عنوان الموضوع : غرت وحبيت اكتب قصة حملي ولادتي -للحوامل
مقدم من طرف منتديات نساء الجزائر

حبيت اكتب قصة حملي ولادتي



السلام عليكم ورحمة الله وبركاته


بصراحة غرت وحبيت اكتبلكم قصة حملي وولادتي في بنتي زينة

انا حملت فيها بعد زواجي بشهرين
كنت برمضان شاكة اني حامل وزوجي حكالي ما بدي اياكي تفحصي غير ع العيد وانا كنت بموت وبعرف اني حامل ولا لأ
مو لإني حابة بس شعور غريب
المهم اجى يوم العيد وكان جايبلي جهاز فحص الحمل المنزلي..
وعملت الفحص وطلعت النتيجة ايجابية الحمد لله ..
وحسيت اني رح يغمى علي ودخت وصابني دوار
وزوجي طبعا الفرحة ما كانت واسعيته .....
وعلى طول اتصل على امه لإنه احنا كنا في الامارات..
واتصلت على امي وبلشت الزغاريد لوووووووووووليش
وطبعا رحنا للدكتورة وطمنتنا انه الوضع بخير وتحومت على كعك العيد
ما تحكو عني فجعانة زوجي اشترى علبة وطلع رجع لقيني مخلصيتها

المهم كان حملي منيح بس اكتر شي كان يتعبني الاستفراغ ( يوووع)
ضليت طول الحمل لآخر شهر وانا استفرغ

في الشهر الرابع رحنا ع الدكتورة عشان نشوف جنس الجنين
انا كنت متنية بنت وزوجي يمكن كان متمني ولد (الرجال بحبو الاولاد اكتر
والدكتورة حكتلنا انها بنت

كان دايما يصيبني هبوط بالضغط وبآخر اشهر صابني فقر دم
وبالشهر السابع نزلني عند اهلي ونبسطت كتير لما شفتهم كان لي 8 شهور مش شايفة امي

وبلشت عملية التسمين عند امي ( يمكن بزمناتها كانت تربي عنزة )
وخلال شهر صار دمي احسن الحمد لله بس صابني انتفاخ شديد في رجليني واصابعي ووجهي وصرت متل البلون المليان ميه :g
[105]:

المهم وزوجي رجع من سفره وانا بالشهر التاسع وانصدم لما شافني

بس انبسط كتير لإني كان وزني قبل الحمل 48 وبعد الحمل 63

والمرة الجاي بكمللكم الولادة اذا حسيت انه الموضوع عجبكم

>>>>> ردود الأعضـــــــــــــــــــاء على الموضوع <<<<<
==================================


هههههههههههههههه
اولا الحمدلله عالسلامه
تانيا الله يخليلك اياها ويخليلك زوجك يار ب
يلا كملي


__________________________________________________ __________

مبرروووك تتربى فعزك ان شاااء الله ياااارب
كملي القصه شوقتيني اكملها


__________________________________________________ __________

المشاركة الأصلية كتبت بواسطة ayota3
هههههههههههههههه
اولا الحمدلله عالسلامه
تانيا الله يخليلك اياها ويخليلك زوجك يار ب
يلا كملي

هههههه الله يسلمك بس بنتي هسة كبيرة عمرها 3 سنين وعندي كمان ولد


__________________________________________________ __________

المشاركة الأصلية كتبت بواسطة عروسة المهندس
مبرروووك تتربى فعزك ان شاااء الله ياااارب
كملي القصه شوقتيني اكملها

يا قلبي انت خلص بكملها ولا يهمك وبعيها بكتلكو قصة ولادتي في ابني


__________________________________________________ __________

حبيبتي احنا في انتظار الولادة ربنا يخليلك بنتك