عنوان الموضوع : مليت من ابوي الطبيب يجيب
مقدم من طرف منتديات نساء الجزائر

مليت من ابوي



السلام عليكم بنات..
مدري من وين ابدأ بس مااقول غير الله يصبرني على اهلي اللي يجيبون الهم.. ابوي قبل شوي يوم اذن الفجر يقولي صليتي قلت ايه وهو اصلا جايتني الدوره بس عشان اسكته ويروح عني وانا جالسه بالصاله جلس قدامي قال قومي صلي وش فيك قومي صلي اشوف قلت انا خلاص بالغصب هو قال استغفر الله يله صلي قلت جايتني الدوره قام يناظر فيني وسكت وكذا وده يهزإ بعد بس مايدري وش يقول قلت مو ناقص الا تضربني بعد عشان اصلي قال عادي الضرب اذا كان عشان صلاه قلت لا مو عادي انا مو عمري 10سنوات.... انا عمري21سنه ويقهرني وانا بالمتوسط كان يقومني من نومي عشان الصلاه يسحبني من شعري ويوديني الحمام ويغسل وجهي عشان اقوم والله ماانساها له ياكثر مايضربني وعياله اثنين كل واحد مقفل على نفسه بالغرفه ولايصلون ولاحد يكلمهم يقول خاف اكلمهم ويزعلون وبعدين يروحون يدشرون وحنا البنات عادي مانقدر نطلع من البيت عشان كذا.... المشكله ماحب احد ينصحني بالدين ولا بأي شي ويعاملوني كأني طفله لأني اتنرفز دارسه ابتدائي ومتوسط بالتحفيظ واعرف كل شي بالدين ونهايتها يجي يقولي صلي.... ومره تضارب معي لين رحت المطبخ اركض و وقفت بزاويه وهو قدامي وجلست ابكي واصارخ واقوله خلاص لاتلمسني جايتني الدوره ويجلس يتفلسف علي ويقول الحيض ذكر بالقران (ويسألونك عن المحيض قل هو أذى فاعتزلوا النساء في المحيض)طيب انا وش دخلني مو فاهم الايه وجاي يتفلسف حتى كل ماقريت سورة البقره اقرى هالايه بسرعه استغفر الله عقدني منها وهذا كله صار قريب .. انا كل ماجتني الدوره تتأزم نفسيتي واهلي مايهاوشوني الا بذا الوقت لدرجه صرت اقفل على نفسي بالغرفه بس وقت الدوره واذا طلعت اكل امي تهاوشني واحس اذا خلصت ورجعت اصلي مايصير لي مشاكل يعني اهون الله يصبرني بس واتزوج بسرعه عشان افتك من وجهه

>>>>> ردود الأعضـــــــــــــــــــاء على الموضوع <<<<<
==================================


حبيبتي أنا يوم اقرأ كلامك غطيتك عمر 14 سنةيعني توك بالغه ومشاعرك ملخبطه وماتعرفي أن أوقات الدورة تحسي بضغط نفسي وتحسي أن الكل ضدك
انتي بعمر إنسانه واعيه وبعمر مناسب للزواج وتكوين عائلة ومنزل واطفال وانتي تعرفي أن بر الوالدين واجب عليك
أسلوبك يبيله تهذيب أكثر ولا تصلحي أبدا للزواج لأنك ماتحملتي ابوك اللي ينصحك للصلاه وهي الركن الأساسي في الحياة كيف بتتحملي أوامر الزوج وشغل البيت والاطفال !!
اقرأي كثير ووضحي للعائلة أسلوبك واللي تحبيه في التعامل ويكون أفضل لو وضحتي الأمور مع امك وهي راح تخبر ابوك

الله يوفقك


__________________________________________________ __________

بنتي حبيبتي..
واضح ان معامله الاهل شوي سببت لك عقده
اهم شي المقصد سليم لكن التعبير خاطئ

حبيبتي ونور عيني..
انتي عارفه الدين وعارفه وكل شي لكن وذكر فان اذكرى تنفع المؤمنين

قلبي اذا قال لك قومي صلي قولي ابشر ان شاء الله
انتي لاتردين النار بالنار
اذا شدو الحبل ارخيه من جهتك
يعني دربي نفسك لتعيشين
انتي عارفه اهلك شوفي وش الاسلوب الي ماينفع معهم
رد وصراخ والخ

1- هذا عقوق لو ابوك ملحد زنديق كافر مالك حق من الحقوق انك تردين بصراخ عليه
(( ووصينا الانسان بوالديه حسنا )) ((وان جاهداك لتشرك بي ماليس لك به علم فلاتطعهما وصاحبها بالدنيا معروفا))

هذا ربك يقول لو امك وابوك ماراح يقولون لك صلي لا بيصارخون لاتصلين اكفري بالله
اعبدي صنم اسجدي لبقر
وش قال ربك لاتطعينهم واحسني اليهما يالغلا

