عنوان الموضوع : موضوع مضيق خلقي والله مانام من ضيقة الخلق ساعدوني تكفون -مجابة
مقدم من طرف منتديات نساء الجزائر

موضوع مضيق خلقي والله مانام من ضيقة الخلق ساعدوني تكفون






السلام عليكم
مالي بالمقدمات مابي أحط أعذار بايخه واكذب على نفسي بقول اللي بقلبي وانتم ان شاء الله تحسون فيني
يابنات زوجي جابرني اسافر مع أهله بس أنا مااستانس معاهم يضيق خلقي ابكي بالليل نفسيتي تتعب ماتعودت عليهم ابد وماامون عليهم**
والله حتى نفسيتي تتغير يضيق خلقي بقوه**
وش الأسباب لاتوجد اسباب كذا من الله ما ارتاح بالسفر معاهم حتى زوجي لما يسألني ليش تعتذرين كل ماطلبو أهلي تسافري معاهم أقوله والله أنا نفسي مدري ليش بس كذا نفسيا ما ارتاح ما أخذ راحتي
قالي فيه احد يضايقك قلت لا والله اهلك ما يقصرون ويحطوني فوق راسهم وماشفت منهم الا كل خير بس أنا كذا يضيق خلقي مدري ليش**
تخيلو قبل اسافر معهم كان مجرد مايقولي بسافر مع أهلي وانتي بتروحي معاي يضيق خلقي حتى الفكرة مااتقبلها متغطيه طول الرحله بسبب اخوه بالعشرينات والشقه أنام مع أخته وامه ما أخذ راحتي ابد هذا غير ان زوجي هو يسوق في أهله وأبوه مع ان له اخو يسافر معنا بنفس السيارة بالعشرينات بس هو يعتمد أبوه ع زوجي اكثر شي
بس قلت يا شيخه يمكنها وساوس شيطان جربي وسافري يمكن تتغير نظرتك وسافرت وطلع كله أسوء مماتخيلت وضاق خلقي جداً وماستانست ابد حتى اكل مااكل عجزت اتقبلهم بس ورآهم ورآهم مالي رأي احس كني شغاله وغريبة هذي تمزح مع أبوها وهذي تهاوش اخوها وهذي تقول ابي اروح المطعم الفلاني وانا مجرد غريبه مسافره معهم مالي حق ابدي رأيي وأساسا مااحس بالسفر معاهم انهم أهلي طباعهم غير وزوجي حبيبي ما أشوفه حتى النومه مانام معاه والله يضيق خلقي تكفون بنات كيف اقنع زوجي مااسافر بدون ماازعله او أزعل أهله ابي رأيكم
قلت الزوجي كل الكلام اللي فوق قال كلها اربع خمس ايام تحملي مااقدر أتحمل وماني مجبره أتحمل
ودي اجلس مع امي وخواتي بالإجازة**
افضلي من أني أجبر نفسي اسافر سفره ماني متقبلتها وعارفه نفسي ماراح انبسط
والله يابنات السفر يوم الأربعاء الجاي تخيلو تجيني ضيقه بصدري ووجع ابطني اذا تذكرتها والله نفسيتي زيرو وبس ابكي من ضيقة الخلق أخاف اسافر معاهم وأتعب عليهم لانه اعرف نفسي اذا رحت وهو ضايق خلقي بيلعب فيني القولون وبتصير بلاوي بالسفر

>>>>> ردود الأعضـــــــــــــــــــاء على الموضوع <<<<<
==================================


ياعمري والله حاسه فيك لكن حاولي تقنعينه او اي شي حااااولي بس لا تبينين انك ما تحبين اهله عشان مايزعل وضحي له بطريقه حلوه
انا اتمنى اروح اهلي اغير جو اتمنى تتفهم موقفي حبيبي وماتضغط علي والله انا ما اخد راحتي تعرف لو عمي وعمتي واختك كان ممكن لكن استحي من اخوك احس مايرتاح ولا انا ارتاح ,,
خليه مسكين يستانس وياخذ راحته اتمنى تنظر للموضوع من وجهة نظري


__________________________________________________ __________

عادي يااختي هذا ابنه الكبير لابد يوقف مع اهله والمفروض انتي تشجعيه على كذه .

وحاولي خلاص تعتبرين نفسك منهم وتتكلمين وليش ساكته كل الطريق

"عادي الكلام مو حرام"(الحرام التمايع في الكلام).

ومافيها شي اذا نمتي مع امه واخته عادي هذي كلها كم يوم وابترجعين له ( احسن علشان تشتاقون لبعض)

واذا رحتي عند اهلك مو نفس الشي ابتنامين بعيده عنه .

واعتبري اهله مثل اهلك ولاتحطين بينك وبينهم حاجز .

وادعي ان الله يحببك فيهم .

واعكسي كلامك كله "لو ان زوجك قاله لك في اهلك"

ولو ان اهله مايحبوك ماكانوا طلبوا منك تروحين معاهم .

تقبلي مروري بصدر رحب...


__________________________________________________ __________

انا مثلك ماانبسط بسفر اذ حدا معانا واحيانا اسافر مع اهله عشانه انت حاولي تتاقلمي مع اهله عشان شوي تنبسطي
ويعني اخرجوا من الشقه واتمشوا لوحدكم مو طول الوقت مع اهله
وخرجات مع اهله عادي يعني كذا وكذا


__________________________________________________ __________

ريم عيوني
حاولت اقنعه في اخوه قال بلى وساوس وأخوي عادي عنده
بس أنا مؤ عادي اكون متغطيه طول الطريق وأساسا ما ارتاح نفسيا معاهم ماتعودت عليهم وماامون عليهم مابي صراحه اسافر مغصوبه قبل ضغطت ع نفسي وسافرت عشان زوجي بس والله ما استأنست ابد بالعكس ضاق خلقي ماستانست ابد
شاطئ الذكريات
يا قلبي ام زوجي معودتنا حنا حريم عيالها ع الرسميه دايم رسميه معنا وماشاءالله أسلوبها نجح معنا وما عمره صار لها موقف مع ولا وحده منا بسبب رسميتها وعدم تدخلها في أمورنا كيف تبيني أمون عليها واعتبرها مثل أمي بعدين أهلي غير اهل زوجي اهل زوجي أحترمهم وأقدرهم واعرف وش حدودي وما اتجاوزها أهلي ربوني من وانا صغيره بنيتهم أمون عليهم ومزح معهم وتدلع عليهم مايشرهون علي لأني بنيتهم
مافيه اي وجه مقارنه يا قلبي بعدين اللي يصير غصبن عني يضيق خلقي بأسفار معهم وما ارتاح مع انهم والله يشهد طيبين وحبوبين بس أنا مدري ليش يضيق خلقي بس فيني الصيحة قسم بالله مدري ليش يصير فيني كذا عجزت ألقا تفسير
هند
صعبه نتمشي الوحدنا إحنا سافرنا سوا معاهم لازم مانتركهم مايصير ونطنشهم يمكن يزعلون يقولو وش دعوه طنشونا ومشكووره وماقصرتي


__________________________________________________ __________

على فكره أنا قلتله روح مع اهلك مؤ لازم اروح معاك يعني لاتحسبوني ابيه يجلس معاي لا كيفه يروح معاهم وانا عند اهلي