عنوان الموضوع : ساعدوني استرجع نفسي رجاءً مجابة
مقدم من طرف منتديات نساء الجزائر

ساعدوني استرجع نفسي رجاءً



السلام عليكم
خواتي انا صاحبة موضوع "مشكلتي مع ابني تعبتني" واللي قرأت الموضوع السابق عرفت اني حامل وبصراحة بعد الحلول الرائعة اللي ساندتني وقوتني وآرأكم الحكيمة هي اللي شجعتني اطرح مشكلتي هذي هنا
انا الحمد لله حالياً بالشهر السابع بس المشكلة ان تصير لي امور ما صارت بحملي قبل كذا ولا حتى للبكر والحمل مأثر علي وعلى عيالي كثيييير دائماً عصبيه وحساسة ولما يمر وقت اشوف فعلاً ان الموقف اللي صار ما يستاهل كل العصبيه اللي صارت علماً اني قبل الحمل ابدااااا مو عصبيه ولا حساسة تخيلوا وصلت بي اني اثناء الغدا واحنا نتغدا قعدت اناظر في الصحون والاغراض واقول لنفسي ياربي الحين ذول ايش يغسلهم ويشيلهم تخيلوا قمت ابكي ع الغدا عشان هذا السبب جا زوجي يهديني يقولي لا تشيلين هم بغسلهم انا قلت له لا ما احب انت ما تغسلهم عدل قالي طيب ايش اعمل صرت اصرخ عليه اقوله وانت بكل شي بتسألني عمرك ما تعرف تاخذ قرار وقمت عن الاكل ورحت ابكي وموقف ثاني صار كنت معزومة عند صديقتي قبل لا اروح وصيت زوجي قلت له لا تصير الساعه 11 بالكثير الا العيال مفرشين اسنانهم ونايمين وخلهم يلبسون بجامات مو ينامون بملابسهم قعد يضحك قلت له وحضرتك ليه تضحك قالي انتي تتكلمين بجد ترا ولدك عمره 16 بدل ما توصيني عليه روحي وصيه … قاطعت كلامه وانا معصبه قلت له وش قصدك ان ولدي عمره 16 !!! قصدك اني كبيره ومعجزه صح قولها!! قالي مين قال انك كبيره قلت له لا تقعد تتمسخر تراني فاهمتك وبعدين انت ابوهم يعني لو انا مت بتفهمني انك بتعتمد عليهم بكل شي لانهم كبار خاف ربك ترا بنتك عمرها 5 محتاجة من يوجهها ويعلمها وولدك مراهق مو بكل شي تعتمد عليه انه راح يسويه بنفسه بدون امر قالي ان شاء الله وقام جا جنبي قالي تعالي اراضيك قبل تروحين ومسك يدي كان بيبوسني بس رديته قلت له وخر واليرحم لي والديك وطلعت وصفقت بالباب بقوة ورحت قلت للعيال 11 اشوفكم نايمين مفهووم ورحت … وسهرت مع صاحباتي ما انتبهت الا صرنا الساعه 12 ونص تقريباً قلت لازم ارجع البيت اتصلت على زوجي ما رد قالت صاحبتي مو مشكله اخلي زوجي يوصلك وصحته مسكين وجات معنا ووصلوني ولما دخلت البيت شفت بنتي قاعده مشغله لها كرتون في التلفزيون وولدي متسطح ع الكنبة يحافر بجواله تفاجأت صراحة قلت لهم ليهما نمتوا !! بعطيكم فرصه بدخل