عنوان الموضوع : روايه أنا جيت أسكنك وأحياك وأبقى فيك و أبقى لك -قصة قصيرة
مقدم من طرف منتديات نساء الجزائر

روايه أنا جيت أسكنك وأحياك وأبقى فيك و أبقى لك








مرحبـــاا
صباحكم/مساءكم وررد ,,
هذه رواايه بعنـــوان((أنا جيت أسكنك وأحياك وابقى فيك وابقى لك))
روايه جديده روماااانسيه ورااائعه ومشوووقه جدااا وان شاء الله تنال اعجابكمـ ..
((الجـــزء الأولـــــــ..))
في صباح يوم الخميس وبعد الفطور كانت العائله كلهم مجتمعين في بيت الأسره اللي هو بيت عائلة السلطان..(رجاء-تركي-فهد-ليلى-أميره)كانوا الأخوه قاعدين في صاله والبنات في المجلس والشباب في المجلس الخارجي المجاور للحديقه وفي صالة البنات...
أميره:بناات انا طفشانه وبروح للحديقه ايش رايكم؟
الكل وافق بلا اي اعتراض..
(أميره خالة البنات وعمرها بعمر رهف وهي مررره قريبه من عيال اخوانها واخواتها لأنها بنفس عمرهم اضافة الى انها حبوبه وبتتعرفوا عليها اكتر من خلال الأحداث)
وطلعوا البنات للحديقه وجلسوا فيها بعد مااتأكدوا ان مجلس الرجال بابه مغلق..
رهف:تصدقي يااميره اني اشتقت لهالحديقه والله من زمان عنها
اميره(بملل):بلا تعالي مكاني انا مليت من كثر مااني اشوفها كل صباح وكل مساا
رهف:ههههههه والله ياليت تصدقي مااقول لا
اميره:اي هذا انتي ولا انا من كثر مااشوفها بدأت أمل منها
رهام:اي الواحد مايحس بالنعمه لما يفقدها
اميره(ضربتها على راسها):اقول انتي اسكتي احسن بلا لقافه
رهام:ضربتيني ها ؟الله يعينك على تروك اتحملي اللي يجيك منه
(طبعا تركي اب رهامـ واكبر اخ لأميره)
اميره:هين انا اللي بوريكِ ترووك هذا بخليه يوقف لقافتك
رهام:ههههههه بالعكس ابوي طيووب وعسلللللللللل
رهف:خلاص بالله فكونامن هالازعاج كل واحده ولسانها اطول من التانيه
اميره:شوفي اختك هذه اطول لسان فينا
رهام(تستهبل):كم طوله؟
الكل ضحك على رهاامـ وحتى اميره معهمـ..
في مجلس الشباب الكل قاعد مبسوط ومستاانس ماعدا عدنان حس بضيق وقرر انه يقوم يشرب له شي يعدل مزاجه شوي
عدنان:يلا عن اذنكمـ بروح اشرب لي كوب قهوه احس مزاجي مقلووب
سامي:البنات قاعدين براا ماتقدر تطلع الحين
عدنان(بضيق):اوووف مرره مو وقتهم هذا
سامي:ههههههههه اللي يسمعك يقول المسأله مسألة وقت
عدنان نادى راما وهي بنت خالته ليلى بنوته صغيره عمرها 8 سنوات بس طنشته وماردت عليه
عدنان:عبدالله شوف بنتك صارت تطنشني اكيد انت اللي معلمها صح؟
(عبدالله زوج خالتهمـ ليلى اللي عمرها 25 سنه وعندها بنتين ريم 10 سنوات وراما 8 سنوات)
عبدالله:اها وليش ماتقول خالتك اللي معلمتها الطنااش
عدنان:لا الا خالتي مااتوقع منها هالحركات
عبدالله(يضربه على راسه):وانا اللي متوقع مني اي شي ها؟
