عنوان الموضوع : مليت تعبت ماعاد فيني صبر مجابة
مقدم من طرف منتديات نساء الجزائر

مليت تعبت ماعاد فيني صبر



بسم الله الرحمن الرحيم

السلام عليكم ورحمه الله وبركاته

مدري كيف ابدا بس والله العظيم تعبت اتحمل واكتم واتصنع اني سعيده

وانا في داخلي بركاااان من القهر والغضب واخاف ينفجر في وقت غلط او بطريقه غلط

انا بختصار متزوجه من اقل من سنتين وموظفه ولدي طفلتين تؤام ربي يحفظهم مشكلتي هي مع زوجي اللي يعمل في

مكان بعيد عنا من بدايت زواجنا وانا اساعد زوجي ماديا لانه فعلا يكون محتاج

ولكن مع الوقت اكتشفت انه اتكالي يعني ممكن يصرف اللي معه كله لانه يعلم اني ساعطيه

ماينقصه وهذه الصفه والله العظيم انها لاتعني لي الكثير واقدر اتحملها

ولكن الشي الصعب انا نكون في وقت محتاجين ومعنا شي قليل يروح هو ويصرفه

ع المظاهر اما جوال لاخته او شحن لامه واخواته

يمكن بتقولن اهله ادري عارفه ومقدره بس فيه اولويات

والله يابنات لما كنت حامل رحنا كشفنا عند دكتوره خاصه ولما رجعنا كان يمزح

بس بجديه ليش التكاليف اذا مافيه اي مشاكل بالحمل انا حز بخاطري هالكلام وبعده بيومين اشترى لاخته موبايل وللعلم كل هذا من معاشي

احس اني اخر اهتمام مثلا لما يكون بالمدينه اللي فيها عمله قليل اتصاله واغلب الوقت

انا اللي ادق له ويكون كلامه مختصر تصدقن مكالمتنا ماتعدا العشر دقايق او اقل كمان

والمصيبه اكتشفت انه يكلم بنات بالساعه والساعتين على الجوال والمسن والله يابنات اني لقيت رسايل

كان مرسلها لبنت واحنا ماكملنا شهر من زواجنا واللي قاهرني انه مايمسح الرسايل ولا المكالمات يمكن لانه حاط رمز قفل لجواله وكذا مره اساله عن الرقم ويلف الموضوع
بمزحه وضحكه ويدخلنا بموضوع غير او لانه يظن اني غبيه لدرجة مااقدر اكتشفه او انه مايهمه اذا عرفت او لا بس استبعد هالفكره لانه كذا مره ادخل عليه ويصغر صفحة المحادثه
وليتها تجي ع مكالمات وبس انا شاكه انه يطلع مع بنات بس مابيدي دليل

ومن فتره كان يشتكي انه لوحده ومل وطفش فاخذت اجازه والله وحده يعلم وش كثر تعبت
منشان اخذها لاني لا استحقه في ذالك الوقت
ولما قلت له ان الموافقه جت واني رتبت موعدها مع وقت زيارته لنا تعلمن ماكان رده
باني لو اعلم انك اخذتيها من اجلي ومن اجل الذهاب معي لما تركتك تاخذينها تتوقعن وش شعوري بعد كلمته انهرت تحطمت بس طبعا داخليا ولا بينت لاحد شي حتى هو
وذهبت معه
الان انا مررت بحاله صحيه بس الحمدلله عدت على خير واخذت اجازه من عملي وفكرت ان امددها واذهب معه حتى ارتاح واكون قريبه منه وهذا كان راي كل من حولي بستثنى شحص
نعم هو وانا توقعت انه هو من سيقترح علي هذا الاقتراح وعندما اخبرته باني سامدد اجازتي ولكن لم اخبره باني افكر بالذهاب معه
قال لاحاجه لذالك اذا كنتي لاتشعرين بتعب.!!!!! هل ابكي ام اضحك
كنت اتمنى ان اقول له مافكرت فيه ولكن تذكرت رده باجازتي السابقه وخفت ان اهين نفسي لشخص لايفكر بي احيانا اعطيه مبرر قد يكون لايقصد عدم الاهتمام لكنه لم تخطر بباله الفكره ولكن اقابله بنفي ذلك لانه ذكي ولبيب

كيف اتصرف معه ماهي الوسيله والله اني تعبت لاني شايفه اني ماقصرت معه بشي لاماديا ولا معنويا
وانا الحمدلله متدينه قد لا اكون ملتزمه ولكن الحمدلله لا افوت ركن وجميله وبنت ناس وذكيه وعاقل وصبور وهذا بشهادة من حولي
انا حاليا اصرف على نفسي وبناتي و عليه

اعلم ان زوجي اناني واتكالي واني لست من اولوياته و.و.و الكثير لــكــنــي

احبه اكذب لو قلت مااحبه وهو عارفه هالشي ولا اقدر استغني عنه وابو بناتي

بس مع كذا انا انسانه لي حدود بالصبر تعبت والله تعبت


مارايكن اخواتي هل اقول له اقتراحي بالذهاب معه؟

هل اواجهه بمكالماته و رسائله؟

ماالعمل فانا في ضيقه لايعلم بها غير الله

>>>>> ردود الأعضـــــــــــــــــــاء على الموضوع <<<<<
==================================


