عنوان الموضوع : رواية خذ الهنا من حياتي وعطني شقا حياتك/بقلمي
مقدم من طرف منتديات نساء الجزائر

رواية خذ الهنا من حياتي وعطني شقا حياتك/بقلمي






قبل أربع سنوات
يقف في طريق طويل مع صديقه او بالأصح اخيه والعرق يتصبب من جبينه صرخ قائلاً: ياخي قلي وش نسوي الحين
اجاب الآخر:كله من الجزمة هذا اللي في راسك احد قالك ما توديها الورشة قبل
- انا الحين اللي فوق راسي هذا جزمة
- ايه
- يصير خير "وعيد"
- يعني انت عارف أنّا بنروح نسافر"يقلد هندي"معلوم كلام ما توديها ورشه ليه
- ياخي عاد وش يدريني انها بتخرب
- ياخوك بقرة انت بقرة قم رح شف لك سطحاآ ولا أي زفت هنا
- ما ينفع ... ننتظر تاكسي ونمشي... وبكره مع العيال نرجع لها.. اصلاً مابقى شيء ونوصل لـ الشرقية
- ايه زين
اوقفا سيارة الأجرة وركبا كان يجلس بجانب السائق و أخيه في الخلف
وحدث ما لم يكن بالحسبان اذا بالسيارة تنعطف وتصطدم بشاحنة نقل كبيرة....
(
)
في المدرسة كان يقفون خمستهم والمكان مكتظ بالطلاب صرخ قائلاً:تعالوا
- وش تبي انت فقعت اذني
- بروح ألعب تنس تجون معي
- تستهبل انت تدري أن انت اللي بس تحب التنس بينا
- ادري...إلا ما قلت لكم..ابوي
- وش فيه
- جته بعثة اربع سنوات في استراليا
جميعهم في وقت واحد:ايييش
- ايه
- واستراليا بعد يمديني يعني ادخل اكبر نادي يدرب على هذا وشسمه ايه التنس واصير اكبر لاعب أن شاء الله فيها "بحماس"ييييس
رد مقطب الجبين :وليه توك تعلمنا
- والله نسيت
- تنساآ تعلمني
- آسف
- متى بتروحون
- الخميس الجاي
- المهم على مين الدور اليوم
- عليك انت
- وانت الثلاثاء يعني بتنجلد قبل لا تسافر هههههه
- اقول يالله انت وياه امشوا وانت اخلص على شان نبدأ فيك
بدأوا جميعهم الأربعه بضرب صديقهم
من الممكن أن تستغربوا ولكن اتخذوها عادة وحددوا لكل واحد منهم يوم يضرب فيه
يوم الثلاثاء
- ياله يا عزيزي تقدم لنبدأ في ضربك هاهاها
- يالله بركب الطيارة وجسمي كله يعورني منكم ههههه
بدؤا يضربونه ولكن واحداً منهم كسر يده اليمنى صرخ:آآآآآآهه
- هي انت وش فيك
- يدي آآآآههههىه
- تستهبل انت وش سويت في يده
كان يقف وعلامات الخوف والرعب تكسوا وجهه
نعم..نعم لقد كسر يد صديقه التي طالما كان يلعب بها "التنس"
لطالما كان حلمه أن يصبح نجماً مشهورا في لعبة التنس وأفضل لاعب ولكن هل سيكون نجماً مشهوراً فيها كما كان يحلم؟؟ لا أظن ذلك

>>>>> ردود الأعضـــــــــــــــــــاء على الموضوع <<<<<
==================================


الجزء الأول"البداية"

