عنوان الموضوع : ازاى تكونى زوجه مثاليه وجوزك يعشقك عشق "" متجدد"" -لحياة سعيدة
مقدم من طرف منتديات نساء الجزائر

ازاى تكونى زوجه مثاليه وجوزك يعشقك عشق "" متجدد""







انا مش هطول فى مقدمات بس الكلام اللى هقوله ده كبير وانتى هتشوفى بنفسك يا حلوة
المرحله الاولى
بتاعة الصبح
1- اصحى الصبح قبل جوزك بشويه ... اغسلى وشك وخلى شكلك كويس كده مش بعماصك واتمضمضى بغسول بق حلو كده عشان يبقه ريحه نفسك حلوة :-)
2-روحى صحيه ( ازاى بقه تصحيه )........ روحى بالراحه كده ملسى على شعره ( بالراحه ها؟ ) مش تروحى خابطاه فى راسه تبطحيهاله :-)))))))
3-بوسى راسه وانتى بتقوليله بصوت هادى وناعم كده ( صباح الخير يا عمرى ) ( يللا اصحى هتتاخر) هيروح مفتح عينه ويقولك صباح النور
4- اقعدى جنبه كده على السرير وخديه فى حضنك وقوليله ( حبيبى انا حضرتلك الفطار يللا قوم خد دوش بسرعه عشان تلحق تفطر يا روحى )
5-هايقوم ياخد دوش تقومى حضرتك تكونى مستياه وتحسسيه بالاهتمام كده وانك كل همك تريحيه وانك واقفه على طولك مستنياه يطلع عشان تقطريه
6-اول لما يخرج متنسيش تقوليله نعيما يا حبيبى .. حمام الهنا ..كده يعنى
7- اهم خطوة
لازم هدومه كلها تبقه نظيفه ومكويه بحيث ان الهدوم اللة تعجبه وتكبر فى راسه يلبسها يلاقيها نظيفه ومكوية
وطبعا الشرابات ( ااااااااااااااه من الشرابات عاملالى ازمة :-) ) لاوم تكون كل الشرابات بتاعته فردتين مش يختار شراب يلاقيه فرده واحده وتفضلى تدورى عليها لحد ما يزهق وينزل من غير شراب اصلا :-)
8- مفيش مانع تختاريله انتى الهدوم بس اذا هوه بيحب كده ... وانتى تروحى تختاريله برفيوم وتحطيهوله بنفسك وحاولى تحرصى انك تحسسيه انك كل همك انه ينزل عريس من البيت
مش تخافى من انه يتعاكس ولا ثقته فى نفسه تزيد فا يعاكس هوه ........ لأ خليكى واثقه فى نفسك وفى جوزك حبيبك
واسمعى كلامى هتكسبى
9- خلاص هوه لبس واتقمع وبقه على سنجة عشرة فكريه بالموبايل لا ينساه والنظارة الشمس والمفاتيح
10-ويا سلام بقه لو قبل ما يلبس الجاكيت تكونى محضرة ورقه وتكتبى فيها ( بحبك .. وحشتنى.. مشتاقالك ... محتاجالك ......... كده يعنى ) بحيث فى اى وقت يحط ايده فى جيبه يلاقيها ويقراها واكيد هيتبسط مووووووووووووووز
11-خلاص هوه نازل تكونى واقفاله على الباب تبوسيه وتحضنيه وتقوليله هتوحشنى اوى يا غالى ... وتقوليله خلى بالك على نفسك ....... واختميها بلا اله الا الله
12- استنى لسه مش تدخلى تنامى يا خميرة لأ .... يا سلام لو تقفى تشاوريله من الشباك او البلكونه لحد ما العربيه تغيب عن نظرك
وكل ده عشان يحس جوزك انك روحك فيه كل همك راحته ونه همك وشغلك الشاغل هوه وبس

ودى بقه كانت المرحله الاولى بتاعه الصبح
اللى عايزانى اكمل تقولى وتشجعنى كده عشان نكمل باقى اليوم

>>>>> ردود الأعضـــــــــــــــــــاء على الموضوع <<<<<
==================================


ولله كلامك كثيييييير سلس وبصييييييييييط مشكورة حبيبتي فالنتظار القادم والاجمل


__________________________________________________ __________


ههههههههه إيه الحلاوة دي







بأسلوب عسل زي ده أكيد حنستنى الباقي



.


