عنوان الموضوع : مــآآعرف شسوي ,, ولا اعرف اشكي لمين مجابة
مقدم من طرف منتديات نساء الجزائر

مــآآعرف شسوي ,, ولا اعرف اشكي لمين



السلام عليكم ,, كيف حالكم ان شاء الله تمام

الصراحه انا ببتدي مشكلتي من دون مقدمات ,, لان محتاجه ردود سريعه قبل لا يفوت الفوت ,, انا وحيدة امي وابوي ,, امي توفت من 8سنين وانا عايشه مع ابوي لحالي .. الحمدلله ربي رزقني بـ آب الكل يتمناه الحمدلله والشكر لك يارب مب مخلي علي قاصر ومريحني .. والله يخليه لي ان شاء الله ولا يحرمني منه ومن حنانه

مشكلتي الصراحه مع خطيبي .. { تعرفت ع شاب عن الطريق الانترنت وصارت بينا اجمل و اروع قصة حب .. تقريبآ اول ما عرفته كان عمري 12 سنه عشت معاه اجمل و اروع سنين عمري كبرنا مع بعض وكبر حبنا واحلامنا معانا .. المهم تقدم لخطبتي هالشاب والحمدلله كل شى تم والحمدلله .. بس مب عارفه ليش احسه متسرع احنا بالهشر كملنا سنه من كتب كتابنا ولين اليوم ما حددنا موعد العرس .. خصوصآ ان انا ابي اكمل دراستي الجامعيه وهو نفس الشىء .. هو يبي يدرس ببيرطانيا وانا جامعتي بقطر هو مب راضي واكيد ماراح يتنازل عن دراسته وانا ما ودي اترك دراستي واتنازل عن احلامي واقعد بدون اي شهاده تعيني وآخاف لو تخليت عن دراستي اندم ندم شديد بعدين .. هاذي احدى مشاكلي مع خطيبي وابي شوركم اروح معاه بريطانيا واتنازل عن تعلمي او اقعد اجابل دراستي

اما مشكلتي الثانيه بعد مع خطيبي .. وايد عصبي ومتسرع .. كثير صارت بينا مشاكل وصلت انه فصخ الدبله ورمااها في وجهي .. باسبااب تافه جدآ وخلال هالسنه خطبه يمكن خمس مرات فصخ الدبله وبعدهاا بشهر يرجع منتدم ويعودني لكن للاسف نرجع ونعيد نفس القصه ..انا اعرف انه هو يحبني بس وايد متسرع بقرارته يعنى انا اخاف يجي اليوم اللي ما اكون اقدر اسامحه .. كل مره يزعل مني ويفر الدبله في وجهي ويقعد حوالي شهرين زعلان وما يكلمني وبعدها يرجع يبكي عند رجلي منتدم ومتحسف .. وارجع اسامحه حتى ابوي زهق وهو ينصحني مب عارفه ايش الحل معاه .. اانا كتبت هالرساله لاني من جد تمللت الحين هو زعلان علي بسبب تافه وهو الغلطان فيه قولوا لي شسوي شنو الحل معااه ما اقدر اتركه انا احبه وودي اتربط فيه بس بعد تعبت من المشاكل اللي تصير .. ارجوكم ساعدووني

اسفه ع الاطاله

>>>>> ردود الأعضـــــــــــــــــــاء على الموضوع <<<<<
==================================


من وجهة نظري مشكلتك الأولى ..

عادي ياقلبي روحي معاه لبريطانيا مافي اي اشكال ...

ما اشوف أنه سبب حتى تخلق مشكله منه ..

وعلى المشكلة الثانية ..مبين أنك معودته أنك تراضيه واخذها حلاوه والله أعلم

الرجال يكون بعلمك يبغالهم شويه شدّه على شويه لين ..

فمادام رمى الدبله لك ..اعترضي ترجعيله حتى لو ترجى وترجى إلين يحس بالألم اللي حسسه لك ..

وإذا كان شاريك بيفضل يتحمل ألين ترضين ..

