عنوان الموضوع : احذرو من محل مدرفي مارينا مول بالدمام
مقدم من طرف منتديات نساء الجزائر

احذرو من محل مدرفي مارينا مول بالدمام






اقرأوا القصة كاملة









نبدأبالقصة في مجمع مارينا مول بالدمام












.................................
يا بنات بموت قهر
حسبي الله ونعم الوكيل
حسبي الله ونعم الوكيل
يرب انتقم من هالمجرمه ام راكان صاحبة محل مدر في مارينا مول الدمام
الله لا يوفقها ولا يسعدها.
واى وحده بتشكك بكلامي او بتقول اتبلى عليها تروح للمجمع وتسأل اى محل من المحلات الي جنبها
او كابينة الجوالات الي مقابل محلها وبيقول لها الي صار .
اختي اشترت من ام راكان من محل مدر كريم تسمير للبشره وجاتني في المطاعم يوم شفته لا عليه اسم ولا ماركه
ولا اى شئ عرفت انه خلطه وخفت على بشرة اختي وقلت امشي نرجعه وخذي فلوسك ((قيمته160 ريال))
دخلنا عليها سلمنا وقلنا لها ممكن اختي ترجعينهالكريم ما نبيه قالت ماارجعه لأن سجلت الفاتوره انا قلت طيب انتي
صاحبة المحل تقدرين ترجعينهقالت طيب اذا هي ما تبيه خذيه انتي استخدميه انا قلت لها انا حامل ومااقدر اخاطر الصراحه وكريمك احسه يخوف احسه مش ماركه معروفه لو صارلي شئ احاسب مين؟؟؟وبعدين قلت لها بسرعه طيب بنأخذ اى شئ بداله مناكير ومبارد للأظافر ...كمان رفضت...انا عصبت وقلت لها ترى الماركات زارا ومانجو يرجعون الشئ خلال 3 ايام وانتي من عشر دقايق ورافضه
قالت انتي هيه لا تغلطين محلي معروف وانا مشتركه بالغرفه التجاريه وروحي سوي الي تبين واشتكي انا عصبت قلت لها خذي الفلوس صدقه لك قامت رمت بوجهي كرتها وقالت برا اطلعي وروحي اشتكي انا ما يهمني احد.
المهم تحسبت عليها وانا طالعه الا اشوف حرس السوق وقلت لهم السالفه وسألته سؤال محدد ((من حقي ارجعه
وانا اخذته من عشر دقايق قالي اكيد من حقك ودق بالاسكلي على حرس حريم حق السوق وجاوا معنا ودخلنا
المهم طاحوا معها سلامات وتحبب ...قلت انا لها رجعي الكريم ابغى فلوسي قالت شوفي اقسم بالله العلي العظيم
ماارجعه وعاند واعلى مافي خيلك اركبيه انا مت قهر وعصبت وضربت الطاوله بيدي وقلت الله لا يوفقك وطاحت حاجه
الي يعلقون فيها الأساور بالغلط .............................. .......وهنا بدأت الطامه الكبرى.
هاجت مثل الثور الهائج وكانت تبي تطلع من ورا كونتر البيع اختي وقفت عند المخرج الزجاجي الي زي الباب الي على فوق ينزل ويصعد اذا تعرفوه الي يطلع ويدخل منه البايع ويروح خلف الكاونتر الزجاجي ...يوم هجمت تبي تطلع لي وهي معصبه اختي مسكينه مسكتها وقالت اختي حامل حاسب قامت سحبت شيلت اختي وسحيتها من شعرها
واختي تقول لها اتركيني ولا تضربين اختي حامل وانا ابغى اروح اساعد اختي مسكتني الحارسه الظالمه تقولي انتي حامل خافي على نفسك والثانيه مثبته اختي لها وهي طايحه بأختي تسحب في شعرها وتشميخ بيدها وحصرت اختي
بهذا المدخل الضيق ونزلت ظهرها للأرض ووضعت الباب الزجاجي على راسي اختي وطاحت فيها ضرب وماهي راضيه تفك شعر اختي ............انا بعد ما دفعت الحرمه الي ماسكتني واصارخ من قمة راسي اقسم بالله انيبغيت اطرح
