عنوان الموضوع : سالفه بسيطه يهمني رايكم ؟؟؟ مجابة
مقدم من طرف منتديات نساء الجزائر

سالفه بسيطه يهمني رايكم ؟؟؟



-
السلام عليكم ورحمة الله وبركاته
-

فترة فضاوه نزلت برنامج دردشه للتسليه والحمدالله مااكلم اولاد تعرفت ع شوية بنات طيبين
وينحبون وسواليف وتضييع وقت
قلت فتره وبخذفه
بعضهم عندهم ببي واضفتهم عندي وانشاء الله اتم صداقتنا وبعضهم الله يقبلهم

لكن
من بين اللي تعرفت عليهن ها
حسيتها رقيقه خلوقه واسلوب تدخل قلب بسهوله
وغلطتي اني ماسالته عن عمرها من بدايه
لان جاني احساس انه اكبر مني بسنه او اصغر بسنه للاسف خاب احساسي
ماسالته الا بعد سبوعين
قالت 15
*.*
انصدمت صراحه .
انا عمري 19 وادرس جامعه وهي توه بالمتوسط
سكت
حاولت اتركه مااقدرت لان واجد حنونه وحسيت شي بداخلي لها
تقبلت عمرها وقلت مامشكله بعتبرها اختي الصغيره وهي رزينه وتفهمني
ومرا ونحنا نسولف صورة شعرها وارسلت صوره
وانا ماطلبت اشوفها
مم
بس خذت سالفه بمزح قلت شكل تستخدمين دابرر املا مشاء الله شعرك كثيف واسود
خخ < لاتعليق .
همن
تمينا نسولف والوضع طبيعي
ومرات افكر اتركه
بس اتذكر ان انا اللي بنية هالعلاقه
انا اللي قلت لها اغليك
واهون
وجد بالبدايه كنت حييل اغليها ومرا بكيت لان مشتاقه لها < ادري بتقولون ماعندي سالفه
بس ها اللي صار
ولما قالت عمري 15 شوي عفتها بس باقي غلاها ب قلبي
وبعده ب سبوع
من بين سوالفنا قالت تبين تشوفين صورتي
*.*
قلت ليش
قالت تبين تشوفين ولا لا
مم قلت ايه
ارسلت صورتها وليت ماارسلت
بسبب صورتها
عفتها اكثر
وقالت قبل ترسل انا موب حلوه انتي احلى مني ب واجد
وهي بصراحه
شعرها حلو عيونه وساع بشرته بيضه وصافيه بس ملامحها شوي شينه
ماجازت لي
احاول اداري موقف واسوي ان ماصار شي بس هي حست
وتمت زعلانه بسبب تغيري عليها
وعشان ارضيها طلبت من صديقتي تصورني ب جامعه وتحت مطر بعد
وارسلت لها ولان هي من قبل تبي صورتي
ويوم شافتها استانسة
وقالت انا ماقلت من قبل انك احلى مني
^ادري اني تهورة يوم ارسلت
بس شو اسوي انا حيييل طيبه ولا ابي حد ينجرح او يزعل مني
-
واحين اريد اتركه لان عفتها وموب سبب صورته تكفيني اخلاقه لكن بعد عمرها
بس خايفه اجرحها
بتقول تغليني ويوم وريتها صورتي تبي تتركني لان انا موب حلوه
وهي حساسه واخاف تتعقد
وش رايكم هل علاقتي معه صحيحه وش الافضل اتركه ولا استمر وياها
بعد اخاف تتعلق فيني اكثر .
وعلاقتي معه نقيه وطاهره لاحد يقول شذوذ
حتى سوالفنا كله سواليف ومزوح
-
بتقولون وش سبب خلاك تحبينه ببدايه
حبيتها لان هي من ديره انا احبها
اهل شمال والرياض ونجد ها عشقي
وانا من اهل جنوب
بس
وشسمه مرا ارسلت صوره وقالت ها اخوي
مدري وش تقصد
بس عديتها لها

وهي اخلاقه زينه دوم تنصحني اصلي ركعتين بالليل وكذي

احين ابي حل وش رايكم اتركها

واذ اتركه اشلون ؟؟؟
بدون ما اجرحها اعطوني حل خاصه ان قريب مرسله صورته
اخاف تقول سبب شكلي
بعد مااحب العلاقه اتم وانا موب مرا اغليها بتم الوم نفسي لان منافقه
لان ببدايه قلت لها اغليك وانا احين موب مثل قبل وياها

وانا حمدالله موب محتاجه له صديقاتي واجدا
صح اني بحزن ببدايه بس بنسى

يااداره نزلو موضوعي محتاجه حل اخاف بنت تتعلق فيني

>>>>> ردود الأعضـــــــــــــــــــاء على الموضوع <<<<<
==================================



يابنت الناس من جد تتكلمين؟..
كلنا عندنا صديقات اصغر منا واكبر منا
عادي مابيها شي
انتوا مثل الخوات
فليش تريدي تتكريها؟؟؟
يعني مثلا انا عمري23
وانتي 19
وصرنا صديقات واخذت جوالك واتصلت بيك
وتكلمنا مثل صديقات الجامعه
وصار لي سفر للمنطقه الي انتي بيها
وقابلتج وجبت لك هدية من بلادي
يعني انا مايصير اكون صديقتج وهذا غلط برأيك؟؟؟!!!!

بس اذا تريدي تتكريها
سهلة الطريقة
غيري حسابك بالموقع
وحسابك القديم اتركيه
وقولي لها انا راح اترك الموقع لان اريد ادرس
او اهلي مايقبلون افتح نت وكذا
وهي راح تنساك


__________________________________________________ __________

عادى انا عندى صديقى اصغر منى ب4 سنين


__________________________________________________ __________

عمره الفرق العمر ما كان عائق امام احد

ما فيه شئ بس لما ترسلج صورة اخوها قولي لها لا ترسلين صورة اخوج رجاء

واذ تقطعين علاقتج بيها فهل شئ راجع لك وحدك

رفع


__________________________________________________ __________

كلام روعه


__________________________________________________ __________

بصراااحه وش حسيت انك بتتزوجينها
يااختي عاادي ما بيضرك شئ اذا سولفتي معها وحبيتيها
احس المظاهر تهمك
يعني لو طلعت وحده شيييينه بقووه عادي ما فيها شي
وش بيصير يعني عيالك بيطلعون عليها
ولا اذا عمرها 15 عاادي وش بيصير مثلا
15 يعني فااهمه
ولها عقل وكل شئ