ليه بس انا الي يصير معي كذا -لصحتك

[aksachli]

عنوان الموضوع : ليه بس انا الي يصير معي كذا -لصحتك
مقدم من طرف منتديات نساء الجزائر

ليه بس انا الي يصير معي كذا



حياتي مأساه معاناه اموت قهر وغيره من الناس الي حولي اكتم في نفسي كل يوم ابكي لحد ما صار عندي البكاء داخلي ابكي بدون دموع واحس الم بصدري كل الي اتذكره بطفولتي ضرب امي و ابوي لي وضرب اهل ابوي و اهانات اهل امي ومعايرتهم بفقرنا صرفهم علينا ما تذكر حد اهتم فيني سألني اكلتي لبستي تسبحتي تخيلو طفله ضايعه ما تعرف شي ما تفهم شي لما احد يضايقني اروح افضفض لامي اشتكي لها عشان تساعدني تقولي انت جبانه و خوافه طيب انت ماعلتمني كيف اتصرف بهالمواقف كانو يضربوني باي شي قدامهم وصلت المتوسط وانا انضرب توفى ابوي مافي عندي اخوان ذكور امي تعايرنا لو واحده ثانيه كان تزوجت و شافت نفسها انتو مافيكم خير خواتي مايحبوني اتراجهم بالاشهر عشان يطلعون معي لسوق او منتزه يرفضون لكن لو اتصلت فيهم واحده من صديقاتهم على طول يرحون معهم ولين بغو يرحون مكان يقولون لي تروحين اقولهم لا يقول انت واحده سخيفه وماتستاهلين شي الدين ما عرفته الا من المدرسه حتى الصلاه مافكرو يعلمونا ايها كل يوم اتسأل ليه ربي ماخذني بدل ابوي ليه انخلقت فقيره ليه كل الناس تروح الاسواق ماتشيل هم الفلوس الا انا ليه البنات في المدرسه شاطرين الا انا تخيلو يابنات كنت اعاني من عسر القراءه والكتابه ماكان احد معبرني ويسبوني ليه علاماتي نازله ويقولون شفي اختك والله ماكنت افهم شي والا اعرف شي ما اعرف ليش انام ما اعرف ليش اكل ليش اغسل وجهي طفله ضايعه ضايعه كبرت مافيني حب لاحد وصرت اربي نفسي بنفسي ادرس نفسي و اعلم نفسي واتعب على نفسي تخيلو طفله عمرها سبع سنوات تقعد على المرايا بساعات عشان تمشط شعرها ليه مافي احد يفكر يعتني فيها او يمشط شعرها انقهر لين اسمع البنات يطلعون مع خواتهم ويسافرون ويشوفون العالم ويشترون من اغلى الماركات وانا بس استمع بس وظيفتي الاستماع لما كبرت بديت انقهر اكثر و اكثر كل الناس يشوفوني جميله والله فيه ناس مفتونه بجمالي الا امي وخواتي يشوفوني عاديه جدا مو هالجميله كل المدرسات والدكتورات يمدحون ذكائي الا اهلي يشوفوني ما افهم شي والا اعرف شي بالحياه
كل الناس تشوفني الافضل والله اكثر من مره سمعت من كذا ام ليتك بنتي الحريم يتمنو اكون بنتهم ذيك المره كنت اشرح لبنت على موضوع مهم اختي استغربت قالت من وين تعرفين هالمعلومات بعض الاحيان يتولد عندي شك اني مو بنتهم ودي اسوي تحليل حمض نووي
ماحس بمشاعر تجاه احد ما احب اتعرف على احد او اكلم احد ودي اعرف وش الذنب الي سويته عشان ربي يبتليني بكل هالامور معقده معقده من الدرجه الاولى دايما افكر دايما احس بالخوف كثير بنات مابي احد يعرف عني شي ما بي احد يقرب مني مابي احد يكلمني لين جو عندنا ناس اروح انام على طول مابي اشوف اخد مابي اسولف مع احد ودي اسوي اشياء كثيره بس مو عارفه وش هالاشياء احس فيني كبت وطاقه مو طبيعه مافيني صبر على شي صرت عصبيه ومزاجيه ولساني طويل وهذه مو طبيعتي
بعض الاحيان اسال نفسي امي وخواتي يبحوني اهلي يبحوني صديقاتي يحبوني طيب انا ليه ما اشعر تجاه احد باي مشاعر
وش الي خلى اهلي كذا الضغط و المشاكل الي كانو عايشين فيها طيب انا وش ذنبي