لكن يرمي الدبله وبعد شهرين يرجع يبغاك تسامحيه وبعدين يرميها ..

أعذريني لعب عيال ..وشكلو من تصرفاته أنه صغير للحين في العمر ..

شدي عليه شوي يالغلا لكن مو بالصراخ ..

وتمنياتي لك بالتوفيق ..


__________________________________________________ __________

وعليكم السلام ورحمة الله وبركاته
عزيزتي
انا حاسه ان خطيبك صغير بالعمر ولو انك مااشرتي كم اعماركم انت وخطيبك
ولكن انا ضد انك تتركي الدراسه نهائيا
اذا كان ولابد تقدري تأجلي دراستك مع الاحتفاظ بكامل حقوقك في الجامعه ببلدك او انك تحاولي تكملي تعليمك ببريطانيا
ايش المانع؟؟
المجال في بريطانيا واسع وتقدير تختاري تخصص ملائم
ربي يقدملك اللي فيه الخير ويسعدك
امين يارب

ملاحظه مهمه
ترى موضوع رمي الدبله كل يوم والثاني موضوع خطير وضروري تضعين حد له او والدك يكلمه ويفهمه انه عليه التعامل بجديه مع الموضوع


__________________________________________________ __________

والله انتي امرك غريب تعرفين من عمرك 12 سنه من طفوله ولما كبرتوا بعد هالعشره وقررتوا تتزوجون طلعت البلاوي ؟ وليه متزوجته كل هالعمر ماخخطوتوا ولاتشاركتوا الاحلام ؟؟؟ يعني تبين تقولين لي انك توك تدرين انه بيروح برطانيا وهو نفس الشي ؟؟؟ احس علاقتكم جدا ركيكه خلاص روحي بطرنيا وادرس نفس التخصص ليه مكبره الموضوع الي في قطر فيه ببرطانيا وعصبيته مفروض تعودتي عليها ؟؟


__________________________________________________ __________

يالبى قلبج بكيزه قصم حبيتك ياذا البنيه خخخخخخ...بعدين البنات معاهم حق شكله توه صغير ودلووع وانتي عطيتيه فييس وااايد..يعني الامور كلللش ماتنحل بهالطريقه..حتى وان زعلتوا ماتوصل رمي الدبل يعني لو كنتوا خلاص تزوجتوا شنو ممكن يسوي؟؟يرميج انتي مثلا من الشباك؟؟ياحياتي انتي تحبينه ما اختلفنا بس هو لو يحبج بعد يفترض يراعي مشاعرج مو يسوق فيها..غير جذيه ياعنوني الدراسه اهم شي لج..صدقيني هي سلاحج الحقيقي..هو بكره يكبر ويعلا شانه وانتي محلك رااوح وبتندمين..لاتصيرين لينه كل اللين فتعصرين ولا شديده كل الشده فتكسرين..عامليه بالسياسه الرجال كلهم يبون سياسه وحنكه<<فديت الدرر ياناس خخخخخخ..واذا قط عليج الدبله قوليله احسن راح ابيعها في اقرب محل خخخخ لا اقصد يعني اخذي موقف جازم وياه بيني له انج ماعاد فيه مجال للسماح مرتن اووخرى عشان ينتبه ترى بنات الناس مو لعبه ولا هو متسبب ويبي الشاره؟؟وربي يسعدج ويكتبلج اللي فيه الخير ومن رايي استخيري لعل ربي يبت في امرج..


__________________________________________________ __________

وين المشكله روحــي معاهـ بريطانيا وادرسي هناك أو سجلي انتساب وفترهـ الامتحانات أنزلي ديرتج وبعدها أرجعي له
واذا ع المشاكل عادي « بس انه يرمي الدبله أكثر من مره وأنتي ترجعين له جربي صيري قويه عليه عشان يتوب يفصخها قبل لا يفصخ يفكر مليون مره » هعوووووع وحده شريرهـ
خيتتتو والله يخليكم لبعض وهذي مشاكل انتي قلتي انه تافه لا تفكيرين فيها بعدين تكبر وتصير سالفه