__________________________________________________ __________

المشاركة الأصلية كتبت بواسطة amiraty
ولله كلامك كثيييييير سلس وبصييييييييييط مشكورة حبيبتي فالنتظار القادم والاجمل

شكرا حبيبتى على تشريفك نورتينى


__________________________________________________ __________

المشاركة الأصلية كتبت بواسطة special lady 1

ههههههههه إيه الحلاوة دي







بأسلوب عسل زي ده أكيد حنستنى الباقي



.

شكران حبيتى على تشريفك فى صفحتى شرفتينى


__________________________________________________ __________

يللا خلينا نكمل المرحله التانيه بعد ما جوزك بينزل

بصو بقه من غير ما نضحك على بعض

اغلبنا بننام بعدها على الاقل لحد 11 ، 12 كده ، انا عن نفسى بنم لحد العصر
يللا هقولهم فى خطوات احسن بدل ما يكون الكلام كده سايح على بعضه
1- اصحى من النوم براحتك اول حاجه تعمليها تروقى القوضه وتغيرى الملايه وتحطى المفرش وتطبقى الهدوم وتعلقيها وكده يعنى
2-وبعدين تطلعى على الليفنج والريسبشن امسحى وظبطى التظابيط
3- ادخلى بقه على المطبخ
اغسلى المواعين والبوتاجاز وابدأى بقه اعملى الاكل
4-خلصتى الاكل ؟
طيب مثلا هتكون الساعه دخلت على 3 كده لو عندك اولاد ( زى ما كتير منكو طلبو اتكلم عنهم ) ( مع انى متفرغه زى مانتو عارفين )
انزلى هاتيهم من المدرسه او هايجو هما من المدرسه لوحدهم زى الشطار ..... ولو عندك بيبى عادى بقه اكيد انتو بتعرفو تتعاملو معاه اكتر منى
المهم اقفى مع ولادك يغيروا ويدخوا يتشطفوا كده عشان تاكليهم .. حضرى الغدا اكليهم واتغدوا سوا
5-بعد كده على ما يغسلو ايديهم ويلعبو شويه انتى تكونى غسلتى طبقين الاكل وتعلقى هدومهم.
6-تجيبيهم يقعدوا يحكولك عملوا ايه فى المدرسه ويقولولك على الواجبات بتاعتهم وتحليها معاهم وكل شويه تقومى تعمليلهم سندويتشين كده
على كوبايه عصير فريش وفى الاخر تكافئيهم بانك تديهم شيكولاته او حاجه حلوة يعنى اصلى ناويه اعمل كده مع اولادى ان شاء الله بس انتوا ادعولى
7-خلصتى كده خلاص اللى وراكى والعيال بيلعبوا .......
8- (ده اللى عندها عيال واللى معندهاش تكمل بعد النقطه 4 ) بعد ما تخلص الاكل يعنى تقعد على النت شويه معانا او تتفرج على التليفزيون
كده يعنى
شويه فسحه ليكى
9-( النقطه دى للى عندها اولاد اللى معندهاش متقراهاش زيى كده
قومى بقه اعملى العشا وعشى الاولاد ونيميهم بدرى بدرى وده طبعا عشان المدرسه الصبح وعشان تفضى انتى بقه لجوزك خلينا صرحه
10-روحى خدى دوش والبسيلك قميص او بيجامه حلوة كده برفيوم وتسريحه سمبل غير الكحكة والنبى
11-عطرى الشقه كده وهدى الانوار لان جوزك جاى قرفان من الطريق والزحمه والصوت العالى والدوشه
12- اسمعيه وهوه طالع وطبعا كل واحده فينا بتسمع صوت جوزها على السلم استنيه على الباب واستقبليه بلهفه
13- ولو لاقيتيه جايب حاجه معاه خديها منه على طول وقوليله حمدالله على سلامتك حبيبى ... وحشتنى اوى ... البيت بيبقه مفيهوش روح طول مانت مش فيه
14- ادخلى معاه القوضه قلعيه الشوز والشراب وساعديه فى قلع باقى هدومه وتروحى تدخليه ياخد دوش كده
وتكونى محضراله الباشكير وهدومه طبعا عشان ما يستهواش
15- على ما هوه ياخد الدوش تكونى انتى بتسخنى الاكل وحضريله العشا على السفرة او حتى على الطابليه
16-هيخرج يلبس ويجى يتعشى اوعى تتكلمى عن اى مشكله وهوه بياكل ابداااااااااا بس اساليه كان يومك ازاى النهارده او احكيله اى خبر سمعتيه فى التليفزيون
اى كلام يسليكوا على الاكل ما عدا الكلام اللى يسد النفس
17 -........
خلاص قربت اخلص فاضل كام واحده
اللى عايزه تعرف الباقى تقولى اكمل وشويه تشجيع بقه