من الغيظ موتت اختي ضرب هالمجرمه الي ما تخاف الله ....سحبت غطا الحرمه بغيت امسك شعرها علشان تفك اختيوهالحارسه الملعونه ماهي راضيه اقرب منها وقدرت اسحب غطاها بس الا طلعت مافي ولا شعره براسها
انا من هول الصدمه تجمدت بمكاني وبالموت انقذت اختي منها وطلعنا من المحل بدون شيله على راس اختي وتجمعوا العالم برااااااااااا وطاقم رجال الحرس واقفين ومعهم عسكري دوريه جات وانا اصارخ بهستيريه وجنون وادعي على هالمجرمه المهم وقفنا عند باب المحل نطالب بالشرطه علشان يأخذون حقنا من هالظالمه.
الا شوي بعدنا بعشر دقايق طلعت هالحقيره وهي معدله غطاها وتحولت من انسانه متوحشه الى وحده مثقفه هاديه
وتتكلم بكل هدوء وتقولوين الشرطه ........................انا مت مت مت قهرمنها ورحنا لادراة المجمع وانا اتحسب عليها وكان يمشي معنا مدير المجمع يبي يوصلنا لمقر الاداره انا بغيت اضربها على كتفها هجمت علي ونزلت غطاي وخربشت عيني هالوحش الكاسر ...وقدام هالفاجر مدير المجمع وهو يمسك فيها ويحضن فيها ويهديها
وبغى يمسك يدي انا ضربته وجلست على الارض وابكي وابكي والحمد لله هنا بهاللحظه جا اخوي وزوجي
واخواتي اثنين مع ازواجهم وامييييييييييي اه يا امي حضنت امي وقمت اصيح واصيح .
هنا الشرطي اخذ اثبات زوجي وزوج اختي الي انضربت وقال روحوا المستشفى اثبتوا الضرب والاصابات.
والمجرمه اخذوا اثبات زوجها وراحت معهم الشرطه ..المهم تأخرنا بامستشفى لحد الساعه 1 باليل الين اخذنا الفحوص
والتقارير وكلشوي يدق اخوي وابوي الله يحفظه راح بعد الشرطه قبلنا ويقولون متى بتجون .
المهم اهم شئ قهرني اختي مسكينه شعلت شعرها من قدام والدكتور يفص ويحسب بهالشعر المتساقط وانا ابكي بحراره على اختي والي صار لها .
يابنات حنا بنات حمايل صعبه علينا دخلت الشرطه واخوي كان معصب علينا يوم وصلنا وقال اذا دخلتوا لا تتكلموا ولا حرف انا جبت لكم محامي ...............انا انصدمت قلت ليه قال هي متهمتكم انكم كسرتوا محلها وضربتوهاوقذفتوها
بكلام يخدش الحياء .........انا قلت لأخوي كذابه قال انتي مسكينه يختي هاذي مدير المجمع والحارسات الحريم شهدوامعها انا انهرت صراحه وحضت زوجي وقلت له وديني البيت سكتي وقالي امشي شوي وبنرجعك البيت
دخلنا هذيك الدخله الي لا تسر لا عدو ولا حبيب على الضابط ولقيت ابوي ازواج خواتي داخل ينتظرونا
وانا مستحيه من ابوي واحس بالذنب مع اني مالي اى ذنب ولا اختي المهم سمعنا سيل من الاتهامات علينا
ضرب ...اعتداء...تكسير محل...قذف..
اووووووف يالله على الظلم الي جرى علينا وزياده الي قهرني ابوي راح لها الغرفه الثانيه يطلب من زوجها ان يتنازل وهو بيعوضهم عن كل شئ قامت تصارخ على ابوي وتقوله زوجي ماله خص انا الي بجرجرهم بالمحاكم ولا ابي تعويض منك
انا عندي تأميني بأخذه بعون الله بعد ما اسجن بناتك ....هنا ابوي قال لها شوفي يا بنت الناس انا حاولت معك بالطيب
مع ان الحق لنا ومش معنى انك الي سبقتي واشتكيتي الحق لك انا فلان الفلاني وحقي بيوصلني .
انا بس بغيتك تروحي بيتك معززه مكرمه وبناتي بعد ..
قالت الشرطه والمحاكم ماهي عيب وزوجها كرر نفس الكلمه.
انا بهاللحظه عرفت مع مين طحت ... طحت مع انسانع متعوده على الشرطه وماتخاف الله وتظلم الناس