في غرفة مليئة بالفوضى من ملابس ومناشف في الأرض مكتظة باللون الأسود اثاثها وايضاً لون الحائط وكذلك السقف والمفارش جميعها باللون الأسود ما عدا باب خزانته المفتوح وتظهر منها ثيابه البيضاء... استيقظ من نومه قرابة الحادي عشر ظهراً ذهب ليستحم بعدها ارتدى ملابس عمله في النادي اخذ ينظر في الجرح الذي في صدره في المرآة الذي تشكل على هيئة مستقيم مائل(/)من الأعلى الصدر الأيسر إلى اخر البطن الأيمن ارتدى"التي شيرت"عندها فُتح الباب بوحشية
- محمد بتروح النادي الحين
رد بهدوء:طق الباب قبل..ايه بروح النادي
- سعود بيروح معك
محمد:ايه قله يلبس
- ما راح اقولها
محمد:عزام لا تبداآ بالمشاكل
التفت ولم يجد احد صرخ:عزآآآآآآآآآآآآم
خرج من غرفته مسرعاً:عزاآآم..سلطان شفت عزام
سلطان:راح لغرفته
فتح باب الجناح:عزام
.....:يامزعج
محمد:كل تراب وبعدين البس بسرعة بمشي انا الحين
سعود:طيب
محمد:وين عزام
سعود:يمكن في جيبي
محمد:ودي اعطيك ككف
عزام:ماذا تريد
مسك محمد يده وعكفها للخلف:تعيد الحركة المخيسة هذي مرة ثانية اذبحك
عزام:محمد..محمد والله آسف..محماآآآآد
محمد:فهمت
عزام:ايه فهمت فهمت بس اترك

*تعريف بالعائلة*
اول شيئ هذي عائلة مجموعة من عشرة اولاد يتيمين كافلهم ملياردير ومسكنهم في بيت وعندهم الخدم يخدمونهم مو نساء x_x رجال
تقدر تقول الملياردير رباهم على دين صح اشكلهم ما تهيئ ابداً أن يكونون كذا عندهم قوانين سيئة زي لم يكون اخوك احد يضربه ما تفزع معه إلا لما اهو يطلب منك ما يعدون الواحد صديق اذا كان يسمع "اغاني" او "يدخن" صح انهم بعض منهم مصادق عيال اهل الديرة كلها بس مو لله لحاجه في نفسه... نبدأ

محمد: 24 سنه تخصص إدارة أعمال مدير إحدى شركات الملياردير الي كافلهم ابو سعود ومدرب في النادي العسكري انسان ما اقدر اوصفه عصبي-هادي شديد-رحيم معقد-الوضع عنده آيزي "مغرور-متكبر" مو دليل أن شخصيته كويسه او توب توب عنده مشكلة بعدين نعرفها خلته كذا "اسمر طويل مره لدرجة أن الكل يستغرب من طوله معضل مو للتميلح لانه من يومه في الابتدائي كان في نادي عسكري عنده غمازات خشمه متناسق مع وجهه عوارض
مهند:23 سنة طب السنة الرابعة مثقف مرة في نفسة
نفسه ما يحب المشاكل الا الي يغلط عليه اهم شيء عنده الكتب ما عندك مشكلة يروح يسافر عشان يجب كتاب عادي محب لتقنية ذكي يحب اللغة العربية لدرجة انه يتكلم بها تطلع شياطينة اذا احد قاله ليش تتكلم باللغة العربية او سبها"جمييل ابيض شعره ناعم وكثير خشمه"سلة سيف" عيونه جميله طويل ودايم يغير ستايله "
جارح:23سنه طب مع مهند واقرب واحد له مهند شخصيته قويه اهو ومحمد ممشين البيت فلاوي"شعره كثير مرهه طوله حلو لونه قمحي"
عبد المحسن:22 اصول دين جامعة الامام إمام في المسجد طيب مرة واخلاق"ابيض وطوله حلو -مملوح-
سلطان:22سنه حاسب آلي هادي غامض "قمحي عوارض -مملوح-
سعود:19 سنه سنة تحضيرية "ابيض شعره ناعم وطويل طول محمد ومع محمد في النادي جسمه جميل وعنده غمازات زآآآحف بس مو زحف الخراب لا الفلة عنيييد الي في راسة بيسويه مثل محمد حتى في اغلب الاشياء يتفقون مع انهم اربع وعشرين ساعة يتهاوشون دايم يغير ستايله
نادر:19 سنة سنه تحضيرية "ابيض شعره ناعم وكثير خشمة متناسق مع وجهه عوارض خفيفة عنده غمازه وحدة على اليمين جميل دايم يشتركون في الجرايم اهو وسعود وعزام وفارس.كل مصايب البيت من وراء راسهم
عزام:18 سنه ثالث ثانوي ابيض شعره كثير وناعم خشمه جميل –جميل- دايم يغير ستايله
فارس:18 ثالث ثانوي اسمر شعره ناعم –مملوح-
معاذ:15 سنه ثالث متوسط قدوته محمد في كل شيء "ابيض جميل في نقره في لحيته
^^^^^^^^^^^^^^^^^^^^^^^^^^

