عنوان الموضوع : انا مريضه بالضغط ومعاد اتحمل الي يسويه زوجي واهله حياة اسرية
مقدم من طرف منتديات نساء الجزائر

انا مريضه بالضغط ومعاد اتحمل الي يسويه زوجي واهله






السلام عليكم ورحمه الله وبركاته
بنات انا مكرووووبه وفي هم مايعلمه الا الله

اول شيء بختصر لكم معاناتي مع زوجي واهله !!!
قبل اي شيء يجرى بيني وبين زوجي انا زوجي عطالي ومدمن اصدقاءه واعوذبالله هو يحشش ويسكر ومايصلي ولا فرض وانا كنت متحمله لعل يتحسن حاله !!!
هو لو يتعدل حاله صراحه مافي احلى من اخلاقه والله مايقول لي لا ولايحرمني من اهلي ولا من شيء ودي اسوي ، لكن كله يوافق عليه في حال ماتحمل مسؤوليه معي ،، يعني كأنه يقول من بعيد لبعيد سوي الي تبغيه
تزوجت من غير مهر هم ضحكوا على اهلي وقالوله نحن اصحاب وراح ندفع المهر لكنهم سحبوا
واخواني الكبار زهدوا فيني وما اشترطولي سكن شرعي والنتيجه لهاللحظه ساكنه مع اهله في شقه بغرفتي لحالي انا وابني
المهم اول 4 شهور زواج كانوا عمات زوجي يعاملوني بإحتقار كني شغاله وهالشيء كان يضايق زوجي لين جا اليوم الي سوى فيه معاهم مشكله كبيره والنتيجه طردي وطرده من البيت لكن بعد ماتسوت الأمور بقيوا اهله حاقدين علي ويتمنون طلاقي اليوم قبل بكره ويسووا اي شيء يطفشني من البيت ويهججني منه


عاد وانا نفاس عند اهلي اهل زوجي طيحوا بيني وبينه وهالشيء خلاه يكرهني ويخلي خواته يتصلون علي يقولولي زوجك يقول لك معاد يبغاك
هالكلام كان في رمضان

الله لايوريكم الكرب الي عشته ، الهموم والدموع الي شفتها ،، تخيلوا انا كنت الأب والأم لطفلي اول 3 شهور بحياته من المصاريف والأكل والشرب والتطعيم والختان و و كله لحالي وبكريه ما اعرف شيء والله حست والكل كان متخلي عني !!!

بقيت اتصل واتصل ع زوجي مده ال3 شهور هذه وانا اجري وراه ابغاه يرد واحلف له ان اهله افتروا علي وهو غلطان انه صدقهم وان لازم ارجع البيت خلاص انا مظلومه لكنه كان يطنشني

لين جا اليوم الي رد عليه فيه يوم دقيت من رقم غريب وقلت له ( انا وش وضعي لازم تحدد ))

بعدها اتصل وقال لي خلاص لمي عفشك وارجعي

ورجعت وياليتني مارجعت والله ندمانه اني رجعت قسم بالله معامله جدا جافه ،، من اهله الي ساكنه معاهم ومنه هو

اقسم بالله يعاملوني كأني شيطان ولا يهوديه ولا كأني قاتله لهم قتيل ــ يابنات بعمري ماشفت حقد وسواد قلب كذا يعني حتى ان صارت مشاكل كل بيت تصير فيه مشاكل لكن هذول ماينسووا ،،، ودي يتحسن الحال ويعاملوني زين ويعتبروني انسان لكنهم متجاهلين هالشيء ويعتبرون الشخص الي يحسن لي فيهم خاين ،، لذلك الجميع يتفنن بإحتقاري
اقسم بالله ان احد فيهم كلمني بطريقه حلوة او تواصل معي يحرررص علي اشد الحرص بقول ((( لاتقولي لأحد اني كلمتك ))) ليش بس ؟؟؟؟؟

ياكلون لحالهم ويشربون لحالهم وانا لحالي بغرفتي ع الساندوتشات

واكيد كل هذا وتسألون وين زوجها عنها ،،

والله العظيم من يوم رجعت له ماجلست انا وهو جلسه زوجين ،،، يصحى يخرج لأصحابه ويرجع ينام بسسس
ولو دخل مايسلم ولا يطل في وجهي بس يلعب مع الولد وينام

واحيانا ينام بره باليوم واليومين والأسبوع والأسبوعين !!!!

