عنوان الموضوع : لااااا تفووووتكم القصه فكاهة
مقدم من طرف منتديات نساء الجزائر

لااااا تفووووتكم القصه



مساء الخيييييييير يا حلوييييييييين..........
ابي اقولكم قصه واقعيه صارت لي يوم جدتي ولدت ابوي؟؟؟
المهم.........
هذا في اليوم الي جدتي ولدت فيه ابوي كان تعبان جداً ويبونله دوى ، قالوا لي ياحمودي روح جيب الدوى لأبوك من السوبر ماركت . بس المشكلة ماكان معاهم فلوس ، أعطوني بيضة وقالوا تروح تبيع البيضة هذي وتشتري بثمنها دوى لأبوك ، أخذت البيضة وطول الطريق ألعب فيها وأشوتها فوق وتحت فوق وتحت .. المهم قبل المغرب بشوي انكسرت البيضة وطلع منها كتكوت!! . ياربييييي إحترت ايش اسوي بهالكتكوت هذا .. ايش اسوي فييييه!! .... شاروا علي أصحابي اني استثمره ، طيب كيف؟؟ . قالوا تنقل عليه أحجار . المهم رحت انقل على هالكتكوت أحجار عشان اجيب للوالد حق الدوى ، ومع الايام انجرح ضهر الكتكوت .. يالله كيف أعالجه؟ كيف أعالجه؟؟ ... قالولي جيب نواة بلح ، وحمصها على النار ، واطحنها ورش على ضهره .. المهم سويت زي ماقالوا .. شوي . إلا ويطلع على ضهر الكتكوت نخلة!! . شوفوا ( سبحان الله ) بس المشكله كيف اجيب التمر من فوووووق ؟؟ رحت أرجم على النخلة احجار عشان التمر ينزل لكن كل حجر ارميه يعلق فوق !! ومن كثر الأحجار صار عندي فوق النخلة أرض كبيييييييييييرة .. احترت ايش اسوي باالأرض هذي . فكرت فكرت.. رحت زرعتها سمسم .. وفي يوم شافني صديقي وقال : الله يسامحك يا حمودي ليش زرعتها سمسم كان زرعتها بطيخ أحسنلك . قلت طيب ورحت اجمع السمسم من المزرعة سمسمة سمسمة .. ماخليت ولا حبة . وأنا قاعد احط السمسم بالأكياس إكتشفت انه في سمسمة مفقودة . رحت أدورها لقيتها بين نملتين متخاصمين عليها . جيت أنصف بينهم ، جبت منشار وقطعت السمسمة من النص ، طلع من السمسمة أنهار من الزيت ، وقامت الناس تعبي زيت سمسم وتعبي . من محصول الزيت زرعت الأرض كلها بطيخ .. وجيت أرتاح شوي ، غفت عيني ربع ساعة ، صحيت لقيت كل بطيخة كبر الغرفة !! استانست كثييييييير وقلت خليني اجرب هالبطيخ . أخذت سكينة وجيت اكسر أول بطيخة ، راحت السكينه ودخلت جواها .. يالله وش ذي البلشة . والله ماأخليها ، وأروح ورى السكين لقيت جوه البطيخة دنيا ثانية . ناس وأسواق وعالم مليانه . وانا قاعد الحق السكين دخلت بعين واحد ، وقام يلحقني . وأنا أركض وأركض.. لقيت مسجد ودخلت فيه، وطلعت على المئذنة ونطيت من فوق ، رحت طايح على بطن وحدة حامل ، راحت المسكينة سقطت الجنين ، وقام زوجها يلحقني يلحقني وصار وراي اثنين ( يالله هذا بس الي كان ناقصني!! ) . وأنا اركض أركض صدمت برجل حمار يترزق منه راعيه . ونكسرت رجل الحمار ، وقام راعيه يلحقني يلحقني ( والله بلشاااااااااا ) وأنا أررررررركض . وصاروا يلحقوني ثلاثة . المهم بالطريق لقيت لوحة مكتوب عيليها (( القـــــــاضــــي )) دخلت عند القاضي وأنا ألهث ألهث .. قال القاضي اجلس اجلس ،، وسأل الأول عن مشكلته . قال اني فقعت عينه . قاله القاضي : شوف ياولدي : ياإما انك تخليه يفقعلك عينك الثانية وتاخذ الدية كاملة . أو إنك تعطيه هالحين مية ريال . قال لالا .. خله ياخذ المية . المسكين دفع المية وراح . جاله الثاني وقال : هذا ياحضرة القاضي تسبب بإسقاط الجنين من زوجتي . قال القاضي : شوف ياأخي . ياإما انك تعطيه زوجتك شهر زمان يجيبلك منها ولد غير الي راح أو تدفعله مية ريال وتروح . قال : لا لا خله ياخذ ميتين الله لا يعيدها ( قال يحيبلي منها ولد قال لاأبوه لاأبو المية ). ، والمسكين دفع المية وراح ، جاله الثالث وقال : ياحضرة القاضي هذا كسر رجل حماري . قال القاضي : ياإما انك تخليه يكسر رجول حمارك الأربعة ويعالجها ويرجعلك الحمار ، أو تدفعله مية ريال وتروح . قال لالا أدفعله المية ، ودفع المية وراح . .. أخذت الثلاثمية واشتريت فيها الدوى . هااااااااااااا صدقتوني ولا لأ . ترى القصة زي ماقلتلكم واقعية . بس المشكلة ان الدوى الي جبته كان غير الدوى الي يبونه .. وصارت معي حكاية ثانية اقولكم اياها بعدين ........
ان شاء الله عجبتكم القصه؟؟

منقووول

>>>>> ردود الأعضـــــــــــــــــــاء على الموضوع <<<<<
==================================


مشكورة على القصة الرائعة


__________________________________________________ __________

مشكوره ياحبي


__________________________________________________ __________

هالقصه هذاه صارت امعاى ومع بوى


__________________________________________________ __________


__________________________________________________ __________