عنوان الموضوع : فقدت زوجي وابنائي الثلاث قبل العيدبيومين حياة زوجية
مقدم من طرف منتديات نساء الجزائر

فقدت زوجي وابنائي الثلاث قبل العيدبيومين






السلاام عليكم ورحمة الله وبركاته
خواتي حبيباتي
يوم الخميس كنت رايحه السوق مع زوجي
ونا في الطريق كنت اسمع برنامج بيوت مطمئنه
وارسلت وحده تقول
فقدت زوجي وابنائي الثلاث قبل العيد بيومين
وانا للان اتقطع من البكى والحزن واتمنى اني اموت والحقهم
وفي ذي الايام اتخيلهم وهم رايحين المدرسه وجايين منها
والله ماخليت دعاء ولاشي يخفف عني ماقلته
لكن والله مافيه شي يقدر ينسيني اياهم
هذي والله حالتي تعبت والله تعبت
واختتمتها بقول ادعولي
انا بكيت طوالي زوجي سكت واظنه حتى هو بكى

المستشار اللي في البرنامج صوته تغير والمذيع
وانا رحت افكر ورجعت ورا بحالي وقلت لو فقدت زوجي واولادي كلهم مثل هذي المسكينه وزادت دموعي
رسالتي يابنات لاتزعلون ازواجكم واستمتعوا باطفالكم لعبهم وشقاوتهم وسهرههم وتحملوا مايجيكم من رجاجيلكم كل وحده تحط نفسها بموقف ذي الحرمه الان وشوفوا وش تحسون به
اسال الله انه يصبرها ويرحم زوجها واولادها
ويعوضها بالجنه
والقصه الثانيه يرويها الزوج بنفسه
يقول احنا متزوجين من 4 سنوات وزوجتي ماتجيب عيال والاطباء قالوا زوجتك عقيم ومستحيل تحمل وكذبت عليها وعلى اهلها وقلت العيب مني مو منها
وبعد فتره فكرت اتزوج عليها ابي عيال وصارحتها وقالت الله يوفقك ولاشفت منها الا المعامله الزينه والدعاء
ورحنا ناخذ عمره واسمعها تدعي لي بالذريه الصالحه
ورجعناالفندق وعلى الفطور في رمضان رفعت ايدينها للسماء وهي تبكي ياااااااااارب ارزقه الاولاد من غيري ولاتحرمه
وقتها صارحتها ان العيب مو مني انه منها وحلفت اني مااتزوج عليها وقالت انا عارفه من اول ان العيب مني ويقول الشهر اللي بعده تعبت ووديتها وكشفت عليها الطبيبه وقالت زوجتك حااااااامل سبحان الله وقالت هي في الشهر الاول ويقول اخذتني على جنب وقالت ابقلك شي ماابي زوجتك تسمعه ولاتعلمهاالحين زوجتك عندها تواااااااااااااائم سبحان الله
رسالتي ..... لاشي صعب يابنات مع الدعاااااااء والصبر
والله يرزق كل محرومه

ولاتنسوني من صالح دعاااائكم بصلاح ذريتي ونفسي وزوجي
اختكم
امنية

>>>>> ردود الأعضـــــــــــــــــــاء على الموضوع <<<<<
==================================


ان لله و ان اليه راجعون

الله يصبرها


__________________________________________________ __________

لا حول ولا قوة الا بالله
الله يصبرها ويعظم اجرها
الله يجزاك خير اختي


__________________________________________________ __________

اشكركم منورين


__________________________________________________ __________

بارك الله فيك


__________________________________________________ __________

مشكورة حبيسبتي القصتين معبرتين