سعود:انت يا اسمر
محمد:خير
سعود:ما راح اروح معك مناف بيمرني
محمد:احسن
وصل لنادي يمشي بهيبته دخل على مكتب المدير النادي الكوري الذي عاش حياته في السعودية منذ الصغر حتى اتقن اللهجة السعودية:السلام عليكم
المدير صالح:وعليكم السلام
محمد:أخبارك؟
صالخ:بخير... اسمع محمد رح عنــد...
محمد:كابتن صالح!!
صالح:احمم معليش عندك اليوم المستجدين مقابلة معهم وبعدين تدريب عند المستوى 10
محمد:زين
*محمد من النوع اللي ما يحب احد يأمرهه,بتطلب منه شيء قل ممكن او غير الصيغة بس ماتكون صيغة امر "تخلف"*
ذهب للمستجدين ليقابل معهم
محمد السلام عليكم
- وعليكم السلام
محمد:المدرب محمد....اول شيء كل واحد يعرف بنفسه
وقف عند المتدرب الأول وقال بصوت تغمره الشدة:اسمك وعمرك وليش دخلت هنا
المتدرب:عبد الرحمن راشد الـ.......... عمري 22 دخلت هنا عشان اصير قوي
اقترب منه محمد وكان اطول منه بكثير لدرجة أن المتدرب شعر بالذعر من قربه ونظراته المخيفة:عشان ايش يا روح امك
المتدرب:عـع..عشان ا.صصير قوي
مسكه محمد من ملا بسه وركله ورمى به على الحائط:شخص تافه مثلك ما يدخل هنا
صمت الطلاب وجميعهم خائفون.....
(
)
- ماما شوفيه ضربني
- عيب عليك يا بابا تضرب اخوك
- ماما اهو اللي أول ضربني
- طيب خلاص كل اماآ حبيبي دودي يالله يالله
كان يفتح فمه لتدخل امه تلك اللقمة يتذكر وجهها جيداً ويتذكر وجه أخاه وأيضاً أباه وإخوته الصغار
صح من نومه فزع
- كل يومٍ تراودني هذه الأحلام المزعجة أعلم انها أمي وأعلم أن ذلك أبي وهؤلاء إخوتي ولكن أين هم يقولون انهم ماتوا اين هم أعمامي واخوان امي نفس الدم الذي يجري فيهم يجري في سائر انحاء جسدي!! محمد دائماً كان يقول لي"من باعك بعه وخله تحت رجلك" نعم الذين يملكون نفس دمي هم احقر الناس في الأرض مخلوقات وضيعة في ناظري
* أحساس قـــاس *

أن تشتاق إليهم بجنون .. وتحن إلى وجودهم ووجوههم وأصواتهم بالجنون ذاته وتتمنى أن يعود الزمان ليلة واحدة كي تتذوق طعم الفرح في حضورهم لكنك تتراجع كالملسوع بعقارب الحنين حين تتذكر أن الزمان لن يعود .. أبداً ؟؟؟


