عنوان الموضوع : هل اقبله زوجا -تم الاجابة
مقدم من طرف منتديات نساء الجزائر

هل اقبله زوجا



السلام عليكم اخواتي
أنا مشتركة جديد في المنتدى واحب اهنيكم على هذا المنتدى الرائع..
أنا مشكلتي اني من فترة بسيطة انخطبت من شخص يقرب لي يعني ولد عمي والمشكلة انه أمه مب مواطنة أمه هندية .. أنا لما كلمني ابوي في الموضوع كان متضايق واحس انه ما يريد يزوجني هذا الشخص وقال لي بكيفك وانت تحددي مصيرك .. الرجال على حسب ما عرفت انه انطوائي ومب اجتماعي بس ما في أحد قال انه مب زين أو انه في شي سئ بس أنا اكثر شي خايفة من امه.. امه بحكم انه هو اكبر عيالها اخاف انها تكون مسيطرة عليه وتتحكم بتصرفاته وبعدين رح تتحكم بحياتنا وعلى علمي أن أمه شوي فيها طبع انها تتكلم عن كل شي وتنشر الأخبار.. بس خواته وايد اوكي وربعي ,,, هذا شي واحد خايفه منه
والشي الثاني اني اخاف من نظرة المجتمع لي ولعيالي بعد سنين بأن جدتهم هندية والعيارة الذي رح تصير لي .. وانا خايفة انه ابن عمي يكون فيه نوع من عدم قبول لكون امه من جنسية اخرى ويكون هذا الشي هو الذي مخليه انطوائي شوي.. هذه يمكن تكون بعض السلبيات في موضوعي
ومن الإيجابيات انه رجال زين وهو مهندس كبير ومركزه وشغلة زين وكذلك انه من اهلنا ..
أنا وايد محتارة وما عارفة شو اسوي اخاف اذا رفضته تصير مشكلة وزعل واذا رضيت به اتعذب .. وخايفة من كوني رفضت كذا واحد قبل واذا رفضت ولد عمي فممكن يتأخر نصيبي..
ساعدوني ارجوكم وشوروا علي للأني محتارة وما عارفة شو اختار بليز الذي عندها آراء بخصوص هذا اني اتزوج شخص امه من جنسية اخرى تساعدني ولكم جزيل الشكر

>>>>> ردود الأعضـــــــــــــــــــاء على الموضوع <<<<<
==================================


مافيها شيء اذا كانت امه هندية مادامت اخلاقه عاليه...لأن ماراح تلاقين
بهالوقت شباب بأخلاق....استخيري لاتفوتين الفرصة


__________________________________________________ __________

حبيتي عااادي ويش يعني امه هنديه انتي بتتزوجيه هو ولا امه ؟؟
قال الرسول عليه السلام اذا اتاكم من ترضون دينه وخلقه فزوجوه..
حبيبتي انا انصحك تستخيري واذا في شوي تردد اجلسي معاه وشوفي اسلوبه اخلاقه
ممكن يعجبك وتحبيه وممكن لا ..
الله يقدرلك الخير
وطمنينا ..


__________________________________________________ __________

شوفي انا دائم اذا ابي اسوي شي ومتردده استخير واستشير ربي الذي خلقني وهوربي ماراح يخذلك
كثير اشياء اكوون نفسي اسويها بس لما استخير اتركها
مثال


__________________________________________________ __________

ويش يعني امه هنديه او سودانيه

مهما كانت جنسية امه هذا مو عيب في الرجال

ودامك تقولين الرجال مهندس ومافي شي يعيبه استخيري رب العالمين

وبعدها قرري اما القبول والرفض

واتركي عنك الخوف انه ممكن في المستقبل يعايرون عيالك بان جدتهم هنديه

طيب ممكن مستقبلا لو كانت امه سعوديه وبدويه مارح يعايرونهم ببعض تصرفاتها اللي يعتبرها البعض الحين مو متحضره بحسب مفهومهم

استعيني بالله واذا مافيه اي عيوب توكلي ع رب العباد واقبلي فيه

والله يسعدك ويوفقك بحياتك

ويكتب لك اللي فيه الخير


__________________________________________________ __________

كلام الاعضوات صح