عنوان الموضوع : أمير القوافي .. عقاب الربع (المسابقه الشعرية)
مقدم من طرف منتديات نساء الجزائر

أمير القوافي .. عقاب الربع (المسابقه الشعرية)





عندما شرعت في إنشاء موضوع المسابقة احترت بين الشعراء، وبصدقٍ
أقول أني انتهيت من كتابة موضوع المسابقة لأحدهم ثم غيرت رأيي
وآثرت أن أختار شاعر من الشعراء المعاصرين الشباب... ووقع اختياري
أخيراً على ... الشاعر عقاب عفات الربع الشمري..







إنه شاب سعودي قول الشعر لديه كشرب الماء ولكني للأسف لم أقع
خلال هذه الفترة القصيرة -فترة المسابقة - على ديوان مطبوع له وما
ضره أن لا يكون، يكفيه أن شهرته ذاعت في الدول العربية دون ديوان مطبوع ...



رفّـــت عـيـونـك عـلــى رمـوشــي وانـــا مـنـفـي = وأتـسـابـق الـحـبـر واوراقـــي عـلــى اصـبـاعـي
الـلـيـل هــــذا صــبــاح ... الـصـبــح ذا مـخـفــي = فـرحــاب مـــن غـربـلـه .. غـريــب الاوضــاعــي
يـاعـيــن وش دخــلّــك لــــو يـبـهـتـك وصــفــي = لــــو قــلــت بــانّــك حـزيـنــه وانــــي اِلـتـاعــي
مـــن فـرقــة الــلــي وداعــــه مـحـفــل لـحـتـفـي = مـــن حـتـفـة الـلــي قـفـاتـه.. مـــوت مـربـاعــي
يــاويـــل حــالـــي ومـحـتـالــي عــلـــى ولــفـــي = واولــفــي الــلــي بَــعَــدْه الـشــبــط .. أتـبــاعــي
:
:
مــاتــوب مــــادام هــــو مــاقــال لــــي يـكــفــي = وانـــــا لـعـيـنــه أحــــــاول يـــمـــه اســـراعـــي
هـنــا ضـلـوعـي وإنــــت هــنــاك مــــا تـضـفــي = قـلــبٍ لـيــا ذعــذعــت ذعــــذع مَــهــو واعــــي
تـقــدر تــقــول بــهــواي ورغــــم عــــن أنــفــي = هــربــت مــنـــي .. كــأنـــي مـنــفــي بـقــاعـــي
بالله وش تــــثــــبــــت وبالله وش تــــنــــفـــــي = لـقــافــة عــيــونــي والا ضــيــعــة اســمــاعــي




عاش بالحب المُضني الذي زخرف شعره بأبيات يوشيها ...بشاعريةٍ عذبةٍ
تصل إلى درجة الألم يحكي غرامه المحتوم وكيف أنه لا سبيل لصرفه
عنه، إنه ذلك الحب الذي جعله يقول
((ماهو انت.. اللي غيابك.. شـي عـادي\\\ انت عادي.. في غيابـك.. كـل شـي))

انت ماغيـرك علـى هالحـدب شـادي
تطوي.. فصول الخريـف الجِرد..طـي

ضحكتك : صبحٍ تضيحـك لـه بـوادي
ضحكتـك : بـرقٍ سنـاه يلوح..غـي

مدري شنهي ضحكتك؟! بس الوكـادي
حيييل مشتـاق.. وابيـك.. تحن..لـي

يالله عوّد .. والا .. (اريد ابكي وانادي)
ياظريـف الـطـول تكفى:حـس..فـي

ماهو انت.. اللي غيابك.. شـي عـادي
انت عادي.. في غيابـك.. كـل شـي





يعمل مدرساً، شارك على قناة الراي في برنامج القوافي كمنافس بين عدد من
الشعراء وحاز المركز الثاني ... شارك على قناة أبوظبي في برنامج شاعر المليون... وشارك في الكثير من الأمسيات الشعرية ...





