عنوان الموضوع : مغامرات حامل .. ج الاخير -تأخر الحمل
مقدم من طرف منتديات نساء الجزائر

مغامرات حامل .. ج الاخير



صباح الخير
اجاكم الجزء الثالث والاخير من مغامراتي
بعد ما طلعت من المستشفى ...رجعت عالبيت طبعا
قلنا للناس صار معي استسقاء سوائل لان ما حدا كان يعرف اني زرعت اطفال انابيب ..
طبعا الوحام كان كتييير صعب اول مرة يمر علي هيك وحام ...مع اني سبق وحملت بس كنت أسقط
قال الحامل بتوام كلشي عندها مضاعف الوحام والتعب وكلشي..
بنهاية الشهر الثاني عملت عملية انقاص اجنة شالوا اثنين وخلوا اثنين و بنهاية الثالث عملت عملية تطويق عنق رحم ...طبعا كلو تخدير عام ...بعد عملية التطويق ارتفعت حرارتي و عأدوية وأبر وخافضات حرارة ... قال طلع بسبب العملية نفسها
مر الشهر الثاني والثالث وحام موووت ما اقدر اتهنى بأكلة ودائما معدتي توجعني لانها فاضية وكلما اكلت استفرغ مع اني كنت اوخد ادوية بس عبث

مر الشهر الرابع وانا دائما خايفة ومتوترة و متضايقة لان الحمول السابقة اللي كان يصير فيني اكون تمام وغير شكل اروح عالدكتور اراقب الجنين و اذ بقولي ميت

دائما كنت اعرف ان الجنين ميت من الايكو وما كان ينزل علي شي ابدا ...مرة رحت ع دكتورة كنت حامل طلع الجنين ميت من اكثر من اسبوعين وما معي خبر

و بعد الف يا ويلاه حتى نزلتو بعملية و حتى العملية كانت بدون تخدير لان المستشفى كانت بمنطقة محاصرة وممنوع يدخل لها اي شي لا اكل ولا دوا ولا حتى كان في اطباءوممنوع التجول .. بس انا دكتورتي تقربلي غامرت بحالها وراحت معي واضطرينا نعملها بدون تخدير مشان نخلص وما يتعفن الجنين بالبطن كان صرلو شهر ميت ..(كانت بنت)

المهم نرجع للحمل الاخير هاد ... بالشهر الرابع صابني حساسية حمل كل جسمي طلع فيه حب صغير يحكني ومزعج ضل حتى اخذت دوا و الحمد لله راح

بالشهر الخامس نهايته حسيت نزل شي مثل مي ما عرفت شو هاد ... ضل يتكرر كل اسبوع شوي ..
بالشهر السادس صار كل كم يوم .. وكمية اكبر من قبل (طبعا ما عدت قدرت اتواصل مع دكتورتي بسبب الاحداث ) .... اروح عالاطباء يقولوا لا هي مي برانية مالها علاقة بالجنين .. و اخر السادس صارت كثيييير يعني كل يوم احط فوطتين وثلاثة (أجلكم الله) وما يكفي ...و كل دكتور يفحص ع ايكو يقول عادي مش سائل الجنين هاد ... اقول بحالي لكان شووو هاد يا ربي منين طيب

و باول الشهر السابع زادت المي حتى صار كلما تحركت باي جهة يكب كب علي بكثير ... و صار ينزل دم يعني نزيف ...
وطلع معي فقر دم و اعطوني سيرومات وابر حديد و قالو لي لا تنامي وانتي متسطحة نامي وانتي قاعدة مشان الجنين يضغط عالرحم تحت وما يضل ينزل ,,,
صرت نام ع القاعد يعني متل اللي بنام ع كرسي هلكت وتعبت احس ظهري رح ينكسر و وما اشبع نوم ابدا
ضل النزف و المي تنزل كثير كثير مدة اسبوع وصار يصيبني طلق مثل الولادة رحت ع دكتور جديد فحصني قالي بصراحة يا اختي وضعك صعب كتير مي حول الاجنة ما في كثير ولازم تولدي فورا ...و ما الك غير تروحي عالشام ... لانك تحتاجي حواضن مجهزة و متطورة و بدرعا ما في مجال ابدا ...

قلتلو انا زارعة زراعة ونطف قلبي حتى وصلت لهي المرحلة ...طيب بعيشوا الاولاد اذا ولدت هلأ ما صرلي اسبوع بالسابع ... سكت و قال الله يكون بعونك ...