__________________________________________________ __________

(
)
:سعود ياولدي
سعود:سم
ابو سعود:بقولك شيء بس انتبه محمد يدري عنه
سعود:أن شاء الله
ابو سعود:جاناآ واحد.....
دخلت مقاطعة:يبه
سعود:امجاد مـ.....
ابو سعود:يابنتي اذا جيتي تدخلين مرة ثانية طقي الباب
امجاد:آسفه..ان شاء الله
*تعريف بالعائلة*
ابو سعود:عبد الرحمن ملياردير كبير معروف كافل أيتام وعادهم كأنهم عياله
ام سعود:منيرة حنونة وطيبة حتى مع الأيتام اهي مربيتهم وهم صغار جميلة مو كأنه كبيرة شوي في السن
سعود:24 سنة تخصص ادارة اعمال اصدقاء اهو محمد مررره – جميلللل-
امجاد:19 سنه تخصص تجميل كليه التقنية ملكة جمال بيضاآ وطولها حلو شعرها فوق خصرها بشوي وناعم شفايفها وردية_جميييله_
اياد:18 سنة ثالث ثانوي اسمراني مملوح
وجدان:17سنه فيها شبه من اختها امجاد
رواف:5 سنوات
(
)
في النادي العسكري
يجلسون الأربعة يأكلون طعام الغداء
مناف:سعود الحين وش نسوي معه؟
سعود:......
يوسف:نذبحه؟!
سعود:.......
عبدالله:لا..انا من رايي اننا نجلده لين يموت عشان يحس بالألم صح!!
سعود:......
مناف بعصبيه وصراخ:بتتكلم انت ولا دخلت ذا الصحن في فمك؟!
سعود بصراخ: وش فيك انت الحين تصارخ حسيبي على بليسكم ما تخلون الواحد حتى في أحلامه يتهنى
الجميع:أي أحلام!؟
سعود:اعوذ بالله وراكم نتطيتوا كلكم
مناف:الزبدة وش نسوي معه؟
سعود:مين؟
يوسف:بينذبح هالولد شنو انت مينون؟
سعود:لا جد مين
الجميع:طارق
سعود:ايه فكرت نروح بيتهم
مناف:تستهبل انت؟بيتهم مرة وحدة والله أن يطلع علينا ابوه برشاش
عبدالله:لا دقيقهه أن توني وراي مستقبل اــ...... آآآآ"رفسة في بطنه سعود"
سعود:عشان أعلمك المستقبل صح
عبدالله:سعود يخرب بيتك وش سويت
سعود:المهم اسمعوني زين وركزوا..كنت امزح معكم الخطة اللي رسمتها في بالي تنص على أن يكون كل اعضاء شلتنا الموقرة موجودين عاد اذا قدرتوا تجيبون عيال عمانك وكذا عادي نتصل على المدعو طارق ونتواعد انّا وياه في مكان ويجيب فزعته ونحن كذلك ونطيح فيه جلد فهمتوا
مناف حاط يده تحت فمه ويطالع في سعود بملل:تنص على ذلك
يوسف:شكله تاكي ويا مهند الأيام ذي
عبد الله:وشلون نطيح فيه جلد يعني نكون معلمينه انو فيه مذبحه بتصير
سعود:اكيد راح نكون معلمين..وشو عبدالله تبغاني استخدم اسلوبه المخيس
عبدالله:لا مو قصدي
"بدآية التدريب الرابع"
يوسف:يالله الجرس رن
الجميع:يالله
(
)
سعود:من جدك يبه
ابو سعود:هذا اللي صار..وانا مدري كيف أقول لهم
سعود:معقوله يبه بعد كل ذا السنين..وبعدين كيف بيفهمون
ابو سعود:الله يعين
(
)
بعد صلاة العشاء – بيت العيال
جارح:محمد
طالع فيه محمد بدون رد
جارح:ابو سعود يقول بجي..يعني والمفروض اليوم ما يجي
محمد:ليه اهو كان محدد يوم يجي فيه وانا ما ادري
جارح:لا بس غريبة والعشاآ بعد
محمد:شكل مخك ضارب
سعود:ابو سعود بيجي
جارح:ومعه الي انت مسماآ عليه
سعود:اعقل وانضبط
الجميع:ههههههههه
عزام:تلقاه الحين جاي يكلم محمد عشان الشركة وانا ناكل تراب
محمد:زين عارف وش بتسوي
(
)
سعود:يبه انت بس قل لمحمد وبعدين محمد اذا اقتنع وعرف السالفة بيقدر يعلم اخوانه
ابو سعود:امري لله..رن الجرس
سعود:ابشر
(
)
نادر:جاآ ابو سعود
*عشان تفرقون بين سعود ولد ابو سعود وسعود الثاني بيكون سعود ولد ابو سعود سعود1 والثاني سعود2*
ابو سعود:السلام عليكم
الجميع: وعليكم السلام
