ثقتي بنفسي
عنوان الموضوع : ثقتي بنفسي
مقدم من طرف منتديات نساء الجزائر
ثقتي بنفسي
السلام عليكم
انا محتاجه اتكلم
عمري 20 سنة ادرس
احب صاحباتي كثييير
اغليهم اكثر من نفسي كنت بـ ايام ثانوي
كانت عندي صديقة اغليها اكثر من نفسي
مو حب لا صداقة كنت دوم معها
يعني في ضيقها وفرحها معها
وفي اشياء ثانيه لا
مثل لو تروح مجمعات او او تروح لربعها لاني من النوع ماحب الاسواق
وهادئة كثييير
اما لضيقها وفرحها تجيني فورا
دون ماتجيني كنت احس بانو هاي البنت فيها شي
صحيح اتصل ويحصل انو فيها شي
المهم تخرجنا من ثانوي
صارت ماكانها تعرفني ولا تتصل انا بس كل اتصل عليها
وخلاص تازمت لان كنت متعلقة فيها لان اذا اصاحب
اصاحب بوفاء واخلاص
لكنني غامضة اسراري مااخرجها لاحد
وفي نفس الشهر
حصلت لي صدمة بانه كشفت اسراري لشخص ما
كنت اكتب عالورق او في مفكرة عالنت
وفجاه اشوف شخص يعلم باسراري
كنت مااقول لاحد وفجاه اصير كتاب مفتوح
ف انقلبت حياتي 180 درجة
انعدمت الثقة بنفسي
صرت متبدلة الاحساس لا اشعر باي شي
صرت شخص ثاني
التغيير صار ايجابي وسلبي علي
ايجابي انو اصحابي فرحو لاني صرت اقول لهم اللي يضايقني
وصرت اجتماعيه اكثر قبل انطوائية
صرت اقول لهم اللي يضايقني لان خلاص صرت كتاب مفتوح
ف ليه اكتم اسراري وفي احد يطلع عليها
ماتكون خصوصيات
وسلبية انو انعدمت ثقتي بنفسي
وصرت حساسه لاي شي لكني ماتكلم انو تحسست من هالشي
واصبحت سمينه كثييير من الهموم طبعا راح تستغربو هم واسمن
اي والله مع اني مااكل الا انو اسمن من التفكير والهم
من 55 الى 73 وين كنت ووين صرت
وصايرة اكتئب بسرعه من جسمي
لان اسمن وانا مااكل
وبعد ماتعدت مني هالمحنة وصرت وحده اوك ومع الناس
نفس المشكلة انعادت وانا عمري 20
وصدمتين في شهر واحد
للحين ماتعديتها هالمحنه
صرت اكره الناس
صرت اكره نفسي
صرت مااثق بعمري ولا اثق بالناس
صرت وحيده بس مع دراستي
ودراستي هم اكتئب منها لاني اذاكر ولا اجيب درجات اللي ابغاها
كرهت حتى دراستي لدرجة فكرت اني اطلع منها
ادرس تمريض انا
اقول كيف بصير ممرضة وانا معدومة الثقة حساسة من اي شي
وانصح المرضى وانا محتاجة مين ينصحني
حتى حياتي مو عارفة انظمها
وقتي مو عارفة استغله
يامذاكره يانوم ياشغل يانت
ابغي استغله في اشياء ثانيه
بس كرهت حياتي
احس مالي خصوصيات مالي شي
انصح ربعي ومحتاجه مين ينصحني
اهتم في ربعي ومحتاجه مين يهتم فيني
يعني مو من الاهل اقصد الاهتمام
لا اهتمام اصحاب فهمتوني صح؟؟
ماعندي انا احب بنت ولا اتعلق كنت ايام المراهقه اتعلق لكن الحين لا
وتعلقت في وحده بس وهذا حكيت لكم القصة
محتاجه مساعده كيف ارجع ثقتي بنفسي
مع انو الكل يقول لي ثقتك بنفسك كبرة نيالك
مايدرو وش ورى هاي الثقة
شخص محطم من كل شي
ان شاء الله تقدري تساعديني
لاني احس مو فاهمه نفسي ابد
وعذرا عالاطاله
>>>>> ردود الأعضـــــــــــــــــــاء على الموضوع <<<<<
==================================
ياقلبي في هالزمن حتى الصديق الي تثق فيه احذره
معاد فيه اصلن صديق موثوق يمكن فالبدايه يكون وفي وصالح بس الشيطان حيوان يلعب ع الشخص
ومهما العلاقه ماتستمر الاحظ هذا الشي الكثير لان ياما ناس مره متعلقين والنهايه نفارقوا
لاتضيقي صدرك ترى قد جاني ذالموقف دعيت عليها من القهر والحين سامحتها بس خلاص معاد اكلمها
وحذرت نفسي اني الاسرار القويه مااقولها الا خواتي او امي هم الي صدق يكتمون ويعرفون مصلحتي
اما الصديقه في هالايام مجرد تسويع صدر فقط
لاتهدمي كل شي بس عشان بنت ماتستاهل الا التراب
خليكي قويه ولاتشيلي اي شي ماالومك بس حاولي
والله ناس جاهم مرض التوحد بسبب هذا الشي وندموا وخلاص تعودوا ع الوحده
انتبهي ع نفسك ودايم ادعي ربك ان يستر عليك ويحفظك من اعدائك ويرفعك
(ابتسم واضحك وخل الهم يتكدر .................)
__________________________________________________ __________
الله يعينك صديقتي ياريت اقدر افيدك الله يقويك
__________________________________________________ __________
الله يعينك بس روحي الله يسترعليكي لا تعطي اسرارك وانشاالله بتكون اكبرالهموم
__________________________________________________ __________
لا ياحبيبتي لاتسوين ف نفسك كذا
علشان وحده تافهه ولا حتى تدري عنك
اه اه ياالقهر لو انا برووح لها واصفقها
في بيتهم وربي ماعاش من يضيقك
ماجابته امه
ياحبيبتي ..اللي مايعتيرني راس مال ماعتبره مداس لرجلي..
وربي لو اهي صديقتي لاسفل فيها ولا اعتبرها ولا شي
عيشي حياتك ولا تخلين لها مجأأأل تخربط دنيتك
واصلي دراستك وانشالله انشوفك طبيبه اد الدنياء
قولي امين الله يجعلك من الدكاتره الكبار امييييييين
__________________________________________________ __________
اشكركم جزييل الشكر لكلامكم معي
حبيت اوضح شغله
البنت راحت في حال سبيلها من تخرجنا
لكن شخص ثاني اللي صرت له كتاب مفتوح وتهدم فيني كل شي
على فكره ماكنت اعطي احد اسراري
لكن اكتشفت اسراري بطريقة
حتى العدو مايسويها
ونفس الشخص سواها لي للمره الثانية الان
هذا اللي يخليني اتحطم لان خصوصياتي
انكشفت وبدون علمي
وانا من وانا صغيرة مااقول شي لاحد
وفجاه اصير كتاب مفتوح
هذا اللي خلاني انصدم
ف صرت اقول كل شي عادي
لان صرت كتاب مفتوح
رد مع اقتباس