نزلت فورا من عند الدكتور عالشام حتى ما لحقت اخذ اغراضي و اي شي بخصني ... و بهي الاثناء جوزي ما عاد يقدر يتحرك برا القرية تبعنا .. ابدا بسبب الحواجز و رحت انا ومرة ابوي الله يجزيها الخير ... لان انا امي متوفية

رحت ع نفس الدكتور اللي زرعلي وكل اللي شافني تفاجأ وقال لك شو هاد اللي عم يصير معك انتي
بعد فحوصات تبين ان ما في ولا نقطة مي حول الاجنة وكثير مضغوط عليهم المساكين وما فيهم يتحركوا ابدا و حجمهم صغير كتير ... وطبعا الطلق ما وقف كل خمس دقائق طلقة يعني ولادة نظامي وانا ما فيي اولد طبيعي لازم قيصرية ...

ضليت بالمستشقى اسبوع وهم عم يدفشوا فيني لان كلما ضل الجنين بالرحم اكثر كلما كان احتمال يعيش .. واعطوووني ادوية لايقاف المخاض شي مش بالعقل كثير كثير لدرجة احيانا في ايام كنت اخذ كل عشر دقائق حبة
وبس وصلت عشر ايام بالسابع صار عندي طلق قوي وما عاد وقف ... بالليل قرر الاطباء خلص الصبح بدهم يعملوا لي العملية واللي بدو يصير يصير ...
طبعا ما كان في احتمال يعيشوا ابدا ... سألنا اكبر اطباء الاطفال والنسائية الجراحين والكل يقول احتمال ضئيل جدا جدا ...غالبا ما يعيشوا ...
وثاني يوم الصبح والله ما انسى هاد الموقف وهي اللحظة المؤلمة ..
اجا الدكتور اللي بدو يعمل لي العملية وطبيب الاطفال المختص عن الاجنة ... بعد ما لبسوني للعملية وجهزوني .. اجو ع غرفتي وقالوا لي .. بكل لؤم ولا ومبالاة :

ترى اولادك ما رح يعيشوا .. وانتي لازم تعملي العملية فورا مشان ما يتفجر الرحم ...بسبب الطلق ... قلتلهم اي ؟؟
قالوا نحن رح نعمل العملية بس من هلأ عم نقلك ما رح يعيشو ..و اول شي بدنا منك هلا تدفعي 50 الف للعملية و تجيبي ابرتين ممكن يحتاجها الاطفال سعرها 50 الف واذا الاولاد اجو عايشين بدهم حاضنة والحاضنة عنا تاخذ عاليوم 12 الف يعني بدك تدفعي ياليوم 24 الف و هلأ سلفا بدنا 100 الف يعني اذا بدك نعمل العملية بدنا هلا 200 الف
و طبعا انا غرفتي اللي قعدوني فيها عم ياخذو عاليوم 6000 ليرة
يعني بدي ابيع حالي فوق كل اللي حطيتو بالزراعة والحمل وكمان بدي حط قده واكثر

انا الزراعة العادية تكلف 350 تقريبا بس انا كلفتني 750 بسبب المضاعفات اللي صارت معي والادوية اللي اخذها اجنبية وغالية ...

وقفت بموقف صعب قدام الاطباء وقالولي يلا هلأ قرري معك عشر دقائق مشان نعرف حالنا ...قلتلهم ما معي هاد المبلغ ... طيب شو اعمل ؟
قالوا دبري حالك روحي عاي مستشفى حكومية ....اي اذا الخاص يا دوب تنفع مع اجنة لسا ما كملوا الشهر السابع كامل لان الرئتين تكون مش مكتملة لسا ...احترت وصرت ابكي

وحسيت المستشفى بدهم يتخلصوا مني بس عرفوا ما معي مصاري يكفي ... يعني لو عملية لحالها و اجرة المستشفى مش مشكلة بس قال اذا احتاج الاطفال الحواضن حتى يكملوا شهر فيها .... بدي مليون ليرة اجرة بالشهر
حسبنا الله ونعم الوكيل .... اتصلت عاهلي وانا ابكي و ع جوزي و دموعي ما وقفت ... وبهي اللحظة تمنيت اني ما زرعت ابدا ...