وان رحت عند اهلي فتره نقاهة اتنفس اشم هوا ابوي يقول لاتباتي عندنا باتي في بيتك !!!!

انا لحاااااااالي بغرفتي الحين زوجي مدري وينه من 4 ايام مختفي ومايرد ع الجوال وعارفه انه لو رجع وسألته وين كنت مايرد ابدااااااااااا !!!!!

اول امس طحت لحالي بالغرفه وضغطي نازل مرتين وولدي عمره 9 شهور يطالع فيني ويبكي مستغرب

تعبت وانا لحالي يابنات الشياطين والهواجس تتجمع في الإنسان وهو وحيد ،، واخاف اخرتي تكون انتحار بعد ماتلعب الشياطين في راسي وساعتها راح اخسر الآخره زي ماخسرت الدنيا !!!!!!

بنات شاوروا عليا اخذ دوره تجميل منها اعبي وقت الفراغ ومنها يصير عندي دخل واقدر اخرج بيت لحالي بنفسي بعيد عن منة احد بس والله العظيم مو لاقيه حتى سلف الدوره تكلف وزوجي عطال وماله شغل فيني

للأمانه ناس كثيره عرضت تساعدني لكن للحين لازالت عروض وانتظرها وانا اليوم يمر عليا وانا بهالوضع احسه سنين اقسم بالله

متنكده مووووت ومكروبه وربي شاهد ع كل حرف قلته اني صادقه !!!!!

تعبت من البكا والهم عمري 25 واحس صار فوووق 60 من الي اشوفه

تعبانه موت ادعولي والله العظيم اني في هم ماينلم

>>>>> ردود الأعضـــــــــــــــــــاء على الموضوع <<<<<
==================================


يوه الله يعينك ويفرج همك ياختي لو انا مكانك اطنشهم بستين داهيه اعتبري نفسك عايشه لحالك واستفيدي ياختي من وقتك انتي عندك فراغ وعندك وموهبه وزوجك مشغول ومحتاجه تخرجين من هالكابه وش تنتظرين ليش اخونك مايسلفونك الله يهديهم و يهدي زوجك ويسخره لكي يارب


__________________________________________________ __________

حبيبتي صبري عليه ما في غير الصبر وتركي اهله بحالهم ما لج دخل فيهم فقط خليج بزوجج
وحاول معاه بكل طريقة تكسبيه وسوي غرفتج مملكتج
وتوكلي على الله وعيشي لطفلك ترا محد يخن عليه مثلج والله اذا صار فيكي شي ترا يصير يتيم الاب والام خطيه


__________________________________________________ __________

الله يفرج كربك احيانا براايي يكون الصبر في غير محله مو مثاليه خصوصا على مثل هالاشكال اللي ماتستاهل وش جابرنك على مقابلهم مثل مايقول المثل (شصبرني على المر قال اللي امر منه)
لكن انما نشكو الى الله ......................
الله يسهل امرك ويفرج كربك بس كذا مايصير اذا اهلك بيعرفوا انو زوجك كذا وساكتين لازم تلقين حل وكل واحد يعرف اللي له وعليه وياليت اهله يعرفوا ان الدنيا دوراه ............
والله ارحم بك من كل بشر اتمنى تطمنينا على حالكـ وبالتوفيق لكي ....!!!


__________________________________________________ __________

رددي اللهم اني مغلوب فانتصر حسبي الله ونعم الوكيييل ووووين حنا عايشين وووين والله قهرتيني والله الله يشغلهم باانفسهم اختي عليك بصلاة الليل ودعاء الليل ادعي وادعي والله راح تشوفين العجب اسالي مجرب صلاة اللليل نجتني من كروووب كثيره والله ماراح يخيب رجائكي لانك مظلومه الاستغفار وينك عنه ويارب يفرج لك كربتك ولا ترفعين ظغطك ولاشي من المستفيد تقهرين نفسك انت الي بس تدهورين وهم بصحه وبعافيه انتبهي لصحتك علشان وليدك محتاج لك كثييير ويارررب فرج كرب المسلمات والللهم عليك بالظلامه انهم لايعجزونك استغفر اللله الذي لااله الا هو الحي القيوم واتوب اليه حسبنا اللله وكفى


__________________________________________________ __________

لا تحزن احمد. موجود