عدنان:هههههههه بالله خلي بنتك تجي تسعفني ترى مزاجي صااير صفر
عبدالله نادى بنته:تعالي ياعيون بابا
راما:نعمـ
عبدالله:شوفي حبيبتي في احد في الطريق؟
راما راحت شافت ورجعت:لا
عدنان:والله كنت حاس انهم قاعدين في الجهه المعاكسه يعني حتى اذا مريت مابشوفهم ولابشوفوني
سامي:ولو الاحتياط واجب
عدنان(يقوم):طيب يلا عن اذنكمـ(يكلمـ ريمـ):وانتي يادبه تعالي معاي
ريمـ:لا بقعد مع بابا
عدنان (رفع حاجبه):اقول من زينه عاد اقعدي معااه احسن
عبدالله:ههههههه هين اوريك من يشوفلك الطريق بعد هالمره
عدنان:لا كله ولا هذه افاا عليك انت الغالي
عبدالله(يبتسمـ):اي كثر منها الان صرت غالي وقبل شوي من زينه
عدنان(ابتسمـ):لا طول عمرك غالي يلا عن اذنك
ويروح عدنان للمطبخ يطلب من (رينـا) كوب قهوه بالحليب ويرجع يقعد في الصاله الداخليه يشوف التلفزيون..
في الحديقه عند البنات..
أميره:ايش رايكم بنات نطلع نتغدى براا؟
رهف:فكرره جناان بس متى نقدر؟
اميره:الأحد ان شاء الله
رهامـ:ايش عندك ماتاكلي في البيت؟شاطره في اكل المطاعمـ بس؟
اميره:رهومه فكينا من طولة لسانك وقومي جيبي القهوه احسن
رهام:هههههههه من عيوني بس تصدقي تصريفه حلوه(وتقوم..
اميره:ها الأحد موافقين او لا؟
رهف:عن نفسي مااقدر لأن الأحد بيكون عندي دوام
اميره:وانتوا بناات؟
نوف:انا ماعندي شي وان شاء الله اقدر اطلع معاكِ
وجود:انا كمان ماعندي شي
اميره:وانتي ورود؟
ورود:ماعندي شي وحتى لو عندي بكنسله اهم شي اطلع واستااانس
اميره:بس ها تعالي لوحدك من غير ماتجيبي لسانك معك
ورود:هههههه لا الا هذا مااخليه في البيت اقعد انا ولايقعد لساني
اميره:والله ماطالع لرهام غيرك انتي الله يستر منكمـ بس
نوف:بسمـ الله علينا(نوف الأخت الكبيره لوجود وورود وهي تكره بنات خالها تركي لسبب بتعرفوه بعديــن)
اميره(وهي تضيع الموضوع):خلاص نلتقي الأحد باذن الله
الكل:ان شاء الله
في المطبخ رينا تجهز كوب القهوه لعدنان ورهامـ تغرف الحلا في الصحون ,في هالوقت دخل عدنان وشاف بنوته نحيفه مررره وعيونها سودااء وواسعه وانبهر فيها وفي جمالها,فجأه التفتت رهام عشان تاخذ الصحون للحديقه واول ماشافت عدنان انصدمت وطاح الصحن من يدها..
رينا:اوووف الحين في شغل كتير انا
رهامـ(بتوتر):سوري رينا
عدنان:سوري اربكتك .رينا اعطيني الكوب
رينا طنشته لأنها قاعده تمسح الأرض وتنظفها
عدنان:لو سمحتي ممكن كوب القهوه ؟
رهامـ:اي كوب؟
عدنان(ابتسمـ):موجود وراكِ على الطاوله اذا مافي مانع؟
رهام اخذت الكوب واعطته هو ..عدنان:تسلمي وسوري مره تانيه
وخرج عدنان لمجلس الشباب وهو يفكر مين هي هالملاك اللي شافها اليوم هو عارف انها من بنات خاله تركي بس مو عارف مين فيهم بالضبط؟!!
