عنوان الموضوع : تعبت مليت خلاص ماعاد اقدر اتحمل اكثر من كذا الطبيب يجيب
مقدم من طرف منتديات نساء الجزائر

تعبت مليت خلاص ماعاد اقدر اتحمل اكثر من كذا



السلام عليكم..
صبايا كيفكم ان شاءالله تمام..
بنات واسوني ساعدوني خلااااص بديت احس باليأس ..بالتعب بالملل بالكآبه ..احس بوحدة بضيقه بهم بثقل بقلبي مايعلم به الا الله .لكن الحمدلله ع كل حال .
عمري قرب ع 26 ..احس اني وحيدة ببيت اهلي مافي احد يحس فيني مافي احد يحس بالي انا فيه .. كنت انخطب وما يصير شيء يا اهلي يرفضون بدون سبب مقنع يا اهل العريس ما يجون مره ثانيه يا انا ارفضهم لانهم متزوجين خلاااص احس بضيقه بقلبي مايعلمها الا الله ..
وعلى كذا اهلي ما يحسون مايدرون بمشاعري ..
بعد كذا اختي انخطبت وتيسر لها كل شيء ماشاء الله اهلي وافقو من اول شيء ..
وعلى طول كلمو اختي وقالو لها وانا كان اخر من يعرف انا .. كانت امنيتي لو يحسون بمشاعري يحسسوني اني اهمهم لكن بالعكس صارو ينظرون لي بعد ما انخطبت اني ولا شيء
اني انا راحت علي اني انا مو موفقه بحياتي وكلام واهانات مثل ... انتي بتبقين على قلوبنا انتي مارح نفتك منك انتي ما استفدنا منك بشيء والله العظيم والله العظيم اكتب لكم ودموعي بعيوني والقهر يغلي بقلبي ..مو مشكله هذي حياتي وراضيه فيها..

تزوجت اختي الله يوفقها وراحت ... وكل البنات الي بعمري واصغر تزوجو ..
بنااااات احس اني فاااااشله بحياتي احس مالي قيمه احس بالاهانات تلاحقني بكل مكان ..

على الرغم اني اكثر وحده تقوم بشؤؤون البيت واساعد امي بكل شيء وامي ما تعتمد الا علي بكل شيء وابوي ما يحب ولا يرتاح الا لشغلي وطبخي عكس خواتي الباقين لكن مع كذا ما عمري حسيت انهم يرفعون من معنوياتي او يحسسوني اني اهمهم ابدا ..
وعلى كذا انا اشطر خواتي بالدراسه وماشيه فيها لاني الحمد لله الان ادرس ماجستير لكن حتى دراستي احس اني من كثر التفكير والهم احس درجاتي ومستواي مو بالشكل المطلوب ..

احس اني بديت اكره حياتي اكره عيشتي ما ادري هو حظي كذا نكد ما رح يتغير ..
صرت اكره المناسبات اكره الزواجات اكره وجودي بين الناس احس من لما تزوجت اختي ونظرات الناس ماتفارقني ع بالهم فيني عيوب الدنيا..
حتى البنات الي بعمري واصغر متزوجات صرت اكره اروح عندهم وحتى اكره اشوفهم واجلس معهم ...
وعلى كذا عندي اخ الله المستعان عليه دايم ناشب لي دايم يخانقني مسوي رجولته علي عمره 17 سنه احس دايم يتلفظ علي دايم يهيني قدام اهلي يقول انتي خلااااص عجوز خلاااص كبيرة خلاااص منتهية الصلاحيه دايم يجرحني بكلامه بيده وعلى كذا اهلي يشوفون ويسكتون ويقولون طنشيه ابيهم يوقفونه عند حده لكن لا حياة لمن تنادي ...
اخواتي ولا وحده قريبه مني.. ومع كذا اهلي ما يعاملوني مثل ما يعاملون خواتي انا غير والله العظيم مليت تعبت من هالعيشه خلااااااااص ..

وانا جميله ودينه والكل يمدحني بالزين لكن اهلي مو شايفين شيء..
انا ما ادري هو الحظ كذا ومكتوب لي اعيش بوحده وبهم وبضيقه رغم الي انا املكه من جمال ودين واخلاق وعلم والا ليش الي قاعد يصير معي كذا..

