نفسى زوجى يبقى رومانسى.. -مجابة

[aksachli]

عنوان الموضوع : نفسى زوجى يبقى رومانسى.. -مجابة
مقدم من طرف منتديات نساء الجزائر

نفسى زوجى يبقى رومانسى..








لو زوجة بتتفرج على فيلم او مسلسل تركى وهى شايفه اسلوب معاملةالراجل لحبيبته او زوجته

طبعا كتير مننا بينها وبين نفسها تقارن وتقول فى بالها:

ياسلالالالالالالالالام لو جوزى يبقى رومانسى كده

وتقول لنفسها :زوجى فى كل حاجه حلوه بس ناقصه الرومانسيه دى
و تفتكر ايام الخطوبه وتقول راح فين الحب ده كله ؟؟؟؟؟
ماكنت اعرف ان الجواز بيقتل الحب كده؟؟؟؟؟؟؟؟؟؟؟؟

مهلاااااااا انتى وهى

حب ايه الى اتقتل لاقدر الله؟؟؟؟؟
ومين قالك اصلا ان الرومانسيه بتاعه الافلام والمسلسلات دى هى الحب فعلا؟؟؟؟؟
ومين قالك ان الراجل بيقبى ايام الخطوبه شئ وبعد الجواز بيقبى شئ تانى؟؟؟؟


لازم تعرفى ان الرومانسيه واللهفه والشوق اللى كانت فى الراجل ايام الخطوبه ظاهره دى بتحركها حاجه واحده بس
عارفه ايه هى ....

الرغبه الجنسيه

نعم...الرغبة الجنسيه...


الراجل لما بيحب واحده اول حاجه بيفكر فيها هوالجنس

طبعا هو مش اختارك عشان كده بس
انتى عاجبتيه من ناحية النسب والشكل والاهل والحاجات دى كلها بس انا بتكلم عن اللهفه الى بتكون موجوده ايام الخطوبه وبتختفى تقريبا بعد الجواز

اللهفه دى ورغبته فيكى هى الى بتحركه وتخليه رومانسى ويقعد يدلع فيكى و وردة حمرا و دبدوب ابيض و ازازة برفيوم و كلام ناعم ونظرات رومانسيه

وكل مايحبك اكتر ويتعود عليكى تزداد الرغبه دى عنده فتزداد الرومانسيه اكتر

اول مايتجوز الرغبه دى بتتشبع عنده خلاص وعارف انه وقت لمايشتاقلك حيلاقيكى قدامه
فبيبدا بقى يظهر الحب الحقيقى الى بعد الجواز

احب اقولك ان الحب الحقيقى تدورى عليه بعد الجواز مش ايا م الخطوبه
الحب الحقيقى بيقبى اغلبه افعال مش كلام
لما يفسحك فسحه جميله...ده حب
لما تلاقيه قلقان عليكى لما تتاخرى...ده حب
لما تلاقيه بيشتريلك حاجه نقصاكى ...ده حب
لما تلاقيه يشيل البيت وانت تعبانه ...ده حب
لما يقعد يحكى معاكى فى امور الحياة ...ده حب
لما يشتكيلك من حاجه تعباه ومضايقاه ....ده حب
لما تلاقيه بيشكر فى طبيخك ...ده حب
لما يعامل اهلك كويس ...ده حب
حاجات كتير اوى الستات مابتقباش شايفاها
وتحس ان جوزها راجل قلبه قاسى ومعندهوش عواطف ومش حاسس بمشاعرها

اوعى تصدقى شغل الافلام العربى بتاعتنا ده ..
هى دى سنه الحياة

لازم نقدر المشاكل والاعباء اللى على الراجل...
هو مش مطالب كل شويه يجى ويقولك انا بحبك ويقعد يسبل فى عينيكى

