فاعليات حملة حور الدنيا -مجابة
عنوان الموضوع : فاعليات حملة حور الدنيا -مجابة
مقدم من طرف منتديات نساء الجزائر
فاعليات حملة حور الدنيا
الســـــــــــــــــــــــــــــــــلام عليــــــــــــــــــــــــــكم
اولى فاعليات الحملة
كلنا انت وانا
سنجلس فى جو هادى ورايق
هتعملى ايه ؟؟؟؟؟؟؟؟؟؟؟؟
ستجلسى مع نفسك فى هدوء وفى حجرة وحدك
خذى معك الاجندة او النوت بوك " هتسميه رفيقى فى النجاح "
هتكتبى وكلك امل انك قادرة تحققى
هتكتبى كل اللى نفسك فيه كل طموحاتك ورغاباتت
وكلك ثقة ان الله المعين هيعينك تحققى
هتكتبى بلا قيود وبلا حدود
ستسجلى فيه :_
اكتر ثلاثين امنية نفسك تحققيها
مثال نفسى اعمل حملة نظافة وتجديد لبيتى
اكتر تلاتين حاجة نفسك تشتريها
مثال عايزة اشترى اى باد لبنتى
اكتر تلاتين حاجة تحلمى تكونى عليها
ابهر زوجى واكون زوجة بمعنى الكلمة
.........
كتبتى كل اللى نفسك فيه
اختارى اكتر اربع اهداف انت ترغبى حدديها بصيغة اكتر تحديد
ومتخفيش من شئ انت تقدرى
انت تستحقى
انــــــــــت تستـــــــــــــــــهـــــــــــــلى الافـــــــــــضـــــــــــل
واجــــــــــــــــــــــــــــــــب اليــــــــــــــــــــــــــــــــوم
اللى هتسجليه هنا فى الصفحة
هنحدد اهدافنا
ااهدافنا لابد ان تكون واقعية وطموحة ومحددة
تحديدك لهدفك بداية الطريق للوصول لتحقيق الهدف
هتخاترى من الاجندة رفيقتك فى النجاح اكتر اربع اهداف لكى تنفذيها فى خلال شهر رمضان
هتحددى الاهداف بشكل واضح ودقيق التى تنمنى ان نحققها خلال شهر رمضان
على سبيل المثال انا اهدافى
سانزل من وزنى 8 كيلو
ساحفظ جذء من القران
ساجدد ركن فى منزلى
ساوجه اولادى بهدوء وبلا عصبية
فـــــــــــــــــــى انتـــــــــــــــــــــــظار واجبـــــــــــــــاتــكــم
:g[108]
.....
>>>>> ردود الأعضـــــــــــــــــــاء على الموضوع <<<<<
==================================
اجراء مهم
عدد المشاركات تقريبا 25 عضوة
هنكون خمس مجموعات" جروب "
كل مجموعة خمس عضوات
التحدى بين الخمس جروبات
وهيختاروا بينهم قائدة للجروب الافضلية للاكثر تواجد والاكثر عدد مشاركات
كل جروب هيحدد اسم الجروب
ملحوظة الواجبات تقدم على يومين على الاكتر من تاريخ نزول الواجب
الافضليه للعضوات المشاركات
يلا منــــــــــــــــــــافـــــــــســــــــــــة
__________________________________________________ __________
آلسسلـآمُ عَلييْكمْ وَرححْمَةةْ آللهْ تَعآلَىْ وبَرَكآتهْ
...
هذة المشاركة على هامش فاعليات الحملة ......... حتى نتفرغ فى رمضان
مشاركة هامة لمن حلت الواجب
عندما ياتينا ضيف لابد ان نستعد له كما ينبغى
احلى اطقم الضيافة
احلى التقديمات
اللبس الجميل
العطر يملا المكان
واحلى ضيف خفيف بننتظره كل سنه بيجالسنا احلى تلاتين يوم وليله
الضيف هو " شهر الخير والغفران "
رمــــــــــــــضـــــــــــــــــــــــــان
فلا بد ان نستقبله كما يليق
اولى الاستعداادت
تنظيييييييييييييييييييييييييييييييييف
سننظف البيت تنظيف عميق حتى لا ننشغل خلال الشهر عن اهدافنا ولا عبادتنا
جهزى العدة ويلا
هنقسم البيت على اسبوع
كل حجرة لها يوم
تنظيف الادراج وتريتيبها وترتيب الدواليب وصف الملابس
غسيل الستائر وشفط التراب من الكنب والكراسى والمراتب
تلميع الزجاج والخشب
تزعيف الحيطان وشفط التراب من السجاد واخيرا التلميع الارضيات
يوم المطبخ
جرد المطبخ والخزين
تظيف الدولاليب وتلميع الخشب والرخام
تلميع الحيطان
المداومة علي الاذكار قبل النوم بقولك سبحان الله (33) , الحمد لله (33), الله أكبر (34) ,
فهى خير من الخادم كما ورد فى الحديث الصحيح
