عنوان الموضوع : مدرسة شباب جنب مدرسه بنات
مقدم من طرف منتديات نساء الجزائر

مدرسة شباب جنب مدرسه بنات






رنيم : يختي جعلس بالجنه تكفين إسفين
استاذه سلوى : انتم متى بتتادبون قولو لي ؟
ريما : اذا متي ان شاء الله
زعققو البنات من جرائتها والمديره بققت عيونها
سلوى : لا لا ي ريما مو معقوله انتي قددداممميي بسرعه
ومشت وهي ماسكه ريما
لحقتها ررنيم : استاذه استاذه
لفت استاذه سلوى : وش عندك بعد
رنيم : انا احووببك عادي تخليني ارقا وتسامحيني
استاذه سلوى : روحي
شهقت ريما : وانا
استاذه سلوى : اذا مت ان شاء الله اقول امشي امشي قدامي

راحت ريما للبنات
روان : ساااممحححتتك ؟
رنيم : ااايييييييه - فيس يرقص -
طبعاً الطوابير رقت الا البنات قعدو يحترون ريما
طلعت ريما وهي متنرفزه : وجع عليها قبص إذن الله ياخذها طيرت أذني
نجلاء : تستاهلين وش الي اذا متي بعد انتي
ريما : ي ربي منكم ماتفهمون يعني طول هالحياة ماراح تشوف هبالنا وان ماتت عاد نرجع ننهبل بس دامها وقعتني تعهد منيب عاقله
ضحكو عليها البنات وتوجهو لدرج وهم يرقون لفت روان على البنات : بنناتتت
نجلاء : هاه
منيره : سمي
لمياء : وش
رنيم : نعم
ردت ريما على رنيم : نعامه ترفسك
لفت عليها رنيم : وانتي معي
روان : الزبده شفتو وليد اليوم كككيوت شكله
رنيم تخصبقت : بنناتتت من علينا الحين ؟
قامو البنات يضحكون وصلو للفصل فتحو الباب لقو عليهم رياضيات ابله نحاء هالمعلمه يحبونها دايم تضحك ونستهبل مع الطالبات وبدويه بدويه ؟
نحاء : وش عندس جايتن هالحين ؟
رنيم ردت بما انها حقت ذا الشله : عند الاداره
نحاء : وش مهبهبين اليوم ؟
ضحكة ريما : معك المتحدث الرسمي المهبهب
نحاء : انتي الله يكملك بعقلك بس اقعدي
فقع الفصل ضحك على ريما قالت وحده من الطالبات : ريما دوري خشمك
ريما : هاهاهاهاهاهاهاهاهاهاهاهاها سامجه

قعدو البنات وكان ترتيبهم غير عن العيال

ريما - رنيم - نجلاء
منيره- روان - لمياء

طلعو كتبهم ودفتر حقهم اسمه دفتر الحش بالحصص
كتبت رنيم بدفتر : بنات وش فيها منيره اليوم
ومدت الدفتر لريما : مدري بس شكلها تعبانه شوي
مدته لنجلاء : أمها تعبانه مره ؟
رنيم : يا عمري وشلون بتعالج أمها
ريما : رافضه تأخذ الريال مننا ؟
مدت نجلاء من تحت الدفتر للمياء بس سحبته منيره فتحته وصارت تقراء كلامهم نطلت الدفتر بالأرض ووقفت وقالت للاستاذه : استاذه ....

