عنوان الموضوع : ايش الحل مع ابوووه تعبنااااااااااا " فضفضه " -تم الاجابة
مقدم من طرف منتديات نساء الجزائر

ايش الحل مع ابوووه تعبنااااااااااا " فضفضه "



السلام عليكم

متباركين بالشهر الفضيل

قبل كل شي أبي اقوولكم زبدة مشكلتي .. أو تقدرون تسمونها فضفضتي .. مابي تأنيب ولا شششي لاني جاايه تآآيييبه !!

كتبت موضوعي هنا من قبل .. ومثل غيري أحححب وااحد !! لنا سنه وشهور مع بعض .. وهو من شهر رمضان اللي فات يحااول يخطبني

أبوووه رااافض كل مره يطلع حجه .. مره يقول من منطقه غير منطقتنآ " الفرق بيننا ربع ساعه بس " ,, ومره يقوول استخرت والخيره مو زينه مع انو انا وهو استخرنا اكثر من مرره والخيره طلعت تماام

شكله يبي يخطب له وحده من معارففه
لما كتبت مشكلتي هناا شرتوا عليناا ندخل احد من اهله ولا احد يسمع منه

وفعلا دخل ولد عمته .. أبوه يحترمه ويسمع منه

و جلس ولد عمته معاه وانه المنطقه موو عذر وكذا لين اتفق انوو خلاص ننتظظر 4 شهور إذا مالقينا له بنت من هنآآ نخطب له ذيك البنت " مع العلم انه مايدري بعلاقتنآ "


وننتظر 4 شهور يجوني خطآب وأرفض . . حياتي متووقفه انتظظره !! لا دراسه ولا زوااج والنفسيه سيئه بس هذا جزاة العااصي!

عمري 19 ..

آلمهمم انقضت الاربع شهور قال انا مو مرتاح والخيره ماكانت تمام ,, ومع المناقشات والمنااوشات قال خلاص خلي امك تروح بيتهم تشوف البنت وتشوف اهلها كيف وكذا

واتصلت امه بيتنا وحددوا يوم وجاات
وكااان احححلى يوووم , كنت مبسوووطه واخيرا حلمي بيتحقق !! كل اللي ابييييييييه يكون حلالي بسسس !!

وجاات امه وجدته وخاالته واستقبلناهم وكلل شي , وصلني بعد ماطلعووا انو عجبتهم وعجبووهم اهلي ف قلنا تمام

قال ابوه لا انتظظرووا !! لازم نسأل عنهم مع انه سال عننا قبل , أخذ اسم ابوي واخواني واعمامي + إسم امي وخوالي وماخلى احد مآ سأل عنه بالعايله

وقال عايله مرتبه وماعليهم كلام

بس ياولدي الخيره مو زينه ؟؟ انا مو مرتااح انت فكرر والقرار قرارك والخ الخ ,, اخذ يومين 3 يفكر فيهم ورد ع ابووه اناا مرتااح وابي اخطبهاا خلاص

قاله لا انا مو مرتااح ومافييه وانت ماتعرف مصلحتك !!!!

ورجع اتدخل ولد عمته .. قاله انه اتفااهم مع ابووه وانو عندهم كم ششغله يبوون يخلصونهاا ويتم الموضوع

وظلواا شهووور !!! اخر ششي ابوه ظل مصمم ع رايه ويقول لولده اذا تبيها روح اخطبهاا مع عمك انا ماابرووح وماالي دخل !
!

طبعا ابي اووضح لكم اني متعلققه فيييه بقوووه والله احبببه واتمنااه لي زوج ومااتخيلني مع واااحد غيره مستحيييييييل ماااااااابي غييييييييييييره !!!!!!

واناا مابيه بالحراام ابيه بالحلال ,, وتبت عشان علاقتنا ولناا فترررره قاطعيييين بعض مانكلم بعض الا ناادر عشاان نعرف وش صاار من تطورات بالموضوع

آخر شي امس لماا قالي انو ابوه قااله مو راضي وانه خلاص مافيه اممل !

ٌقلت له ابوك يقولك خذ عمك وروح بس يبي يبين لك انه ما يتحكم فيك ومو جاابرك وانه اختيارك عشان لاتلوومه بعديين بس لو سويتهاا راح يزعل ويغضب عليك وحتى ممكن يطردك من البيت

قالي ايه واذا طردني انتي بتنفعيني ؟؟ قهرني على هالكلمه ! اناا ماقلت له سوي كذا

وحتى لو قلت اححسسس من حق كل انسان يختار حيااته ابوووه مو دايم له وخلاص عاش حيااته ! مو من حقه يخطط له حياته ,, ولو كاان شرط وواجب رضااه عن زوااجه اظن بيكون شرط من شروط العققد مثل ماهو شرط ع البنت

