عنوان الموضوع : طفولتي كلها تحرشات ..وإهمال ومافي احد اقدر اشكي له همي غير ربي مجابة
مقدم من طرف منتديات نساء الجزائر

طفولتي كلها تحرشات ..وإهمال ومافي احد اقدر اشكي له همي غير ربي



بسم الله الرحمن الرحيم**
السلام عليكم ورحمة الله وبركاته
ترددت كثير أني اقول الي في خاطري لأني من النوع الكتوم بس خلاااص تعبت من الكتمان نفسيتي تعبت احتاج افضفض احتاج احد يعرف الي اعانيه لان الي في قلبي مايعرفه الا رب العالمين ..ودي لو اكتب اسمي علشان كل الي كانوا ينتقدون شخصيتي قدام أمي يعرفون السبب علشان مو بس يسكتون الا يبكون..فحبيت يا خواتي في الله أنكم تعرفون شي بسيط من الي في قلبي لعل وعسى أني ارتاح ..أنا يابنات تحرش فيني اخوي لمدة سنتين من كان عمري سبع سنوات وكنت اعتبر صغيرة مااعرف ان الي يسويه حرام حلال طبعا اخوي كان في الثانوي وطبعا ماكان يخاف من ربه فيني ولا حتى يخاف احد يكشفه لان أمي الله يسامحها كانت مهملتنا لأبعد الحدود كانت دايم تطلع وتتركنااا مع هالوحش وللمعلوميه أمي ربة بيت مو موظفة الي نقول الشغل مخليها تهملنا كان يابنات وقح بشكل ماتتصورنه كان يتحرش فيني قدام إخواني "اخوي الي اصغر مني واختي الي اكبر مني بسنتين" وكل مااحاول ابعد عنه يضربني ودموعي في عيوني حتى وانا نائمة كان يتحرش فيني لدرجة في يوم حسيت في شي ثقيل علي موقادرة اتنفس مافتحت عيوني الا اشوف اخوي فوقي ماتدرون كيف الرعب الي عشته كانت دموعي بتطيح من شدة الخوف ..لمن جا الصباح طيران لامي وقلت لها ماما في الليل حسيت ان شي ثقيل فوقي ومو قادرة اتنفس وشفت اخوي فلان فوقي عاد هي بكل برود كلمته قدامي عن الموضوع قال لها كنت ادور مفتاح ..الله لا يسامحك يالمنافق ..وامي صدقته ونفسيتي يابنات تعبت صرت ماانام الليل وأبكي صرت أخاف من بكرة تخيلوا بنت صغيرة وحاملة كل هالخوف ومافي احد جنبها يهديها ويضمها ما كان احد ارحم بحالي الا ربي ..وكل يوم اقول راح اقول لامي ويجي اليوم وأقول بكرة..وفي يوم شفت أمي طالعة ع التهوية لحقتها وقلت لها ماما اخوي فلان سوى فيني كذا وكذا..عاااد هي عصبت علي واشوي وبتصرخ علي من الصدمة..عاد هي كلمت أبوي في الموضوع ولمن جا الليل أبوي ضربه ضرب وقال لو الود ودي كان دسته بالسيارة..عااد تتوقعون أمي راح تهتم فينا بعد الي صار ...مع الاسف أمي كما هي تطلع وتتركنااا في البيت وتهمس في أذني انتي تعرفين الصح من الغلط وتمشي طيب انتي ماقعدتي معااي ولا علمتني هذا صح ولا خطأ ..أمي الله يسامحها كانت ماتتحمل احد يحن فوق راسها او يبكي عاد تقول يافلان طلع اختك ويجيكم اخوي ويضرب فينا ويجرنا من بلايزنا برااا ليه طيب ؟؟وكانت أمي تحط في فمنا بهارات حارة وفلفل وتتركنااا في الغرفة نصرخ ونبكي من الألم وين حنان الام؟؟؟حتى لمن دخلت المدرسة في ابتدائي كانوا البنات يحاولون يتحرشون فيني بس ماقدروا علي وقاموا يتحرشون في بنتين قدام بنات الفصل..وبنات الثانوي ما سلمت منهم كانوا يبوسوني ويضموني لدرجة وحدة منهم كل ماشفتني تغمز لي وهي شكلها بوية فكنت أخاف منها وأبكي لدرجة رحت عند معلمة**مااعرفها بس كانت مناوبتها وانا ابكي وسئلتني حبيبتي شفيك تبكين؟؟