وجا شرطي يعرف ابوي قاله هاذي معروفه ام راكان كل اربع خمس شهور تسوي معركه مع بنات وتكسر محلها
وتتهمهم علشان تأخذ التأمين وهي تدفع مبلغ بسيط ديه عن الضرب
يوم ابوي قالي هالكلام رجعت البيت وانا منهاره واصيح على اختي والظلم والضرب الي اكلته من هالمجرمه
صعدت السطحمن الضيقه الي فيني ودعيت الله وبكيت وصليت بلا وضوءمن حر مافيني وابكي وابكي
لحد ما اغمى علي من القهر وانا تعبانه وبطني تألمني من الي صار وينزل علي شوية دم.
المهم يا بنات انا رحت مع زوجي ثاني يوم للشرطه لأستكمال الاقوال ودخلنا تقارير المشفى وللأسف ابوي كمان
جا ما قدر ينام وللعلم ابوي رجال كبير بالسن له هيبه ومعروف بين الناس وكل المشايخ يعرفونه وهذا الي شيب راسي
قهر اني بسبب انسانه فاسقه ادخل ابوي الشرطه حسسسسسسسسسافه ليتني ما رحت
ولارجعت
وبالطقاق الفلوس
بس ما يفيد الندم ابد والي صار صار وخلاص.
المهم ...............هي اعتقدت ان عندها واسطه وبتسوي عملتها زي كل مره وبالشرطه كانت قويه.
وبعد ما حولوا اوراقنا لهيئة التحقيق بعد يومين رحنا الصباح وماحصلنا محقق كانوا مشغولين
واليوم الثاني رحنا الا جانا هذاك المحقق الاقشر الي ما يتفاهم وحسيت انه واقف معها ضدنا زي الي قبله
من مدير المجمع الى الشرطه ...............لكن يوم دخل عليه ابوي وسلم عليه تغير كلامه وشاف اسلوبنا
واصواتنا الخافته وقلةحيلتنا كبنات وان احنا متنازلين عن التعويض ودية الضرب المهم نبي الموضوع يتسكر ونبي الستر
عكسها هي مصره على المحاكم والفضايح لانها ماهي بنت عرب ماادري وش اصلها.
حسيت ان الله فرجها علي واستجاب دعائي وانا المظلومه المسكينه الي انحرمت من النوم 4 ايام ولا اكل ولا شربوانا حامل ...وقلق اهلي كلهم علي كان مضايقني لان مااحب اضايق احد ....المهم قل لنا قاضي التحقيق خلاص انا اخذت اقوالكم وحقكم ما بيضيع ابد خلاص اطلعوا وخلى ابوي جمبه ..
وحنا طلعنا سيارتنا كل وحده مع رجلها ..........المهم جا ابوي وطمنا قال هالحرمه هاذي الله كشفها لان الشرطه يوم راحت تبي تثبت التكسير في محلها فتشوا ولقوا عندها اشرطه مصوره البنات الي يشترون منها بأوضاع غير شرعيه
يعني الي كاشفه والي تجرب روج والي تحط ملابس داخليه على جسمها وتقايس من برا برا يعني .
وافلام اباحيه كمان ......................والحمد لله انقلب السحر على الساحر والله سبحانه نجانا من كيدها.
والموضوع تسكر صارله 3 اسابيع حاليا لكني ماانسى هالموقف طول عمري ولا انسى حزني الشديدولا انسى شعر اختي الي تقطع ولا انسى منظرها وهي حاشره اختي وطايحه فيها ضرب ولا انسى الحرس الخونه الي مسكونا
علشان هي تطيح فينا طق ولا انسى شهادتهم الزور ولا انسى ...اني مااروح مجمعات وفعلا حرمت ........خلاص
وحرمت ادخل محلات نسائيه الله العالم وش فيها مافيها.
يا بنات اخر شئ اتمنى تدعون لي الله ينجي جنيني هالمسكين من الي صار فيني اخاف يطلع فيه شئ خصوصا انها ضرتني على بطني اثناء التدافع
وادعوا لي الله ينجيني من كيدها ويخلي لي ابوي تاج راسي وحزام ظهري الي وقف معنا لأخر لحظه وكانت سمعته
الطيبه هي اكبر سبب لنجاتنا منها.


