عنوان الموضوع : الله يسامحك ي ابوي. -لصحتك
مقدم من طرف منتديات نساء الجزائر

الله يسامحك ي ابوي.



السلام عليكم

انا اعاني من شكوك ابوي علي

مره من المرات كنت جالسه بالصاله واطالع مقطع لعرس مغني مشهور وفيه رجال يرقصون

وابوي مطوع ويدري اني اسمع اغاني

فجأه دخل وانا ارتعت لانه دخل فجأه وبنفس الوقت ع اساس المقطع لانه مايرضى احفظ صور رجال ولا اشوف فديو لرجال
وقام وبدى التحقيق
وش تطالعين..مقاطع مو زينه..ليه ارتعتي اول مادخلت اكيد مقطع مو زين

وانا سكتت قلت مع الايام ينسى
وجت مره قالي انو بيشتريلي الايفون الجديد بشرط اني اترك الاغاني قل له بس تجيب الايفون طلبك تم
واليوم الي بعد كنت توني صحيانه من النوم وجلست بالصاله اكلم صديقتي عن الاندومي-من كثر م انا صادقه قل لكم وش كنا نسولف عنه ههههه-وكنت حاطه السماعه على اذني واسمع اغاني وفجأه دخل وانا خفت وطفيته على طول
لاني مابيه يسمع ويهون ومايجيبلي
ومن بعدها الله لا يوريكم بكل شيء يشك
انا من النوع الي احب اجلس ورجولي مفتوحه يعني مو زي البنات
المهم انه دايماً يشوفني كذا ويسكت ومن بعد هالسالفه دايم يقولي تعدلي تعدلي وش هالجلسه مو زينه
واليوم جالسه ازبط ملفي "لاني ب ثانويه مقررات"ومسكت لابتوب امي وجلست ازبط بالوورد وجا عندي قال شتسوين-وشاف الملف والاوراق المعفوسه-حق المدرسه؟؟قلت له ايه قال اها وراح
بعدين يوم جا يطلع انا رحت عند الطابعه عشان اخذ الاوراق منها"لانها تطبع بالواي فاي"وجا دخل الغرفه ويطل باللابتوب ويتحوس
يعني وش بسوي بالله!!
ولا فووق هذا اليوم طلع مع امي وجلس يهاوشها بدون سبب حتى دخلت البيت وهي تبكي وقالت لي ان ابوي هاوشها بدون سبب . وانا شكيت ان بسبب هالسالفه

عاد هو من خلقه ربي مايوثق بالحريم بس هالمره صاير شكاك بزياده ويفتش بعد افف منه

>>>>> ردود الأعضـــــــــــــــــــاء على الموضوع <<<<<
==================================


اللي ما يسوي شي خطأ ما بيخاف لو كان فوق راسه مليون واحد شكاك
اول شي ابوج اكيد مر عليه موقف خلاه جيه او انه من خوفه عليكم جيه يتصرف
والاغاني اتركيها لوجه الله ولرضى رب العالمين تراها ما راح تنفعج يوم القيامة
الله يصلح حالكم

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

الأمور إللي طلبها أبوك معقوله و كلها ترضي الله ..

و ما فيها شئ من ناحية ثانية ما يمنع إنك تسوينها عشان ابوك يرضى ..

زي تعديل جلستك مثلا ..

و مثل ما خليتي ابوك يشك فيك بسبب تصرفاتك خلي تصرفاتك كمان تبرهن له انه مافي شئ من إللي في باله ..

و نصيحة لا تزيدين من شكوك أبوك بسبب تصرفاتك لان الشك بيكبر و ممكن ياخذ منك الجوال ..


__________________________________________________ __________

تصرفاتك كلها خطاء

احمدي ربك انه ابوك انسان متفاهم

انصحك بطاعته


__________________________________________________ __________

بالعكس انا مااشوف ابوك شكاك اشوفه حريص عليك ويخاف عليك

وشي طبيعي ولي الامر ينتبه لعياله ويراقبهم ويشوف وش يسوون

ابوك رجل ونعم الرجال بعد حريص عليكم ومنتبه لكم وزياده ع خوفه معطيكم الحريه واللاب توب

روحي شوفي الشكاكين ساحبين من بناتهم كل شي خاص بالتكنولوجيا لاجوالات ولا لاب توب ولاشي وحارمينهم

واسلوبه معك حضاري لو اي ملتزم غيره تلاقينه يسحب السماعات وياخذ الاب توب والجوال ويقول اشوفك تسمعين اغاني اكسر ظهرك

بس معطيك حريتك وكامل الحريه بس هو يصحك باسلوب جميل لما قال اتركي الاغاني وبجيب ايفون

اعجبني لو بغيره وهو داخل وهو طالع كف

ابوك ماشي على (( كلكم راعي وكلكم مسؤل عن رعيته ))

هو مسؤل امام ربي عك وع اخوانك لازم يراقبكم وينتبه لكم ويشوف وش انتم عليه مو راكض وطامع ورا الدنيا ولاداري عنكم

كثر الله امثاله


__________________________________________________ __________

الله يسامحك انتي