قلت لها في بنت تلحقني وتضايقني ..قالت لي وريني إياها وأشرت عليها ونادتها وقالت لها ليه تلحقين البنت الصغيرة و و ؟؟؟وردت عليها صدقيني مالحقتها..عمري ماحسيت بحنان أمي هي ماتضمني أبدا وقهرني موقف وانا في ثالث ابتدائي كانت تدرسني معلمة حامل وولدت ومات ولدها..المهم وقت الشهادات رحت مع أمي ناخذ الشهادة وكانت منها وهي كانت تشكي لامي الحال وتبكي وقامت وضمتني وقامت تبوس راسي عاد لمن ركبنا السيارة أمي قامت تقول لابوي الي صار ولمن تذكرت ان الأبلة ضمتني قامت تضحك وتتمسخر وتقول لأبوي فاتك شكل الأبلة وهي تضم بنتك وتبوسها ع الاقل يأمي المعلمة ضمتني وانا مو بنتها وانا بنتك من دمك ولحمك مافكرتي تضمني ليه ليه يأمي؟؟؟عاد طفولتي طويلة عريضة وهذا جزء منها ..صحيح انها أثرت على شخصيتي وخلتني خجولة لدرجة ان كل الي يعرفوني ومعلماتي يقولون لامي بنتك ليه خجولة ليه تستحي وليه وليه لدرجة خلوني انقهر فوق الي فيني ينتقدون شخصيتي ويقولون لازم ولازم ليه مايراعوون شعوري ترى الي مريت فيه مو شي هين أكيد راح تقولون هم مايدرون بس خلاااص مالهم دخل فيني ..والي قاهرني اكثر ومقطع قلبي ان الغريب والمعلمات يهتمون فيني اكثر من أمي الي ربتني يعني ألاحظ انهم يحاولون يطلعوني من الي أنا فيه ع الرغم انهم ما يعرفون شي ..يحبون يسمعون رأيي في الاشياء يحاولون يخلوني أشارك مع البنات في النقاش غير أمي الي كل مارحت لها ابي افضفض لها الي في قلبي تصرفني عنها بأي طريقة يعني اقول لها أمي أنا متضايقة تقول لي نظفي وتنسين الضيقة ولا تقول لي أنا مو متحملة ..أنا وانا ..ليه تحرمني من حنانها ماابي الغريب والمعلمات يحنون علي اكثر منها احيانا ابكي من القهر ع هالحال ضاقت فيني الدنيا كلمتها في يوم وقلت لها في قلبي شي ولاتزعلين وقلت لها أنا احس انك ماتهتمين فيني و..و.......ومن بعدها مافتحت لها الموضوع أبدا صرت احبس نفسي في غرفتي تعبت اي تعبت ماعندي احد ابكي له واشكي غير ربي ..اختي الكبيرة لمن اقول لها ممكن اقول لك شي تصرفني تقول مالي خلقك ولا ابي اسمع سوالفك؟؟؟قولوا لي لمين اشكي ماابي اطفش صديقاتي بهمومي بس والله احتاج احد يمسك يدي ويطلعني من الي أنا فيه ويقول لي هانت ..بس مين مين ..,أنا تعبت ماابي اروح اشكي المرشدة الطلابية ولا حتى لأي معلمة مو نقص ثقة فيهم بس مااقدر اقول لهم ..تعبت والله ياخواتي لدرجة ان اخوي الكبير كان يسوق السيارة وامي موجودة وانا واختي كان رااح يودينا نحلل تحليل زواج المهم في الطريق ماادري شنو صار بالتحديد قام يقول لي " يالعانسة" ساعتها خنقتني العبرة لهدرجة يظن ان مافي احد راااح يتزوجني بسبب هالتحرش ولا ايش..عاااد أمي قامت تقول له انتبه ع ألفاظك ..وقام يقول لي كان قصدي اقول لك يالانسة بعد ايش بعد ماجرحتني ...خواتي ابيكم تحسسوني ان في احد يسمعني في احد يهتم فيني ابي احد يواسيني ابي دعواتكم لي بالزوج الصالح الي يخاف ربه ..وآسفة ع الإطالة ..