منقوووووووووووووووووووول لعيونكم


اتمنى نشر هالرساله بكل المنتديات وعسى اللي ينشرها الله يحرم وجهها على النار

تحياتي

>>>>> ردود الأعضـــــــــــــــــــاء على الموضوع <<<<<
==================================


حسبي الله ونعم الوكيل فيها

ربي بياخد حقكم منها يوم القيامة الظالمة___الله يشل اركان هالحرمة ويدمرها يااااااااااااااااااااااارب


__________________________________________________ __________

عندما بعث النبي صلى الله عليه وسلم معاذا إلى اليمن فقال: " اتق دعوة المظلوم فإنها ليس بينها وبين الله حجاب " البخاري

فالدعاء سلاح فريد وقوي يملكه المظلوم فما إن يرفع المظلوم يديه إلى السماء إلا و يأتيه الرد من الملك العزيز الجبار الله سبحانه وتعالى مباشرة: " وعزتي وجلالي لأنصرنك ولو بعد حين "

فأي سلاح هذا وأي قوة أعطاها الله سبحانه للمظلومين والمقهورين والمستضعفين, والله لو يعلم الظالم قوة وأثر هذا السلاح بيد المظلوم لما ظلمه قط و ما تجرأ على ذلك,

رفعت يدي إلى الله وقلت يا رب أغلقت الأبواب إلا بابك وانقطعت الأسباب إلا إليك ولا حول ولا قوة إلا بك يا رب اللّهم إنّي ومن ظلمني من عبيدك ، نواصينا بيدك ، تعلم مستقرّنا ومستودعنا ، وتعلم منقلبنا ومثوانا، وسرّنا وعلانيتنا ، وتطلع على نيّاتنا ، وتحيط بضمائرنا ، علمك بما نبديه كعلمك بما نخفيه ، ومعرفتك بما نبطنه كمعرفتك بما نظهره ، ولا ينطوي عليك شيء من أمورنا ، ولا يستتر دونك حال من أحوالنا ، ولا لنا منك معقل يحصننا ، ولا حرز يحرزنا ، ولا هارب يفوتك منّا .

اللهم ان الظالم مهما كان سلطانه لا يمتنع منك فسبحانك أنت مدركه أينما سلك، وقادر عليه أينما لجأ، فمعاذ المظلوم بك، وتوكّل المقهور عليك، اللهم أنى أستغيث بك بعدما خذلني كل مغيث من البشر، وأستصرخك إذا قعد عنى كل نصير من عبادك، وأطرق بابك بعد ما أغلقت الأبواب المرجوة، اللهم انك تعلم ما حلّ بي قبل أن أشكوه إليك، فلك الحمد سميعاً بصيراً لطيفاً قديراً.

.

يا رب ها أنا ذا يا ربي أسير سجين في يدي الظالم، مغلوب مبغيّ عليّ مظلوم، قد قلّ صبري وضاقت حيلتي، وانغلقت عليّ المذاهب إلاّ إليك، وانسدّت عليّ الجهات إلاّ جهتك، والتبست عليّ أموري في دفع مكروهه عنّي، واشتبهت عليّ الآراء في إزالة ظلمه، وخذلني من استنصرته من عبادك، وأسلمني من تعلّقت به من خلقك ً وغدر بي وطعنني القريب الصديق، فاستشرت نصيحي فأشار عليّ بالرغبة إليك، واسترشدت دليلي فلم يدلّني إلاّ عليك.
فرجعت إليك يا مولاي صاغراً راغماً مستكيناً، عالماً أنّه ﻻ فرج إلاّ عندك، ولا خلاص لي إلاّ بك، انتجز وعدك في نصرتي، وإجابة دعائي، فإنّك قلت وقولك الحق الذي ﻻ يردّ ولا يبدل: ( وَمَنْ عَاقَبَ بِمِثْلِ مَا عُوقِبَ بِهِ ثُمَّ بُغِيَ عَلَيْهِ لَيَنصُرَنَّهُ اللهُ ) وقلت جلّ جلالك وتقدّست أسماؤك: ( ادْعُونِي أَسْتَجِبْ لَكُمْ )، وأنا فاعل ما أمرتني به لا منّاً عليك، وكيف أمن به وأنت عليه دللتني، فاستجب لي كما وعدتني يا من ﻻ يخلف الميعاد.

