عنوان الموضوع : ابغى اعيش حياتي
مقدم من طرف منتديات نساء الجزائر

ابغى اعيش حياتي



السلام عليكم ورحمة الله وبركاته

اخباركم ؟!. .

يا اخواتي انا عندي مشكلة مضايقتني واتمنى الاقي حلها عندكم
المشكلة انا بنت وحيدة بين 3 اولاد اصغر مني
مشكلتي الوالد الله يحفظه انا ما اقول مايصرف علينا بس قليل يعني مثلا يعطيني 100
او 200 او حتى 50 ويفكر انها بتكفيني لاخر الشهر واوقات تمر حتى ريال واحد مايعطيني
الحمدلله على كل حال ، آلمشكلة الثانية تخصني وتخص الوالد انا بنت كنت دافورة مشاء الله عليي بس لما دخلت ثانوي مدري ايش اللي صار صرت ما احب افتح ولا كتاب وخاصة ثاني وثالث وهذا الاهم وبس افتح كتاب ابي اذاكر كذا فجاءة يجيني نعس مقدر اركز < آضن ان حسد والله اعلم وتخرجت بنسبة نازلة والحمدلله على كل حال ، بعد ماتخرجت قعدت سنة بالبيت مافي ولا جامعة قبلتني لان القدرات والتحصيلي والثانوية نسبتي كانت نازلة كان مافي قدامي غير اني ادخل على حسابي وقعدت سنة بالبيت زي ماقلت وبعدها بسنة دخلت ع حسابي سنة تحضيرية خلصت السنة التحضيرية لان كنت ابي تخصص صحي ومازلت ابي تخصص صحي بعد ماخلصت السنة التحضيرية سحبت اوراقي عشان اقدر اعادل درجاتي بآي كُلية ثآنية لان ما ابي الكلية اللي درست فيها بتقولون طيب وين المشكلة
المشكلة ان ابوي كل ما اقول له ابي رسوم تسجيل عشان اسجل بكلية يهاوشني يقول انتي بس تبي فلوس ماتشبعين ودخلتي كلية ودفعت لك ايش استفدتي ماستفدتي شيء اخذو فلوسك بس كذا ، قلت له يُبه الفلوس اللي دفعتها كانت حقت سنة تحضيرية مو حقت دراسة كاملة مع التخصص وانا قايلة لك هذا الكلام من قبل قال لي روحي ادرسي كوافير احسن لك وش لك بالكليات هذي وصاير هذي الايام لو اطلب 10 ريال يهاوشني ومايبي يعطيني ولا ريال لدرجة ساعات افكر اقول مدري اروح اخذ قيمة دراسة من بنك التسليف
واذا توظفت يشيلون من الراتب او اني انتظر واشوف يمكن تجيني منحة دراسية وارتاح بس حتى لو جات لي منحة لازم بدفع ومن وين بدفع مدري اذا حتى رسوم تسجيل ماعندي

حتى زواج مايجيوني خطاب ، وبيتنا للحين ابوي مافرش لي الغرفة بس حاط لي مرقد
وملابسي بكراتين فرش البيت كله الا غرفتي للحين واذا قلت له يسوي روحه مايسمع بيتنا من زمان مبني بس لسى هذي السنة سكنا فيه و البيت فرشه كله ابوي الا غرفتي حتى ثريا ماحط بس لمبات ومكيف ومرقد ولحاف ومخده والملابس بكراتين وسجادة بس هذا اللي عندي لحد الحين بالغرفة وكل ماقلت له يبه افرش لي الغرفة يسوي روحه مايسمع وخطاب محد يجي لي يخطبني ، واحس نفسي منبوذة من الجميع يعني ماعندي خوات واخواني مايحترموني ، عمري 21 سنة ولحد الحين محد دق الباب وقال نبي بنتكم

صديقات ماعندي الا كم وحدهـ وعلاقتي فيهم مو زي باقي البنات
يعني يجيك بنات عندهم صديقات وحياتهم فله ويروحون لبعض ويطلعون مع بعض
ويسولفو ويضحكو < انا ابي صديقات زي كذا ، بس صديقاتي مايحمسو وحتى لو تحمسو
لازم يجي شيء يخرب علينا ، وابوي مايحب جمعة الناس مايرضى اعزم صديقاتي البيت
يقول ما ابي احد يجي بيتي واذا قلت بروح لهم يقول لاتروحي صرت اقول بس للماما اني بروح حق صديقتي وما استاذن من البابا لان عارفة ماراح يوافق .

