عنوان الموضوع : باقي أيام على ولادتي وزوجي رافض -تم الاجابة
مقدم من طرف منتديات نساء الجزائر

باقي أيام على ولادتي وزوجي رافض



السلام عليكم ورحمة الله وبركاته
خواتي مشكلتي مضايقتني كثير ومره متأزمه
انا حامل 37اسبوع يعني قربت اولد
وللحين ماكملت اغراض البيبي والسبب زوجي مايبي يدفع و طلعه السوق مايوديني الا بعد ما أذبح نفسي واقوله يا قلبي وياعمري وياحياتي وباقي شويه وابوس رجله عشان يرضى اقوله ودني بشتري كم شغله للبيبي ويحذرني مو تروحين وتاخذين راحتك ومن هالكلام واقوله ان شاء الله بس الاشياء الضروريه ماراح آخذ اشياء مالها داعي
واروح واختار ويرجع لي نص اللي بالسله ويقول مالها لزمه وخساير
تخيلوا
يسحب الملابس من ايدي ويرميها على الرف ويقول ليش كل هذا رحت سنتر بوينت واسعارهم مره حلوه 39و40و44
وما اخذت كثير والله كنت اطالع السعر بالاول واحسب واضرب كم اخذت وبكم الحساب وفي الاخير رجع لي كل اللي اخذته
ماعدا طقم بدل فيه3بدل مسكره من تحت مكان الرجل (ماعرف اسمها بالضبط )ب59ريال
ومهاد ابيض ساده ب15ريال
ومهاد ثاني ثقيل شوي ب55ريال
وقبعه ب10ريال
ويقول خلاص هذي اغراض البيبي ولو تموتين مااروح سوق مره ثانيه وبلا مصاريف زايده ولعب في الفلوس وانتي تحبين الخساير ووو...
والله رجعت وانا خاطري مكسور ليش كذا والله لو ماعنده فلوس والله ثم والله ما أطلب منه لو اخلي ولدي مفصخ مستحيل اطلب واهو ماعنده
لكن انا عارفه ان عنده في حسابه في البنك ولا متعطل على الراتب اصلا يعني نقدر نعيش سنين من حسابه اللي في البنك بدون راتبه وانا ماطلبت شي زايد
يقول باقي لك اغراض الصيدليه بس يوم اللي بتولدين ادخل الصيدليه اللي عند المستشفى واجيبهم
والله نفسيتي تعبت السرير عندي سرير بنتي لكن المفرش وردي وانا بجيب ولد يوم قلت له كذا قام يصرخ علي ويقول اني ما افهم واتابع المظاهر وماراح يمشي وراء وحده تفكيرها مريض والله تعبانه شسوي ؟؟!
لو عندي فلوس شريت كم شغله ودبرت عمري لكن ماعندي
وصعبه الولد بيضل يلبس بثلاث قطع بس
واللف واحد والقبعه وحده
والله احس كارهه نفسي اوقات اقول خلاص واوقات اقول لا
المفروض يشتري شوية ملابس ومفرش للبيبي على الاقل
هل تشوفوني غلطانه او مزودتها بالمصاريف مثل مايقول لاني بديت اشك بنفسي
واذا عندكم حل او نصيحه لاتبخلون علي لاني يأست منه ومابي افتح الموضوع معاه ويجرحني بكلامه لاني جد مو متحمله منه اكثر
اتمنى من الاداره تنزل الموضوع اكثر من موضوع كتبت ومانزل والله محتاجه اسمع نصايح
ويعطيكم العافيه مقدما

>>>>> ردود الأعضـــــــــــــــــــاء على الموضوع <<<<<
==================================


الله المستعان ... دامع مقتدر ولايبي يصرف وش يحس فيه وبدال مايفرح باللولد يبخل أعوذ بالله من هالنوع من الرجال ... ان سكتي بالأيام الجايه بيتعود وماراح يدفع ... اسهل حل كلمي أمه وقوليلها على اللي صار من غير ما يدري وهي بطريقتها بتكلمه كأن تقوله أنا ماشوفك تقضي وتشتري لبيتك وان شاء الله تنحل ..دعواتك


__________________________________________________ __________

الله يعينك اختي


__________________________________________________ __________

وانتي ما يعطيك مصروف شهري اذا يعطيك ممكن توفرين منه وتشترين الله يعينك عليه ياكرهي للبخل


الله يسهل لك ويرزقك ما تتمنين


__________________________________________________ __________

يعني هو عادي عنده الولد تحطينه بملف وردي حق بنات

يعني يطلع ولده يم الناس باللبس البناتي

طبعا موحلوه

انتي اتفقي معاه قبل ماتروحين عالقطع الي راح تشترينها

علشان مايحطج بموقف محرج ويرجع بعض الشغلات

اتفقي معاه قبل

والله يهديه لج


__________________________________________________ __________

انتي الحين حاامل ولاتتعبين نفسكك معه وبعد الولاده افتحي معه الموضوع بكل هدوء زوجكك واضح انه بخييل الله يعينكك عليه وقوليله ان هالشي متعبكك كثير ويخليك تفكرين كلل يووم واذا مافي فايده قولي لامه او اخته يكلموونه والطفل يحتااج لاغراض كثيره مو بس ملابس حفايظ ورضاعه وحليب وووو والله يهديه ويسخرره لككك