ورهامـ راحت افكارها يمين ويسار وهي تفكر هو مين هل هو سامي او عدنان
رهام:انا ايش علي مين يكون فيهمـ (واخذت الصحون والقهوه وطلعت للحديقه..
في بيت محمد خالد(أبو ماجد) الكل كان مجتمع ع الغداا ماعدا مها وهاني..
ام ماجد:اماني حبيبتي روحي نادي مها وهاني
اماني:اوكِ
قامت اماني وراحت لغرفة مها دقت الباب ودخلت
مها كانت تتكلمـ بالجوال مع صديقتها خلود:هههههههههه لاياخلود كله ولا هذه الأمور مااحبها..اي خذي معاكِ غدير تعرفيها ماتقصر..يلا اكلمك بعدين..في امان الله(وتقفل)
أماني:مها
مها(تبتسمـ):نعم
اماني:الغداا جاهز وامي قالتلي أناديكِ
مها:اوكِ دقايق بس وانزل
اماني:اوكِ(وخرجت راحت لغرفة هاني دقت الباب
هاني:ادخل
اماني:هاني الغداا جاهز وامي قالت اناديك
هاني:اوكِ شوي بجي
اماني:اوكِ(وخرجت للصاله
ابو ماجد:وين مها وهاني؟
في هالوقت نزلت مها تجري:انا وصللللت وسورري ع التأخير
ام ماجد:ايش فيكِ تجري خير؟
نزل هاني:اوريكِ يامها
ام ماجد:خير ايش فيكمـ؟
مها(بمرح):مادري ايش فيه
هاني(بكل جديه):بعد الغداا تدري
مها:ههههههههه بابا شوف هاني ناوي يضربني
ابو ماجد:لا مابيضربك
مها:طيب قوله
ابو ماجد:هاني لاتضربها خلاص اتركها عشاني
هاني:ان شاء الله
فرحت مها:يسلموو يااحلى بابا في الدنياا
(طبعا هذه عيلة ابو ماجد الولد الكبير وبعده آمال-مها-هاني-أماني وبتعرفوهم اكترمن خلال الروايه)..
بعد الغداا ..
راح فهد لغرفته وفتح النت عشان يشوف آخر اخبار الطقس في فنزويلا وبعد دقايق سمع الباب يدق..
فهد:ادخــل
دخلت شيماء:مساء الخير عمي ممكن ادخل(بنت تركي والأخت الصغرى لرهف ورهام..
فهد(ابتسم):اي ممكن تعالي
دخلت شيماء:مشغول؟
فهد:لا ياقلبي تعالي خلاص بأجل الشغل بعدين(وترك النت
شيماء:عمي انت بتسافر؟
فهد:اي ان شاء الله بسافر
شيماء(بحزن):متى؟
فهد:يوم الاثنين ان شاء الله
شيماء(بحزن):اوكِ
فهد شاف ان بنت اخوه حزينه على سفره وحب انه يواسيها شوي:شيماا
شيماء:نعمـ
فهد(ابتسمـ):ترى هالمره مو مطول في السفر
شيماء(فرررحت):بجد؟
فهد:اي والله بجد كلها 3 أيام وراجع
شيماء:3 ايامـ كتيره
فهد:والله اعرف بس اقل من اللي قبل ع الأقل
شيماء:...............
فهد:شيماا بس ابغى اطلب منك طلب
شيماء:اوكِ
فهد:بعد ماأسافر اهتمي بنفسك ودراستك ولاتشغلي بالك ها
شيما(ابتسمت):ان شاء الله بحاوول
فهد(ابتسمـ):وان شاء الله انا بتصل عليكِ وأكلمك اول مااكون فاضي
شيماء:اوكِ(وتقومـ):يلا عن اذنك بنزل للمجلس
فهد:اوكِ على راحتك
شيماء:مع السلامه(خرجت شيماء من الغرفه وفهد كمل شغله ع النت)..