وقد رثى الأمير الشاعر طلال الرشيد بقصيدة أقتبس منها هذه الأبيات..



اقــســم قــسـم بالله والــــدم فــايـر
يـبكي عـليه الهيل والجود والطير

ويـتـيم مـيّـت جــوع ضـــــايـع وحـايـر
والشعر والجنسين رجال ....وغنادير

الــلـي يـقّـظـن بـالـعـــروس الـظـفاير
كاحن على الـــشعر المخضّب زوابير

والـمـرجله والـــطـيب وبـيـض الـسـراير
والـطـايله والارمـله والـبواكير




:
:
يتبع

>>>>> ردود الأعضـــــــــــــــــــاء على الموضوع <<<<<
==================================



هذا لقاء لمجلة فجر الإحساس الإلكترونيه






إن له مشاعر فياضة غاية في الرقة لمن يقترب منه ويفهمه...

عيدك مبارك يابعد من قال لى هاليـوم عيـد
وانا على بالي صيام آشوف باكيتـي واصـد

ياخيّتي لا تزعلين ان قلت لـك إسمـه وعيـد
صارت صباحاته حزن لدموعنا صارت مـدد

ياخيّتي مااحـدٍ بهالدنيـا سعيـد الا سعيـد
من يوم رجله رقتّـه للنجمـة العليـا صعـد





انظري إلى الصورة الجميلة في هذا البيت ((اموت من الضجيـج بداخلـي
واشعـر بتضييقـه \\ واعيش بلا سعه .. خلف المدى فالخارج الهـادي))
من قصيدة عيد ميلادي اقتبس أبيات



اذا انّك تشعر بضيقه .. و .. ودك تدفق الضيقـه = تخيلنـي وانـا كـدرٍ وحيـد بـ عيـد مـيـلادي
تجمع بي الظلام .. وبلشـت شموعـي بتفريقـه = تبعثر بي الكلام .. واعلن خضوعي بـي حـدادي
اموت من الضجيـج بداخلـي واشعـر بتضييقـه = واعيش بلا سعه .. خلف المدى فالخارج الهـادي
كأن النـوم طيـرٍ مـن عيونـي زااااغ تحليقـه = خذا معه الجهات الواسعه وامسيـت انـا غـادي
اصـوّت يالسواحـل : واقعـي يحلـم بتغريقـه = وتهديني الصدى بعض الفيافـي : كـل حسـادي
نشف وجهي من احزاني وفكري مانشـف ريقـه = يبلّل هالملامح بالشحوب .. و .. يرهـق فـوادي





وله في باب الهجاء قصائد أقتبس من إحداهن -من قصيدة بعنوان حبة خشم- هذه الأبيات ...





يارب انا عبدك رفعت ايدي خشيـه فالقنـوت = اغفر ذنوبي والذنوب كثـار ودروبـي دشـم


اعوذ بك من هرجة اللي لاهرج من غير صوت = طبيعةٍ مايتوب راعيهـا يلـو يرشـم رشـم


يالورع ياللي جامع كنوز الصحاري واليخـوت = ياردي ماعمر الردى عز الرجاجيـل وحشـم


ماتنفعك خلطات ابن سينا ومـي العنـزروت = لو تهشم بمخطر مكاويّـك معاليقـك هشـم


وش عاد لو كثرت مصاريّك ووسعت البيـوت = يموت جيعانك يناظـر فيـك يامـال البشـم


ليا صار مالك فرسة الجربا ولا طيب محـروت = وش لك بغصب الطايله وانت فبطينك منهشـم


يومك تفت الليل بالـدولار وسـط الماريـوت = حنا نفك المعضله لا جات مـن حبـة خشـم


مهبـلٍ والمـوت فرصـه مانخليهـا تـفـوف = ليا طوحت بالصوت من يزهى مبيسمها الوشـم


طولاتنا مترسخه ياخويـط بيـت العنكبـوت = يشمها الذيب يعوي ثـم يعـوي ثـمٍ يشـم





إن أفكاره الجميلة يصوغها بجُملٍ مركبة وبخيال يموج بصور غريبة ورائعة
يقف أمامها قراء قصائده بأنظارهم التي لا ترى الكلمات بقدر ما ترى أرض
الخيال التي تنقلهم إليها تلك الكلمات ...

