عنوان الموضوع : اسمعوا قصتي وانتوا احكموا مجابة
مقدم من طرف منتديات نساء الجزائر

اسمعوا قصتي وانتوا احكموا



انا قبل زواجي انسانه ملتزمه جدا يعني قفازات وشراب وعيوني ماتطلع وكل هذا بقناعه مني ولا احد يجبرني وحتى عيلتنا ماهي محافظه يعني هالمواضيع عندهم شخصيه وكذلك احفظ عده اجزاء من القرآن الكريم وتجذبني المواضيع الدينيه والثقافيه بشده ولا لي واقسم بالله العظيم اي احتكاك بالجنس الآخر إطلاقا ولاحتى فكرت بهالشي عموما خطبني صديق لزوج اختي وعلى اساس عاجبته اخلاقي والتزامي وانا استخرت ووافقت وتم الزواج وباول يومين بدأت المساومات ان لاتتغطين عن اخواني الصغار وهم بالثانوي لاتلبسي قفازات حقت عجايز اكشخي لاطلعتي وكل هذا بتحريض من اخواته لانهم راعيات فشخره مع اني بيني وبينه ماالبس الا افخم الانجريات والملابس الداخليه فإذا انت راضي بشكلي في حياتنا الخاصه خلني ارضي ربي لما اخرج !! المهم خلال فتره زواجي تبهدلت بهدله مااتوقع وحده جربتها لعانه وتحريش من امه وخواته وسلفاتي وعيون زايغه من اخوانه وقرايبه لانه مسكن قريب له معنا بالبيت وهالقريب صاير كأنه من اهل البيت يدخل علي بالمقلط بلااحم ولا دستور كذا ولا صوت فجأه وكل هدفه يشوف شكلي وبعدين يتعذر يقول ماعبالي احد بالمجلس وهو مجلس حريم وانا اسكت مااعلم بإعتقادي اكسب زوجي بهالفعل وناس غريبه لدرجه وحده من سلفاتي بعزيمه وهي ماتتغطى عن زوجي بتعطيه الشاي ولا ثلاث ارباع صدرها طالع وهو جالس يناظر عليها وهي ولا همها عادي وغيرها من المواقف انا هنا ماحسيت بالي مفروض المرأه تحسه بموقفي مشاعر غيره وخرابيط لا حسيت بقرف وإشمئزاز وكرررهت زوجي ومع كثره المشاكل والتدخلات تطلقت طبعا عندي ابنه صغيره ابوها مايصرف عليها ابدا وانا بدون وظيفه وابوي مريض وكبير بالسن وغير موظف واخواني مشغولين مع عوائلهم فأيش الحل اربعه سنين وانا وهي عايشين على الكفاف وعلى اعانه الضمان الإجتماعي وابوها حي وبنفس الوقت بنتقم من الكل من كل من هدم حياتي فتوصلت لحسابات طليقي واخوانه وازواج خوات طليقي بتويتر وقدرت استدرجهم عن طريق الايميل والجوال رسائل فقط لان صوتي يعرفه طليقي وكلهم يحولون لي لحساب بإسم صديقتي بالبنك اقل شي الواحد 1500 ريال شهريا والموضوع له اكثر من سنتين بنتي قدرت اسجلها بروضه واشتري لها الي عمرها ماحلمت فيه وانا سجلت بالجامعه إنتساب وادرس اداره اعمال مستوى ثالث هل انا على حق بالي اسويه ليش اموالهم واموال طليقي عادي عندهم تروح على عشيقه بزعمهم ولا ممكن تروح على بنته وامها انا وصلت للي ابيه خليتهم يصرفون علينا وخربت علاقاتهم بأزواجهم لدرجه وحده من حمواتي والي كانت اكبر سبب في طلاقي زوجها يفكر يطلقها وانا بشربها من نفس الكأس الي شربتني منه ممكن تقولوا هذي شيطانه مو انسانه طيب انا وش ذنبي لما هدموا حياتي وتدخل الصغير قبل الكبير فيها مو من حقي اعيش زيي زي باقي الخلق
الله قال او تسريح بإحسان ..
أبي أسمع آرائكم باللي اسويه مع ملاحظه اني حريصه ان يكون مال طليقي هو الي فقط اصرفه على المأكل والملبس وغيره اصرف فيه على البيت ..

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
الله يعينك
فعلا احداث قصتك اثرت فيه..
الا المقطع اخذ النقود منهم وهمل مشاكل بينهم حتى يتطلقون هذا كفي عنه لأنه حرام..
الي عملتيه لحد الان كافي..
لان حرام صدقيني الانتقام لغه الجبناء...
وماراح تحسي براحه بال لو كل اخوات طليقك طلقوهم..
ولو حتى عاشو بالشارع...
فالي عملتيه لحد الان كافي...
وعيشي حياه متواضعه الى ان تتخرجي والله يرزقك بزوج يعوض عليك
وبوظيفه ملائمه...
بس كافي الي تعمليه حرام مايرضاه الله...
وصدقيني لو تتركي عذابهم لله افضل=)"
فوضي امرك لله وتوكلي عليه..واتركي سبل الشيطان..
لأن اذا استمريتي الله راح يعاقبك...!!
يمكن العقاب يظهر في بنتك وتتمرض...او انتي توقعي بحادثه...او يحرمك من رزقه فلا زواج ولاوظيفةة...

اتركي الي تعمليه...وفوضي امرك الله..
فالله حكيم رحيم وماخاب من اعتمد عليه..


__________________________________________________ __________

هههههههههههههههه
قسم انتي داهيه الله يسعدك ويفرح قلبك ابنتك
شوفي كل اللي سويتيه يستاهلونه بس احس قلبك مليان حقد
اتمنى انك تنظفينه وتنسينهم وفلوسهم افتكي منها الله واعلم انها مال حرام
لكن فلوس طليقك احسن انك سويتي معه كذا ولا تتخلين عنها وحتى بنتك قوليلها يابنتي تراك عايشه من خير ابوك هالشي ينفعك بعدين لمن تكبر وتروح تسير على ابوها راح يدري انك أصيله مع انه ظلمك الا انك اتجملينه بعين بنته
ماشاء الله عليك قسم عجبتيني قمت اضحك من كل قلبي


__________________________________________________ __________

الله يعينك


__________________________________________________ __________



احسن زين ماسويتي فيهم وحوش ماهم اوادم



__________________________________________________ __________

الله يعينك وزين سويتيه .. بس انصك ترسلي هل رابط الموضوع
لـ آي شيخ او داعيه اتعرف حكم الفلوس اللي انتي خذيتيه منهم ..
لان كل شي سويتيه تماااام ولكن بغض النظر عن الحلال او الحرام ..
فـ انصحك ترسلي هل موضوع لـ شيخ من موقع اسلام ويب وهو راح يفتيلك

مركز الفتوى - فتاوى جامعة بين الأصالة والمعاصرة - إسلام ويب

وحاولي توضين فيه اكثر عن الفلوس من وين اخذتيه هل من طليقك فقط ؟
و هل قلتي لهم انك محتاجه فلوس وهم ارسلو لك .. ولا خدعتيهم وجعلتيهم يعشقونك مثلا ؟