عنوان الموضوع : تركت حبيبي لوجهك ياكريم -لصحتك
مقدم من طرف منتديات نساء الجزائر

تركت حبيبي لوجهك ياكريم



السلام عليكم ورحمة الله وبركاته
كيفكم ؟ ان شاء الله منيحين .. وكل عام وانتو بخير

انا صراحه ترددت كثير قبل لااادخل هنا بس مليييت والتفكير اتعبني
وانا بقولكم قصتي عشان تتفهمو وضعي وتنصحوني ايش اسوي

انا عمري تقريبا 17 سنه قبل سنتين تعرفت على شاب حبيته وحبني وعشنا احلى ايام عمرنا مع بعض وقعدنا حوالي سنه و9 شهور وكان في البدايه واعدني بالزواج المهم بعد سنه كثرت بيننا المشاكل لان صابه الضغط ومرض ثاني مدري شسمه خلاه عصبي موت من اي كلمه يعصب حتى كلمة حبيبي احيان يعب منهاا
وصرت فاقده منه كل شي حب وحنان واحترام و تقدير وكل شي وانا العكس معطيته كللل الي يحلم فيه ولا عمري جرحته ومحترمته بشكل كبير بس مشكلتي اعصبه احيانا لانه اصلا كلل شي يعصبه مو بيدي انا كم مره اقول باسلوب حلو انه يتعالج يرفض ويقولي حياتي وانا حر يعني مااتدخل فيه
والين ماصار يكرهني وحتى الزواج مايبي في البدايه قالي امه خطبتله بس بعدين قالي انا لو اني متزوجك اسبوع وانتي ببيت اهلك مطلقه
بالله هذا كـــــــــــلآم ينـــــقال ؟!
مره انقهرت المهم يوم شفت الحال كذا قلت احسن والله انا من زمان وودي اتوب وارجع لربي واترك هالاشياء ضميري كان دايم يانبني ان اللي بيننا حرام المهم قررت اتركه وقبل لااتركه كان ودي هو يتوب معاي وذكرت بالهه وانه حرام اللي يصير بيننا بس للاسف سكتني وماخلاني اكمل كلامي وقفلنا وانا رحت ابكي وصليت الليل ودعيت ربي وقلت ياربي انا تركت حبيبي لاجلك فيارب ترزقني باللي احسن منه واللي يعوضني عن كل شي المهم جلست اعاني كم يوم بس بعدين حسيت براحه نفسيه لاني تركت هالحرام بعد ماكنت مستمره سنتين معاه المهم وصرت ادعي ربي يرزقني بالزوج الصالح بمواصفات فبالي واستغفر كثير واقرا البقره واصلي الليل وادعي وبعدين شفت تقريبا 4 احلام وكلها كان تفسيرها الزواج وايقنت ان اللي ابه بيصير قريب ان شاء الله
وقعدت كذا الى الان وامس فتحت جوال امي ولقيت رقمه طالعت مره و2 و 3 ماصدقت وشفت رسالته : السلام عليكم كيفك ؟ وينك يالقاطعه .. حبيت اعايدك واهنيك ومن العايدين انا ماصدقت عيوني وقعدت ارتجف وابكي لاشعوريا مدري ليه هذي الايام احس اني حنيتله كثيييييير واشتقتله وتوقعت يغير ارقامه بس صدمتني جتني منه هالرساله وجلست افكر ارسل ولا لا وجيت برسل وطلع مافي رصيد وماقدرت ادبر قلت يمكن خيره بس بعدها احس اني متضااااااايقه مره وتمنيت لو ماجا منه شي قلت لو رسلت بقول وين اللي كانت بتتوب او مثلا نرجع لبعض وانا ماودي نرجع دام اللي بيننا حرام واحترت والله الى الآن احس اني اشتقتله حييل وصرت اكثف الدعاء ان ربي يرزقني بالزوج الصالح اللي اتمناه عشان انسااه احس اني تعبت آآه بس

تكفووون انا الآن حكيتلكم وضعي وابي مشورتكم وش اسوي اتعبني التفكير

وبرايكم لو جا اللي الزوج اللي اتمناه اتزوج ولا ااجل ولا ايش احس اني خايفه
ومن ناحية المسوؤليه فانا متحملتها من بيت اهلي كل شي تقريبا فوق راسي وكمان عندي ثقااافه كبيره من الحين ..

