عنوان الموضوع : ساعدوني في انا في حيرة من امري تكفوووووون يابنات ربي يفرج همكم مجابة
مقدم من طرف منتديات نساء الجزائر

ساعدوني في انا في حيرة من امري تكفوووووون يابنات ربي يفرج همكم



السلام عليكم

بنات انا بدخل بالسالفه على طوووووووول

اانا محتاجه لمشورتكم لانه بصراحه ماشاء الله عليكم يابنات كلامكم درر وارائكم اغلبها سديده ولاني وثقت في مشورتكم حبيت اني اقولكم مشكلتي وابيكم تساعدوني فيها ويعلم الله اني كنت دائما متابعه لمشاكلكم هنا وكنت احاول اني اساعد اي بنت عندها مشكله في اللي ربي يقدرني عليه من نصيحه ومشوره

بـــــــــــنــــــــات
انا كنت امرر بظروف ماليه صعبه وكنت احتاج لباب رزق اصرف فيه على نفسي ولا ابغى رزق ابوي ولا احد من اهلي لانه كان يجيني اذى ومشاكل لما ابوي يعطيني من فلوسه وكأنه يهيني فيها لدرجه اني كرهت فلوسه وكل شئ منه وبطلت اطلبه شئ
وظليت مقهوووره تدرون انا بنت وعمري 24 ومحتاجه لمصاريف زي اي بنت -دخلت الكليه انتظام قضيت فيها سنتين استلم مكفأة وظليت اصرف على نفسي من المكافاه ثم تخرجت وانقطع مصدر رزقي وتضايقت حيييل حييل انا من النوع اللي يحب يشتري ويعيش حياته ولا احب اخلي خاطري في شئ ولا اشتريه بس تدرون اشياء وربي ضروريه عشان اهتم في نفسي وشكلي يعني مو ملابس وخرابيط وفشخررره لا وربي اشياء من جد تنقصني عشان ماتقولون اني راعي تبذير ومو محتاجه لا طبعا
كل هذا واهلي ولا عمرهم فكروا فيني او قالوا خلونا نسالها يمكن ناقصها شئ مع اني البنت الوحيده له بالبيت المفروض يدلعني والباقين عيال ومع انه ابوي مقتدر شوي لكن هو يدري بحاجتي ومطنشني يبي يخليني اجي لحده واذل نفسي عشان يتحكم فيني واحيانا يتحرش بجسمي عشان يعطيني فلوسه عشان كذا بعدت عنه وعن فلوسه وقلت ربي يغنيني عنه
ولانه صار عندي وقت فراغ كبير عقب تخرجي اصبحت ادخل الشات عقب ماكنت اكره ولاني متضايقه من حالي وربي يابنات من ضيقتي الماديه فكرت اني اتعرف على واحد عشان بس يصرف علي ولقيت بشات كثيييير وربي بس قلت في نفسي يابنت ابعدي عنهم وربي راح يغنيك واصبري لين تتوظفين وشلت الفكره من بالي بعد فضل الله وستره علي ومرات كنت احس بنتقم من اهلي بهالفكره بس عدلت عنها واحترمتهم بغيابهم وهم ولا سألين عني او حاسيين فيني لحد اليوم هذا
وفكرت بطريقه تكون اسلم لي واضمن وهي اني ادورعلى احد يقدر يتوسط لي من خلال معارفه مثلا عشان اتوظف واصير معلمه واعتمد على نفسي خصوصا انوه معدلي كويس (وانتوا عارفين اليوم كل شئ بالواسطه ماشي حاله )وانا قلت لو ظليت كذا يمكن اضيع من قهري وحاجتي ونفسيتي بتتعب
طبعا لقيت شاب بشات وقالي انا عمي يقدر يساعدك وانا بكلمه لكي ولا ابي منك شئ غير انك تدعيلي وبسوي خير لك
بنات وربي ماعطيته غير ايملي فقط وكنت اتكلم معاه برسالة بريد فقط وقلت له المطلوب منه وكل شئ برسالة بريد فقط وتركت الشات هو عمره 25 يدرس بالخارج بس ماعطيته لااوراق لي ولا شئ بس رقم الوظيفه وخليته يتابعها لي

