عنوان الموضوع : متشتريش لازانيا بعد النهارده :::: مع دودو المصرية هتعرفى ليه؟؟!!
مقدم من طرف منتديات نساء الجزائر

متشتريش لازانيا بعد النهارده :::: مع دودو المصرية هتعرفى ليه؟؟!!







اهلا يا بنات ازيكم ؟؟؟

يارب بالف سعاده

طبعا اللازنيا وجبه محببه عند اغلبنا ولا ايه؟؟

انا اشتريتها بس بصراحه اسعارها غاليه جدا يعنى مثلا ممكن تلاقي ال500 جرام ب20 جنيه او اكتر كمان

بصراحه انا مش عارفه هى ليه غاليه كده مع انها نوع من المكرونه عادى يعنى

متوجعوش دماغكم بكل ده انا عملت طريقه وطلعت زى اللى بنشتريها من برا بالظبط بالظبط نفس الطعم والقوام جربو وهتعرفو


يلا ابدا بسم الله

اولا لعمل العجينه

بصى العجينه سهله جدا بتتكون من 3 حجات بس
دقيق - بيض - ذره ملح
بالنسبه للمقدار

كل كوب دقيق له بيضه واحده
وبكده تعملى الكميه اللى انتى عاوزاها
انا عن نفسي عملت 2 كوب دقيق معاهم 2 بيضه ( عملو صينيه ممكن تكفى لاربع او ثلاث اشخاص)

الطريقه انتى بتعجنى المكونات مع بعض لحد ما تتكون عندك عجينه متماسكه متجانسه غير لزجه ( بتكون جامده شويه)

وبعدين هنكمل بالصور

اقسمى العجينه لقسمين او 3





ابدأى بفرد القطع لحد ما تصبح رقيقة مع رش الدقيق اسفل واعلى العجينه يعنى تبقي بسماكه حوالى2 مم







بعد فردها نقطعها بتكون القطعه عرضها بعرض 4 اصابع اليد تقريبا







رصي الشرائح فوق بعض مع وضع كميه كافيه من الدقيق بينهم حتى تمنع التصاقهم






ابدائى بسلق الشرائح فى ماء مغلى به ملح وزيت
العجينه بتنضج بسرعه بعد حوالى نصف دقيقه من وضعها فى الماء المغلى
(ضعى فقط 2 الى 3 شرائح فقط فى الماء حتى لا يلتصقو)










بعد ما تصفيهم ضعيهم على صينيه حتى تنتهى من سلق كل المقدار











وبتكون عندك اللازانيا جاهزة لترصيها فى الصينيه وتضعى فوقها اللحم المعصج والبشاميل( ملحوظه انا ما استخدمت بشاميل )
حطيت بين الطبقات لحم مفروم معصج وجبنه موزاريلا كنوع من التغيير






واستمرى فى تكرار العمليه حتى تنتهى من كل المقدار ( انا وضعت على الوجه معلقتين قشطه مخففين بمعلقتين لبن ثم رشيت جنبه موزاريللا)
طبعا ممكن تستخدمى البشاميل عادى جداا











وادخليها الفرن مده عشره الى خمسه عشر دقيقه مع تحمير الوجه








وقطعيها وقدميها ساخنه ولذيذه

وخليكى فخوره قدام عيلتك انك عملتى احلى لازانيا فى الدنيا








ماتنسيش يا عسل لو الموضوع عجبك انك تقيميه

وكمان افتكرونى بالدعوات الحلوة لما تجربو وصفتى



واشوفكم فى وصفه جديده ان شاء الله

>>>>> ردود الأعضـــــــــــــــــــاء على الموضوع <<<<<
==================================


[IMG][/IMG]


__________________________________________________ __________

رح اكون فخورة قدام عائلتي اذا عملتها لاني اتعلمتها منك


الله يوفقك ويعطيك [...] الدعوة مفتوحة اطلبي الي بدك اممممممممممممين يا رب

احلى تقييم لعيونك


__________________________________________________ __________



__________________________________________________ __________

مشالله تبارك الله

الله يسلم الايادي


__________________________________________________ __________

والله خطـــــــــــيرة يادودو

فعلاً كأنها اللازانيا اللي بنشتريها جاهزة

فكـــــــرة جنااااان

تستحقي عليها أحلى تقييم

لأحلى دودو