كل الاماني تنزرع فـي أرض تربتهـا حديـد
واكذب عليك ان قلت لك لو واحدٍٍ منا حصد

صارت ليالينا شتا من ويـن ماتمشـي جليـد
أدفـى الليالـي انتهـت بمـراح أيـام المهـد

شوفاتنا ياقـف لهـا وقـتٍ بتظراتـه عنيـد
يابعدها مير البلا أقـرب مـن اقربهـا لحـد

أسمائنا نار قبسـت تنطـق بـه بليـا وقيـد
هو من متى فينا الولد يوم انولد ما هـو ولـد

يابنت واللي سكّنك في قلب من يسهر وحيـد
إني تثاقلـت الزمـان المتعـب المـر الأشـد




:
:
يتبع



__________________________________________________ __________



... من أجمل ما نقلت ونسقت أختي مِـيـــلآف ....




قد كفيتني مؤنة إدراج أفلام الفيديو و المقاطع الصوتية بمواضيع غاية
في الجمال والإتقان...فنعجز أمام شعارك "لا أرضى بأقل من الكمال" عن
إيفائكِ حقكِ من الشكر والثناء....






<<المشاركة 5 والمشاركة 17 ..... من موضوع نزف القصيد>>




في جلسة شيطنة يتغزل شاعرنا بمحبوبته التي (( في عمر الطعش))
ويصف جسمها بكلمات تجمع بين الظرافة والغزل ...

<< جلسة شيطنة >>






بألفاظ شديدة اللهجة نتفاعل مع شاعرنا بأحاسيس القهر الشديدة، وكيف
لا وقد فقد ابنه بعد أن ملّ الانتظار... ليجد العلاج ... ولكن بعد فوات
الأوان ...

<< مكـالمـة بـاااااااايخـة >>

:
:

يتبع


__________________________________________________ __________



شاعرنا سعودي شمري من مدينة رفحا في شمال المملكة العربية
السعودية، كان أباه شاعراً وقبله جده، فيه عزة وفخر تتضح في أشعاره
بينما نرى تواضعه في كلامه ومعاملته للآخرين فبهذا الجمع بين النقيضين
تكون شخصيته النبيلة ...





لاحظي كيف ينتقل في هذه الأبيات من الغزل إلى الفخر ...


مليت انا وجـه السهـر بالتجاعيـد = من يوم صرتـي عـن عيونـي خفيـه
اذب طاروقـي ب ليـل التساهيـد = لاوهنـي مـن لـه عيـونٍ خلـيـه
قولي متـى بيلـوح بـرق المواعيـد = وتهلـلـي مزنـاتـك العقـربـيـه
:
اصلي والاصلـي مايشابهـه تقليـد = وتفاخـري بـي حيـل يالنرجسيـه
مـن لابـة ٍ متحـيـزه للتقالـيـد = للجـود والـطـولات والشاذلـيـه
لا زاعت الرصـاص كبـد البواريـد = يتلـون قايدهـم سـريـه سـريـه
جدي وجدي جـد والعلـم توكيـد = ماهـو عقيـد برتبـة ٍ عسكـريـه
عقيـد قـوم ٍ بالقـا تـزوم وتبيـد = قوم ٍ علـى لطـم المعـادي جريـه
لا طوحت بالصوت بنت المساعيد = قمنـا لهـا طنخـه وطيـب وحميـه
:
فلي حجاجـك واشربينـي تناشيـد = وان كان باقـي عنـاد نـذر ٍ عليـه
لو اني المح طلتـك لـي مـن بْعيـد = اقـول ذي جتنـي بعيـد الضحيـه




