عنوان الموضوع : ابوي يكرهني.. الطبيب يجيب
مقدم من طرف منتديات نساء الجزائر

ابوي يكرهني..



السلام عليكم

اولا انا بالمتوسط

مشكلتي هي ان ابوي يكرهني
يكرهني مررررره
يحب اخوي الصغير ويضربني عشانه
وانا ما اسوي له شايدائما يضربني بسبب او بدون انا
الوحيده الي يسوي فيني كذا
لا تقولوا لي ابوك ومدري ايش اسمعوا قصتي من بدايتها
من واحنا صغار الا الان والحمد لله يدفع لنا مصاريفنا ويشتري لنا
ويتعب وكذا ويحب خواتي واخواني كلهم الا انا ما ادري ليه

اول شي كنت في ثالث ابتدائي اول مرهه يضربني بقوه
كنا في السوق بعدين انا واخوي اختلفنا على حلاوه
راح اخوي ضربني يعين هو كان صغير وما ضربه
بعدين دخلني السياره وكان يضربني بالعقال
ويطيحني على الارض في الشارع قدام الناس ويحط راسي على الارض
ويسحب شعري كله تقطع
رجعت البيت عند جدتي وقالت له وخلاص رجع عادي
انا كنت احبه مره بس الحين اكرهه وادعي عليه ما اتحمله
ومرهه قبل سنه تقريبا
اخذ الجزمه (الله يكرمكم) الشتويه الكبيره وكان بيضربني طبعا على اخوي اصغر واحد
مو الي قبله لاني اخذته من لعبه او شي كذا
اخذها ورمها على راسي من فوق الدرج الين دخت

هو كل ما يعصب يضربني انا ليييه ؟؟
ومرهه تضاربت مع اولاد عمي ققبل سنتين وربي بدون سبب
ضربني كذا رحت اقول لابوي ودعست على نظارته بالغلط وانكسرت راح سحبني من
شعري على الارض كان يضربني ويسحبني على الارض ودخلني الحمام كان يرش المويه
يبيني اموت يبي يذبحني ودفيته وهربت

هذا الاسبوع كله يضربني على اخوي الصغير هو الحين رابع يعني يفهم
ياخذ جوالي ويرميه ولما اضربه يجي ابوي يضربني بدون سبب
واليوم فتحت التلفزيون وجاء اخوي غير القناة جيت رجعتها قام ابوي رما علي قارورة المويه وهي مليانه تخيلوا !!!!!!!
وعلبة العصير الحديد كلها على ظهري وانا ساكته ما قلت الشي
وعلى الغدا بعد
من اسبوع وانا ما اتغدا ارجع من المدرسه تعبانه ويضربني وابكي الين انام كل يوم يضربني واقوله انا اكرهك واكره اخوي ان شاء الله تموتون ويقعد يضحك ويحاول يمزح ماي كرهته صرت ما اتحمله ادعي عليه كل يوم وعلى اخوي
وقبل فتره اخوي كسر لابتوبي فيه كل الاغراض حقي طنشني والحين من قبل الصيفيه وانا اقول له صلحه يقول تستاهلين كل يوم اتحسب على ابوي وادعي عليه بالمرض
واقوله والله اذا بقيت على هذا الحال باهربي يقولي لو رحتي لا ترجعين
حسبي الله ما ودي ادعي عليه بس هو يكرني كنت احبه بس هو يكرهني فيه ساعدوني وش اسوي اليوم قلت له ليه تكرهني ويطنشني دايما يسويها فيني كل اليوم ابكي منه من سنه بدأت اكرهه ساعدوني ارجوكم نفسيتي تعبانه اكتب وانا ابكي ارجوكم ...

>>>>> ردود الأعضـــــــــــــــــــاء على الموضوع <<<<<
==================================


ياحياتي ابوك حقير مادري وش اقولك بس وين امك عن الي يسويه قولي لاحد عاقل بالعايله يساعدك


__________________________________________________ __________

الله يفرج همك


__________________________________________________ __________

وش هلقساوة


__________________________________________________ __________

الله يعينك يااختي وطبع اﻻولااد دايم ابوهم مدلعهم،انا ابوي مدلع اخوي مررره والمشكله اني اكبر من اخوي،بس يااختي انتي يمكن تعاندي اخوك،وين امك وهل عندك خوات اكبر منك،تحملي هذا ابوك احترميه،وكم عندك اخوان يمكن بس واحد عشان كذا يحبه،واخوك بكره لكبر بيصير يفهم،


__________________________________________________ __________

أختي اولا لا تدعين عليه لانه ابوكي فإذا انتي في الدنيا كذا
تبي تخسري اخرتك كمان اختي اهتمي بصلاتك واكثري من الاستغفار
ودعي الله بالصلاة اختي انتبهي معي شوي اولا ان الله يبتلي من يحب ما تدري يمكن
الله يحبك ويبغى يشوف انتي بتصبري وتحتسيبي الاجر عنده ولا بترفضي قضائه وقدره
صحيح ان الله يعلم بذا الشي سواء ابتلاك او لا لاكن لله سبحانه وتعالى في افعاله حكم
ثانيا الامور تتغير من حال لحال يعني ماتدري انتي الان عايشة بمشاكل ماتدري يمكن في مستقبلك شي غير ممكن ربي يرزقك بزوج صالح يسعدك ويكون حنون عليكي او ممكن تتوضفي وظيفة اي وظيفة وانتي تعرفي الان اي وحدة متوظفة بشهادتها الكل يعملها مليون حساب صغير او كبير
تذكري اختي ان الله سبحانه ما يظلم احد انتي اصبري واسكتي ولا تدعي على ابوكي او اخوكي الصغير هو مال ذنب بالله عليكي صغير ايش ذنبه الذنب مو ذنبه لا تظلميه وتتحملي ذنب
اختي الله ما يظلم عباده زي ماقت لكي اصبري واستغفري وادعي الله ولاتدعي على ابوكي
وان شاء الله ربي بياخذ حقك اذا مو في الدنيا دار الفناء ففي الاخرة دار البقاء
فشوفي اختي انتي ايش حابة دار الفناء ام البقاء
يارب يفرج همك ويسر امرك ويسعد روحك وفوءادك
آمين يارب ...♥