بس اتصلت ع دكتورتي اللي بدرعا قالت لي تعالي لعندي انا بتولى امرك وهم مش اكرم من الله ... مش هم اللي يحددوا بعيشوا او لأ ... تعالي هلأ
رحت عندها و ضلت تراقيبني و تعطيني ابر تفتح الرئتين كل يوم وخلتني اوكل واتغذا كثير وكل يوم تفحصني ... وكل هاد وطبعا ماضل نقطة مي عند الاجنة ... بس كانت تفحص اذا النبض شغال ...
و تقولي لي انا عم اعمل اللي علي والباقي ع الله وبصراحة ما دام ما في طلق هلأ عم ندفشك بالحمل بس مجرد ما صار طلق لازم اولدك فورا ... ادعي لعل الله يمد بعمر ايام حملك ..
كنت اتمنى اشترى الايام مشترى ... وكل هي الفترة و النزف شغال والمي ما توقف ..

بس صرلي عشرين يوم بالسابع اجاني طلق قوي مرة ثانية ... فحصتني وقالتلي خلص ما عاد فينا ننتظر اكثر بدنا نحاول بلكي ننقذ الاجنة ... وهي سألت اطباء اطفال كثير بدرعا والكل قال احتمال ضئل يعيشوا ... وانا نفسيتي زقت يالله قديش تعذبت وكنت ابكي واتوسل واطلب من الله يساعدني
دخلنا غرفة العمليات انا ودكتورتي وهي كانت عم تبكي مشاني وقالت لكل الموجودين بالمستشفى ادعولها حمل زراعة بعد 7 سنوات .. وتعذبت كثير .. الكل صار يدعيلي و اخوتي وخواتي يبكوا ويدعولي ... ودعتهم ودخلت ...قلتلها للدكتورة قبل تبلش ... لا تخافي انا مسلمة امري لله و لا تتوتري بعرف انك رح تحطي كل طاقتك و لو ماتوا لا قدر الله انتي ما لك دخل ...

>>>>> ردود الأعضـــــــــــــــــــاء على الموضوع <<<<<
==================================


تكملة ..

باستني ع جبيني ... وقالت وكلي الله ... وبدات عملها ....وبعد ربع ساعة سمعت صوت ضعيف كتير ... تفاجأت طلع هاد صوت اولادي ... ع فكرة انا ما كنت اعرف شو فيني بالضبط لان كل دكتور قالي شكل و اخر فترة بسبب ان ما في مي ما كان يبين معالج جنس المولود.... حتى وانا تحت العملية قالت لي الممرضة جبتي ولد وبنت ... بس طلعت مخربطة







طلعت و شفت صورهم فيديو لانهم كانوا بالحاضنة .. طبعا هي المستشفى خاصة بس ارخص بكتير من هديك اللي بشام
يا الله شو دعيت وشو انبسطت ان الله يوفقهم و يحفظهم ويطول بعمرهم ... وجوزي صار يبكي ع التلفون من فرحتو ... لانو ما قدر يجي ع المستشفى ... من الحواجز الله ينتقم منهم حرمو جوزي يحضر عمليتي ويشوف اولادو اول ما يجو
مرت الايام صعبة كمان رغم فرحتها ..صابني زلال وتجمعت السوائل ببطني و الاطراف ... منعوني من اللحمة والحليب فترة .. وانقطع خيط العملية اثناء فكو لان ما قدرت اروح عالطبيبة هي تفكو ... حاولت ممرضه تفك القطب بس انقطع ببطني ما عاد طلع

كتير تعبت وتغلبت من القيصرية. طبعا الاولاد ممنوع حدا يبوسهم او يبردوا لان ولدت بالشتوية انا .. وممنوع يشموا عطر ممنوع حدا يقرب منهم مريض ...وممنوع ياكلوا ويشبعو مشان ما يزيد الحليب و يدخل عالرئتين .. كنا نطعميهم ب مقدار محدد ...بالسنتمتر
مر شهر و خفت اوجاعي وهلأ صار فيي افرح باولادي ,,,كان وواحد حنطي اسمو (وسيم )وواحد ابيض وعيونه زرق كان اسمو (محمد) ..ما شالله عليهم كل من شافهم طار عقلو فيهم قد مو حلوين رغم انهم صغار كثير ..

