عنوان الموضوع : شوفو الغربه شو بتعلم...ليديا عاملتلكو ديك رومي بشهي من مطبخي
مقدم من طرف منتديات نساء الجزائر

شوفو الغربه شو بتعلم...ليديا عاملتلكو ديك رومي بشهي





السلام عليكم خواتي
معروف الديك الرومي بعملوه دائما في راس السنه يعني هي اكله راس السنه
انا جبتو قبل راس السنه باسبوع واعملنا لاني بحبو كتير انا وزوجي
وما اعملتو في اعيادهن يعني خالفتهن

هي اول مره بعملو بس طلع واااااو طعمتو رووووووووعه بكل معنى الكلمه


تابعو معي الطريقه بالتفصيل الممل
والي بعجبها ترد على الموضوع
والي ما بعجبها تنسحب خخخخخخخخ


اول شي بتجيبي الداند وبتنظفيه منيح منيح بليمون وطحين وملح وشوي خل لحتى يسير ابيض ابض وازا كان عليه باقي ريش بتشيليه لحتى ينظف

انا اخدت وزنو 3 كيلو يعني اصغر شي تقريباا

هاد الديك بعد التنظيف الجيد


بنجهز الخلطه للتبيل
وهي عباره عن
نص فنجان زيت زيتون
3 سنان توم
ومعلقه كبيره بهار بابريكا او تاندويه
ومعلقه كاري
ومعلقه فلفل اسود مطحون
و3 معالق لبن
وربع فنجان خل
ومعلقه ملح
واي اضافات تانيه بتحبي تضيفها من اعشاب وغيره يعني انتي وزوئك

هاي الخلطه


بنخلطهن منيح مع بعض لحتى يمتزجو


بنجيب الديك وبنفصل بحذر الجلد عن اللحم مشان ندخل الخلطه بالداخل


وفي السكين بنعمل ثقوب بنوزعها بشكل عشوائي لكن اهم شي ما تيجي بالجد يعني بس باللحم



بنبلش نحط الخلطه من الداخل اولا


ومن ثم من الخارج


حتى نكمل كامل الديك من فوق من تحت



وبترك الديك مده يوم كامل حتى يتشرب الخطه


وتاني يوووم
نيجي للحشوة
رح نحشي الديك بالفريك او بالررز
انا اخترت الفريك المطحون خشن
في طنجره صغيره بنضيف زيت زيتون وبصل لحتى يذبل البصل

وبنضيفله بعدين جزر مقطع صغير وبعدها بنضيف الفريك


وبعدين بنضيف الماء وملح وقليل من الفلفل الاسود ما في داعي لاي بهارات تانيه لانو الفريك الو طعم مميز ما حلو يروح طعمتو مع البهارات




لحتى تجف كل المي عنو بكون جهز
اسفه الصوره مو واضحه من البخار




بعدها بنقطع الخضار لقطع كبيره مشان ما تذوب بالفرن لانها رح تاخد وقت طويل وبنظيفلها قليل من زيت الزيتون وملح وفلفل اسود


هاي صوره الديك تاني يوم بعد ما اتشرب الخطه منيح


بنحشيه بالخطه الي اعملنها


وبنربطو بالخيط المطاطي الي بكون معها

ومع اعود خشب ازا احتجتي مشان ما تخرج الحشوة منو


اخر خطوات بنحضر كيس الشواء الخاص وبنحطو في صينيه
وبندخل الديك الرومي جواتو





وبنوزع الخضار داخل الكيس وحولين الديك


وبسكر الكيس بالمربط الخاص بيجي معووو



وبندخلو الفرن على حراره 200 درجه لمده 3 ساعات
لانو الديك ززنو 3 كيلو وكل كيلو بدو ساعه حتى يسوي


وبعد 3 ساااااااعااااااااات كات النتيجه







يحمر منيح داخل الكيس مو متل القصدير


وهاي صوره تانيه




وهاي سفره التقديم
اعملت جنو سلطه الخيار بالبن
وسوص الفطر بالكريمه الشهيييي

وفلفلت جنبو فريك





اتمنى يكون عجبكوووو بانتظار ارائكم حبيباتي

>>>>> ردود الأعضـــــــــــــــــــاء على الموضوع <<<<<
==================================


ممممممممم
شو شكله بشهي واكيد لاني اول رد رح يكون الديك كله الي (شو شريرة أنا)
يسلموا هالديات حبيبتي
واحلى تقييم لانك تستاهليه


__________________________________________________ __________

ماشاء الله عليك
شكله واااااااااو
واكيد الطعم رائع
سلمت يدك يارب


__________________________________________________ __________

ماشاء الله وااااااااااو عاشت الايادي اختي العزيزه بس حرمات الصور ما طلعت كولها بس الكتاب مبين من عنوانو عوافي


__________________________________________________ __________

ياعيني على هل الديك الحلو..

يعطيكي العافية حبيبتي ليديا

بس بدي اطلب منك انو تكتبي اسم المنتدى على الصور..لانو من قوانين القسم

واحلى شعار ونجوم لموضوعك ياقمر


__________________________________________________ __________


يمممممممممممممممم شو شكلو طيب