كان ما ودك معي تبقين روح ... طالبك لا لا تخليني معي

وكان صعبة غيبي لحد الجروح ... بس أول ما تغيبين ارجعي






إنه شاعر يحمل هموم أمته... فجراحها جراحه ...
((ياعراق لانبحت عليك كلاب واتعبك الطراد *** ريح على كبد العدو وافرس معاليقه))





هذا طنا فلوجتك عَلمهـم شلـون العنـاد
وعلمهم شلون اقبلوا وعيونهم تبـي الهـرب
***
يامدن جاك السندباد وضيفّـي هالسندبـاد
قلطي له الموت الحمر مدام يحسبهـا طـرب
***
انتي بنـات عراقنايا مـدن وعيالـك شـداد
اطيبهم يساوي بلد وارداهم ليامـن ضـرب
***
يكبّل أياد ويدمـي الاوغـاد وتهيبـه عبـاد
لبّى المنادي ساعةٍ شاش وزمى وهاض وخرب
***
ياعراق لانبحت عليك كلاب واتعبك الطراد
ريح على كبد العدو وافرس معاليقه (( ورب
***
البيت)) ماكّلت خطاويّك على درب الجهـاد
مادام حاجب موصلك لعيون بغدادك قـرب
***
في عزتك وحدك بواد وحنا في عشريـن واد
من ذل من خيبه وعزٍ عن خطاوينـا غـرب
***
تشرق شموسك في مضحى الحرب ويهب البراد
من جنة اللي مايخونك يوم خانـوك العـرب





يعلمنا كلمة( أحبك ) ومعها نعود للغزل وأغلب شعره غزل ...
وهذه أبيات جميلة من قصيدة لعّابة ..
((ياليتك لو قريتي في عيونـي وش ورا الاحـداق ... دمـوعٍ تستفـز وحابستهـا عـزة اهـدابـه))






شسوي لك؟؟ عشان اثبت بشعري حب هالخفاق = اشقه؟؟ لاجـل بعيونـك تشوفينـك يلعابـه
يا لعابه انا ماالعـب انـا مااتصنـع الاشـواق = صدقت ومن كثر صدقي اشوف الناس كذابـه
توقدت المشاعـر ساعـةٍ فيهـا الالـم فتـاق = وليلـي بـاردٍ زيّـك وزيّـك فيـه ماعابـه
تعبت آعيش واقع صحبتك من طيشك الحراق = كفايه طيـش ياحلـوه يحلـوه سكـري بابـه
اذا هالحب حاول او تحايل في لـوي الاعنـاق = أبنظر للسمـا طيـرٍ حـدود الغيـم مرقابـه
احبك ماهي بغنـوه يقّسـم لَحْنَهـا بوشنـاق = ولا هي كلمةٍ مستهلكـه مـن نـاس نصابـه
احبك لو كتبها شاعرك صـار الفضـا انفـاق = احبك لو نطقها صاحبـك ضاقـت بـه ثيابـه
احبك لو جحدتيها انتفيتي كـل ابـوك فـراق = احبك ذي وطـن متجغـرفٍ بحـدوده ترابـه
ياليتك لو قريتي في عيونـي وش ورا الاحـداق = دمـوعٍ تستفـز وحابستهـا عـزة اهـدابـه
:
احبك ماهـو بذنبـي اظنـه ذنـب هالخفـاق = عمـى يعميـه كانـه نـاويٍ همـي يلعـابـه


:
:
يتبع



__________________________________________________ __________




قصيدة الشاعر عقاب الربع الشمري في الحلقة الثالثه من برنامج شاعر
المليون حيث يبدأ بأبيات جميلة مهداة إلى الشيخ زايد آل نهيان رحمه الله
ثم يكمل بقصيدته المشاركة في المسابقة

بصيغة

<>

<>


وهذه كانت صورة له وهو الموجود يساراً ..



