عنوان الموضوع : لا اريد طفلتي -تم الاجابة
مقدم من طرف منتديات نساء الجزائر

لا اريد طفلتي



السلام عليكم شكرا على اتاحة الفرصة لنا بامشاركة في هذا المنتدى وارجو عدم حجب الموضوع للاهمية

اخواتي انا متزوجة منذ 7 سنوات زوجي كان مايشوف بالدنيا الا انا عشت معاه احلى ايام عمري ابوي توفى وانا توني مولودة ولاعندي اخوان فزوجي كان كل شي بحياتي ماكان زوجي بس كان ابوي واخوي وصديقي وحياتي كلها والله الشاهد علي والله من كثر مايحبني بداية زواجنا يقولي لاتحملين ماابي طفل يشغلنا عن بعض كنا نروح ونسافر ونجي ومبسوطين مافي شي يكدر حياتنا بعدها حملت وطاح البيبي وحملت مرة الثانية وكانت امورنا تمام

قبل فترة بسيطة اكتشفت خيانة زوجي صار يكلم وحدة ووعدها بالزواج هو ماكان حاب يواجهني وخايف من ردة فعلي لما جيت انا وصارحته نزلت دموعه وقال انه بتزوجها على سنة الله ورسوله ويبيها تكون زوجة ثانية له وحكى لي ان معزتي عنده باقية وقال انتي واللي ببطنك بعيوني لاتسألوني كيف كان شعوري وقتها والله كان موية حارة طاحت على جسمي من قوة الصدمة لاكن انا رفضت العيش معه وطلبت الطلاق والله يااخوات لو بعيش معه ووحدة ثانية تشاركني فيه يمكن يوقف قلبي من الغيرة علاقتي بزوجي ماكانت علاقة عادية ابدا المشكلة ليست هنا انا وقتها كنت حامل وانتظرت لما اولد عشان تخلص العدة ولدت وعشت فترة الاربعين في عذاب نفسي والله الشاهد على كلامي من ولدت وانا مالميت طفلتي لصدري ولاارضعتها ماابي اشوفها ولاابي شي يذكرني بطليقي كل مااسمعها تبكي اكره نفسي اكثر واكثر لو ما امي الله يجزاها الجنة كانت معاي كان انا وبنتي ميتين من زمان

عشت ايام الاربعين بكآبة وحزن الله به عليم وامي كانت مسؤولة عن طفلتي وتحاول تقننعني
وانا ابكي ماابيها والله مو شي هين اني ارمي ضناي وحشاشة جوفي لاكن غصصصب عني بتعيش طول عمرها تذكرني بابوها لانها قطعة منه وانا ماابي اي شي منه او يذكرني فيه كرهتتته انا مابي بنتي ولاابيها تعيش معاي عشان ماتذكر حياتي قبل ابي اعيش صفحة جديدة بنفس الوقت مااظلمها معاي انا ماني موظفة ولااقدر اصرف عليها وامي على قد حالها انا افكر اوديها عند ابوها خليه هو يتحمل مسؤوليتها وزوجته تربيها
مفكرة اوديها من الحين وهي عمرها 3 شهور ماابيها تكبر بحضني عشان مااتعلق فيها وتتعلق فيني المشكلة امي محلفتني مااسوي هالشي وانا الحين عايشة عند امي وبنتي كمان عند امي

يااخوات لاتجرحوني بالكلام ولاتقسو علي انا ماطرحت مشكلتي هنا الا ان قلبي ياكلني مدري ايش اسوي ارشدوني وقولي لي انا في حيرة مايعلمها الا الله وقبل لاتردي حطي نفسك مكاني تخيلي نفسك انك تزوجتي واحد يشرق باسمك من حبه لك وعشتي معاه 7 سنوات عالحلوة والمره والله اني اكتب ودموعي على خدي ماقدر اكتب اكثر من كذا

>>>>> ردود الأعضـــــــــــــــــــاء على الموضوع <<<<<
==================================


ياحبيبتي ومهما كان السبب يعني مشكلة بينك انتي وزوجك تضحين بطفلتك طيب هي ايش ذنبها

حراام عليك يااختي لاتسيرين مثل الحريم القاسيات وترمين ضناك عند زوجة ابوها بكرة تتعذب وربي بيحاسبك عليها

حتى لو ابوها عندها ومابيقصر معاها مهما كان الام غير وابوها اكيد يجلس فترة طويلة بره البيت مو مثل الام لاتتسرعي يختي بقرارك

لاتسوي شي بلحظة غضب وتندمي عليه

الله يصلح بالك


__________________________________________________ __________

أنا برأيي مافي شي يبرر انك ترسليها عند أبوها وزوجته ما تدري كيف راح اتعاملها زوجة أبوها


والله عوضك بها لبنت
اذا عالمصروف أبوها لازم يصرف عليها وهي عندك هو مجبور يصرف عليها


__________________________________________________ __________

اسفه بس انتي انسسانه جدا انانيه وحطيت نفسي بمحلك لكن انانيتك ذبحتك الحين تفكرين كيف تعيشين مبسوطه وتنسين الماضي وعلى حساب طفله صغيره ؟؟
ولا بعد بنتك من لحمك ودمك تبغين ترمينها لانسانه ماتعرفين اخلاقها ولاتعرفين عنها شي انسانه غريبه ؟؟؟

طيب اعتبري انك رميتها لزوجته الثانيه وبكرا سمعتي خبرها بمستشفى من تعذيب او غيره ؟
لاتقولين ابوها بيحن عليها لازم ييكون وقت عليه ووقت على زوجته

حرام عليك وربي كبي انانيتك وتفكيرك بنفسك وبنفسيتك بس لاتخلين ضحيه حبك طفله صغيره توها ولدت من ثلاث شهوور حررام عليك تعيشينها بعيد عن امها ومع انسانه غريبه وبكرا لو تعودت على زوجه ابوها بتسير م تعتبر انه لها ام غير زوجه ابوها وانتي امها اللي تعبتي فيها وولدتيها ؟؟


__________________________________________________ __________

^
مايحسس بالنار الا واطيها

فيي شي ماكنت بقوله بس الحين حقوله انا ماكنت ابي اطفال من تزوجت لسبب احتفظ فيه لنفسي ومحد يعرف بهالسبب الا انا وزوجي حتى امي ماخبرتها بهالشي

زوجي بعد 3 سنوات من زواجنا قالي يبي اطفال وانا ماحملت الا عشانه مابي احرمه من الاطفال
ويوم حملت وانا بالشهر الخامس صارت المشكلة حتى اني فكرت اني انزل الجنين بس امي وراي مقدر اسوي شي

والبنت انا ماضيعتها عندها ابوها


__________________________________________________ __________

امممممممممممممممممممممممممم *.*
والله انه قصتج أثرت فيني كيف حب و عشرة 7 سنين تروح بهالسهولة
ما عرف والله بس احس انه صابتكم عين او حسد والعلم عند الله
وانتي ما ذكرتي اذا تطلقتي ولا لا من ريلج
وبالنسبة لبنتج ما عرف كيف تتحملين تسمعينها تصيح وما تضمينها وتحضنيها
3 شهور صغيرة حرام عليج ومالها ذنب فاللي صاير بينج وبين أبوها
ربي يحنن قلبج على بنتج ويسخر لج ريلج ويسعدج فالدنيا والاخرة
موفقة

استغفر الله العظيم الذي لا اله الا هو الحي القيوم واتوب اليه