^تبغوا تعرفوا سبب تعلق شيماء بعمها فهد تابعوني من خلال بقية الأحـــداث..^
بعد صلاة العصر ..الكل رجع لبيته تركي ورجاء وليلى ورجع البيت فاضي ومافيه غير فهد وأميره قاعدين في الصاله..
اميره:فهد انت متى بتسافر؟
فهد:يوم الاثنين ان شاء الله
اميره:يلا الله يعينك وتروح وترجع بالسلامه يارب
فهد:آمين..بس تصدقي شي واحد شاغل لي بالي في هالسفر
اميره(باستغراب):خير؟
فهد:خير ان شاء الله اللي شاغل بالي شيماء
اميره(استغربت):شيماء بنت تركي ماغيرها؟
فهد:اي شيماء
اميره:ليش ايش فيها؟
فهد:مادري احسها متعلقه فيني ولو بيدها ماتخليني اسافر واتركها
اميره(بحزن):اي والله صادق لو بيدها ماتخليك تروح
فهد:بس هذا شغل لو انه مو شغل مابروح واتركها ابد
اميره:اعرف ياخوي بس حاول تتصل عليها وتطمنها عليك
فهد:ان شاء الله بتصل عليها واكلمها
اميره:تصدق يافهد لاحظت تعلقها فيك من ذاك اليوم الله لايعيده يارب
فهد:اااه اي والله صادقه وعشان كذا انا كمان اتعلقت فيها ومستحيل ازعلها بشي
اميره:ان شاء الله ياارب
(طبعاا سبب تعلق شيماء بعمها فهد ان فهد لما بدأ يشتغل في الطيران صار له حادث مرعب ادى لتنومه في العنايه المركزه لمدة شهر وهو كان المقرب لها من صغرهااا هو الوحيد اللي كان يشتري لها الحلويات والعصيرات ولما صار له الحادث حست شيماء ان الدنيا ماتسوى من دون عمها فهد ومن هذيك الفتره والى الان وهي في عمر الـ 17 سنه وهي متعلقه بعمها وعمها نفس الشي)..
في بيت ابو سامي قعد عدنان في غرفته ويفكر :يااربي لازم اعرف مين هي اللي شفتها اليوم هي اكيد رهف او رهام وحده فيهم اااخ بس لو اعرف مين هي يرتاح بالي وارتاااح
قطع تفكيره صوت الجواال يرن شاف الاتصال من صديقه احمد
عدنان:هلا احمد..الحمدلله بخير وانت كيفك وش اخبارك؟!!
احمد:الحمدلله اقول عدنان ايش رايك نطلع نتمشى اليوم بعد صلاة العشاا
عدنان:اوكِ ان شاء الله يلا في امان الله..
في بيت ابو ماجد..
مها:ماجد متى بتبدأ دراستك
ماجد:بعد اسبوعين ليش؟
مها:بس مجرد سؤال
هاني:ومتى بتسافر؟
ماجد:والله مادري يمكن الأربعاء
هاني:يلا الله يكون بعونك
ماجد:آمين..اجمعين يارب
الكل:آمين
مها:والله بنفتقدك ياماجد
ماجد(بثقه):اكيد طبعاا بس الحمدلله هذه آخر سنه
مها:اموووت ع الثقه
ماجد:طبعاا واااثق اعجبك بثقتي
مها(بملل):اووف خلني اروح غرفتي احسن
هاني:يكون احســــن
مها راحت لغرفتها وماردت عليه لأنها مالها خلق تتناقر معااه..
بعد العشاا خرجت ليلى من غرفة بناتها ريم وراما
عبدالله:ناموا البنات؟
ليلى:اي الحمدلله
عبدالله:الحمدلله..حبيبتي ابغى اكلمك في موضوع
ليلى:اوكِ
وراحوا جلسوا في الصاله
عبدالله:حبيبتي احس اننا هالفتره ابتعدنا كتير عن بعض
ليلى(بملل):اووف من هالموال كل شهر اسمعه
عبدالله:ليلى اسمعيني رجااءا اسمعيني
ليلى:...............
