عنوان الموضوع : انصحوني نظمولي وقتي مجابة
مقدم من طرف منتديات نساء الجزائر

انصحوني نظمولي وقتي



السلام عليكم ورحمة الله وبركاته

انا راح ادخل بموضوعي على طوول انا محتاجه منكم تنصحوني تخانقوني اهم شي ابي مساعده

انا ابد مو راضيه عن نفسي وكثيرر مقصره من نواحي كثيره

انا طالبه عمري 20 سنه الحمدلله ربي رازقني بجمال والكل يقول عني جميله الحمدلله لكن ابد مو مهتمه بشكلي وماني مبرزه جمالي يعني اروح الجامعه وانا رافعه شعري ومااحط الا كحل ومااهتم مثل البنات مع اني اعرف البس زين وذوقي حلو واحب الكشخه لكن بالجامعه مااهتم ابد والغريب بالموضوع اني طوول الوقت بالبيت فاضيه ماعندي لاشغله ولاشي ملابسي حقت الجامعه اطلعها الصباح وانا مستعجله ابد ماني مهتمه بدراستي مع اني كنت بالثانوي متفوقه لكن بالجامعه صار عندي برود يعني صرت مفهيه حيل مافيه شي اهتم فيه وقتي كله مو منظم تخيلو انام واصحى اخر الليل اجلس على التلفزيون وبعدين اروح الجامعه مافيه نظام ابد مافيه اهتمام ابد مو راضيه على نفسي يعني مومستغله الحاجات الللي عندي لاجمالي ولا تفوقي ولا شي ابيكم تعتبروني اختكم الصغيره وتنظمون لي وقتي وتعلموني كيف اهتم بدراستي وكيف اخلي وقت للدراسه ووقت لنفسي واهتماماتي تكفوووووووون والله اني مانزلت الموضوع الا اني بحاجتكم يمكن تشوفون موضوعي تافه بس انا مررره فوضويه ابي نصايحكم

وشكككككرا لكم مقدما

اختكم الفوضويه

>>>>> ردود الأعضـــــــــــــــــــاء على الموضوع <<<<<
==================================


قلبي مع اني مثلك
بس ماحبيت اطلع كذا
بس ياقلبي انتي ذكرتيني
باايام الجامعه
لكن حبيبتي اصحي لصلاه الفجر
ان كنتي دووامك بدري مثلي
صلي وابدي ترووشي واستشوري
شووي مكياج ولبس حلوو
بتطلعين وانتي نفسك منفتحه
لارجعتي من الدووام ناامي شووي
واصحي سووي اللي عليك من اشغال
قبل لاتناامين جهزي لك لبس
ورتبي عمرك واغراضك
شووي شووي بيترتب جدولك


__________________________________________________ __________

وعليكم السلام ورحمة الله وبركاته

أنا نفسك طبق الأصل و بعمرك
حسيتك تقصديني

شوفي قلبي
أنا بغيت اغير من نفسي
سويت لي جدول يومي بس للحين ما بعد اشتغل فيه
خليت وقت للدراسه و وقت للنسيج و وقت للرسم وأشغالي الفنيه لأني بالمره اعشقها
و وقت اجلس فيه ع اللاب و وقت النوم من 9 الى 6 الصباح لأني ما احب نومة العصر أكره نفسي لاقمت منها
بس متى ما راق لي أغيره غيرته لأني احب التغيير
هم انا سويت لي دفتر خاص للتنظيمات اليوميه ودفتر خاص لإهتماماتي الشخصيه ودفتر لمواعيد الدراسة
اما عنك بالكليه
حطي على الأقل روج وكحل أنا شعري بس ارفعه والبس طوق ما اعرف اسوي تسريحه غيرها
إن شاء الله اكون افدتك
تواصلي معاي اذا حبيتي ممكن نفيد بعض ونستفيد
بالتوفيق يالغلا


__________________________________________________ __________

غيري من نظامك وراح ترتاحي ممكن نظام غيرك ما يعجبك والعكس انتي شوفي اللي يريحك واهتمي بشكلك شويه وبدراستك كمان والدعاااااااااااااء واهتمي بالصلاه بوقتها اهم شي عشان ربي يبارك لك بوقتك ......موفقه


__________________________________________________ __________

مرحبا ..