ابو سعود:وش الأخبار
جارح:الحمد لله كلنا بخير
ابو سعود:محمد بسألك عن شي تعال معي
محمد:سم
بعد ما طلعوا
عزام:ما قلت لكم بياخذ محمد وانّا بيسحب علينا
سعود1:هههه ليش وش كنتوا تحشون فيه
عزام:ابد والله قلنا أن ابوك على جيته ذي فـ النهاية بتصير عشان محمد الاسمر المخيس
سعود2:من جد وانا علينا التراب تظظظظ
)
(
ابو سعود:اسمع يا محمد بقولك شيء بس اوعدني انك تسمعني لنهاية
محمد:زين
ابو سعود:اليوم جاني واحد في الشركة صار الي جابكم لما كنتم صغار للدار وكان يبكي واعترف انه غلطان وانه
محمد:ليش غلطان اهو وش مسوي
ابو سعود:قلت اسمعني لنهاية....وقال: قبل 17 سنة صار حادث لي مع سيارة ثانية ماتوا عيالي كلهم حتى زوجتي ولعب علي الشيطان وقالي بدل العيال اللي في السيارة الثانية وخلهم كأنهم عيالك وكان عددهم خمسة حتى شهادات الوفاة بدلتها ولما رحنا المستشفى ابوهم دخل غيبوبة و امهم ما صحت والاثنين الكبار فقدوا الذاكرة كانت اعمارهم 6-7 سنوات وهذا كان من صالحي واما الثلاثة الباقين كانت اعمارهم سنة سنتين توهم صغار..بعدها ندمت بس قلت خاف انفضح ويمكن يسجنوني فـ وديتهم دار الايتام بعد يومين صحى ابوهم من الغيبوبة وعرفت لأني كنت أعرف اخباره من بعيد فقلت بخلي الأبو يروح يأخذ عياله بحيث أنه ما يدري اني انا اللي موديهم الدار جيت الدار وانصدمت انهم كلهم جاهم واحد كفلهم اللي هو انت يا ابو سعود وبعدها صرت ادور عليك من مكان لمكان طول السنين وعرفتك الحين بعد ما اشتهرت وصارت لك سمعة في الديرة.... هذا يا محمد اللي كنت بقوله لك
محمد بهدوء:معقول فيه ناس كذا حقيره
ابو سعود:محمد
محمد:طيب المطلوب مني الحين
ابوسعود: تعلم اخوانك انت
محمد:لحظة الحين من الخمسة هذولي
ابو سعود:انت ومهند و عزام وسعود ونادر
محمد بصدمة:اييييييش
ابو سعود:زي ما سمعت
محمد:سعود..سعود اخوي ليش
ابو سعود:وش قلت؟!!
محمد:لا..سلامتك خلاص بعلمهم
ابو سعود:اجل..انا استاذن
محمد:اذنك معك
ابو سعود:علم سعود ولدي يجي
محمد:زين
)
(
نادر:من جدك عزام
عزام:لا من خالي هه
محمد:انت
سعود1:نعم
محمد:ابوك ينتظرك برا
سعود1:اجل يلله مع السلامة
الجميع:مع السلامة
جلس محمد:اسمع انت وياه في سالفة صارت والكلام لمهند ونادر وسعود عزام
مهند: انا!؟ ما الذي يحصل؟
محمد:تراآ أنّا اخوان ولقينا ابونا
صدمة........
نادر:كـ...كيف
محمد:زي ما سمعت
جارح:آآ يعني انتو اخوان
محمد ايمأ برأسه
عبد المحسن:وبتروحون لأهلكم وتخلونا
محمد:بس اكيد ماراح نخليكم بنجي ايام ونوم عندكم وكل يوم بتشوفونا هنا
سعود:لحظة انا للحين ما استوعبت انا وانت يا محمد اخوان هاآه
محمد:شفت حظي النحس
ضرب سعود الطاولة بيده:ظلم بأي حق انت يا الاسمر تصير أخوي والله ظلم
مهند:هيي انت ماذا دهاك؟
عزام:تتوقعون ابونا وش يصير طيب وحنون ولا شراني واللي يصيرون خوالي و عماني اهم ملتزمين ولا وزحييف
*ابطالنا الجميلين ما عندهم شغل اللف ودوران صح أشكالهم ما تدل على كذا بس اهم تقدر تقول ملتزمين*
نادر:صادق و بعدين اهم بيصيرون يحبونا ولا يحقرونا
محمد:اللي يحقرك احقره واللي يقدرك قدره واذا كانوا ملتزمين وما عندهم لف ودوران فوق راسك اما اذا كانوا عاديين بس محترمين عاملهم زي ما يعاملونك وذا صاروا زحييف وقليلين ذوق تحت رجلك
سعود:واللي يغلط عليك طلع عليه شياطينك
محمد:واذا بغيت فزعة احنا كلنا معك
)
(
نهاية الجزء"1"