يقولي انا احب حب عقلاني مابي اخذك وبعدين نعيش بمشاكل ومدري شنوو

قلت له خلاص اذا انت مو مستعد اصلا تضحي عشاني وانااا رفضيت القاصي والدااني عشاانك ومعطله حيااتي بس عشاااانك واخر شي تجي تقولي كذا وبكل سهووووله خلاص انساني واتركني
واحذف كل شي يخصني

طبعا هو مارضى وقال اول فرصه اني اخطبك بستغلها قلت له مابيييييك , تبيني بس في الرخا والششده مااتضحي عشااني ,ماقدر أأمن لك
حرام حبييتك كل الحب هذا


وحذفت رقمه وايميله وكل شي ...... آآآه والله اني احااتي كيف ايامي الجاايه بتكون ووش بعيش

الله يفرجهآ .....

حاليا افكر اطلع بعثثه برا عشان انسسسى وارتااح من هالهم والهى مع الدرااسه والحياه الجديده وعشان بعد ماابي اتزووج ماااابي انساان غييره .. مع اني اكره الغربه ومااتحملهاا بسس ابي انسسى ابي ارتااااااح



بلييز لحد يلومني ويقسى علي بالكلام كتبته عشان تريحوني ولاتنسون اني تايبه من هالعلاقه والله اني اذا اشتقت لهه اجلس اقرا قرآن وااانسسسى واحس اني ماابي اتررركه من ايدي احس براااحه
واجلس أتأمممل واقول ربي بيفرجها
بس امس اتحطمممممممممت

خاصه انه قبل شهر رمضان بكم يووم امه تقوول انو ابوه قااالهاا انو بيخطبوني بشهر رمضان ,, كل يووووم له كلالام

وطبعا ابوه مرررره متحكم فيهم خاصه بموضوع الزوااج .. اخته لما انخطبت ماارضى يزوجها يقول تدرس .. بعدين لما خلصت ظل ينتظرها الرجاال خلاه ينتظر واااايد
لما خلصت قال لا مافيه تتزوج ومدري وشو

وجاب لها عمهاا يكلمها ومدري منوو لانهاا ظلت فتره متضايقه وماتبي تكلمه ,, لين بالنهاايه اتكلم مع شيييخ ولما استخار طلعت الخيره تمام ف واافق >_<





بس = ) آسفه طوولت بس كنت محتاااااجه هالفضفضه

>>>>> ردود الأعضـــــــــــــــــــاء على الموضوع <<<<<
==================================


يمكن كلامي ما يعجبك لكنه الصراحه
انت تبتي والله يثبتك ويتقبل توبتك
لكن من رأيي مو من مصلحتك تتزوجي هالولد -وعسى أن تحبوا شيئا وهو شر لكم- حتى لو تبيتي عمره مارح ينسى أنك كنت تكلمينه من قبل ومارح يحترمك وان شاء الله ربي يعوضك واحد احسن منه

و طبيعي الاب ما يرضى يزوج ولده وحدة سوت علاقه مع الولد

اما من ناحيه أنك تبيه يضحي علشانك ويتزوجك بدون رضى ابوه عزيزتي هذه مو اسمها تضحيه هذه اسمها عقوق
وتصرف الولد سليم 100% بانه اطاع ابوه لانه لو اتزوجك بدون رضى ابوه ربي ماكان حيوفقه وهو عاق


اما انك رديتي خطاب علشانه فهذا غلطك إنك
عزيزتي عندك قلب يحبه وعندك عقل تفكري فيه


__________________________________________________ __________

الاخت اللي قبلي معاها حق--
ووجهة نظري -ان الولد بدأ يمل من وجودك بحياته وانه لو ماصار نصيب مو مشكلة عنده (ماتفرق بالنسبةله)
اسحبي عليه -بلاحب بلا وجع قلب-والله شكلها خربانة خربانة.


__________________________________________________ __________

الله يتقبل توبتك

نصيحه اتركيه ولاتتعلقين بوهم مدام شوره

بإيد ابوه فرضاً ابوه وافق تتوقعين راح تعيشين سعيده يمكن

تكونين تعيسه مدام ابوه يتدخل في شئونه أكيد راح يتدخل بحياتكم

وهاذي خيره من الله سبحانه

الله يرزقك باللي أحسن منه


__________________________________________________ __________

وعسى ان تكرهوا شيئا وهو خيرا لكم الحمدلله انك تركتيه لو كنتى مستمرة معاه ماكنتيش هتقربى من ربنا وتقرى قرءان الحمدلله هو كده قربك من ربنا وبعدين ظهر على حقيقته لما قال اذا طردنى انتى بتنفعينى ان شاء لله ربنا هيعوضك باللى احسن منه


__________________________________________________ __________

الايام راح تنسيك الولد ادرسي والله يوفقك يارب