الله يعينك


__________________________________________________ __________

صراحه لاتزعلين زوجك مش رجال ابد ولا يعرف معنى رجوله اذا الحرمه تكد عليه
وين الغيره ؟ وين الرجوله؟ بس القوله اعتبريه ولدك الثالث بعد البنات
اصرفي عليه وخليه برواز لابو بناتك ومدام انتي تحبينه مافي حل ؟وش بسوين
اذا حاسبتيه بكابر انتي تصرفين علي ووووو وطبعا هم بريئين
وظاهر من قبل مايتزوج وهو يتحدث مع لبنات ومتعود ع كذا
وظاهر معتمد عليكي ماديا وهذي نقطه كثير ماثثر ع طرفين
وسبب خلاف ماله حل بين الزوجين لحياة لزوجيه اذابنت ع اساس
مصلحة من احدى طرفين نهايتها الفشل!!
وزوجك مستفيد ماديا منك !الحل انك تتصرفين انك مثل تقولين اشتركتي
بجمعيه او تصدقتي لبناء مسجد اوو اووووو الخ بجز منه خلي الي يكفيش انتي
وبناتك لاتعودينه ع انك تصرفين ع البيت او عليه او ع اهله منتي
ملزومه منهم ولاصرين انتي رجال في البيت اما محادثاتة مع
البنات مالها حل إلا نروح برج الاتصالات ونقطع خط الاتصالات
ونحل عقدت الجميع من الاستخدام الشاذ للجهاز هذا مشكلت الجميع
مالها حل الكل يشتكي ولاتدرين مافي الا انتي تقومين وتحادثينه
وتلعبين الدور امكن مسكين عنده فراغ انتي اوله من غيرك
ظاهر زوجك عاده مراهق العبي معه دور المراهقه
ودعيله ان الله يهديه وحاولي اذا في سكن عنده روحي
عنده خليه يتحمل المسؤليه بناته وبيته وشغليه
ترى البعد مش محمود بين زوجين بسبب العمل او اي شئ
وبعدين لاتبينين انك انتي التحاولين تمسكين فيه لا خليش
عادي بعض ارجال ولله مكلهم سو ى بعضهم يحب
من وراه لغز مايعرف سرها هي تحبه ولا لأ ويتركون
من تموت عليهم وتركض وراهم ورا مشاكلهم
اختي الله يسخر لك وش سوين بعد حبيبك وبو بنياتك


__________________________________________________ __________

الله يعينك يا اختي بس حاولي تتكلمين معه ولاتكتميين بقلببك لان بيجي يوم وتنفجرين فيه
واكيد اذا كان يكلم بنات معناته في شي البنات الي يكلمهم موفرينه له وانتي مو مفرتيه له ..حاولي داييما تسوين له مفاجات او اي شي ممكن يخليه يترك هالشغلات لان الزواج استقرار وحرام عنده بنات ويسوي كذا...كان الله في عوونك ولاتنسين دايما تقراين القران ..اتمنى اكون فدتك بشي


__________________________________________________ __________

الله يوفق ي رب


__________________________________________________ __________

حبيبتي تعليقا على ردك
وحاولي اذا في سكن عنده روحي
عنده خليه يتحمل المسؤليه بناته وبيته وشغليه
ترى البعد مش محمود بين زوجين بسبب العمل او اي شئ
وبعدين لاتبينين انك انتي التحاولين تمسكين فيه لا خليش
عادي بعض ارجال ولله مكلهم سو ى بعضهم يحب
من وراه لغز مايعرف سرها هي تحبه ولا لأ ويتركون
من تموت عليهم وتركض وراهم

انا عارفه هذا الشي علشان كذا بروح معه و امدد اجازتي بس كيف اقول له اني بروح معه وهو يقول اذا مش تعبانه لاتمددي اجازتك يعني ولا فكر اني اروح معه
اخاف يقول اني ميته على الروحه معه وصراحه هذا الواقع بس انا مابيه يعرف
لانه من النوع اللي اذا عرف احسه يشوف نفسه

اما الاخت اللي تقول اكيد اذا كان يكلم بنات معناته في شي البنات الي يكلمهم موفرينه له وانتي مو مفرتيه له ..حاولي داييما تسوين له مفاجات او اي شي ممكن يخليه يترك هالشغلات

يبي وحده طول الوقت تمزح وتضحك وانا مش اله كل شي له وقته والله احاول اتغير علشانه بس هو مايشجع يمكن لانه مكتفي باللي عنده دايم ابادر بالكلام بس هو مايتجاوب معي بشكل كافي

اما سالفة المفاجأة والله اسوي دايم واجيب له هدايا بوقتها يستانس وكذا بس بعد فتره ترجع حليمه لعادتها القديمه