__________________________________________________ __________

الجزء"2"
1

.....:تعالي يا رتيل سلمي على اخوانك
رتيل:أعد يا أبي ماقلته اخواني...اي اخوان
بندر ابوها:هذولا اخوانك
اخذت رتيل تنظرهم واحد تلوا اخرى بنظرات غريبة بعدها ردت اخيراً مشيرتاً إلى محمد:انت والله العالم شكلك درفت وانت و يا لبنة المراعي هذا"سعود و عزام"واضح انكم من الفلل آخر الفصل وانت"نادر"شكلك كول وراعي بنات وانت"مهند"اعقلهم مع أن شكلك غلط
محمد:وش تبي ذي
سعود:اجل انا من الفلل آخر الفصل
نادر:انا على آخر عمري بنت تقولي انت كول
رتيل:ايهه ومن انت اصلاً
بندر:رتيل بس..روحي نادي امك
محمد:حتى ما سلمت
بندر:ما عليكم منها وانا ابوكم...الله يهديها
دخلت ام رتيل والتي هي امهم..وبدأت الأحضان والدموع:اخباركم يالعيالي وش الدنيا بكم
محمد:الحمد لله بخير اخبارك انتي؟
هند ام رتيل:والله الحمد لله...سلمتي يا رتيل على اخوانك
رتيل:ايه سلمت عليهم
سعود في نفسة"نصابه"
محمد"يا أن ذا البنت لها لسان يوصل لذانها بس هين ما اكون انا محمد اذا ما قصيته لها"
بندر يسويه نفسه معصب عشان تخاف:وتكذبين بعد ياله قومي سلمي عليهم "رتيل وهي تقوم وتروح لم محمد تسلم عليه"وتكذب بعد عيني عنيك
رتيل مدت يدها لمحمد:السلام
محمد:وعليكم السلام
وراحت لسعود:لا بدري كان جلستي بعد
وشافته مد يده مشت وخلته "يصير خير"
بندر:تعالي ارجعي سلمي عليه
رتيل لفت عليه ودموع ماليه عيونها:خلاص زين ماراح اسلم على ولا واحد منهم وطلعت
هند:كان خليتها ياذا البنت ماتحب احد يعاسرها
بندر:الله يهديها
عزام:الحين اهي بس لحالها في البيت
هند:ايه
سعود:عشان كذا صايره دلوعه

*تعريف بالعائلة*
بندر:طيب وفي نفس الوقت ما عنده لف ودوران ماديتهم مو تجار لكن حلوه يشتغل بندر عادي في دائرة حكومية
هند:طيبه وحنونه مرة دكتورة في جامعة الأميرة نورة
رتيل:عمرها 16 سنة اولى ثانوي معانديه مررة تشبه سعود
(
)
بندر:من الليلة أن شاء الله بتنومون عندنا ترى غرفكم جاهزه ولي يبي يغيرها ماعندي مانع
محمد:الله يرضى عليك بس احنا حتى الملابس ما جبنها معنا أن شاء الله بكرة
بندر:على راحتكم..وانا جايب الكتالوجات للي يبي يغير لون غرفته
سعود:الله يخليك ما تقصر
بندر:الغداآ جاهز يالله مشينا
راحوا لصالة وكانت مجهزة لهم هند السفرة وفيها كل ما لذ وطاب جلسوا على الطاولة
بندر:وين رتيل
هند:فوق الله يهديها تروح لها فوق يابندر يمكن تسمع منك
سعود:لا انا بروح لها
على طول كل اخوانه ناظروه
بندر:اقعد انت تغداا يابوي
سعود:لا عادي..بس وين غرفتها
بندر:فوق اللي على اليمين

