عنوان الموضوع : مرتبك .. واقف .. و ساكت .. انفض غبار الرصيف قصائد
مقدم من طرف منتديات نساء الجزائر

مرتبك .. واقف .. و ساكت .. انفض غبار الرصيف



ضاق صدري و رحت افضفض قاصد ٍ نفس الرصيف !
................... شفت نور الحي زايد و آنا خبري به ظلام







و الغريب انه خفوقي زاد نبضه .. مدري كيف !!
................... كني طفل ٍ .. يبكي .. خايف .. ضايع ٍ وسط الزحام




اثْرها كانت وراي .. و الضيا ما كان طيف ..!
................... قبل ما اوقف و اسلّم .. قلبي المشتاق قام




ما طرى في بالي الا ( يا بَخَت من لك وليف )
................... عينها بعيني .. و نظره .. رجعتني كم عام




فجأه شفت اشجار تخضر و هْيَ في عز الخريف
................... و هذا هو حال المفارِق يوم يطري له الغرام




يبتسم .. يشبه بشوقه .. للنظر شخص ٍ كفيف
................... الأمل ضايع .. ولكن .. الأماني مو حرام




الثواني تمر و تمضي .. اشهد ان الوقت سيف
................... فجأه قالت ( كيف حالك ) قبل ما ارمي السلام !




كنت احسْب اني قوي .. لين اكتشفت احساسي زيف
................... ما عرفت انطق بكلمه .. شاعر و خانه الكلام !!!




كيف اقول اني بخير و باين بقلبي النزيف ؟
................... و الملامح بان فيها عين ما عادت تنام




مرتبك .. واقف .. و ساكت .. انفض غبار الرصيف
................... بالعجل هزيت راسي ( يعني اخباري تمام )




و انسحبت بْلا تردد لني انسان ٍ ضعيف
................... و القوي لا شاف موته .. يوم يضعف ما يلام

>>>>> ردود الأعضـــــــــــــــــــاء على الموضوع <<<<<
==================================


كنت احسْب اني قوي .. لين اكتشفت احساسي زيف
................... ما عرفت انطق بكلمه .. شاعر و خانه الكلام !!!




كيف اقول اني بخير و باين بقلبي النزيف ؟
................... و الملامح بان فيها عين ما عادت تنام

مبدعه يالغلااا ..
يعطيج العافيه ..


__________________________________________________ __________

شكراً على الأبيات الأكثر من رائعه ..

لاعدمناك ولاعدمنا ذائقتك الجميله ..

تقبلي ودي وأحترامي ..


__________________________________________________ __________

صح لسانكـ .. راقت لي كثيـرآ


__________________________________________________ __________

مبــــدعه في ..

اختيــارك .


__________________________________________________ __________

تسلمين ع الطرح
ربي يعطيك الف عافيه
نترقب جديدك