>>>>> ردود الأعضـــــــــــــــــــاء على الموضوع <<<<<
==================================

يآ حبيبتي والله حزنتيني

الله يسعدك دنيآ وأخره ويحقق مبتغآك ..
قال تعالى { إصبروآ فإن الله مع الصآبرين }

مآ أحس إن فيه شيء معقد حياتك هالكثر إلآ إنتي وإحساسك وشعورك
أهلك ما يشوفونك جميله يمكن لآنهم متعودين عليك يومياً يشوفونك أو التحطيم طبع فيهم
ولآ يهمك كلام الناس [ طنش تنتعش ] اذا انتي فقيره فيه أفقر منك
إنتي بإمكانك تدخلي النت وتقولي مشكلتك والنت مليء بالمعلومات ويسلي
لكن غيرك ما عنده هالشيء ,, لا تاخذي رأي أحد في أي شيء بحياتك
سويتي عمل حلو أحد مدحك أشكريه .. واذا احد ذمك قولي ماحد طلب رايك
صدقيني بيجلس يلقط وجهه
حاولي تهتمي بنظافتك لانها اساس الجمال .. مو لازم تلبسي الماركات والغالي , أهم شي النظافه
واهتمي بدروسك حيل وخلي كل اهتمامك عليها لآنها مستقبلك , اذا فهمتي الشرح مع المعلمه ما يحتاج أحد يذاكرلك ..
ولين بغو يرحون مكان يقولون لي تروحين اقولهم لا يقول انت واحده سخيفه وماتستاهلين شي
طيب ليه ما تروحين معاهم ؟ لو ما يبونك كان ما قالوا لك .. لا تكوني انطوائيه أخرجي أستانسي يمكن يقولون هالكلام عشان تحسين وتخرجين , بصراحه كل اخوان يكون بينهم مشاجره وشي طبيعي بس تظل المحبه بالقلوب ..
كنت اشرح لبنت على موضوع مهم اختي استغربت قالت من وين تعرفين هالمعلومات
أستغربت لأنها عرفت انك ذكيه .. من كلامك حسيت أنك أفضل من أخواتك في أشياء كثير , أنتي ذكيه وجميله وهم غيرانين منك (: بس يضلون يحبونك 3>
لين جو عندنا ناس اروح انام على طول مابي اشوف احد
امي تعايرنا لو واحده ثانيه كان تزوجت و شافت نفسها انتو مافيكم خير
أكيد ماحد بيخطبك اذا ما خرجتي قدام الناس ويشوفونك .. أطلعي من البيت واكشخي واذا جاكم أحد أخرجي معاهم وسولفي ..
بصرآحه كلامك فيه تناقض كبير :|
في البدايه قلتي اهلي ما يحبوني بعدين قلتي انهم يحبونك وان هالمشكله منك أنتي .. اقتربي من ربك وحبي الناس وخليك اجتماعيه .. هي فتره تمر عند أي بنت تشعر بهالشعور , وغالباً فترة المراهقه
وانا مأ انكر اني مريت بهالفتره لكن الحمدلله على كل ححآل ..
الله يرحم أبوك ويسامح أهلك ويسآمحك ويسعدكم ويرزقكم .. أتمنى أفدتك أختي وأسفه عالإطاله

..~{ عآنيت بسكآت }~..

__________________________________________________ __________

اولا استعيني بالصلاة
هي اللي تغير حياتك للافضل
لا تكونين انطوائية
عيشي حياااتك
واهلك يبقون يحبونك حتى لو ما اظهروا لك هالشي

__________________________________________________ __________


__________________________________________________ __________


__________________________________________________ __________