ومش اول مايجى يوم عيد ميلادك وينساه....تعمليها مصيبه ومشكله
.واتحداكى لو هو اصلا يبقبى فاكر النهارده كام فى الشهر
مادام انتى شطوره كده وبتحفظى التواريخ
اعمليها مفاجاه...واى يوم مناسبه ليكم او حتى عيد ميلادك...اعمليها مفاجاة له..واسعديه
هتلاقيه مبسوط ويقولك كل سنه وانتى طيبه ياحياتى اسف والله نسيت
قولي له: ولا يهمك ياحبى المهم ان عيد ميلادى كل سنه تكون معى دى عندى بالدنيا ومافيها

الحاجات دى صدقينى هى الى بتكبر الست فى عيون جوزها ويقوى حبه ليها

لا تحسسى جوزك انه مقصر معاكى وناقصك حاجه مهمه ومش سعيده فى حياتك
وكل شويه تحطيه فى اختبارات...ياترى هيفتكر عيد جوازنا
ياترى هيقولى سلامتك...ياترى هيقولى وحشتينى

....عيشى حياتك واتبسطى وماتشغليش دماغك بالرومانسيه ....خليها تيجى وقت ماتيجى بيقبى طعمها احلى بدل ماتقعدى مستنياها وموقفه حياتك وعلاقتك مع جوزك عليها

واوعى تخلى الشيطان يلعب فى دماغك لاسمح الله ويحسسك انك عايشه مع راجل مابيحسش وماعندهوش مشاعر
وتلاقى الشيطان يخليكى تدورى على المشاعر ويوقعك فى واحد يتعرف عليكى على النت ويقعد بقى يتغزل فيكى ويشتغل عليكى
وانتى تصدقيه وتقولى ياسلام لو كنت جوزى....

اوعى لنفسك ولا تغضبى ربك....ولا تحملى جوزك حمل فوق حمله وتنكدى عليه حياته وحياتك

واعرفى كويس ان فى فرق كبير بين حب العاشق الولهان المحروم لحبيبته من غير اى مسئوليه او هموم...وبين حب الزوج لزوجته اللى هى سكنه وبيته وام اولاده والى عنده مسئوليه كبيره تجاههم

واعرفى ان رسالتك فى الحياة اكبر من كده بكتير....

واحب اختم فى النهايه باحلى الكلام من قرءانا العظيم

بسم الله الرحمن الرحيم : " وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ " ‏
صدق الله العظيم

دمتك فى حب وسعادة وفى رعاية الله وحفظه


>>>>> ردود الأعضـــــــــــــــــــاء على الموضوع <<<<<
==================================

موضوه حلو

__________________________________________________ __________

المشاركة الأصلية كتبت بواسطة bassomaa لازم تعرفى ان الرومانسيه واللهفه والشوق اللى كانت فى الراجل ايام الخطوبه ظاهره دى بتحركها حاجه واحده بس عارفه ايه هى .... الرغبه الجنسيه نعم...الرغبة الجنسيه... الراجل لما بيحب واحده اول حاجه بيفكر فيها هوالجنس

و الله للحين اكتشفت يعني هذاك الحب كله عشاان .........
موضوع جميل
يسلموا

__________________________________________________ __________

ما شاء الله كلام جميل ومفيد
جزاكي الله خيرا وياريت طالبات الرومانسية يقروه

__________________________________________________ __________

كلام مفيد
من كثرت ماقرات عن المشاكل في المنتدي فكرت في موضوع مثله
جزاك الله خيرا
بس احنا لانشاهد افلام ولا مسلسلات الحمد لله اللهم ثبتنا علي الحق

__________________________________________________ __________

واله يابسمه مواضيعك رائعه أه ده كله ياولد ...بس كأني حاسك بتوقفي بصف الرجل إكتير ....يعني معك حق بالكلام بس إتعبير والحكي الحلو والمعاكسات منه كمان حلوه يعني مابدي حبه أفعال بدي حكي والله الحكي نص العلاقه الحميمه بين الزوجين....بس أنته ياولد كلامك رائع ....تسلمي