عنوان الموضوع : مشكلتي سببت لي مشاكل مع الناس -لصحتك
مقدم من طرف منتديات نساء الجزائر

مشكلتي سببت لي مشاكل مع الناس



السلام عليكم ورحمة الله وبركاته

كيف حالكم صبايا ؟؟

انا مشكلتي جدا متعبتني ومدري كيف ابدأ واقولها بدت معي من كنت صغيره يعني تقريبا لي 15 سنه اعاني منها بدت بالتدريج وهي الخوف من الناس والتجمعات ارتبك جدا ويبين علي الارتباك اذا دخلت مجلس اصير اصب عرق ووجهي يحمر ونبرة صوتي تتغير والله يابنات اني احيانا اخاف احد يسألني وش اخبارك لأني مااقدر ارد واجلس بالساعات ولاانطق ولاكلمه وقلت يمكن يخف مع الوقت والحين لي سنه متزوجه وربي زاااادت اكثر من قبل بكثير وهي اني رحت بعيده عن اهلي قلت زين برتاح من كل هالربكه بس ماارتحت ولاتحسن وضعي بحثت فالنت عن مشكلتي لقيته مرض نفسي اسمه الرهاب الاجتماعي بس ماعرفت احله كل مره احاول افشل لا والمصيبه اني اصبحت معلمه في مدرسه اهليه واذا كان عندي مثلا الحصه الثانيه ماارتاح واسولف مثل الناس اصير شايله همها ومحب جمعات المعلمات مااتكلم ابد لدرجه ماكون صداقه ابد حتى المدينه اللي سكنت فيها ماتعرفت على احد والاشد وادهى هم اهل زوجي ارررررتبك جدا اذا جيت عندهم اخر مره قالوا لزوجي شكلها ماتبينا وانا والله ابيهم واحبهم بس صعبه جدا اني اسولف معهم اجلس بالساعات ولاتطلع مني ولاكلمه ولااحب اجلس في صدر المجلس اكثر شي عند الباب ودقات قلبي تزيييييد اذا جيت احد لا واذا جاني ضيوف احس مااعرف اتعامل معهم يحسون اني ماابيهم وانا والله افرح الضيف لكن ماقدرت اعبر دايم احس اسلوبي غلط ماني وقحه بس يخووني التعبير كثير وزميلاتي فالعمل ماعاد يتكلمون معي يقولون غامضه وانا العكس مااعرف اتكلم احيان احس اذا تكلمت والكل يطالع فيني ودي اصيح والله حتى اللي اصغر مني بعد معرف اتكلم معهم خايفه يقولون حرمه كبيره ولاتعرف تتكلم
الله يرزقها ويهنيها اللي تساعدني او تدلني على اخصائيه نفسيه بتخلص من هالمشكله اللي ماقدرت عليها

>>>>> ردود الأعضـــــــــــــــــــاء على الموضوع <<<<<
==================================


والله يااختي مشكلتك يبيلها علآج نفسي ألآ ان كنتي ماتقدرين تروحين لطبيب نفسي ف حاولي تعآلجين نفسك بطرق آلثآنيه مثل آلدعآء وحاولي تعودين نفسك آو قولي لا احد يحاول يسآعدك مثلآ اختك وهي بتتفهمك اكثر شي


__________________________________________________ __________

لازم تتعالجين من الي انتي فيه ويبي لك دكتوره نفسيه

الله يعافيك ويفرج همك


__________________________________________________ __________

علاجك حبيبتى انك تروحى على د نفسى مثل ما قالو البنات وربى يوفقك ويريح بالك امييييييين


__________________________________________________ __________

ثابري اختي في العلاج وطلبي من زوجك وان شاء الله راح يساعدك يارب يفرج همك
لكي تعيشي حياة سعيدة هنيئه قبل ان تنجبي الاطفال دعواني لكي بالتوفيق يااا رب


__________________________________________________ __________

استشيري دكتور نفسي..

واضح إن ماعندك ثقة