد ل البرود الي فيه
على شرط لا تتسرعي في الخطوات
وخلي أعصابك باردة لحين يمر شيء من الوقت
بس حابه أعرف هل كان فب أول زواجكم هكذاا
اذا لا أو نعم
ولي عودة
بس مبدئياا حاولي تسمعي بأسلوب غير مباشر بأنك تشكين في أن أحد شاغل باله وهو الذي جعل هذا البرود عنده


__________________________________________________ __________

اختي ماادري وش اقولك اواركز على ايه من كلامك كلنا نبي حياتنا تكون حلووه لكن هذي هي الحياه حاولي تكسري الروتين باشياء اخرى غير اللي ذكرتيها واذا ماشفتي تجاوب ماتقدري تسوي حاجه هونيها ولاتخلي همك بس بزوجك فكري بنفسك حاولي تشغلي نفسك باي شي عندك وادي واجباتك كامله من ناحيته وشكلك حبيبتي من النوع الحساس فحاولي تقللين منهاا


__________________________________________________ __________

شكرا على ردك اختي همسات الروح بس للاس هو هادي الشهرين متغير بس ماادري من ايش


__________________________________________________ __________

مرحبا اختي ..

اغلب المتزوجين اذا موكلهم يعانون من مشكله الروتين والملل بحياتهم الزوجيه

واغلب الرجال كذا يظل يلاحق البنت الين مايتزوجها ثم يهملها

بضرب لك مثل: مثل الملعب البنت هي الكوره واللاعب هو الرجال

اللاعب يظل يلاحق في الكوره الين ماتدخل المرمى واذا دخلت يتركها

وهذا هو الرجال يلاحق في البنت ويوتدد لها واذا تزوجها ودخلت بيته اهملها ..

لو تبين رأئي احقريه يعني قومي بواجباتك له ولا تكلميه لمده ايام

وربي لو حقرتيه انتي بيظل يلاحقك

وعلى رأي المثل الحقران يعور المصران

ولا تعطينه اي هديه اذا كان هذي تصرفاته لك تبين تعطينه بعد هديه !


__________________________________________________ __________

يعطيكي العاااااااااااااااافية يامشاعر الصراحة عجبني كلامك وشكلي راح اسويها تسلمي
ودعوااااااتك لي ياعسل