عنوان الموضوع : نفسيتي تعبت من مشاكلنا ساعدوني -لصحتك
مقدم من طرف منتديات نساء الجزائر

نفسيتي تعبت من مشاكلنا ساعدوني



مرحبا خواتي
والله اشكي لكم و انا اصيح..اتنمى انكم تساعدوني

نحن نعرف بعض من ثلاث سنين و انا وايد حبيته لدرجة اني ما تخيلت نفسي اعيش يوم واحد بدونه ...
بدآيتنا كانت حلوه كان كله يهتم فيني و يحاتيني و يسأل علي فاليوم اكثر من مره (وينج, شو تسوين و مع منو ,كلتي, وين بتظهرين و متى بتردين و تحملي بعمرج و لا تطولين و من تردين طمنيني عليج ) و يسولف و يضحك و يخبرني بأدق تفاصيل يومه..كان اهو كل يومي..
و اهتمامه فيني هو اللي علقني فيه لين حبيته..

بس مع الوقت تغير علي
و صارت سوالفنا عباره عن (شحالج شو تسوين و انا سطلت برقد)
اهتمامه فيني قل بدرجه عمري ما تخيلتها..
انا بسبة تقصيره صايره حساسه وايد و صرت أزعل على اتفه الأسباب..بس انا يوم ازعل ابيه يهتم فيني و يحس فيني و يفهمني بس لا حياة لمن تنادي...
والله يا بنات طول اليوم و انا افكر فيه و اذا يا الليل ايلس اصيح بالساعات..
نفسيتي تعبت و مرضت من قل الأكل و عندي نقص حديد حاد و ضغطي دايما ينزل و هو مب مفتكر فيني
بس انا دايما اشكي له من تقصيره و اسأله عن اللي مغيره علي بس يقولي انتي يالسه تدورين مشاكل و انا ما تغيرت ..
و سألته دامك مب طايقني و لاعيه جبدك من مشاكلي و من كثر ما اشكي لك اتركني ليش مستمر وياي؟
بس ما يرد على اجوبتي و كل اللي يقوله (ما بخليج)

انا مليت و تعبت من كثر ما اصيح و مع هذا كله ما يهتم ولا يحاول يتغير عشاني ..

شو اسوي دخيلكم ساعدوني ما لجأت لكم الا بعد ما يأست منه و من اسلوبه

>>>>> ردود الأعضـــــــــــــــــــاء على الموضوع <<<<<
==================================


متى تصحون متى تفهمون متى تتعظون من هالسوالف اللي تصير كل يوم؟؟؟ كل يوم نسمع نفس السالفة المكررة، حبيبتي احنا بمجتمع خليجي 90% من هالعلاقات ما تنتهي نهاية سعيدة والرجال يروح بالنهاية يعيش حياته وانتي مدمرة نفسج. اصحي


__________________________________________________ __________

مادري هو زوجك ولا حبيبك ؟؟؟؟؟

اذا كان زوجك انصحك بالهدوء وطولة البال طبيعي يصير هذا الفتور بعد الزواج وكلنا مرينا فيها وهذي مرحله من مراحل الحياه الزوجيه والامور تزين بعد فتره بس اهم شئ انتي لاتضايقينه وتغثينه واثقلي شوي وخلك قريبه منه وبعيده في نفس الوقت لاتتصلي عليه كل شوي لاتساليه اذا كان متضايق الا اذا هو تكلم

اشغلي نفسك بشئ يفيدك بهوايه تحبينها لاتجعلي زوجك كل حياتك او محور حياتك ترى الرجال يملون من الحرمه اللزقه والغثيثه

اثقلي اثقلي ثم اثقلي وراح تشوفين التغير

اما اذا كان حبيبك

ما اقول الا انك انسانه عايشه في وهم وهذا طبع في الشباب كلهم يلعب على البنت ويرميها رمية الكلام وهي مسكينه غبيه مصدقه انه يحبها


__________________________________________________ __________

وش الله جابرك عليه ؟!!،، جاب لك الامراض وماتاكلين ونفسيته تعبت كل على شان شو؟؟؟
اصحي ياماما وفكري في نفسك ترا مايدري عن هوا دارك ،، والله اهم مبسوط ويأكل ويشرب وينام زين ،، ابعدي عن هالطريق ،،عن أبي هريرة - رضي الله عنه - قال: قال رسول الله - صلى الله عليه وسلم -: ((إن الله - تعالى - يغار، وغَيرة الله أن يأتي المؤمن ما حرَّم الله عليه)). الحلا بيين والحرام بين وانتي أدرأ باللي قاعده تسوينه ،، الله يبعد عنك كل حرام ويرزقك ب الحلال


__________________________________________________ __________

يٌـآخًتْيٌـ عٍنَ مِـيٌـنَ تْتْكُلِـمِـيٌـنَ اٌلِـحٍيٌـنَ حٍبّـيٌـبّـكُ وِلِـاٌ زٍوِجِكُ وِلِـاٌ وِشْوِ بّـاٌلِـضُبّـطً
مِـشْكُلِـتْكُ كُاٌنَ كُتْبّـتْيٌـ عٍلِـشْاٌنَ لِـاٌ نَظَلِـمِـكُ ~


__________________________________________________ __________

بصراحة هذه الاية الي تحكي وضعك وتفهمك الالم يلي قاعدة تعيشينه إقرأيها زيييييييييييييييين

وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى ...

غامسة نفسك بمعصية الله من ساسك لراسك وبدك ترتاحين

لن يعطيكي الله وما تريدين الى ان تكفي عن معصيته

ان كان هذا عشيقك وليس زوجك وان كان زوجك فانصحك بالاستغفار الكثير وقيام الليل بالثلث الاخير والتذلل والخضوع بين يدي الله وكلي امرك لعلام الغيوب وهو سيحل مشكلتك

اما ان كان عشيقك فاسمحي لي اصفعك كف قاسي بلكي تصحي على نفسك لانك عايشة بووووووووووووووووووهم