عنوان الموضوع : مصييييييييبه حلت عليااااااااااااااااااا يارب ساعدني مجابة
مقدم من طرف منتديات نساء الجزائر

مصييييييييبه حلت عليااااااااااااااااااا يارب ساعدني



مرحبا يا حلووووين كيفكم صبايا كيفك يا سيدات يا بنوتات يا طيبين

ربنا يديمك بالمنتدى الراقي الرائع ياااارب

مبارك عليكو الشهر الفضيل

حبيباتي والله مشكلتي مشكله اتمنى تساعدوني فيها انا مش عارفه من وين ولا من وين ابدااا

راح احاول اوحز الموضوع بس ياااااارب تفيدوني يارب والله لادعي لكل وحده بهالشهر الفضيل بصلاتي اللي تعبر وترد

انا متزوجه من ابن عمي بعد قصه حب قصير مو كبيره لانو هو كان رافض يستمر الحب عبر الانترنت والموبايلات وقال انو حرام وتقدملي بعد حوال اقل من سنه من معرفتي فيه

بخلال فتره هالسنه اعترفلي انو كان بيحب وحده واللي هيا بابنو لصاحب الشغل اللي هو شغال فيه لحتى الان وصلت معاهم الامور لغايه انو اهلو راحو خطبوها ولكن امو ما كانت بدها الياها ابدا وبتكرها وربنا عسر الامور وما صار نصيب وتزوجت البنت زمان ومعاها طفل هلا وحامل

اعترفلي زوجي لكل شي وقتها كنا لسه مانا مخطوبين بس حكالي هالشي لانو كان ما بدو يخبي شي عليا ومن باب الثقه كمان اعترفلي انو قبلها مره والتقى هو وياها عنفراد قبل معرفتي فيه بحوالي سنتين تلاته يعني ما كنا بنعرف بعض خالللص ولا حتى في بالو الا هيا والمصيبه الاكبر انو امها للبنت كانت بتساعد بهيك امور يعني بتعرف الحب اللي بينهم وبتسمحلهم يتقابلو ياربي هو في هيك ام بترضى لبنتها

ولما صارحني حكالي انا بصارحك من باب الثقه وعشان ما يكون في شي انا مخبيه ععليكي وهيك كلام

طبعا بعرف انو انا ما الي بالماضي بس يعني توقعت انو هالشي عقد قبله بوسه لمسه ايد من هالشي

صحيح هو متدين جدا وبيخاف الله لكن نزوه الشباب والشيطان شاطر هو والله حاسس بغلطو وبيستغفر الله دايما وحتى انو بيغلط عحالو وعليها وعاللي صار وعتربايه اهلها ليها

هلا هادا كلو مش مشكله لانو انا ما كنت بحياتو ولانو هو عرف انو هادا حرام وتاب واستغفر ربو عسى انو يغفرو

المصيبه انو البنت لسه متعلقه فيه يعني ما يأست من انو تزوج وهيا كمان تزوجت وعندها ولد ولو زوجها عرف مصيبه لانو هو كمان بيشتغل مع زوجي بنفس المحل وبينهم شغل

زوجي سافر من شي شهر ورجعلي بالسلامه الحمدلله
هلا هو رجع من شي شهر بردو او اكتر
الكلام جاب بعضو هو متعود ما يخبي عني ااااااي شي بيئلي انو انا خبيت عنك هو هيا كانت بتبعتلي مسجات اثناء السفر لكن حلفلي برب العباد انو ما رد عليها ولا بمسج وانها بنت وقحه وتافهه كتير مسجات بعتتلي يعني انا مرتو والله كنت بئول حرام ليكون نايم بلا ما ازعجو او بلاش يكون بالطياره هلا ما راح يوصل الارسال وهالبنت نازله مسجاااات ليوم المسجات

زوجي ادايق منها وكلم عم البنت وحكالو هيك هيك الموضوع وعيب ولو مرتي بتعرف بتقلب الدنيا وانا مو ناقصني خلص هيا بحالها وانا بحالي

بعد ساعتين زمان رجعت بعتتلو انو حتى لو حكى لعمها بردو بدها تطمن عليه انو وصل بلادو المصيبه انو هيا بتعرف انو هو لحالو يعني ممكن اي وقت تعرف انو نا مش موجوده وترجع ترن ولا تبعت مسجات ويييييييين جوزها هادي البنت ؟؟
لما عرفت انو وصل حكتلو انو انا والله ما قصدي اخرب بيتك بس انا لسه حبك بقلبي وهلا اطمنت انك وصلت بالسلامه لمرتك والله يوفقك

شفتو الوقاحه كمان

هلا اصارحكم بشي هو بيحكيلي وانا
لكن ما رضيت ابين لانو هو عم بيصارحني وواثق انو اللي عملو صح وانو في ثقه كبيرة وهو حكالي انا عم بحكيلك اللي صار لانو انا بحبك وواثق فيكي