سعود بابتسامة خبث:زين زين
"تشوفين يا رتيل أن ما علمتك كيف ما تعيدين الحركة اللي سويتها مرة ثانية ما اكون انا سعود"
وصل عند باب الغرفة طقه مرتين وصله صوتها تقول بصراخ:ماما خلاص قلت ماراح انزل ليش بابا يفشلني قدامهم "ياعيني فشلك" فتح الباب ودخل واغلقه اهي انصعقتك كيف يدخل في غرفتي:هيي انت من سمح لك تدخل
سعود:أأأءء.."بهدوء"انا سمحت لنفسي
رتيل بصراخ:اطلع براااااا يا حـ.........
سعود قرب منها:خلاص يابنت على ايش الصراخ هذا مدري ترى حتى انا زعلت منك انت تدرين
رتيل:لا احلف زعلان مني وش اسوي لك دريت ولا مادريت بتأسف منك يعني والله أن تبطي
سعود:شوفي ينأسف منك انا ولي اول مرة على دخلتي بدون استأذان في غرفتك خلاص بس انت لازم تتأسفين مني
رتيل:امممم..افكر
سعود:لا ياخي وش تفكرين
رتيل:اصلاً على وش اتأسف
سعود:يعني ما تدرين
رتيل ببراءه:ايه
سعود:يوم جيتي تسلمين علي يعني ادباً واحد اكبر منك المفروض
قاطعته رتيل:ما يليق على وجهك ذا الكلام
سعود:هاه
رتيل:خلاص تأسف مني اول وبعدين انا اتأسف منك
سعود:اسمك رتيل ها خلا ص انا آ......
رتيل قاطعته:وانت وش اسمك؟..بعدين انت جد اخوي
سعود:الله يرجك اما ماتعرفين اسمي..اسمي سعود...ايه انّا اخوانك
رتيل:ياله ياله تأسف مننني
سعود:انا اسف يارتيل اني دخلت غرفتك
رتيل:شاطر شاطر...احمم احمم والله ما قد تأسفت من احد ما اتأسف الى من اللي احبهم
سعود:وانا ماتحبيني؟
رتيل:حشى توني شايفتك من ساعة هذا صار مو حب من اول نظرة من أول كلمة
سعود:هههه يالله عاد حبيني الحين وقوليها
رتيل:ههه انا اسف
سعود:اييه شاطرة حبيبتي رتيل تسمع كلام اخوها
رتيل تناظره بنظرات اهو ضحك منها:يالله امشي خلنا ننزل انا اصلاً قلت لأبوي بروح لها عشان اخليه تنزل تتغداا
رتيل:يالله
كانت لابسة بجامة بيت عادية


اهي سبقت سعود ونزلت قبله وصلت لطاولة الطعام عند ابوها وكان جنبه على اليمين محمد وعلى اليسار عزام بس قام شافت محمد:هي انت قم عن مكاني محمد يناظرها بنظرات كانه يقول"غبية"
رتيل:بابا كيف تسمح له يقعد في مكاني
محمد بهمس مسموع:بزر
رتيل:انا البزر يا اسمر
محمد:ايش..كيف عرفتي
رتيل:وشو كيف عرفت ما عندي عيون ليه احد لاعب عليك وقال انك مو اسمر
محمد:يعني سعود ما قال لك شيء
رتيل:لا وش يقول لي...قوم عن مكاني
محمد خلص اصلاً بس يبي ينرفزها:انا بأكل
بندر:خلاص يا حبيبتي تعالي اقعدي هنا
رتيل:لا بابا انا كل يوم اقعد هنا مافيه...بعدين انا لسه زعلانه منك
نادر:بالله يبه اسفههآآ احد يزعل من ابوه
رتيل قعدت في الكرسي:ايه انا عندك مانع يا مستر كوول
نادر:لا تقولين كول
رتيل:وبصفتك مين تمنعني
وقته سعود توه داخل وقعد جنبها
رتيل:ايه جاآ صديقي افزع معي عاد
محمد يناظرها:افزع معي من تماشين انتي
رتيل:ليه قلت كلمة غلط
نادر:هذي كلمة عيال
رتيل:وش قصدك يالأسمر يعني انا ولد
محمد:اللي على راسه بطحه يتحسس عليها
رتيل:بابا شفهم
بندر:الحمد لله الذي اطعمنا...انت اليوم تراك ازعجتيني
راح ابوهم وكلهم قعدوا يضحكون عليها
سعود:زبدلك زبده محترمه
طقته بكوعها:وانا قاعده اقول انك صديقي
سعود:هههههه
فيه تكمله للبارت
بس بنات جد أبي تفاعل عشان أكمل
ادري البداية طفش وكذا بس أن شالله بيدأ الحماس في الأجزاء الجاية لأن خلاص لقوا اهلم وكذا..
وابي انطباعكم عن الشخصيات
موفقين


__________________________________________________ __________


__________________________________________________ __________