عنوان الموضوع : احلى بوفتيك من ايدى جميل جدا لذيذ
مقدم من طرف منتديات نساء الجزائر

احلى بوفتيك من ايدى جميل جدا



المقادير

لحمة بوفتيك قولى للجزار لحمة بوفتيك او ممكن تشتريها جاهزة
3 بصلة كبيرة مفرومة جدا وكام فص ثوم مفرومين
بقصماد مفتت جدا
دقيق 2 ليمونة كبيرة
زيت
3بيضة وبهارات


الطريقة


اولا جيبى اللحمة وقطعيها شرائح رفيعة لو كانت جاهزة هتكون مقطعة


ثانيا جيبى البصل المفروم والثوم ولازم البصل تفرمية كويس فى الكبة لحد ما ينزل مية واعصرى فية اليمون وحطى ملح وفلفل اسود واخلطيهم كويس


ثالثا ضعى اللحم فى البصل واخلطيهم ببعض بالراحة علشان اللحمة متتقطعش منك واتركيهم سبع ساعات فى الثلاجة وممكن تضعيهم فى الفريزر فى عبوة بس ترتبيهم يعنى تحطى الواحدة مفرودة وفوقيها واحدة تانية وهكذا وتطلعيهم فى الوقت اللى يناسبك يعنى بعد يومين اوحتى اسبوع بس متسيبهوش اكتر من كدة


رابعا بعد كدة تطلعى البوفتيك من الثلاجة وطلعى منة بواقى البصل على قد ماتقدرى لانة هيكون اتشرب كل ماء البصل

بعد كدة اخلطى البيض كويس يعنى روبية وحطيلة حبة ملح صغيرة وحبة فلفل اسود وراعى انك حاطة ملح وفلفل فى البوفتيك

بعد كدة ضعى قطعة اللحمة فى البيض وطلعيهابعد كدة وضعيها فى خليط الدقيق والبقصماد يعنى غطيها من فوق ومن تحت

خامسا اخر خطوة وهى حمريهم فى الزيت ويكون غزير والحرارة تكون متوسطة واوعى يتحرق منك وطلعية من الزيت وضعية على ورق حتى يتشرب الزيت

واعملى معاة سلطة طحينة ومكرونة ويارب يعجبكم

>>>>> ردود الأعضـــــــــــــــــــاء على الموضوع <<<<<
==================================


واااااااااااااااو يجنن

كنتى صورتى لنا الطبق

بس والله روعه


يسلمو ايدك


__________________________________________________ __________

يممممم شكله لذيذ بس وين الصوره علشان نطبق ونتاكد انه صح تسلم دياتك تقبلي مروري


__________________________________________________ __________

ميرسى على ردكم لى بس انا بعتذر عن الصور لانى يدوب باتعلم اعمل مواضيع وهحاول اتعلم اضع الصورعلشان خاطركم بس يا ريت تجربوة لان طعمة حكاية واللة


__________________________________________________ __________

ميرسى على ردكم لى بس انا بعتذر عن الصور لانى يدوب باتعلم اعمل مواضيع وهحاول اتعلم اضع الصورعلشان خاطركم بس يا ريت تجربوة لان طعمة حكاية واللة


__________________________________________________ __________

يسلموووووووووو حياتي على الطرح المفيد في انتضار جديدك تقبلي مرووووووووووووووووري