عنوان الموضوع : صينيه التوست بالدجاج والصلصة البيضاء لذيذ
مقدم من طرف منتديات نساء الجزائر

صينيه التوست بالدجاج والصلصة البيضاء



المقادير: :205:
كيس خبز توست
حليب

للحشوه :
بصله مفرومه ناعم
دجاجه او باكيت صدور دجاج مسلوق ومفتت
جزره كبيره مبشوره او 3 صغار مبشورين
علبه مشروم مقطع شرائح
فلفل بارد مقطع مكعبات صغيره
شبت وكزبره مفرومين
عصير ليمونه صغيره
ملح وفلفل اسود وبهارات

للصلصه :205:
علبه جبنه بوك صغيره
1 قشطه
كاس حليب
علبه وحده مايونيز قودي صغير ( لحظه بس قبل لا تهونين ترى مو كثير لان الصينيه كبيره وبيتوزع وقودي خفيف ) ولازم قودي لاني لما غيرت المايونيز ما ضبط... مب تسوينها بغيره وعقب تقولين ماضبط هذا انا اقول لج لازم قودي...

الطريقة : :206:

الحشوة : في قليل من الزيت حمري البصل وضيفي له المشروم وخليه لين يذبل وضيفي الفلفل والجزر والدجاج وباقي مكونات الحشوه وعقب ما تنضج اعصري عليها عصير اليمونه وترى هالخطوة مهمه والله لا تنسين الليمونه ...
قطعي اطراف التوست وصفيه في صينيه التقديم وبللي اطرافه بالحليب بواسطه الملعقه
وزعي الحشوه فوق طبقه التوست وصفي فوقها طبقه ثانيه من التوست الي ازلتي اطرافه
اخلطي مكونات الصلصه وحطيها على الوجه ودخليها الفرن لين ما يحمر الوجه
وبالعافيه

أرجع اقول لازم ما يونيز قودي ولازم تعصرين ليمونه صغيره على الحشوة والله تفرق في الطعم كثيييييييييييييييير... وهذا سر الطبخه


لا تنسوووووووون الردود ....

>>>>> ردود الأعضـــــــــــــــــــاء على الموضوع <<<<<
==================================


تم النقل للقسم المناسب
يعطيك العافيه


__________________________________________________ __________



__________________________________________________ __________

تــســلــم يـــدك


__________________________________________________ __________

تسلم يدك شكلها لذيذة


__________________________________________________ __________

امممممممممممممممممم باين عليها شهية يسلموووووووووووووو