وبيوم ابني محمد تعب فجاة ... بسبب ان دخل الحليب ع الرئتين هاد اللي كان يحذرنا منه الطبيب ..
وعملت عندو التهاب قصبات ... ولأنو ابن سبعة اشهر مش ابن تسعة اجا ... تعب كثير دخات فيه المستشفى اسبوع ... والمستشفى ما فيها اطباء اطفال متخصصينوما فيها شي ابدا .. باردة وما فيها خدمات ...مات محمد مات نبض قلبي

كان يشبهني كثير ووسيم يشبه ابوه ...

هلا عندي ولد ( وسيم) لكني اصريت ضل يقولولي ام محمد ... ع قد ما تعلقت فيه ..

هو الوحيد اللي رضع من صدري و كان يحب ينام ع تختي ,,,ما يغفى غير ع تختي ...
اما وسيم ما رضي يرضع مني و لحد هلا بشرب حليب صناعي ...

ع فكرة والله صورته ما تروح من بالي وحسيت بجرح كبير بعد ما مات ... كل الناس تقول هي عندك واحد تاني... ليش في ام اذا راح ولد بعوضها اخوته ؟؟؟ كل ولد الو معزة بقلب الام ...
وكون عندي ثاني ما بعني ان ما زعلت ... ولسا ما نسييييييييت
وكلت امري لك يا الله .... انا بطلب من الله بس يعطيني ولد ثاني يكون بشبه محمد تماما ...الله يرحمه

ع فكرة الطبيبة حبيبة قلبي اللي ولدتني ووقفت معي هي اختي ... يا رب يجمعني فيها


__________________________________________________ __________

يا حبيبتي

والله بكيت من قصتج جدا مؤلمة الله يعينك ويجعل كل ما مر فيج كفارة لذنوبك واجر وعافية يارب

والله انقهرت انقهرت جدا

ياربي شو هالعذاب كل هذا حتى يصير عندك طفل ؟؟

سبحان الله هاي شوفي احنا اهلنا كبرونا وتعبوا علينا وتالي كل واحد فينا تزوج وصار بعيد عن اهله وهو همه بيته واولاده وعائلته

والام والاب الله يصبرهم

والله انك صبورة وشجاعة

ربي يعوضج بتوم يارب وتفرحي فيهم ..


__________________________________________________ __________

ياااااااااااه بكيتيني يا ام محمد
مش بس طبيبتك اللي بكت معاك انا كمان بكيت معاكم و قلبي نزف من كتر ما قريت نهاية قصتك المؤلمة
انا من حكايتك هاذي عرفت و حسيت معنى ان الجنة تحت اقدام الامهات
قديش صبرتي و تعذبتي و استحملتي الالم يااااااااااه يا فسحة قديش نلتي حسنات عند ربك و قديش ربك اكرمك بالاجر العظيم . الحمد لله.
اعلمي ان فقدانك لمحمد فيه خير كبير عند الله . و محمد هو من سيسوقك نحو الجنة باذن الله . راح تجتمعي بيه في الجنة فما تحزني يالغاليه و ابشري . انما يوفى الصابرون اجرهم بغير حساب.
رغم انك بكيتيني عليك بس راح افرح كمان لوسيم حبيب قلبي و الله ينور حياتك بيه و يجعلها كلها سعادة و فرح و يرزقك اخت له بدووون زراعه ولا شي ياااااا كريم انك على ذلك قدير .
ودي و احترامي لشخصك . انت امراة مكافحة تستحقين كل التقدير .


__________________________________________________ __________

يا الله ولله قلبي بكي قبل عيني
صبرتي تعذبتي كتير بس لحمد لله عندك وسيم ربي يخليلك ياه ويرزقك بأخ محمد اله
ومتل ما قالت زوجة
لاتزعلي محمد الله يرحمه باذن الله هو يلي رح يدخلك لجنه
وحسبي الله ونعم الوكيل ع يلي صار ببلدنا وع طمع لناس لمريضه يلي ماعندن شفقة او رحمه
ع اساس اطباء ورحمة ومابعرف شو
همن لمادي فقط
والله يخليلك اختك يلي وقفت معك وساندتك يارب
قلتي ان شاء لله بتجتمعي فيها لي هي وين؟؟وانتي لسا بدرعا؟؟
حبيبتي بالنهاية بقلك
لحمدلله ع كل حال وربي يحميلك وسيم وابو محمد ويرزقكم محمد عن قريب يارب
والله يجزيكي كل خير ع صبرك واجرك عندالله


__________________________________________________ __________

فسحه ويييييينك عننا
عسى المانع خييير يارب