عنوان الموضوع : يا شيـن طبـعٍ فيـك .. يا زيــن الأطبـاع -خواطر
مقدم من طرف منتديات نساء الجزائر

يا شيـن طبـعٍ فيـك .. يا زيــن الأطبـاع



يا شيـن طبـعٍ فيـك .. يا زيــن الأطبـاع
....................... لولا الرجــاء .. ما كان خلّيته .. يفـوت

سَـنَـع .. يشـوّه لا تـذكّـرتــه .. أسـنـاع
....................... مثل الحصاة .. اللي وسط عقد ياقــوت

تخـفي هيـامـك .. وإنت ميـّـت وملـتـاع
....................... ما تـدري إنه في ملامـحـك .. منـحـوت

ويبخل لسانك .. وإنت للسمع .. طمّـاع
....................... والبخل .. في سِلْم المحبيـن .. ممـقـوت

الحكي .. قوت السمع / وأسامعي جياع
....................... ومسامـعي ماتت من الجـوع .. للـقـوت

وحكي الغزل في صدرك أشكال وأنواع
....................... لكن صمتك .. حوّل الصـدر .. تـابـوت

إلا طَلَبتـك وصـل .. صعّبـت الأوضـاع
....................... مدري .. من اللي درّسـك جعله يمــوت

تصـد .. ما كـنّـك من الصـد .. مـرتـاع
....................... وإن قلت : يا القاطـع .. تلفّـت مبـهـوت

أقطع بـ دَرْب مواصلك في الشهر.. باع
....................... وإلاّ إنت تقطع للوصل فـ السنة .. فوت

طعني .. وطاوع واحدٍ فيك .. ما طـاع
........................ ناسٍ صغار عقول / وأشوار / وبخوت

وإلطف بحال اللي نحـل حاله .. و راع ..
........................ قلبٍ جروحه .. تنزف أفكار .. وبيوت

قلبـي .. إلا منّه شـرى قـلـب .. ما بـاع
........................ وإنت هالله هالله فيه .. والعمـر موقوت

اسمع أشعاري في الهوى وارخ الأسماع
......................... ياللي غـلاك بـ تربـة القلب .. مكـتـوت

لا .. للفـراق .. و لا .. لتجديـد الأوجاع
........................ ونعم .. نعم للوصل .. لو كان بالصوت

للشاعر (محمد بن فطيس)

>>>>> ردود الأعضـــــــــــــــــــاء على الموضوع <<<<<
==================================


الله الله الله ع شعر محمد فطيس


__________________________________________________ __________

قصائد بن فطيس المري غاااااااااااااااية فالروعة

لاتحرمينا جديدك ودمتي بالف خير


__________________________________________________ __________

عوووووافي ع الطرح
الرائع كروعتك


__________________________________________________ __________

يسلموووووووووووو


__________________________________________________ __________

مشكوووورين اه يابن فطيس يجيبها ع الجرح