>>>>> ردود الأعضـــــــــــــــــــاء على الموضوع <<<<<
==================================


بصراحه اختي الكريمة حزنت عليك كثير
واقولك نصحيتي ونتظر البنات

ثقي بالله وتوكلي عليه
امك هي كذا يعني انتي حاولتي وبذلتي وماقصرتي
بس هي كذا فارجو انك تتقبليها كما هي
انا عارفه انه مهما قلت لك سوي سوي لايمكن انها تحل مشكلتك
بس تفكيرك
اسلوبك
ثقافتك
واضح انك انسانه لديك عقل تفكري صح
حاولي تصبري كلما ضاقت عليك الامور سوي الاتي
وسويها مو بس تقولي طيب
اتوضئ وصلي ركعيتن وانتي ساجده قولي لربي كل شي في خاطرك
وادعي الله بصدق من قلبك
والله يرزقك الزوج الصالح اللي يسعدك ويهنيك يارب


__________________________________________________ __________

بصراحه والله اني بكيت
لكن ما عليك يا اختي من فيني ما عانا من هالدنيا
ابيك تقوين ثقتك بنفسك انسي اللي صار كله ورميه وراء ظهرك
ولا عاد تفكرين فيه صدقيني رح تتعبين
الزمي الاستغفار وجددي من حياتك الجأي الى الله وعليك بقيام الليل ودعي ربك
الله يرزقك بزوج صالح


__________________________________________________ __________

الله يرزقني ويرزقك وجميع بنات المسلمين بالازواج الصالحين عاجلا غير اجل


__________________________________________________ __________

اختي الكريمه

انتي شخصيه قويه والحمد لله لا تخافي ولا تقلقي

وبعدين الاهم انو خلي ثقتك بالله عاليه

والاهم انو لا تضعفي مهما صار معاكي
والاهم انك لا تلجأي لاي طريق تاني غير ربك

ولا تضعفي مع مرورو الايام بل زيدي ثقه بالله

واستمري على الدعااااااااء لكي ولامك

امك من النوع الغير مبالي بتعوض النقص الي كان عندها وهي صغيره

وانتي لا تكوني مثلها

والله ينولك الي تحبيه ويهدي امك

واحنا كلنا معاكي ودايما معاكي وحنكون ليكي خوااااااات
اعذريني لاني لن اكون معاكي اطول وقت لاني مضطره امشي للضروره

اشوفك في مكان تاني والا اللقاء في اخبار جديده وجميله عنك


__________________________________________________ __________

الله يوفقك حبيبتي ويرزقك الزوج الصالح

ويعوضك خييييييييير ياارب

قصتك مؤلمة جدا .. لكنك ما شاء الله عليك شاطرة

من يومك صغيره.. ماسكتي على اخوك

وهذا شي ممتاز.. امك الله يهديها مشغوله بايش عنكم ماأدري؟؟

لكن اتوقع اهلها عاملوها بجفاء وفاقد الشيء لايعطيه

اعتقد انها عانت من فقدان الحنان.. حنان الام او الاب وهذا الشي

اللي مخليها كذا قاسيه وغير مباليه ..والله اعلم


انا اشوف ياقلبي انك تروحي لمرشدة الطالبات وتستحلفينها انها

ماتطلع قصتك لاي احد((وانا متأكده انها ما راح تحكي لاحد))

لان المرشده دايما تكون كتومه وحافظه لاسرار البنات لانها مستأمنه عليهم


افتحي لها قلبك يالغلا وقصي لها كل شي عن طفولتك


هي عندها خبره وبحكم تخصصها راح تريحك ان شاء الله

وبتعلمك اش لون تتعاملين مع امك


صدقيني ياقلبي مالك بعد الله الا كذا


وانتبهي من رفيقات السؤ..لان اي وحده بتعرف قصتك


ممكن تستغلها وتجرك لاشياء اصعب من اللي حصل معاك


واتمنى انك تكوني لسى بنت وما حصل اي شي لعذريتك


ربي يعينك يالغلا