ملابس كل قديم وعبايات كل قديم اذا قلت للوالد عطيني فلوس ابي اشتري يقول كل يوم تشتري والله العظيم اخر بنطلون اخذته من سنة

حتى إذا مرضت مايوديني المستشفى يقول لي وش لك بالمستشفيات

انا ما ابي احسد الناس ، الله يبارك لهم باللي عندهم ، قل اعوذ برب الفلق
اعرف بنت حلوة بيضا وشقرا وعندها صديقات يحبوها وتحبهم وحياتها كل فله
ودرجاتها عالية بالمدرسة وداخلة التخصص اللي تبي وانخطبت وهي اصغر مني بسنة تقريبا ، انا ما احسدها بس ابي يصير حظي زي حظها و احسن ابي من ربي زي ماوفقها يوفقني و يوفق الجميع

انا مو لاقية توفيق لا في دراسة ولا في زواج ولا في جمال الحمدلله على كل حال
بس لاقية حسد من الناس على ايش مدري ، حتى امي تقول لي لو درستي مرة ثانية او اي شيء لا تقولين حق حد لآن عين الناس دايم عليي بس ليش مدري ، مع ان مافيني شيء يحسدوني عليه .

بالنسبة للشكل انا شكلي مرة مرة عادي يعني شعري خفيف ومليان فراغات وجاف مو خشن بس جاف وبشرتي حنطية وفيني حبوب وجسمي يطلع لي شعر بكل مكان وخاصة بطني و صدري حتى بلحيتي يطلع شوي 1 او 2

الحمدلله على كل حال حالي يمكن احسن من غيري بس يجني ضيقة حتى ابكي لما اتمنى شيء واشوفه عند غيري بكل سهولة وانا اتمناهـ ما الاقيه

حتى اخواني الصغار ابوي مايروح المدرسة يسال عنهم وماياكلون شيء واذا قلنا لابوي يروح معاهم البقالة اذا حنا نبي نطلع او شيء يروح ينام عشان لا يطلعنا واذا نمنا يقعد ويروح يطلع لحاله بس لبطنه ولنفسه يروح بس حنا لا حتى اولاد عمي وعمتي عندهم كل واحد ايباد وايبود واخواني العاب زي الناس ماعندهم ولا ملابس ماعندهم زي الناس

اللهم لك الحمد حتى يبلغ الحمد مُنتآهـ


سوري ع الاطالة بس حبيت افضفض لان ماعندي احد افضفض له

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممممممممممم *.*
حاولي تلقين لج وظيفة اذا ممكن واصرفي منها على دراستج
او شوفي امج يمكن تقدر تدبر لج مبلغ للتسجيل
وفيه شي ثاني احب اقوله لج لا تشوفي الناس اللي اعلى منج
اللي متزوج واللي عنده خير وغيره لانه اكيد بتتحسرين
وارضي باللي الله قاسمه لج
بالعكس شوفي اللي اقل منج اللي ماعنده بيت واللي بلا اهل
واحمدي ربج الله عطاج نعم انتي غافلة عنها وناسيتها
الله يرزقج
موفقة

استغفر الله العظيم الذي لا إله إلا هو الحي القيوم و اتوب اليه


__________________________________________________ __________

مشكورة اختي غرام طفلة


__________________________________________________ __________

آختي غَرام طفلة ، انا حتى لو لقيت وظيفة وتوظفت ابوي يهاوشني
ويتكلم مايسكت يقول لي وش لك بالوظيفة اقعدي بالبيت احسن لك
ويقول لي من بوديك ويجيبك وانا مش فاضي اوديك واجيبك
مرة اخوي قال لابوي ابي 20 ريال بنزين للسيارة وباخذ لي شيء اكله
قام ابوي ضرب اخوي واخوي من له اذا ابوي ماعطاهـ لا يشتغل ولا شيء
في المدرسة اخوي بثانوي ، صار الحين يشتغل مع خالي بالمكتب ويعطيه خالي راتب 800 يمكن بس
يدبر نفسه فيها ويطلع العصر مايرجع الا الليل عشانه يشتغل مع خالي يعني مابيقدر يوصلني اني اتوظف
و الصباح يروح المدرسة وماعندنا سايق خاص ولا شيء

يعني ابوي لا يبني اتوظف ولا ادرس ولا شيء ولا يبي يصرف علي
هو صح لما قلت له ابي جوال زي الناس جاب لي ولما قلت له ابي لابتوب جاب لي
واخوي لما قال له ابي سيارة اشترى له بس هذا مايكفي انا ابي مصاريف دراسة
ابي ادخل تخصص انا احلم فيه ابي احقق طموحي

و اذا على امي اخليها تدبر لي مبلغ ابوي حتى امي مايصرف عليها يعطيها 100 او 200 بس


__________________________________________________ __________

لا اله الا الله .. والله عجزت عن الرد
لكن ادعي الله بالسجود ان يلين قلب ابوك عليك ... اكثيري من الاستغفار عسى يفرج عليك همك وضيقتك


__________________________________________________ __________