وظلينا نتراسل بالبريد تقريبا شهرين ونص بالاسبوع يمكن مرة او مرتين بخصوص موضوعي وكنت اقوله كلام حلو احيانا عشان يتشجع ويساعدني وما يمل مني وقلت له انا راح اعطيك مكأفاه ماليه لو توظفت تشجيع له وهو كان يرفض ثم بعد فتره طوويله
كلمته لأول مره بالمسن وصار كلامي معه رسمي اكثرر وهذا الشئ ضايقه وكان يقولي انتي متغيره وانا انكرر واقوله انا عاديه مثل ماانا وهو يقصد اني ماكنت اقوله كلام حلو زي اللي برسالة البريد _بس انا اسوي نفسي مافهمت شئ واني عاديه وانا تركت ذاك الكلام الطيب لاني مستحيه منه وبنفس الوقت ماابي اعلقه فيني وانا مادريت ان سالفة الواسطه بطول ولا كان ماقلت له من الاساس كلام زين من الاول بس وربي انههالولد ماعمره طلبني لا رقم جوالي ولا انه يشوفني ولاشئ
بس مدري وش فيه صاررر متغير علي ومتضايق حيييل الين ماقالي في يوم انه بيتزوجني ويبغى موافقتي عليه ويقول انه فكر وكلم اهله بعد واستخار بس ناقص رأي انا مع انه هو مايعرفني زين ولما سألته انت ليش تبيني ؟؟قالي انتي طيبه بس ماادري كلامه مااقنعني ومستغربه منه ليش واثق مني لهالدرجه ويبغاني زوجه
عاد انا قلت له طيب بعد فتره ارد لك واستخرت وحسيت اني الموضوع مو داخل راسي لانه مااعرفه زين وهو من ديره بعيده عني انا في منطقه بالغرب بسعوديه وهو في منطقه باقصى الشمال واحس انه مجهول عني كثير وبنفس الوقت مااحس اني مرتاحه في استخارتي قلبي مو مرتاح له
وهو خلاني اشوف الصور حقته اللي بالخارج كلها وسيارته وشكله ووجه واحس انه يبيني من جد وقالي انه يحبني مرررررررررره
بس انا مستغربه وشلون يحبني كثيرر وانا ماتكلمت معه كثيررر وكان كلامي معه كله عادي ورسمي اغلبه اللي بالمسن
وبعد فترره رديت عليه وقلت له انه صعب نتزوج لانه هو من منطقه بعيده وانا من ديره ابعد واننا مانعرف بعض زين وانه راح يخطبني شخص قريب مني واهلي احتمال يزوجني منه لكن البعيد ماراح يوافقون
بنات تخيلووا قلب علي وززززززززعل مني مرررررررررررره مع اني قلتها بكل ذوق
وكتب لي بالمسن اللي باعك بالرخيص بيع في ارخص يقصد اني انا بعته واني مااستاهل منه اي خدمه
واخررر شئ قالي انا كنت بقولك خبر يسعدك بس دام انك كذا ماراح اقوله

واخر شئ قالي انتي اوراق تعينك تحتاج اني انا اوقع عليها بالاخير (لانه هو من البدايه قالي انه مسوي نفسه بالوزاره انه هو زوجي و يسعى في وظيفه لي حسب خطته هو وعمه اللي بالوزاره على الموظفين عشان يمشوون له المعامله ) لكن بكلامك هذا انتي خليتيني ارفض وقهرتييني حييل والله يستر علييك يابنت الناس خلاص
بنات انا ابي افهم شئ معقوله انا ظليت معاه بهذا الموضوع تقريبا 7 شهور واحنا نتكلم فيه معقوله انه اخرتها يقولي انه بسبب رفضي له يبغى يكنسل الموضوع وانا اللي كنت ادعيله دايما بصلاتي يسوى كذا ؟؟
هو كان يقولي اسمك نزل وراح تشوفيه بعيينك وكان واثق جدا من كلامه لكن ماشفت شئ للحين يثبت صدقه غير الوعود
وربي انه ماعمره طلبني شئ يدل على انه هو استغلالي او من عيال الحرام لا وربي كان محترم بس ليييش يقولي كذا واانا ماشاف مني زعل غير اني رفضت الزواج منه
وهو يقول اني انا بعته واني ابي منه مصلحتي وبس مع اني انا راح اعطيه مكأفاة لمساعدته وبدعيله طول عمري على خدمته لي وهو يعرف اني محتاجه للمال كثيرررررررر بس ماشرحت له ظروفي مع اهلي ابدا بس قلتها لكم انتوا يابنات عشان تفهموني وتعذروني عللى خطوتي هذي ومره قالي انا اساعدك بالفلوس لو تبين لكني رفضت وقلت له بس ابي تساعدني بوظيفه وخلاص

يابنات ادري اني طولت علييك بس ابيكم تحسون فيني وبحاجتي وتقولون وش اسوي وكيف ارد عليييه لاني للحين مارديت علييييه وهو قالي يمكن راح اخلي المسن لك ولا راح ادخله

تكفووووون يابنات ابي مشورتكم هالحيين وش اكتب له وش افهمه فييه انا جدا محتاجه للوظيفه ولا ابي احد يوقف في باب رزقي
وربي اني ابكي من حاجتي ونفسيتي تدمرت من كثر تفكيري في طلباتي زي اي بنت ابي اعيش مبسووطه
وهو ولا همه فيني وعلى اخررر مرحله يبغى يخربها ولا يساعدني عقب ماكان يقولي انه جاء من الخارج عشان يكمل لي اوراقي ويخلصها وانه تعب فيها وهالحين يقولي ماراح اوقعها وخلااااااااااااااااص انتهينا

بنات انا وربي مؤمنه وادري ان الارزاق بيد الله سبحانه وحده بس انا ماقصررت معه بشئ وراح اجازيه بس هو مايهتم لذا الكلام احس اهم شئ عنده اني اوافق على الزواج منه وبس وكأني اخر بنت وانا مااقدر اثق في شخص مااعرفه ابدااااااااااا او اني اتزوجه

