عنوان الموضوع : ولــــــــــــــــدي ذو الأربع سنوات مجابة
مقدم من طرف منتديات نساء الجزائر

ولــــــــــــــــدي ذو الأربع سنوات



السلام عليكم ورحمة الله وبركاته

تكفووووووون ساعدوني وقولوا لي وش أسوي

ولدي عمره أربع سنوات من قريب صار لما أكون مثلا مشغوله وأروح أطل عليه هو وأخواته صغار أعمارهم سنتين ألقاه منزل بنطلونه ويخليهم يلعبون بعضوه ومره ثانيه يفرجهم على اللي ورى

وأنا تعبت حاولت أكذب نفسي أول مره وسألته ليش سويت كذا فأنكر أنه ماسوى شي والمره الثانيه ضربته وهددته لو سواها مره ثانيه بأقول لأبوه هو يخاف من أبوه كثير والمشكله سواها مره ثالثه وفعلا قلت لأبوه وضربه ضرب الله لايوريكم
( طبعا الضرب مو مبرح عشان لاأحد يفكر أني وأبوه ماعندنا أحساس ويقوم يدعي علي)
ضرب خفيف تأديبي
المهم
ويجي يكررها مره رابعه
والله تعبت ما أدري ليش يسوي كذا
على العلم أنو مايختلط مع أحد عشان أقول تعلم منهم هو من النوع اللي لصقه فيني حتى لما أروح عند أحد أو أحد يجينا معاي على طول

تكفوووووووون أولادكم نفس الشي والا أنا بس
أخاف عليه أنا أضربه عشان ما تكون عنده هذي المنطقه عادي انو أي شخص يشوفها تعرفون هذا الزمن صار يخوف من ناحية الخطف وأرتكاب الفاحشه في الصغار وأخاف عليه خاصه أنو جميل مره بسم الله عليه وأبيض ورويان أخاف حتى من أقرب الناس

الله يسعدكم لاتهملون موضوعي والله أني في ضيقه مايعلم بها ألا الله

واللي تعرف أستشاريه في هذي المواضيع تعطيني رقمها تكفوووووووووووووووون طلبتكم لا تردوني

>>>>> ردود الأعضـــــــــــــــــــاء على الموضوع <<<<<
==================================


والله مدري
بس لازم يتعاقب عقاب يتوب من بعده يسوي هالشي


__________________________________________________ __________

قولي له شوف بابا وخلي قدوته ابوه واذا سواها احرميه من الطلعه
برا انا احس افضل شي الحرمان من شي يحبه واتفقي انتي وابوه على كذا وخليك عند رايك مو اذا بكى تحنين عليه هذا شي من مصلحته حتى لو تطلعون عند الباب من برا وتسمعينه كانكم رحتوا البقاله وخليه تقريبا عشر دقايق وارجعي وضميه وتفاهمي معاه انو هذا عقاب علشان الحركه وقوليله عواقبها واذا سواها مره ثانيه بنسوي نفس العقاب وانو احنا بنروح الملاهي وانت تجلس ولا احد يقول ان قلبي قاسي هذي افضل طريقه الحرمان ما ينفع الضرب عسى الله يهديه


__________________________________________________ __________

يااختي والله الضرب مايجيب نتيجه بالتفاهم والين بيتعدل والله يعينك يارب بجدحالته غريبه


__________________________________________________ __________

زي ما قالو الاخوات
والله يعينك


__________________________________________________ __________

عزيزتي ..

اجلسي معاهـ .. اسأليه ليه انت تسوي كذا .. وقولي له يلا حكيني عن كل شي .. وانا اخذك معاي
للحديقه او اشتري لك لعبه .. المهم اوعديه بشي وتفذي الشي اللي وعدتيه فيه ..
صدقيني هالشي ماجاء من فراغ .. خصوصا انه عمرهـ صغيره .. ومايحتك بأحد
بس الاكيد هالشي له سبب معين
ثاني شي ابنك بداخله تسألات عشان كذا يفعل هالشي .. قرأت انا بخصوص هالشي
وان الطفل يفعل هذا لانه بداخله بعض التسألات .. اجلسي معاهـ وتحدثي ..
هو يريد الاجابه عن بعض الاشياء .. ويمكن هو الولد الوحيد بالبيت ومستغرب
عن اختلافه بينه وبين اخواته البنات . هذا اذا كان الولد الوحيد
الضرب معه سيولد العناد .. وتكرر الموقف .. وممكن تصبح لديه حاله مرضيه
لآنه كل ممنوع مرغوب ..

..

ربي يخليه لك ويصلحه لك .. ويحميه يارب هو واخوانه من الشر

موفقه