عند العيال


في حصة القران الاستاذ قاعد يقرا والكل يتبع معه بالمصحف وقف أستاذ القران وقال : اذا انتهينا بدري راح ننزل بساحة طيب ؟
كل الطلاب فرحو : طططيييببببببب
وصارو يقرون بكل تحمس
أستاذ القران : فيصل كمل
كمل فيصل آيته بعده سعود بعده وليد
بعدين قال الاستاذ : نكتفي بهذا القدر يلا ننزل لساحة الخارجيه بس بكل ترتيب وهدوء
طلعو العيال بكل ترتيب وهدوء توجهو أبطالنا لجنب مدرستهم بحيث المطل حقهم جانب مدرسة البنات قال وليد : يا شباب في نهاية الدوام بكون جريئ واسويها
عزيز : لمين
وليد : لوحده من البنات
بحكم ان المدرسه من ابتدائي لين ثانوي فالعيال عارفين البنات والبنات عارفينهم قال محمد : اي وحده منهم
وليد : مالك دخل
عزيز : حمود دور خشمك ههههههههههههههههه
بعدين كلهم سكتو وصارو يناظرون في دريشة أبطالنا وكلهم كانو يناظرونها
قال وسعود : شباب كل واحد يقول وش يتمنى او خاطره فيه الحين يمكن واحد مننا يقدر يحقق امنيته
وليد : انها ماتردني اليوم ؟
تركي : ابوي يرضى اسوق ؟
فيصل : ودي اشتري شوز اسود هففف تصدقون يالعيال دورت ماحصلت خاطري بأسود ؟
عزيز : اما انا خاطري في شاورما الحين حاره واوووتتشش ياكبديه كذا تجيك توها طالعه والمايونيز والخل ي سسسلام ؟
سعود : ماهمك الا بطنك ؟
عزيز : وش رايك يعني تبيني اموت ؟
فقعو العيال ضحك على أمنية عزوز
سعود : يلا كملو ؟
محمد : اني اروح لأمريكا وأشوفها
سعود : وانت يا راكان
تكتف راكان ورجع تسند على ورا : كل شيء عندي مايحتاج اتمنى ؟
وقف وليد : اسمع يا راكان حنا متفقين من قبل بلا هالغرور ؟
قام راكان ضحك : استهبل انت وخشتك - عدل جلسته بشكل مضحك وقال : اخخخخخ اتمنى ان ربي يهديني ويشيل هالغرور
سكتو بعدين قال تركي : وانت سعود ؟
سعود ناظر بالأرض وقال : اتمنى اني اقدر احقق امانيكم الي تو ؟
كلهم قامو وخموه
وليد : نحبك وصدقني تفكيرك في انك تسعدنا هذا شيء لحاله يسعد.
عزيز قام من حضن سعود وتكتف : اما انا منيب مسامح جعلك الفقر شاورما بسته ريال الحين تطلع تجيبها
العيال : ههههههههههههههههههههههههههععهعههههعهه
فجاءة الجرس في مدرسة البنات بعدها بشوي سمعو صوت صراخ بنت فز قلب وليد وتركي يا ترى هل هي الي يحبها ، اما الباقي مافز فيهم غير عرق القافه ههههههههههههههههههههه بثواني رن جرس العيال والفصل كله توجه للفصل في الدرج عند ابطالنا سعود : خلاص انت وياه بلا لقافه يع منكم
عزيز : سعود يرحم والدينك وش هالبرود ماتبيع لي كمية برود ؟
سعود تكتف : احتاج برودي
قام فيصل يصفق : يممديك ي عزيز يمديك
عزيز يضحك : ارروح ملحح مع بروده
وصلو الفصل ولقو معلم اللغه العربية مسنتر عند الباب يحتري الطلاب قال فيصل : هلا يالحبيب
المعلم : ادخخخول ادخول بئه بلا حكي يسد النفس
العيال فقععوو ضحك
فيصل : اومج تكليججه جبهتي طارت
دخلو الفصل وطلعو الماده همس عزيز باذن فيصل : خلنا نهبل به ونسأل عن أتفه الأمور لو هي سامجه ؟
غمز فيصل بالموافقة
قال الاستاذ : التاريخ كم اليوم ؟
عزيز : تسألنا حنا ؟
الاستاذه لف : ايه ؟
عزيز لف على فيصل : فيصل انت معلم ؟
فيصل باندهاش : لا والله ؟ وليد انت معلم ؟
وليد فهم عليهم وحب يكمل : لحضه لحضه اذكر لا والله باقي ماطلعت
ناظره عزيز : انت معلم يعني انت الي تعرف مو احنا
المعلم وقتها خاطره يمسك عزيز ويطيره من الشباك قال : انت طالب ؟
لف عزيز لعيال الفصل : يعيال انا طالب ولا منيب طالب ؟
الفصل : طالب ؟
المعلم : اوووهه يعني درجاتك عندي ؟
تخصبق عز همس فيصل بإذنه : درجات دنيا درجات دنيا وسع صدرك ؟
لف عزيز وابتسم وقال بصوت عالي : استغفرالله استغفرالله لا اله الا الله اعوذ بالله لا اله الا الله يارب تغفر لي يارب ولاصدقاي يارب يارب
تكتف المعلم وقال : متى يعني يا هالشله تتركون هبالكم وانت وش شايف جني ؟
عزوز : لا بس نقصتني درجات دنيا عاد الي الاخره تخبر كذا جنه وكذا ؟
المعلم تلفت اعصابه نطل القلم وطلع
فقققع الفصصصل ضحك ؟
فجاءة دخل الاستاذ ومعه ....


انتهاء الجزء الاول من البارت الثاني أعطوني توقعاتكم على الجزء

وش راح يسوي وليد نهاية الدوام ؟؟
وليد من يحب ؟
تركي من يحب ؟
أمنية وليد غامضه احد يقدر يبينها ؟
رايكم بشخصيات بشكل عام ؟
افضل شخصيه بالبارت ؟
مين البطل الأساسي وليد ولا تركي ؟
ايش الي مع الاستاذ ؟
وأيش راح تقول منيره ؟

اذا شجعتوني بردود اكثر كل ماصرت انزل اسرع وأقرب ؟

>>>>> ردود الأعضـــــــــــــــــــاء على الموضوع <<<<<
==================================


اسفه ماكملتا


__________________________________________________ __________


__________________________________________________ __________


__________________________________________________ __________


__________________________________________________ __________