عنوان الموضوع : حكاية صاحبي عذب الكلم
مقدم من طرف منتديات نساء الجزائر

حكاية صاحبي



صدفة قابلته..عجبني كلامه..حتى سلامه..حاكاني وحاكيت اغلاني..وانا عن نفسي بالحيل اغليته..ويوم بعد يوم صار من أعز الحبايب
اغلاهم وأصدق من الأقارب..يشتكي قسوة زمانه..ضعفه وحرمانه..طفولته واحلامه.

ويرجع يمرح في كلامه.. ينسى أحزانه..أحاول أفهم معاناته
يوزع البسمه على شفاه الغير وهو محروم..يمسح دموع العدو قبل الصديق..وهو دموعه مايمسحها أقرب قريب..ياما شكيت له بعد الحبيب
ياما حكيت له عن الي بخاطري من ضيق..ياما نصحني ويقول خلي قلبك حديد.

كان صويبي.....
كان حيل فاهمني..من غلاتي عنده سماني بنيته..ومن زود حبي له كنت أقوله يابويه.
فجأة بعد..فجأه قطع ..وطولت انتظر..يوم...يومين.. وصارت أسبوعين
وين الصديق الي يحس بلوعتي..وين الصديق الي يساندني بمحنتي
كنت اتخيله..واتذكره ..ودوووووم يطري على بااااااااالي
ولا حسيت الا..بابا تم تسجيل الدخول
ولكمو ..ولكمو..بالحيل اشتقت انا ..شلون قلبك قدر يبعد عني مو كنت لك أقرب قريبه!! رحت ولافكرت فيني طول سكوته ..زاد بهدووءه
بعدها قال؟:- بالحيل مكتوم انا
سلامتك ..ايش الي جرالك..وغيبتك ..كيف قدرت تهجر احبابك قال ؟
أنا ضايق ..تعبني زماني..خلاني اعاني..عمري ماشكيت ولاتكلمت زمن
زود الضيقه..بحكي لك معاناتي..محروم من الفرح محروم
والدمعه بعيوني دوم..من شافني يحسدني..مسكين مايدري بالي داخل قلبي..من الطفوله أعاني..كبرت وكبرت همومي معاي
وش ذنبه المظلوم حس بموته قريب ماقال لاحد حتى أقرب حبيب مايبي يضايقهم ..مايبي ينكدهم وهو مايدري بغلاته وسط الجوف..اسمه بداخل القلب محفور..رديت له الدمع بعيني..يا اغلي صديق قرب مني لاتبعد ترى روحي تبعد قبل بعدك..وعقلي يغيب ويسبق غيابك احبك حيل..لا تفهمني غلط..أحبك مثل ماتحب الام الطفل الصغير لاتقول موتي قرب كلنا ميتين بس جعل الموت يمرني قبل مايدق بابك أدعي عساك بدنياك الباقيه تتهنى ..ودوم الضحكه تملى هالوجه الحزين.
واذا بيوم ضايقوك..لا تقول حسبي الله.. قول الله يسامحهم لاني من قلبي أغليتك..وعمري الباقي عطيتك..ترى بابا انا سميتك..وينك..ماتتكلم
ليش ساكت..زعلتك أنا؟ضايقتك بشي؟
بعدها قال:-اسمعي مني كلام..تراها أمانه ليوم القيام ووصيتي من تقابلينه من البشر قولي غلاهم راح ويبي يعتذر(سامحوني..لوقسيت..سامحوني لو جفيت..سامحوني لوغلطت.زسامحوني لو جرحت..واذكروني بالخير من قلب مسامح كل الي ضلمني..ترى الموت قرب وروحي شايفه الحقيقه المرض زاد..وماله طريقه..لكن اقول بيد العزيز حياتي ومماتي ويمكن ارجع بعدسنين والمرض اختفى والهم انجلى ..لكن اذا مارجعت سامحوني ..يابنتى سامحيني)

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته...

أهلاً ومرحباً بكِ أختي al-hanouf أختاً عزيزة في منتداكِ ...

ولقد ازددت غبطة وشرفاً بأن تكون أولى مواضيعك ((حكاية صاحبي ))...

فهي بهيئة قصة حزينة ...

لكنها عبرت عن لواعج القلب الحزين من الوحدة والألم وغيرها...

بارك الله بك على الخاطرة الجميلة ....

وأتمنى أن لا يتوقف قلمك عن كتابة الخواطر ...


__________________________________________________ __________

بسم الله الرحمن الرحيم


الله يعطيك العافيه مشكوووووووووووووووووووووووووووووووووووره


__________________________________________________ __________


__________________________________________________ __________


__________________________________________________ __________