عبدالله:حبيبتي انا عارف ان الانسان احيان تكون له مشاغل ومايلقى وقت يتنفس فيه بس مو معناها انه يهمل اهم طرف في حياته
ليلى(قامت بزعل):قصدك انا اهملتك
عبدالله(ابتسم بهدووء):تبغي الصراحه ايوه
ليلى زعلت وراحت لغرفة النوم وعبدالله تبعها :ليلى
ليلى:نعمـ
عبدالله:ليش الزعل الحين انا قلتلك عشان نتفاهم مو عشان يكبر الموضوع
ليلى:............
عبدالله بكل هدوووء ضمها :لاتزعلي قلبي والله ماعاش من يزعلك
ليلى(بحزن):عبدالله آسفــه ابتعدت عنك بس والله مو بيدي وانت عارف
عبدالله(بكل طيبه):اوكِ حبيبتي والله اعرف ان مو بيدك بس حاولي
ليلى:ان شاء الله
عبدالله:قومي غسلي وجهك وتعالي
ليلى:أوكِ(وراحت ليلى تغسل وجهها..
في يوم الأحد ع الساعه 1 ونص ظهراا طلعت اميره للمطعمـ مع نوف ووجود وورود وكانوا مبسوطين ومستاااانسين وخصوصا انهم كلهم بنااات ومافي اي شباب معاهمـ..
في بيت ابو مشعل(تركي) :مشعل قوم شوف اختك قولها الغداا جاهز
رهام:بابا صار لي ساعه اقولها تقولي مالي نفس وماابغى اتغدى
ابو مشعل:لاحول ولاقوة الابالله
ام مشعل:هذه هي حالتها كل مافهد قال يبغى يسافر
ابو مشعل:بس هو هالمره مو مطول كلها 3 ايام وبنتك ذابحه نفسها(ويقوم..
ام مشعل:وين رايح؟
ابو مشعل:بكلمـ فهد يشوف لنا حل ماصارت
راح ابو مشعل لغرفته واتصل على فهد:الوو السلام عليكمـ..اخبارك فهد؟
فهد:الحمدلله وانت شخبارك واخبار العيال وامهمـ
ابو مشعل:الحمدلله كلنا بخير
فهد:ايش فيك ابو مشعل متضااايق من شي؟
ابو مشعل:شيماء يافهد
فهد(خااف):ايش فيها؟
ابو مشعل:صار لنا ساعه نحاول فيها تجي تتغدى مارضت تاكل وحتى فطور مافطرت
فهد:لاحول ولاقوة الابالله خلاص انا بكلمها واشوف ..اوكِ في أمان الله..
قفل فهد من اخوه واتصل على شيماء(الدلووووووعه)..شيماء اول ماشافت الرقمـ ردت
فهد:الووو هلا شوشو اخبارك؟
شيماء:الحمدلله وانت؟
فهد(بزعل):مو تمااام
شيماء(خاافت):ليش ايش فيك؟
فهد:زعلان منك ليش ماتاكلي؟
شيماء:عمي والله مــ ـ ـ ـ
فهد:مالك نفس صح؟حفظناها..شيماء ترى بجد بزعل منك والله
شيماء:..............
فهد:روحي كلي اهتمي بصحتك
شيماء(بحزن):ان شاء الله
فهد:يلا باي(وقفل من قبل لاترد..
(فهد مررره حنووون مع الكل وبالذات مع شيماء بس اتعمد يقفل في وجهها عشان تسمع كلامه وتهتم بصحتها..بس قلبه ماطاوعه وقرر انه يروح بيت اخوه ويكلمها احسن..
.................................................. ..
.................................................. ....
انتظر تفاعلكمـ لأتمكن من طرح بقية الأجــزاااء..

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________