عنوان الموضوع : ثقتي بنفسي !! -لصحتك
مقدم من طرف منتديات نساء الجزائر

ثقتي بنفسي !!



السلام عليكم خواتي
مشكلتي ثقتي بنفسي ..
انا مو واثقه بنفسي ابدا وخجوله بشكل واحب تجنب الكلام مع الناس والسبب؟
اسناني ! .. انا اسناني مو حلوه رغم اني حلوه والكل يعجب فيني لكن انا مو مقتنعه ابدا وما زلت مو واثقه بنفسي ..
اسناني سبب في تعب نفسيتي وجمالي ..
صرت ما اقدر اتكلم واخذ واعطي بكل راحه ولا اضحك مستحييييييل اضحك بكل جرائه دائما احط ايدي على فمي وهذا الشي كثير مزعجني ومتعب نفسيتي ..
ادري بتقولون روحي مستشفى لكن ماقدر لان اول شي الفلوس وثاني شي الوالد ما يفضي ويكره المستشفيات عنده عقده مايحب المراجعه عشان كذا ..
وربي يا بنات انقهر تعرفون شنو يعني انقهر يعني احس روحي بتطلع من القهر لما اشوف البنات ضحكهن وثقتهن بنفسهن وجمالهن
ابيكم تنصحوني كيف اثق بنفسي وبجمالي ..
ومشكلتي الثانيه الدراسه !!
انا يا بنات درست الى ثاني إبتدائي وفصلت بسبب ظروف ..
رغم اني اجتهد وتعلمت الكتابه والقراءه وحتى اللغه الانجليزيه تعلمت القليل منها والحمدلله واحاول اتعلم اللغه اليابانيه ..
لكن مشكلتي زي ما قلت الثقه ..
انحرج عند البنات وهم يتكلمون فالدرس وكذا احس اني بينهم وحده عجوز مو فاهمه شي رغم انهم يدرون ومعجبين فيني لكن انا الثقه هي اللي دمرت حياتي ..
البنات اللي اعرفهم يدرون اني اعرف كل شي والحمدلله لكن الناس الغريبه اللي تعرف اني ما ادرس كيف نظرتهم لي .. وخصوصا إذا سمعت اللي يبي يتزوج يقول باخذ مدرسه ولا دكتوره احس بشي .. مو يعني ابي اتزوج لا والله بس نظرت الناس لي كييييف ؟
انتم قد سمعتوا بنت مو دارسه وهي في الديره !!
رغم اني احب البنات والجمعات والوناسه ولكن إذا جاء الجد ورحنا لمناسبه او جمعه انحرج واصير كأني مزهريه ..
اتمنى تنصحوني كييف اثق بنفسي !!
وأشكركن خواتي العزيزات وكل القائمين هنا
وأسأل الله لكم التوفيق والسداد والعفو والعافية في الدنيا واﻵ‌خرة

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
رفع أستغفر الله واتوب اليه


__________________________________________________ __________

شوفي اذا عندش شي اخوانش متوظفين او امش تساعدش شوية بالفلوس
عشان اذا اسنانش يبالها شي تنظيف تسوي واذا اسنانش طالعات متقدمات لقدام
وشوه شكلش سوي تقويم اسنان ،
انا اعرف بنات يسووه تقويم ببلاش في مستشفيات الجيش بواسطة
، وانا زمان اسناني متقدمات لقدام وفي فتحة صغيرة بين الاسنان كل يوم الصباح
اضغط بيدي شويه شوية كل مرة اسوي كذا حتى بعد 6 شهور طلعوا اسناني جنان
كأني سويت تقويم والكل لاحظ هالشي ( بس هالشي صحيح ومو كذب عن تجربة) وبعدين جبت ليمون وملح وافرك فيهم اسناني اول شي يبيض الاسنان و يلمعها واذا شي امراض في اللثة تروح ان شاء الله اكون افدتك
بشي ولاتنسين ادعليلي يارب حقق امنياتي ،،


__________________________________________________ __________

حبيبتي لا تفكري في سلبياتك

فكري في الاشياء الحلوه فيكِ وفي ثقتك في نفسك
كوني مرحه و الناس راح تحبك ما راح تهتم في عيوبك

مافي إنسان كامل كلنا فينا عيوب الكامل الله بس


__________________________________________________ __________

الحل عندك انتي وحدك
عززي الثقه بنفسك واهم نقطه الننننننننننننننننناس لاتهمك
وياكثر الحريم الي فيهم عيوب الدنيا وواثقات وعايشات يومهن
انتي ليش مكدره ومكتمه علئ نفسك تحرري تجرائي واهم شي عيشي يومك وسوي الي ببالك وقولي الي تبين وباللهجه الي تحبين لايهمك احد واضحكي وانبسطي ولا تنكتمي .
ومتئ ماصار معك فلوس وصارت عندك فرصه سوي الي تبينه وتحسينه يزيد جمالك جمال خليك واثقه انك جميله في كل شي


__________________________________________________ __________