عمل المفرزنات
لحم مفروم عصاج فى علبه
طماطم مسبك فى علبة
سمبوسك وجاهز للتحمير فى علبه
المحشى والممبار فى علبه
دجاج متبل فى علبه
كفتة جاهزة ومصبعة جاهزة على التحمير فى علبه
وفواكه مفرزنه حسب رغبتك كل صنف علبه
واللى تحبى تذيدى حسب رغبتك
كل دة لا بد تخلصيه قبل رمضان
من الان نبدا العمل هتعملى جدول لنفسك شغل البيت التقليدى طبخ وتنظيف
وتعملى لنفسك 4 ساعات تنظيف لحجرة واحدة فى اليوم
وساعة للمفرزنات
ولا تنسى الدعاء
اللهم اني ابرأ بحولي وقوتي الي حولك وقوتك فانه لا حول ولا قوة الا بك
__________________________________________________ __________
طبعا مع رمضان الكل بيكون فرحان
بنعبر عن فرحتنا باستعدادت بسيطة لرمضان
هنشترى ايه ؟؟؟؟؟
يلا بنات
شوبنج
هنركز ونكتب فى رفيق النجاح ؟؟
هنشترى ايه وهنشتريه لمين ؟؟
هنحدد مشتروات للبيت
1- مسلتزمات
طقم عشاء جديد وبسيط
صوانى تقديم جديدة
اطقم شربات جديدة للعصير والخشاف
اجهزة او اوانى جديدة
مفرش سفرة جديد
ملايات وبيضات جديدة
2- ديكورات رمضانيه
فوانيس ومباخرة جديدة زينة وومفارش خيمية
وزينات وهنعرف نعمل مع بعض ديكورات رمضانية بسيطة وسهله
لوازم شخصية
لزوجى واولادى ولى
جلباب ابيض لزوجى واسدلات صلاه لى وللبنات
وسبح
عبايات استقبال
هدايا وتوزيعات على الاهل والجيران
مسابح وكتيب اذكار وخاتم التسبيح توله عطر حلوى وتمر للطفال وفوانيس صغيره
....
__________________________________________________ __________
كـــــــــــــــــــــــــل عــــــــــــــــــــــــام وانـــــــــــــــتـــــــم بخــــــيــــــــــــــــــــر
زينة رمضان المنزليه
كيف نحضرها
............
زيّني البيت بفوانيس رمضان
الفوانيس هي أكتر حاجة بتميّز احتفالات الشهر الكريم، ومهما كبرنا بتفضل فرحتنا بالفانوس ما تتوصفش، جرّبي معانا تعملي في بيتك فرع من الفوانيس.
الأدوات:
15 فانوس صغير
بكرة خيط دبارة
دبابيس مكتب أو أي مادة لاصقة
الطريقة:
1- هاتي كل فانوس واربطيه في الخيط بحيث إنك تكوّني حبل طويل نازل منه الفوانيس.
2- ثبّتي طرفي الخيط بالدبابيس أو المادة اللاصقة على المكان اللي عاوزة تعلقيه فيه، وعلى الأغلب بيكون في غرفة السفرة أو في البلكونة.
3- شغّلي الفوانيس قبل أذان المغرب، علشان تحصلي على شكل جمالي رائع.
قماش الخيامية لتزيين المنزل
قماش الخيامية أول ما بنشوفه على طول بنفتكر رمضان والقعدات الشرقي المصرية الجميلة، والفكرة اللي هنقدّمها بسيطة جدا، وبتدّي لبيتك جو شرقي رائع، ويا سلام مع المبخرة وفيها عطور المسك والعنبر، بيتك هيبقى ولا أروع.
الأدوات:
متر قماش خيامية
بكرة خيط دبارة
دباسة
مقص
دبابيس مكتب أو أي مادة لاصقة
الطريقة:
1- هاتي القماش وابدئي قصّيه على شكل مثلثات متساوية.
2- لفّي المثلثات على الخيط، بحيث إن قاعدة المثلث تكون ملفوفة على الخيط، ويبقى طرفه نازل من الخيط (مثلث مقلوب)، وتدبسيه بالدباسة، وهكذا.
3- هتلاقي نفسك عملتي فرع كبير من مثلثات الزينة، علّقيها في المكان اللي تختاريه باستخدام الدبابيس أو اللاصق.
سجادة صلاة بقماش الخيامية
الأدوات:
متر قماش خيامية
متر عقدة سجادة
إبرة وخيط
الطريقة:
1- قصي القماش على شكل سجادة الصلاة أو ودّيه عند الترزي يقصّه.
2- هاتي عقدة السجادة وخيّطيها في أطراف القماش، وبكده تكوني عملتي سجادة صلاة رمضانية من صنع إيدك.
3- تقدري كمان تعلقي السجادة على الحائط كأنها لوحة علشان تدّي شكل شرقي لحجرتك.
فكرة تانية:
ممكن تستخدمي كمية أكبر من القماش وتعملي بيها خُداديات تزيّني بيها الصالون أو غرفة المعيشة، وكمان ممكن تعمليها مفرش للسفرة.