مدري وش اســـــــــــــــــــوي ؟!

>>>>> ردود الأعضـــــــــــــــــــاء على الموضوع <<<<<
==================================


حبيبتى انتى كده اخدتى القرار الصائب
اما عن خوفك من الزواج عشان عدم تحمل المسؤلية ! كده انتى غلطتى
الزواج إكمال نصف الدين وسترة وانتى عارفة الكلام وكتيرات جدا ماكانوا يعرفوا اى شئ عن المسؤلية فى بيت اهلهم ومدلالات جدا لكن ماشاءالله عليهم فى بيوتهم
اما عن الضيق ماتسيبى صلاتك ، وتكثرى من قراءة وسماع القرآن والاستغفار ، والزوج اللى بيتقدملك وتضمنى اخلاقه ودينه ماترردى واستخيرى اولا
ربنا يسعدك


__________________________________________________ __________

ياقلبي انت تركتيه مرضاه لرب ومن طباعه واسلوبه بصراحه ماينفع يكون لك زوج تحكمي بعقلك وليس بقلبك ياغاليتي ولاتنسين ابدا ابدا ان اي علاقه اساسها ضعيف يعني علاقه غير شرعيه يكون البناء ضعيف معرض في اي وقت للهدم يعني ممكن يوم من الايام يتزوجك ومن اسلوبه اكيد بيشك فيك ويسمع كلام ماترضينه في شرفك او يطلقك مثل ما قال واذا قلتي علاقه بدون هدف زواج فوالله انه مايستاهل تغضبين ربك عشانه وتقطعين رزقك من غضب ربي عليك ويصير دين عليك بناتك في المستقبل يلعبون عليهم عيال الحرام
عموما حبيبتي مابي اطول عليك المهم حكمي عقلك وليس قلبك وتأكدي ان في من يراقبك الذي لاتغمض عينه لذا كوني واعيه واعرفي وش انتي عليه والنتايج اللي تترتب على اعمالك والهدف اللي تبين توصلين له


__________________________________________________ __________

ان انصحك انك تكسري شريحتك عشان ماتقدري تتوصلي له نهائي
المرة الماضية ربي يحبك وماكان فيه رصيد
بس مصيرك تشحني وتحني وترسلي
اكسرررررررري الشريحه وغيري رقمك


__________________________________________________ __________

الله اكبر عليك يا اختي

هنيئا لكِ بما فعلتيه بقطع علاقتك بهذا الشاب وان كان يحبك لكان تقدم لك ولن يمنعكم اي مرض

وبخصوص الميول والحنان هذا وساويس الشيطان يريد منك العودة للحرام

فاكثري الاستغفار يا اختي ولا تيئسي من رحمة الله

وبخصوص الزواج // لو تقدم لكِ زوج يخاف الله فاستخيري والخيرة بما اختارها الله

واشكر الاخوات اللاتي سبقوني بالرد فهن نعم الاخوات


__________________________________________________ __________

اشكركم حبيباتي والله انكم فرجتوا همي بعد الله الله يسعدكم وبخصوص الشريحه فانا ماعندي جوال كان يكلمني بجوال امي ومقدر اغير بس حتى لو ارسل او ادق مراح ارد انا اخترت طريقي وعارفه انو هذا الصح حتى لو قلبي مايقوا عليه

بس بخصوص الزواج مدري احس الكل خوفني منه وانا ابي اتزوج لاني احس بفراغ عاطفي كبير وماودي بالحرام وكمان استرلي شرايكم انتو بالله حلو الزواج ولا لا ؟