وإنّي لأعلم يا رب أنّ لك يوماً تنتقم فيه من الظالم للمظلوم، وأتيقّن أنّ لك وقتاً تأخذ فيه من الغاصب للمغصوب، لأنّك ﻻ يسبقك معاند، ولا يخرج عن قبضتك أحد، ولا تخاف فوت فائت، ولكن ضعفي ﻻ يبلغ بي الصبر على أناتك وانتظار حلمك، فقدرتك يا ربي فوق كلّ قدرة، وسلطانك غالب على كل سلطان، ومعاد كلّ أحد إليك وإن أمهلته، ورجوع كلّ ظالم إليك وإن أنظرته.

يا رب أنى أحب العفو لأنك تحب العفو فإن كان في قضائك النافذ، وقدرتك الماضية أن ينيب أو يتوب، أو يرجع عن ظلمي أو يكفّ مكروهه عنّي، وينتقل عن عظيم ما ظلمني به، فأوقع ذلك في قلبه الساعة الساعة وتب عليه وأعفو عنه يا كريم.

يا رب اللهم انتقم من الظالم في ليلة ﻻ أخت لها، وساعةٍ ﻻ شفاء منها، وبنكبة ﻻ انتعاش معها، وبعثرةٍ ﻻ إقالة منها، ونغّص نعيمه، وأره بطشتك الكبرى، ونقمتك المثلى، وقدرتك التي هي فوق كل قدرة، وسلطانك الذي هو أعزّ من سلطانه، واغلبه لي بقوّتك القوية، ومحالك الشديد، وامنعني منه بمنعتك التي كل خلق فيها ذليل، وابتله بفقرٍ ﻻ تجبره، وبسوء ﻻ تستره، وكله إلى نفسه فيما يريد، إنّك فعّال لما تريد.

يا رب اللهم عليك بمن ظلمني اللهم اسقم جسده، وانقص أجله، وخيّب أمله، وأزل ظلمه، واجعل شغله في بدنه، ولا تفكّه من حزنه، وصيّر كيده في ضلال، وأمره إلى زوال، ونعمته إلى انتقال، وجدّه في سفال، وسلطانه في اضمحلال، وعافيته إلى شر مآل، وأمِتْه بغيظه إذا أمتّه، وأبقه لحزنه إن أبقيته، وقني شرّه وهمزه ولمزه، وسطوته وعداوته، فإنّك أشدّ بأساً وأشدّ تنكيلاً

يا رب الظالم ملك أسباب القوة في الدنيا وأنا عبيدك لا أملك إلا إيماني بك وتوكلي عليك ودعائي
يا رب ان الظالم جمع جنده وسلاحه وسجونه وزنازينه ومنع عنى الأهل والأحباب وتركني في ظلمة الزنزانة على الأرض والتراب وأنا عبيدك جمعت له ما استطعت من الدعاء

يا رب تمنيت لمن ظلمني الهداية والتوبة وتمنى هلاكي وتدميري ولا حول ولا قوة إلا بك0 فمن يا رب على دعوة عبيدك المسكين الفقير بوعزتى وجلالك لأنصرنك ولو بعد حين


__________________________________________________ __________

لا كذب هذا الموضوع منزلته وحده شيعيه
نبي الموضوع يتسكر ونبي الستر

طسيب حبيبتي ليش ناشرينه في المنتديات

واذا هالكلام صحيح كان محلها تسكر وبالشمع الاحمر كمان

الموضوع مو صدق كذب ولا قطع ارزاق بعد اعوذ بالله كبيره عند ربي

واشوفو يابنات اللي غلطان صاحبة الموضوع تسوي هواشه من لا هواشه كبرت الموضوع وهو صغير دايما من اول ماتشتري اي حاجه يكون فيه شروط وهي عارفتها ليش تخترق شروط البيع قلة حيا والله

يابنات انتبهو مو كل شي يتقال في النت صدق وتدعو عليه حرام مايجوز


__________________________________________________ __________

اهلين بالبنات هلا فيكم


منورين والله وماقصرتوا

وانتي ياخفي الوجدان معليش بس في طريقه بالرد احسن من كذا بكثير


وبعدين مو انا اللي صايره لي القصه هذا الايميل جاني على المسن وحبيت انشره بس


وبعدين انا مو شيعيه

وغير كذا كيف يتسكر المحل بالشمع ومدير المجمع واقف معها

مشكورين عاى الردود


__________________________________________________ __________

جزاك الله الف خيرماقصرتي اختي وفعلا لازم ننتبه على كل شي الدنيا الحين تغيرت مومثل اول الله يسترعلى الجميع