شوية أفكار ع الماشي:
1- جرّبي تزيّني البيت كمان بالفازات اللي ليها أشكال خاصة برمضان زي الهلال والنجوم والفوانيس.
2- خلّي أطفالك يشاركوا فرحة رمضان بإنك تستخدمي الورق والكرتون وتخليهم يعملوا أشكال هلال أو فوانيس وتلوّنوها مع بعض، ويستخدموها بعد كده في تزيين غرفتهم.
3- ضيفي لبيتك رائحة شرقية باستخدامك للمبخرة بعطور المسك والعنبر، وممكن تستخدمي الإبريق الفضة أو النحاس كبديل للفازات في تزيين السفرة.
..
__________________________________________________ __________
انهاردة ايوم يوم فى رمضان
واول يوم لينا فى التحدى
اهلا بكم سيداتى ملكات واميرات التحدي ..
بتسالونى هنتحدى مين ؟؟؟................هنتحدى مين ؟؟؟؟؟؟
هنتحدى نفسنا .....هنتحدى التسويف .... هنتحدى الاى شئ يعوقنا
هنفتح قلبنا وهنفتع عقلنا
اهلا بالنجاح ..
اهلا بتحقيق الاحلام
مع اول خطوة لينا في عالم الانجاز و النجاح
تفتكروا نعمل ايه ؟؟؟؟؟؟؟؟؟؟؟؟؟
اولا نخلص النية لله سبحانه وتعالى ان حياتنا كلها لله
واننا نسعى لتحسينها بكل ما نستطيع لنكون نعم العبد الصالح
وتاني حاجة
نصلــــــــــــــــي ركعتين لله ونطلب منه التوفيق
لان الخير كله بيد الله والفضل كله من الله والنجاح كله عند الله
و بعدها نتفق على مبادئنا وهي
1 - الله سبحانه وتعالى خلقنا لغاية مهمة
وبالتالي لازم يكون عندنا رسالة في الحياة و ما تكونش حياتنا
مجرد ايام بنعيشها وخلاص .. لا ابسيلوتلي .. عاوزينها اروع حياة
لنفسنا ولديننا وللجنة حلمنا الاعظم الجنــــــــــــــــــــة
2- هنتبني اعتقاد حللللللو اوي
هنعتقد ان الكون كله يتآمر لصالحنا ولسعادتنا وفعل الخير لنا
3- هنحذف من قاموس حياتنا الاتي
كلمة مستحيل
المقارنة بالغير
اللوم والعتاب
النقد
التسويف
اليأس
الكلام السلبي
4- هنعاهد ربنا اولا ونعاهد بعض ثانيا على الالتزام بقدر ما نستطيع
نيجي على نفسنا شوية لان كل نجاح وكل انجاز له تمن
ولازم نكون مستعدين ندفع التمن
5 - هنلتزم باذن الله بالمبدأ الياباني الشهير وسر المعجزة اليابانية
( كايزن ) تحسن بمقدار قليل جدا في كل جوانب حياتنا بشرط انه يكون
تحسن مستمر ولا نهائي يعنى ايه
كايزن يعنى نحسن نفسنا ببطء لكن بشكل مستمر
او وحدة وحدة شئ بيسط لكن بالتزام واستمرار
6- هنلتزم باذن الله بمبدأ ( الامتياز )
كوني ممتازي في اي حاجة تعمليها واعمليها على احسن واتم وجه
مهما كانت الحاجة دي بسيطة زي عمل كوباية شاي مثلا
وقيسي على كلللللللللل حياتك
تميـــــــــــــــــــزي
اياكي والعادي .. الناس العادي كتيييييير .. لكن المتميزين قليلين اوي
متميزة مثلى كدة <<<
7- الورقة و القلم هم اهم اصدقاء رحلة النجاح
انسي الاحلام ال في الهوا بتاعة زمان
اشتري نوتة او دفتر صغير بلون جذاب ومميز
وقلم بخط رائع واكتبي على الدفتر
صديقي في النجاح
8 - الاصرار والنفس الطويل
طولة البال تهد الجبال
ذرة رمل صنعت جبل ونقطة مطر كسرت جبل
لا تستسلمي
ابدا ابدا ابدا ابدا ابدا
حزار بزار
9 - سجل الانتصارات والنجاحات
وده كشكول امور هنكتب فيه كل انجاز نحققه مهما كان صغير
او حتى متناهي في الصغر
10- الجائـــــــــــــــــــــــزة"هامة جدا "
فكري في مكافأة رائعة تهادي بيها نفسك
لما تنجز وتحقق التحديات
ولازم يكون شي بتحبيه جدا و بيمثل حافز قوي ليكي
واخيرا
الواجـــــــــــــــــــــــــــــــــب
التزمي بالواجب مهما حصل ومهما كانت الظروف
لان ال بينفذ فقد هو ال بينجح وينجز ويحقق الاحلام
اتفقنا يا قمراتي
مين معانا
ومين رجع في كلامه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الواجب تبدائ خطوات عمليه فى التنفيذ لاهدافك اللى وضعتيها لنفسك
رد مع اقتباس
