عنوان الموضوع : مشاكلنا مع ابوي. -لصحتك
مقدم من طرف منتديات نساء الجزائر

مشاكلنا مع ابوي.



السلام عليكم ورحمة الله وبركاته
كيف حالكم ان شاء الله بخير.
انا بدخل بالموضوع بسرعه ابووي مشاكله معنا ماتخلص مرره يعني امي حامل واختي بأولى
ابتدائي مسكوره في فخذها وحاطين لها اسياخ والدكتور قال لاتطلع من البيت الا بعد ماتمشي عليها واالحين صار لها شهرين تمشي عليها وصار لنا 3 شهور ماطلعنا من البيت واذا طلعنا نروح بيت خالتي ولا بيت جدتي واهل ابوي وعمي جنبنا كلهم مايفرقنا الاجدار واحد بس صارت مشاكل ولا صرنا نروح لهم عشان امي اذا رحنا ماتكون راضيه ولا اذا رحنا مانطول وعمي يقول تعالوا ويعزمنا وعياله مايبونا ذاك اليوم ولده قال ببتعشون قلنا لا قال يالله اجل روحو يعني مره قليلن ادب وانا مممره اجتماعيه وبقوه يعني ما اقدر اصبر ذاك اليوم خالتي مسويه حفله لبنتها عشانها ناجحه وجايين اهل زوجها واسولفهم معهم كلهم حتى الحريم المتزوجين يعني مابقيت احد ويوم رحنا جلسوا يقولون ( مشاء الله مرره اجتماعيه ومن ذا الكلام ) وذاك اليوم ابوي جالس بالبيت يومين ماطلع الا ودانا المدرسه ورجع البيت ويوم جاء المغرب اليوم الثاني قلت ابوي وش رايك بما انك جالس بالبيت نطلع نتعشا ونرجع بس قلت كذا وكان يوم اجازه يعني خميس ويجلس يهاوش ويسب ويلعن لدرجه لحقني بيضربني عشان بس قلت كذا ولما طلع شوي دق على التلفون رد اخوي وقال نادوا شهد(انا) قلت قله له بالحمام ( وانتوا بكرامه) قال قلها تبي من ماك ( مطعم ماكدونالدز ) قلت قله لا ماتبي ( من 3 شهور وانا ابي ذا المطعم وهو عارف اني احبه ويمر بي من عند المطعم وانا اسكت ) جاني اخوي الي بخامس يقول الا نبي قلت مالي دخل فيكم لا تجيبون لي شي خلاص مابي شي قالت امي قل لابوك تقول مابي شي وانا من جد عفته وياخذ اخوي الجزمه ( وانتوا بكرمه ) ويرميها علي بقووه توجع قالت امي تعال عندي وتضربه قالت لو انها جايتني يعني ما فكرت فيني وانا اذا احد ضربني ما ابين انها توجعني لو مهما كان والاجازه هذي الي هي خميس وجمعه وسبت مايطلعنا الا لبيوت واحنا طفشنا والمشكله ما يخلينا نروح مع احد بأعتقاده اننا بنروح نغازل واشياء زي كذا يعني ماوثق فينا يعني ممرا معقدنا حتى امي مايخليها توجب احد ( يعني تروح عزيمه او عزاء يعني واجب) ممرا وبقوه مفشلنا ابوي ومعقدنا واذا زعلنا منه وبغى شي مننا يعطينا ميه ويسكتنا بها واذا مره مره طلعنا يطلعنا وهو يصارخ علينا يقول انا ما احب اطلع معكم عشان كذا ما اطلعكم وحاله واذا سكتنا ماقلنا شي قال وراكم ساكتين واهله يروحون مخيم ويطلعون ولا يقول لنا ولا ياخذنا يروح هو واخوي ويخلينا بالبيت يعني مره زهقنا من هالعيشه واذا قلنا ودنا السوق قال انا موديكم وهو والله مايودينا ولا يعني اذا ودانا السوق يودينا سوق مخيس ويدخلنا محل ولا محلين وخلاص اقوله حاجات البنت غير عن الرجال يقول لا انا اعرف
تكفون دورو لي حل مع ذا الابو والله طقت روحنا منه

>>>>> ردود الأعضـــــــــــــــــــاء على الموضوع <<<<<
==================================


انا ابوي من النوع الي مايحب الطلعات واذا قلت له يكشر ويزعل بس مايصارخ ويضرب بالجزمه سلامات

صرت خلاص اطلع مع صديقاتي

مو لازم طلعه عايليه اصلا مو حلوه الطلعه العايليه تجيب الزهق


__________________________________________________ __________

الله يكون بعونج اختي

اتمنى من الله ان يهديه


__________________________________________________ __________

المشاركة الأصلية كتبت بواسطة cody
انا ابوي من النوع الي مايحب الطلعات واذا قلت له يكشر ويزعل بس مايصارخ ويضرب بالجزمه سلامات

صرت خلاص اطلع مع صديقاتي

مو لازم طلعه عايليه اصلا مو حلوه الطلعه العايليه تجيب الزهق


ههههههههههههههههههههه الله يسعدك اسعدتيني بردك انا ماقلت أبوي يضرب بالجزمه لا قلت بغى يضربني بس احب لما اطلع مع اهلي تكون واسه وسوالف بس احنا غير المهم اسعدتيني بجججد ومشكوره على المشاركة بموضوع


__________________________________________________ __________

المشاركة الأصلية كتبت بواسطة حرق قلبي
الله يكون بعونج اختي

اتمنى من الله ان يهديه

أمممين الله يسمع منك


__________________________________________________ __________