كمان صارحني عن علاقتهم زمان انو كانو يشوفز بعض بالسر والبوسه بتجر بوسه والكلمه بتجر كلمه استغفر الله العظيم
هو بيحكيلي وانا كشييييييييت يا بنات رغم انو اقسملكو بالله العلي العظيم بيحكي وهو ندمان ومابيعرف كيف كان يعمل هيك وبيغلط عليها وعلى اهلها وتربايتهم

يعني مصارحتو بالماضي كووووم واللي صار انها لسه بتتصل وبتطمن وتعلقها فيه هادا مصيبه كبيرررررة طب انا شو اساوي لو رجعت تبعت تاني اتصل انا فيها اشرشحها مثلا اهددها اني حقول لزوجها في امكانيه اني اعمل هيك لكن بدي اخرب بيتها حراممم

زوجي فكر انو يحكي لوالدها لكن بخاف عاكل عيشو في لزوجي دين كبير بيسد فيه لصاحب المحل يعني ابوها للبنت ما بيصير يترك المحل وما يسد الدين

امااااااانه تتفهمو وضعي شو اعمل بالله هلا هيا ما بتبعت شي الا اذا واثقه انو انا مو معاه

هلا بعدها حتى تنكدت بعد المصارحه هادي وشفت الدنيا زولان بس ما صارحتو بهالشي خفت يصير معاه شي وما يصير يحكيلي
حتى اني قرفت منو مع اني كنت بعرف انو كان بيعرف وحده وهيك بس ما توقعت انو تكون واصله الامور معو لدرجه انهم يختليو لحالهم طبعا انتو فهمين الباقي بيحكلي والله هيا كانت تتصل فيا وتناديني وانا شب والغريزة عندي فايعه وشديده وشايف بنت مفطره بحالها والجو مهيئ بئلي والله كنت اروح زي المسير رجليا بس اللي يمشو اما انا ماني رغبان وما بعرف كيف كنت اروح

من ساعتها مش طيقااااااااه وتنكدت طيب كيف اتماشا معاه كيف انام معاه يعني عادي كانو مافي شي ولا شو اعمل
البنت هادي وسخه بتعمل هيك واكتر طب شو الحل فهموني ؟؟؟
الله يجازيكو الخير يارب
سمحوني اني طولت بس والله فضفضت الكو يارب يخليكو الي يارب

>>>>> ردود الأعضـــــــــــــــــــاء على الموضوع <<<<<
==================================


الله يهديها ،، طول ما زوجك ما بيتأثر طنشوها لما يصير يحكي لأبوها و لعمها بيعمل للموضوع ئيمة خلي ايطنش الموضوع نهائي ولا كأنه في حدى بيحكي معه و يغير رقم الموبايل تبعه و هيك ما بتئدر توصله


__________________________________________________ __________

أختي كيف تسمحي إنو يكلمك عنها حتى و لو ندمان ..كان لازم تفهميه انو هي صارت من الماضي و إنك انتي الحاضر و المستقبل ..
أما بالنسبة لاتصالاتها خليه يغير رقمو ..كان لازم انتي تردي لما تتصل حتى تعرف انو زوجك ما خبى عليك
كمان لازم والدها يعرف و حتى زوجها ..
ممكن سؤال انتي ليش ساكتة لحد الان ؟


__________________________________________________ __________

حبيبتي حلاوة الاحساس انا لو كنت ساكته كان ما استشرتكو قبل ما اعمل شي بس ما بدي اعمل شي واندفع واغلط واتسبب بمشاكل وكمان زوجي مطنشها كيف بدك اعرف باتصلاتها وهو كان مسافر ولما روح ما حكالي شي الا بهاليومين يعني انا ما كنت موجوده بالسفره معووو خالص

انا بستشيركم لحتى ما اندم عشي بعدين


__________________________________________________ __________

أولا:أوصيك ياأختي بالدعاء{بالثلث الأخير من الليل} والالتجاء الى المولى عزوجل بأن يصرف عنكم كيد هذه المرأه ويكفيكم شرها.
ثانيا:ضــــــــروري زوجك يغير رقم موبايله وانت بنفسك اكسري الشريحه القديمه.
ثالثا:اذا كان باستطاعتكم أن تنتقلوا من منزلكم الى منزل آخر فافعلي.
وأسأل الله أن يوفقك لمايحبه ويرضاه.


__________________________________________________ __________

حبيبتي هاذ الاشكال كثيرة في ايامنا والله يستر بس انت لازم ما تخلي ثقتكتهتز بزوجك او نظرتك تتغير باب التوبة مفتوحوربي يغفر الذنوب فليه احنا نقف عندها ونجر على انفسنا مشاكل احنا في غنا عنها
خليه يهدها ان يكلم زوجها وعلى فكرةبالنسبة للعمل لو تركه لوجه الله ربي يعوضه عنه وباحسن منه وتركه للعمل يبعه عن مشاكل كثيرة بس هو يتكل ويدور وانت ساعديه وحاولي تنبيه دايما وعلى فكرة لا تجعليها شغلكالشاغل تناسي الموضوع ولا تتناقشو فيه كثير خططو للحل وبس لان الكلام الزايد يفتح ابواب لو والحي بالدعاء واكثري الاستغفار وربي يبعدها عنكم ويكفيكم شرها