بنات اني ابي منك المشوووره علي تكفووون المساعد لي
والله ماعرفت ارد علييه للحين وشلون اخليه يكمل مساعدته وجميله لي وينسى سالفة الزواج مني

تكفون ابي رد مناسب وقوي وواثق بنفس الوقت عشان اقدر ارد على كلامه الاخير هذا بس بذوق وهداووه ماابي اتهاوش معه بس وشلوووون افهمه اني جد محتاجه للوظيفه
تكفووون سااااااااااااعدوني يااخواتي
ولا تجرحوني باي كلمه بحقي لاني انسانه نظيفه من داخلي والله اعلم في نواياي وضميري
انا بجد زعلانه ومالي غير الله ثم اخواتي هنا استشيرهم
ابي رد له مناسب اكتبه وارسله له
انا بأنتظر ردوركم على احررر من الجمرررررررررررر تكفون لحقووووني
وربي العظيم بدعيلها من كل قلبي اللي تساعدني وتدعي لي

انتظركم بسرررعه ساعدوني


>>>>> ردود الأعضـــــــــــــــــــاء على الموضوع <<<<<
==================================


اقول حبيبتي ابعدي عنه

وان شاء الله لك خيرررررره

انا مادخل مزاااااااااجي ابد كلامه ..!!

ولو على ابوك هو ملزووم يصرف عليك الين تتزوجي ان شاء الله .. وانتي مو لازم تقولي لابوك قوولي لامك تعطيك مصرووف ،،، وهي تقووله .. يعني مو معقووله انسان بالدنيا ما يحتاج مصاريف ..!

وان شاء الله تتوظفي 000وربي يغنيك عن الناااااس


__________________________________________________ __________

الله يكفيك بحلاله عن حرامه وبفضله عمن سواه رددي حسبنا الله سيؤتينا الله من فضله انا الى الله راغبون واستغفريكثيييير وعند الله خييير كثييييييييير سبحانه والله يغنيك عن الجميع ويفرج همك يارب


__________________________________________________ __________

حياتي الله يفرجها عليك من اوسع ابوابه
ترى والله الاساليب عند الشباب اكثر من عددهم كلهم
وهاذا عنده اسلوب
يبي يعلقك فيه ويذلك بالوضيفه بما انه اقنعك انها عنده
لذالك
ردي عليه
وخليه هو الي يجري وراك
وانتي لا عاد تردين عليه
وقولي له ((شكر" لك وعلى كل الي سويته علي ولي ))
والله الغني عنه ياروحي
والله الوضايف انها كثيره
بس يبغى لها واحد فاضي يدور عليها
المهم روحي لقوقل واكتبي البطاله تجيك وضائف ونتي شوفي ايش يناسبك
ولا اشتغلي كوفيره والله تجيبين ذهب
والله ياقلبي يغنيك عنه
انا انبهك منه
ونتي حره
شكله ذيب محترف


__________________________________________________ __________

عزيزتي ..

نصيحه من أخت محبه لك بالله .. بآين انسان مقصدهـ غير سليم ..
والدليل شوفي ايش قال لك ( ماراح اوقعها وخلااااااااااااااااص انتهينا )
هو وحدهـ من الأثنين يايبغى يصرف نفسه من الموضوع .. أو أسلوب ضغط عليك
صدقيني ربنا جالس يحميك منه .. ودعواتك وصلاتك .. ماراحت عبث ..
ربنا جالس يصرف عنك نيته وكيدهـ .. إنتي ابعدي عنه نهائي ..

أيعقل إنسان مابينك وبينه شي غير كلام بس يسوي كل هذا
ويقولك ( انه جاء من الخارج عشان يكمل لي اوراقي ويخلصها ) .. شي مستحيل
إنسان يسويه الا لأحد من أهله او إنه يوكل له أحد ..

لالالا هذا انسان كان جالس يجيك بالتدريج .. نصيحه مني ..
ربك كريم وماراح يتركك .. وبإذن الله راح يغنيك الله من فضله ..
دوري مدارس أهليه .. بهالفترهـ حتى لوراتبهم 1500.. اهم شي لوشي بسيط
يسد لك حاجتك ..
ولاتتركي قيام الليل .. والاستغفار .. وإتصدقي جزء بسيط من راتبك
وبإذن الله بتلاحظي راتبك ربنا بارك لك فيه

أسأل الله أن يرزقك من حيثوا لاتحتسبي .. وأن يصرف عنك كيدهـ

موفقه يارب


__________________________________________________ __________

انا مع راى الخوااااات اتركية لوجة الله
وربي بيعوضج من خزاين رحمتة معليج منة
وقولى لة شكرا على خدمتك الله ارحم منك ومن غيرك
وخلاص اقطعى علاقتج بة وتوكلى على الله وبيجيج الفرج عااااجل باذن الله
الله يكفيج الشر لايكون ذكى يبى يذلج من شان الوظيفة خليج ذكية وبعقلج الله يرعاااج