ما ابيكم تتهجمون علي بردودكم ابيكم تواسوني بكلمه حلوه لاني بجد مو ناقصه ولا كتبت موضوعي هنا الا اني ابي احس ان بالدنيا هذي احد يحس بالي انا فيه وبـــــــــــــــــــس...

يافارج الهم فرج همي ونفس كربي ويسر امري اللهم اميــــــــــــــــــــــــن..

>>>>> ردود الأعضـــــــــــــــــــاء على الموضوع <<<<<
==================================


يابنت الحلال ماضاقت الا وفرجت وسعي صدرك وان شاء الله زواج اختك هذا يكون فال خير عليك وتتيسر امورك وتتزوجين قريب وشيء طبيعي يحس الانسان بالاحباط لأن الحياة كلها انكسارات وهزائم لكن ايضا الحياة فيها انتصارات ومكاسب وثقي انك راح تنالين حظك من هالمكاسب بإذن الله لان هذي هي سنة الله في الحياة وماتدرين وش الله كاتب لك اهم شيء حاولي تتناسين حزنك وادعي ان الله يشرح صدرك ويزيل همك وتذكري ان اللي صار لك ماهو نهاية الكون وانتي مااطلعتي على اللوح المحفوظ وشفتي وش الرزق اللي منع عنك او الرزق اللي راح يجيك وحتى الممنوع عنك ممكن يجيب لك الدعاء والاستغفار وانتي على كل حال بنت كويسة وزينة وفيها مميزات بدليل انك تنخطبين ماشاء الله ...الله يرزقك بابن الحلال اللي يسعدك ويهنيك عاجل غير آجل


__________________________________________________ __________

خلي لسانك هذا لا يوقف عن ( استغفر الله الذي لا اله الا هو الحي القيوم واتوب اليه )
واذا وصلتي لدرجه انك تقولينها وانتي نايمه او اول ما تصحي او وانتي بالحمام بدون شعوور
وقتها تيقني ان اي دعوه ستدعين بها الله ستجااااب لكي بإذن الله
ولا تنسيني من صالح دعوآتك


__________________________________________________ __________

الله يرزقك الزوج الصالح حبيبتي هدي من بالك وعسا ان تكره شيا وهو خيرا لكم وعسا ان تحبو شيا وهو شرا لكم لعلع خير لك ماتعرفي وين الخير وعليكي الصلاه والدعاء والصبر


__________________________________________________ __________

حبيبتي هدي نفسك شوي وقلي الحمد لله (لان شكرتم لازيدنكم ولان كفرتم ان عذابي لشديد)انتي بنعم انتي مو شايفتها انتي الحمد لله بصحة وعافية غير مرمي بالمستشفيات والعنايات المركزة مو داري عن نفسه انتي بببت تامنين ع نفسك فيه واهل يحمونك غيرة مشردة بالشوارع او اهلها منفصلين ومعذبتها زوجة ابوها قصصهم تشيب الراس انتي ماشاء الله عندك اشياء تميزك حلوا ومحافظة على دينك وشهادة غيرك لا جمال ولا علم ولا حظ هذي برايك وش تسوي??عشان كذا احمدي الله ع هذي النعم انا والله العظيم حاسه فيك صدقيني نصيبك ماجاء لان ربي يدبرلك شي حلو ويفرح قلبك وبتتذكرين كلامي -من المحاااااال دوام الحال - زي مامرت عليك ايام مره بتمر عليك ايام حلوه باذن الله انتي صابرة وربي قال (وبشر الصابرين)اش تبغين اكثر من ان ربي بيبشرك خلي عندك امل ان بكره احلى انتبهي تياسي من رحمة الله راح تخسري الدنيا والاخرة اتفائلي ولا تضيقين نفسك تجيبي لنفسك الامراض والله العظيم انو اهلك يحبونك ويموتون عليك كمان مافيه اهل مايحبون اولادهم لا تحسبين انو اهلك هم اللي يرفضون ابدااا ربي هو اللي يسخرهم يقولون ايوا ويقولون لا واخوك هذا مراهق وصغير لا تهتمين بكلامه بيكبر ويعقل
الله يرزقك يارب من حيث لا تحتسبين ويفرج همك ويفرح قلبك باكثر مم تتمنين
تقبلي مروري ...واسفه ع الاطاله


__________________________________________________ __________

مااعليک منہہم بتسمي
گل تخيرہ فيہہہہاا خيرہ
ادعي ربگ اللہ يرزقک بزووج الصاالح يعوضگ ويسعدگگ