اغير ملابسي وابي اطلع اشوفكم نايمين مفهوم ودخلت غرفتي ولقيت زوجي نايم رميت عليه شنطة يدي وقعدت اصارخ قلت له انت هيي نايم وتارك العيال هايتين ولا بداري عنهم هو صحى مو فاهم شو السالفة قالي خير شصاير!! انا صرحت في وجهه افف اففففففف كذا ورحت غيرت ملابسي وطلعت الصالةواشوفهم ع نفس الحالة عصصصصبت مررره وقفلت التلفزيون وصرخت على بنتي قلت لها غيري ملابسك ونامي بسرعه وخليني اجي واشوفك صاحية هي قعدت تبكي وراحت ع غرفتها قلت لولدي وانت يالله قدامي بسرعه فرش اسنانك ويلا ع النوم قالي دقيقه و حتى ما ناظر فيني بعده يحافر في جواله رحت له وسحبت الجوال من يده ومسكته من يده ورميته وراي والتفتت عليه قلت له جوال الليلة مافي ولو ما رحت تنام الحين قسماً بالله احرمك منه.فاهم!!! هو قعد يتافف ومدري وش يقول وراح غرفته وانا دخلت انام وجواله كل شوي تجيه رسايل بنغمة الواتس اب ازعجني مره وشوي ويجيه اتصال رفعت وطلع صاحبه اللي بينهم علاقة حب""الأخوات اللي قروا موضوعي السابق يعرفون ليه قلت كذا"" اول ما رفعت قالي خير فيك شي ليه تسكت فجأه بالواتس!؟ قلت له ليه متصل هالحزة!!! قالي اوه اسف فكرتك حمني خير فيه شي ليه ميرد!! <<ع فكره امه نفسها صاحبتي اللي كنت سهرانة عندها>> قلت له ليه مانمت روح نام لا تزعلني منك ولا اكلم امك واقول لها انك سهران لهالوقت يالله ! زوجي قالي عيالك تهزئينهم قلنا اوك بس ليه تهزئينه قلت له طس نام وبعدين هو مثل ولدي واهزئه واشرشحه بعد ما تشوف الساعه كم متصل!! قالي لا حول ولا قوة ونام والله تعبت من اسلوبي الغبي ومره كنت هاديه وقعدت اسولف مع ولدي قالي ماما انتي متغيره بقوه انتي كنتي صديقتي وامي الحنونة الحين بس تصارخين وتعصبين وما تحبين احد يكلمك على طول تخانقين قلت له معليش حبيبي ضغوط نفسيه فتره وتعدي واوعدك ارجع مثل ما كنت وحاولت فعلاً بس مقدرت اي شي ينرفزني ويقهرني مهما كان بسيط وقلت ابي دكتور نفسي لكن زوجي رفض يقولي انا متقبلك مثل ما انتي … واحيانا تصير معي امور والوم اللي في بطني ……… وغير كذا جسمي قاهرني مره انا كنت نحيفه يعني لما حملت بولدي وبنتي بس بطني كان يكبر ولما اولد مع التمارين يختفي بس الحين جسمي كله سمن وواضح اني راح ابذل مجهود بعد الولادة عشان ارجع مثل ما كنت التفكير في ذا الموضوع بروحه يقهرني
ساعدوني يا بنات تكفون كيف ارجع نفسيتي مثل ما كانت علما ان هذي اول مره تصيبني هالحالة والله تعبت من نفسي

