عنوان الموضوع : امي ماتبي تريحني
مقدم من طرف منتديات نساء الجزائر

امي ماتبي تريحني



السلام عليكم
مشكلتي تافهه في نظركم لكن انا تعبت كثير
انا بنت عمري 17 سنه ماعندي احد في البيت اسولف معه ماعندي اخت كبيره او مقاربه لعمري امي اما تشتغل او مقابل التلفزيون او تتكلم بالتلفون أتكلم معها ماتلقيني وجه بس تقول اشتغلي ويروح منك الملل انا اشتغل وأنظف بس اذا مافي شي وش اسوي
ترفض اروح صديقاتي والله فيه وحده قلت لامي عن أمها طلعت تعرفها يوم كانو صغار وتعرف أهل أبوها يعني الحمدلله بيتهم قريب كلها دقيقتين وانا واصله ورفضت اروح تقول لا طيب روحي معي تقول لا انا ما أحب اروح ولا اطلع مكان لازم تصيرين نفسي قلت لها بس انا غير أحب اطلع او أزور احد ماترد علي
حرمتني من أشياء كثير مااقص شعري حتى اذا ابي اسوي تسريحه للمدرسه أغير فيها شكلي ترفض مع أن المديره ماتقول شي شعر يدي ورجلي رافضه أشيله أقولها طيب متى تقول اذا انخطبتي شيليه أقولها يمه كل البنات في عمري واصغر يشيلون شعرهم الا انا ذراعي فيه شعر من بين بنات العائله اللي بعمري ماتبيني أحط كحل لو خفيف اروح اي عزيمه كذا كأنه عيون ولد لو الروج طلع لونه واضح تقول خففي لونه
ماتبي نسافر صار لنا 3او 4سنوات ما سافرنا كل الناس تسافر وتطلع وتتمشى لو يومين ويرجعون اتمنى العمره ولا فيه فايده لو ماعندنا فلوس كان اقول معليش لكن امي تشتري من السوق ملابس وأغراض بعضها ما نحتاجها يعني معنا فلوس نسافر بدل الكلام الفاضي

موافقه بس اطلع بيت خوالي او أعمامي
والحظ بنات خالي مايبوني لدرجة مره قالت بنت خالي راح اعزمك مع صديقاتي تتعرفين عليهم واكتشف بعدين انهم راحو لها ولا قالت لي وبنات أعمامي صغار مافي احد في عمري وخالتي ساكنه بعيد وعما تي كلهم بعيد وهم كذا لو اشوفهم أسبوع زياره مايجاملون كله مع بعض

لا صديقات اروح لهم ولا سفر ولا حياه زين
وابوي ما يقدر على امي
احس تعبت من حياتي

>>>>> ردود الأعضـــــــــــــــــــاء على الموضوع <<<<<
==================================


الله يعينك يا اختي
اصبري لا تنسين رضى الله من رضى الوالدين


__________________________________________________ __________

كل الي قلتيه دليل إهتمام أمك لك ..
ماتبيك تروحين لصديقاتك مو لإنها مو واثقه فيك لكن مو واثقه بالناس الي تروحين لهم حتى لو تعرفهم ماتدري هي وش ممكن يصير عليك .. والدليل انها واثقه فيك تخليك تروحين بيت خالك او عمك لإنهم اقاربك منك وفيك وتعرف انهم ماراح يضرونك بإذن الله
بالنسبه لقص الشعر .. طبيعي لإن الشعر زينة البنت اتوقع حتى لو قلتي لصديقاتك بقص شعري بيحاولون يغيرون رايك لإن الشعر الطويل خساره ينقص .. أمي نفس امك ماترضى أقص شعري وزعلت ليه ماأقصر شعري يحق لي يعني ؟
وقعدت ع راسها لين وافقت .. رحت وقصيته .. اعجب البنات وبنفس الوقت إنقهروا عليه
لكن أنا مو مرتاحه وانا اشوف الحسره بعيون امي متندمه انها خلتني اقصه ولا إستمتعت فيه والحمدالله انه طول ولا عاد أبي اقصه .. لتسريحة المدرسه ام صديقتي نفس أمك من هالناحيه ماتبيها تغير لإن شعرها جميل ماشاءالله وتخاف عليها من العين وفعلاً كم بنت صارت لها عين وحسد عشانها تتجمل بالمدرسه .. شكل أمك نظاميه ماتبي حركات دلع بالمدرسه انتي رايحه تتدرسين مو تتجملين .. صح هالشي غلط لكن المفروض انك ماتخلينها مشكله ..
شعر يدك ورجلك .. إحمدي ربك انها ماتخليك وإعرفي انك بنعمه .. اغلب البنات الي شالوا شعر يدهم ورجلهم وهم صغار ندموا .. لإن وهو طبيعي ماشلتيه يكون أخف ومو واضح .. لكن لو شلتيه بعد كذا يكثر ويصير واضح ويتعبك كل شوي تشيلينه غير النقط الي بتطلع بالجلد لإن الشعر ينمو داخل الجلد .. مشكله مالها أول وتالي
ولو تلاحظين أغلب الأجانب مايشيلون شعرهم لهالسبب وعشان مايترهل الجلد تلقينها تسوي تشقير لشعرها عشان يجي نفس لون بشرتها ولا يبان ..
عموماً انتي توك صغيره وأغلب البنات الي بعمرك مايشيلون شعرهم عشان أهاليهم
اتوقع لو دخلتي الجامعه بيتغير كل شي لإنها بتحس انك فعلاً كبرتي
وبالنسبة للمكياج .. عادي فيه عادة عند ناس معينه عندهم عيب ان البنت تتميكج قبل ماتتزوج وانا اعرف وحده كانت ماتحط حتى الروج !! ماتحط لا روج ولا كحل ولا شي وإستغربت لما شافتني حاطه مرطب يطلع لون خفيف !! طلع انه عيب عندهم
يمكن امك عندها هالقناعه .. او تعرف ناس تفكيرهم كذا فتخاف انهم يتكلمون عنك
والسفر عادي اغلب الناس ماتسافر لإنه تعب ومشوار وحوسه ..

حاولي تفهمين أمك وتشوفين شلون هي تبي مصلحتك بكل شي
"دعواتك"


__________________________________________________ __________

اممممممممممممممممممممممممممممممم *.*
اذا امج ترفض انه تروحين لصديقاتج وبنات خالاتج
اعزميهم عندكم بالبيت كل فترة والثانية
واجلسي وياها مرة وكلميها بصراحة
وحلو لو تقنعيها انكم تظهرون مع بعض مب شرط تزورون ناس
روحو السوق او سينما او حتى الصالون او اي مكان كتغيير جو
و بالنسبة لازالة الشعر قولي لها انا كبرت
و لازم من الحين اشيله عشان اتعود واتعلم
الله يسخرها لج يااااااا رب
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________


__________________________________________________ __________