متبل البادنجان والشاكرية وكيكة قشور البصل تفضلو معي .... -طبق رئيسي
عنوان الموضوع : متبل البادنجان والشاكرية وكيكة قشور البصل تفضلو معي .... -طبق رئيسي
مقدم من طرف منتديات نساء الجزائر
متبل البادنجان والشاكرية وكيكة قشور البصل تفضلو معي ....
السلام عليكم كيف الحال
اليوم حابة انزل هالموضع مشكل
فيه طبق
مقبلات وهو متبل الباذنجان بالخضرة
والطبق الرئيسي شاكرية
وطبق الحلو كيكة قشور البصل
تفضلو معي هالوصفات
طبق المتبل
المقادير :
2 حبة باذنجان
بقدونس
نعنع
بندورة
الطريقة بنجيب اول شي الباذنجان وبنشويه ع الغاز لحتى يستوي من جوه
[img][/img]
بعدين بنقشروممكن تحت المي مشنا ينظف كويس معنا وبكون شوي ساخن وبنفرمو بالسكين
[img][/img]
[img][/img]
وبنفرم بندورة بشكل صغير وبقدونس ناعم
وشوية نعنع
وبنخلطهم مع بعض وبنحط ليمون وملح وفي
انس بحطو شوي دبس رمان مشان يعطيه حموضه اكتر
وهيك بصير الطبق جاهز
[img][/img]
وهي انتهينا من الطبق الاول
نيجي للطبق التاني
الشاكرية يا سلاااااااااااام
الشاكرية اكلة سورية وبسوريا ما بيعملوها الا بلبن نعاج مشان يعطيها نكعتها المميزة
بس ما باليد حلية هلا صرنا نستخدم لبن البقر لانو ما عنا نعاج متوفر دايما
نيجي للمقادير:
لحمة مقطهة قطع وسط
لبن
نشا
بصل مقطع شرحات رفيعة
نعنع ناشف
كاري
بهارات
الطريقة
اول شي بنقلي اللحمة شوي ع الغاز وبعدين بنحط عليها البصل الشرحات بصلها كتير لانو هيك الشاكرية بدها بصل لحتى يدبل
بس ما يصير لونو ذهبي
لأ يضل ابيض متل هيك
[img]7[/img]
وبعدين بنحط المي مشان تكمل سلق اللحمة وبنحط عليها الملح والكاري وشوية بهارات مو كتير بس مشان النكهة
بعد ما تستوي اللحمة
بنحط بطنجرة لبن حوالي كوبين او ثلاث حسب الكمية التي ترغبي بها
ومعلقة نشا مشان ما يفرط اللبن لانو متل ما قلنا لازم لبن غنم اما البقر ممكن يفرط معك بالطبخ
فحطي النشا واحركيهم بالخفاقة
وشغلي الغاز وبلشي ضيفي شوي شوي من مرق اللحم
حتى يصير عندك الكثافة المطلوبة
الشكارية بتكون شوي سميكة بعد ما تطبخي اللبن
[img][/img]
بعد ما يغلي شوي حطي باقي اللحمة والبصل بعد ما تكوني شلتي مرقتهم الزايدة
واطبخيهم خمس دقايق
[img][/img]
وبنحط عليها شوية نعنع ناشف وبنقدمها
[img][/img]
وهاي الطبق
[img][/img]
واعتذر عن سوء التصوير
لانو كنت مستعجلة ابو الشباب بدو ياكل ههههههههه
طبق الحلو((كيكة قشور البصل))
المقادير:
المقادير:
مقادير الكيكة......ز
3 بيض مع فانيليا
كوب سكر
ربع كوب زيت
كوب حليب سايل
2 كوب دقيق
ملعقة كبيرة بكينج بودر
التوفي:
3 فنجان سكر نذوبهم على النار وبس يصير لونهم مثل الكراميل نضيف لهم علبة قشطة ونحرك
الكريم كراميل:
ظرف كريم كراميل يذوب على النار مع كاس ونصف حليب لحد مايغلي
3 او 4 رقايق بف باستري تحمريهم بالفرن وتفتتيهم
الطريقة :
طريقة الكيك:
نخلط البيض مع الفانيليا والسكر حتى تنفش ثم نضيف الحليب الزيت ونخفق
ثم الدقيق والبكينج بودر
ونخلط نصبهم في قالب واحد
زبعد ما تطلع من الفرن وتبرد نكون عملنا الكريم كراميل الساخن ونخرم الكيكة بالشوكة ونصب فوقها الكريم كراميل حتى تتشربه
[img][/img]
وبعدين ندهنهم بالتوفي ونكسر البف باستر عليهم
[img][/img]
[img][/img]
وهيك بتصير جاهزة
[img][/img]
[img][/img]
وطبعا الكيكة كتتتتتتتتتتتتتير زاكية ويمي يمي وهشة ولذيذة
شو رايكم بأكلاتي بتمنى تكون عجبتكم
وجربوها وما رح تندمو
واذا عجبتكم قيموني
>>>>> ردود الأعضـــــــــــــــــــاء على الموضوع <<<<<
==================================
أنا دخلت لأسبق مريومتي وآخذ المتبل اللذيذ والكيكة الهشة ههههههههههه.
ما شاء الله عليك ...صرت فنانة ...واحلى تقييم لك.
__________________________________________________ __________
السلام عليكم
يا عيني يا عيني على النشاط حتى مع قارورة العطر المكسرةو قدرتي تنزلي الموضوع خخخخخخخ
يعطيك الف الف عافي يا لولو العسل
اطبقا احسها سريعة و خفيفة و باين عليها لذيذة
اكثر شي شدني كيكة البصل ههههه اتاريها مزينة بالبف
تسلم ايديك
في انتضار جديدك
لم مني احلى تقييم بالنجوم
و النقاط
لعيونك العسل
__________________________________________________ __________
المشاركة الأصلية كتبت بواسطة dr bouchra 
أنا دخلت لأسبق مريومتي وآخذ المتبل اللذيذ والكيكة الهشة ههههههههههه.
ما شاء الله عليك ...صرت فنانة ...واحلى تقييم لك.
بشورتي هههه انا شفت ردكو شفت نقاط
قلت اسبقها لانها صائمةو حابا تخلي الرد حتى للافطار
اتاريكي عدلتي من ورايا هههههه
__________________________________________________ __________
بش بش
مريومة تسلمولي
والله بنصحكم تجربوها لانها اكلات خفيفة ولذيذة ومريومة الشاكرية سهلة ما بدها وقت كتير
ويسلمو ع التقييم
__________________________________________________ __________
تسلم يدك على الاطباق
نفسي اطبق الشاكرية واخاف ماتضبط معايا
رد مع اقتباس