ابقولك شي ((عدلي نومك يتعدل جدولك +ووتعدل حياتكـ ))

النوم +النت هم اللي يخربون النظام ويقلبونه فووووووووووووق تحت ..
طبعا حنا مانقدر نرتب لك نظام نومك لان محاضراتك ممتفاوته ..

1.اذا رجعتي من الدوام اكيد بتكونين هلكانه نامي بس لاتطولين ساعتين بس علشان مايروح الوقت اكيد بتقومين معكره ومزاجك مو رايق خذيلك كوفي بتصيرين فرس ساعتين +ربع ساعه للكوفي يصير ساعتين وربع

2.بعد ماتصحصحين روحي خذيلك شور وقبل الشور سويلك خلطه او مقشر المهم عنايه بنفسكـ ..الشور ماياخذ منك نص ساعه بالكثير

3.اطلعي وخذي ملابس الجامعه ورتبيهم واكويهم كلهم علشان الصباح ماتتوترين وتخمين اي شي قدامك روقي واكوي حق الاسبوع كامل وسوي لنفسك جدول مثلا القميض ذا بلبسه مع الشوز ذا والكاردغان ذا بلبسه مع التي شيرت ذا وهكذا علشان اذا صحيتي ومزاجك مو مروق تكونين مطقمتهم قبل ومايحتاج ..تقريبا بتاخ منك ساعه لو بتكوين المجموع كامل وخلاص باقي الاسبوع ماراح تحتاجين ..

4.بعدين استشوري شعرك استخدمي الاستشوار ابو فرشه براون اذا كان ناعم شعرك علشان ماياخذ من وقتك شي وحطي سيروم وحاولي تنزلين تسريحات من اليوتيوب تنفع للدوامات وتكون مرفوعه وماتاخذ وقت وبنفس الوقت شكلها مرتب ..برضو ماياخذ منك الا نص ساعه

5.خذيلك ساعه عالانترنت فقط وبعدين نامي وحاولي تصحين قبل المشوار بساعه ونص يعني انتي تمشين من البيت الساعه 7 خلاص قومي 5ونص ليه ؟؟؟ نص ساعه حقت الوضوء والصلاه + الفطور +الفرشه والمععجون هههههههه يعني دوبك تروقين النص ساعه
وبعدين يبقى عندك ساعه حطي مكياج خفيف جدا روج كحل ماسكرا بلاشر خفيف وصلحي تسريحه من اللي طلعناهم من النت ههههههه خفيفه وحلوه
والبسي واستمتعي بظهر جميل


في اوقات الاف لو عندك او في وقت نهاية الاسبوع بتلقين نفسك فاضيه
خليها ل
1.حمام الزيت
2.حمام مغربي
3.النت والقراءه والاطلاع
4.التفزيون
5 .المطاعم والطلعات والزيارات
بس رتبيها بطريقه حلوه صلحي شغلاتك الاساسيه مثل ملابسك مثل العنايه بالبشره والشعر واذا خلصتي اطلعي واتمشي الاولويات ثم الاولويات

طبعا نجي للمذاكره :

1.الجامعه ماتحتاج ذاك الجهد مثل المدارس لا اهم شي التزمي بمحاضراتك لاتتأخرين ولاتتغيبين ركزي بالمحاضره زيييييييييين ودوني المعلومات المهمه على شكل نقاط وبس
2.قبل الاختبارات بشهر رتبي لك جدول تختمين فيه موادك بحيث كل يوم 3او 4ايام على ماده وحده وقبل الاختبار بيوم تراجعينهم زين ..


دعواتك ياقمر


__________________________________________________ __________