قال النبي صلى الله عليه وسلم ((لايدخل الجنه عاق ))

حبيبتي
2- جربي هذه الطريقه مره مرتين ان قال لك صليتي قولي صليت وان قال صليتي قلتي
لا وقمتي وحبيتي راسه مهما كان هذا ابوك قسم بالله ياابنتي لو يصير بينك وبين زوجك مشاكل
بتروحين لاخوك اواعمامك ركض تروحين لابوك فاحسني له يحسن الله اليك
مثل ماقلنا ان قال شي قولي ابشر وحبي راسه
وصدقيني تلقين قلبه بيلين مع الايام مثل الزبده
وكذا امك حبيبتي

3- ففيهما فجااااااااهدي مثل ماوصى النبي صلى الله عليهم وسلم

انا اشوف غيري اسلوبك ولاتقعدين تردين اسكتي ولاتركضين تنخشين كانك مسويه شي دربي نفسك
قالك قومي صلي وعليك الدوره قولي انا ماعلي صلاه علي الدوره عادي جدا
وخليك ريلاكس

4- شفتي امك وابوك هذولي ترا نظفوك ولبسوك حفائظ اكرمك الله لو يتعب منهم احد ويحتاج من غير شر تغيرين له حفائظ وش بتسوين ياترجعين او تقولين اف وتتلغطين خشمك
وهم لاغطو خشمهم ولاتقرفو منك ونظفوك ورتبوك..

5- بنتي انتبهي بكرا شفتي مكان امك وابوك شفتي مكانهم جالسين لايجي يوم ماتلقينهم بمكانهم واخر كلام معهم صارختي فيهم شفتي طبخ امك وتشوفينها بالمطبخ بيجي يوم ماراح تشوفينها فيه

بالله وش راح تتمنين ..
تكوني متزوجه وصارت هوشه مع زوجك وين تروحين لاخوانك!!
تتوقعين بيتحملونك
ماراح يتحملك الا الي تعب فيك
وشالتك في بطنها
وتعب طلع الريال الواحد علشانك


فالامور بسيطه وسهله حبيبتي اطلبي المعونه من الله
وان جو لو يقولون الي يقولونه ابتسمي
لان جزاء الاحسان الا الاحسان
ولحديث((رغم انفه من ادرك والديه ولم يدخلاه ]الجنه))

]تساهيل الامر فديتك وانتي حساسه لكن دربي نفسك ولايجي يوم صدقيني تشوفين غرفه امك وابوك فاضيه وش راح تتمنين لو يعذبونك بس تسمعين صوتهم

تقربي لهم اكثري من الدعاء لهم اذا جو صبي القهوه والشاهي لهم واضحكي
اذا دخلو حبي راسهم
قلوبهم بتيلين صدقيني

وانتي كبيره ماشاء الله لكن من طريقه كلامك كانك صغيره ومره اجدك حساسه وانفعلاليه لايابنتي الله يرضى عليك اعملي الي قلته واطلبي المعونه من ربك واكثري من الاستغفار وان ربي يسخرهم لك
ومثل ماقالت الاخت مناكير الله يعافيها انتي كبيره كيف اذا على فرض وهذا حالك
لو بكره زوج يامر وينهى وشيلي وحطي والحياه الزوجيه صعبه ومشاكل ويبي له رواقه
وبعد اهله وحمواتك والعزائم والولائم وواجبات الزوج والابناء
لازم تدربين نفسك عقلينا وفكريا اذا امك وابوك عجزتي كيف بالزواج لاتضنين الزواج راحه لاو والله عند اهلك هو اراحه وماراح تحسين فيه الا لما تجربنيه
عودي نفسك انك تتجاوزين عن الكثير على حياتك تمشين اذا بتجلسين على كل نقطه كل حركه كل كلمه الرجل يبي وحده تتحمل والا بكل شي وقفتي بالزوايه وتصيحين بيطفش منك
صدقيني انتي راح تخسرين نفسك وراحتك وحياتك الحياة مشقهه
اطلعي على كتب اكثر وعلى دورات لضبط النفس لتستعدي لحياتك اقادمه باذن الله


والله يوفقكك يابنيتي


__________________________________________________ __________

انا مثلك يحسبني ما اصلي استغفرالله وسكته قلت لاتكفرني خيرررررررر يحسبوني ماصلي مرضي والله ودي اتزوج افتك منهم ترا حال من بعضه


__________________________________________________ __________

عادي انتي مكبرتها اهلك يبون مصلحتك ابوي كذا الحل قومي وروحي غرفة واذا سالك قولي اي صليت لاتعاندي ابوك الله يهديك بس


__________________________________________________ __________

كما قات الاخت "سر ابوها"
اتمنى لك السعاده
لك ودي ♥
تفائل و منور