وهذا مقطع فيديو له في برنامج لقناة الراي
<<الفيديو>>


بعض قصائد الشاعر عقاب الربع الصوتية <<قصائده الصوتية>>



وفي قلبه لفريق النصر تعلق كبير ووفاء كباقي جماهير هذا النادي




من هو يشابه بالوفا وفاء جمهور النصر
عريق والله مايشابه غير ناديه العريق
***
صبح ومسا متحمس ومتحمس بظهر وعصر
يتنفس الحب المعتق بالزفير وبالشهيق
***
يالعالمي بنيت لك في داخل ضلوعي قصر
لونه مثل لون الذهب وعروقي لبابك طريق
***
انسى معك وكرة قطر وانسى معك اهلي مصر
واذكرك واشعر كنك اللي جالس بقمة طويق
***
نصر نصر نصر نصر نصر نصر نصر نصر
لاخر نفس لاخر نفس معاك والله لا يعيق








غادة الماء .. والغصن .. والصبح .. والطير .. ورفيفه = باقيـه فـي ذاكـرة هالحلـم غنـوه مـا مسحـهـا
هـي خريـر المـا اذا جـوي تسلطـن فـي هتيفـه = سولفـت لـه حفهـا النعنـاع .. والقمـري نطحهـا
حالـيـه مـثـل السكـاكـر فالبـيـالات الرهيـفـه = غاليـه مثـل النصايـح عنـد مـن حـب ونصحهـا
غاويه .. في مبسم ٍ بـارق .. تقـل مبسـم مضيفـه = هاويه .. فـي مرسـمٍ غـارق .. بتشكيلـة مرحهـا
ساهيه .. بالحب .. مـن خلـف المحاديـب النحيفـه = لاهيـه .. بالقلـب .. لا مالـت ولا مـيّـل بلحـهـا
:
النهـر تعطيـه مـن سـاتـر عذوبتـهـا غديـفـه = البحـر لـو مرتـه فـزز لهـا الـمـوج وملحـهـا
كـل صبـحٍ .. لـو تفقدهـا لقـى شمـسٍ مريـفـه =كـل ليـلٍ .. نامتـه بـدري تحضنـهـا وربحـهـا
:
لو جرحها القلـب مـره وامسـت بنبضـه نزيفـه = جعـل قلبـي مايشـوف الخيـر لـو مـره جرحهـا






ويريد شاعرنا أن يتوب من قول الشعر وهذه أبيات جميلة ...
من قصيدة مناجاة و أمنيه...


يارب طهّرنـا مـن الشعـر ب نتـوب
ان كـان هـو لذنوبـنـا مايجـافـي
***
كم واحدٍ يصبح ويمسـي علـى دروب
متشتـتٍ مـحـروم حـتـى المنـافـي
***
تحدنـا ضيقـه مهـي بُعـد رعبـوب
ولاهـي حنيـن ل. لابسـات الغدافـي
***
يارب عفوك لاغدى الزحـف مرعـوب
لوينتخـي المفـزوع مـابـه سنـافـي
***
عشنـا اثريـا وثيابنـا مابهـا جيـوب
نحـب العلـو لياهفـى كـل هـافـي
***
نصدق .. وبعض الصدق اصدقه مكذوب
جعلـه علـى حـظ القلـم والقوافـي
***
نرجاك لاصكـوا هـل الماقـد البـوب
انت الـذي مـن ويـن مانلـد ظافـي
***
نجوع .. وانعامك .. علينا بكل صـوب
نمـرض ولاغيـرك بـالايـام شـافـي
***
يـارب خطـاّب المجاهـد ويعـقـوب
اغفر لنا مـن قبـل مـا المـوت يافـي
***
عبدك وانـا منهـم وللحـق مطلـوب
ارجيـك حسـن الخاتمـه والعـوافـي
***
لو كان موتـي زي مواعيـد عرقـوب
ابرك .. ولا وعـدٍ بـه المـوت وافـي






ولمن أرهقتهم الفصول الأربعة ... نختم الفصل الخامس ....



على أمل أن يحوز الموضوع على إعجابكن...





__________________________________________________ __________