>>>>> ردود الأعضـــــــــــــــــــاء على الموضوع <<<<<
==================================


حبيبتي او شي الله يعين زوجك لانه متحملك كلنا بنحمل وعندنا اولاد وبتصينا ارهاق وتعب ونفسيتنا بتتعب بس مش لهدرجة زوجك وولادك شو ذنبهم لو واحد مكان زوجك تصرف تصرف ثاني حرام عليك


__________________________________________________ __________

نصيحتي احذفي موضوعك
لانك ذاكرة تفاصيل مو مهم تذكريها بهالتفصيل
غيرك بيعجب بموقف زوجك والتفاصيل اللي ذاكرته بدون مايذكر الله
خاصة ان الموضوع عام ، وقتها لو تغير زوجك محينفع الندم والعين لو صابت ماتروح الا باثر صاحبها
من وين بتجيبي اثر من النت ؟
احذفي الموضوع ، واستهدي بالله واقرئي قران واتعوذي بالله كل ماعصبتِ
ولاعاد تبالغي .. واللي حولك مهما بلغوا فلهم قدرة محدودة ع الصبر ولو تكون الكره بداخلهم
مو سهل ينشال .. فاهدي الله يهديك


__________________________________________________ __________

وعليكم السلام وَرحمة الله وبركآته
آسآل الله أن يُعينكِ وَيهديكِ
آخيتيْ رُبمآ يَعود السببْ إلى تَفكيركِ الزآئد
في جِسمكِ لآنه تَغير عن ذي قبل
أو ربمآ بسببْ أدوية تتنآوليهآ قدْ أثرتْ
عَ النّفس بِـ الضيق مع الوحآم في الشهور الآولى
ليس هنآك سببٌ من دون أسبآبْ
حَآولي أن تبتعدي عن هذآ التفكير المُتشآئم
الذي ربمآ قد يُغير حيآتُكِ إلى الآسوء
إحمدي الله عَ مآوهبكِ من زوج صآلح وَذرية صّآلحة
إستغفري ربكِ وَإلجأي اليه بِـ الدعآءِ وَالذكر الحسنْ
وَادعي الخَآلق أن يُيسر لكِ ولآدتُكِ
لآتفكري بِـ السمنة الآن لآن هذآ شيءٌ طبيعي
وقت التفكير بهآ بعد الولآدة إن شاء الله
ليس فيكِ إلآ العآفية وَابتعدي عن هذآ التفكير
المتشآئم كمآ ذكرت مسبقاً
آسآل الله لكِ الفرج وَالسعآدة الدآئمة وَللجميع


__________________________________________________ __________

نصيحتي لكي يا اختي انك تقري قران وتتقربي من الله اكثر
مافي شي اريح من ذكر الله والجأي لربك اجلسي حطي سماعات بجوالك وشغليه على القران
راح ترتاحي وترتاح نفسيتك واشربي ماء زمزم والله يكون بعونك يارب
وبخصوص جسمك ووزنك الزائد هذا شي طبيعي لا تزعلي ولاتضايقي نفسك
انتي بس ريحي نفسك ب هالفتره وبعد ما تجيبي البيبي على خير ان شاء الله
في الف حل وحل ومليون تمرين يخليكي ترجعي لجسمك وبرشاقه كل شي يهون ان شاء الله


__________________________________________________ __________

المشاركة الأصلية كتبت بواسطة بَوتَقةُ الأمَل
وعليكم السلام وَرحمة الله وبركآته
آسآل الله أن يُعينكِ وَيهديكِ
آخيتيْ رُبمآ يَعود السببْ إلى تَفكيركِ الزآئد
في جِسمكِ لآنه تَغير عن ذي قبل
أو ربمآ بسببْ أدوية تتنآوليهآ قدْ أثرتْ
عَ النّفس بِـ الضيق مع الوحآم في الشهور الآولى
ليس هنآك سببٌ من دون أسبآبْ
حَآولي أن تبتعدي عن هذآ التفكير المُتشآئم
الذي ربمآ قد يُغير حيآتُكِ إلى الآسوء
إحمدي الله عَ مآوهبكِ من زوج صآلح وَذرية صّآلحة
إستغفري ربكِ وَإلجأي اليه بِـ الدعآءِ وَالذكر الحسنْ
وَادعي الخَآلق أن يُيسر لكِ ولآدتُكِ
لآتفكري بِـ السمنة الآن لآن هذآ شيءٌ طبيعي
وقت التفكير بهآ بعد الولآدة إن شاء الله
ليس فيكِ إلآ العآفية وَابتعدي عن هذآ التفكير
المتشآئم كمآ ذكرت مسبقاً
آسآل الله لكِ الفرج وَالسعآدة الدآئمة وَللجميع